رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

ام عمرو معلش ياقمر اصل محمد لمابيعيط بضطر اقوم انتي عامله ايه وكتاكيتك عاملين ايه

السلام عليكم ورحمة الله وبركاته
ازيكم يا حلويييييييييين وحشتوووووووووووونى جدا
كل عام وانتم بخير بمناسبة العيد
ياااااارب يكون عيد سعيد علينا جميعا

hoobie;10265472:
ازيكم يا بناتيييت ..ميوي انا كمان جبت لبس العيد لمحمد بس شكاي هنزل اجيبله مقاس اكبر

بقولك يامي ..انا لحد دلوقتي مطعمتش محمد الhib وهو هيتم الشهر 6 بعد شهر ونص..تفتكري ينفع اطعمهوله بعد مايتم ال6 شهور وللا ايه؟

الhib 3 جرعات

هو ما خدش ولا واحدة؟؟

لو ما خدش ولا واحدة أعتقد تسألي الدكتور بتاعه أحسن ... لأني معرفش الصراحة

hoba555;10265444:
والله النت مغلبني معاه مع ان الرجل جه يصلحه وبرده زي ما هو
انا وجوزي لسه زي ما احنا مع انه بعتلي رسالع امبارح وكتبلي انه تعبان والحاجات دي بس برده مش صافيه لسه شويه

ربنا يهديلكم الحال يا هوبا بس دي ايام مفترجة
الحقي وخدي الثواب ومالكمش الا بعض وكمان علشان
ندى تعيد في جو حلو ربنا يقرب ما بينكم ويربط على قلوبكم بالمحبة
والصفا ان شاء الله (f)

سمسمة منورة ياقمر ايه اللى مسهرك

hoobie;10265481:
ام عمرو معلش ياقمر اصل محمد لمابيعيط بضطر اقوم انتي عامله ايه وكتاكيتك عاملين ايه

ولا يهمك يا جميل انا قلت كده برضه احنا الحمدلله رب العالمين

أم حموودى القمر;10265623:
السلام عليكم ورحمة الله وبركاته
ازيكم يا حلويييييييييين وحشتوووووووووووونى جدا
كل عام وانتم بخير بمناسبة العيد
ياااااارب يكون عيد سعيد علينا جميعا

كل سنة وانت بخير يا سالي وربنا محقق كل الى في بالك
وفاكك كربكم وكرب جميع المسلمين
متنسناش بصالح الدعاء (f)

ده نورك يا جميل ازيك عاملة ايه
لا مش سهرانة انا اصلي صحيت ونزلت عمر
قلت ادخل اشوفكم

المعظم هنا بقى يروح على رغي الحوامل
وسايبين الصفحة هنا خاااااااااااااااالية

انت روحتي فين انا كل شوية اعمل ريفرش

هى الساعة كام عندكوا دالواقتى

مش عارفة ايه السبب فعلا كل ما ادخل ماليش حد واللى نازل رغى دالواقتى الحوامل هههه

الساعة دلوقتي 7 الا 10 دقائق
ايوه كله بيتوحم على الحمل ربنا يكرم الجميع

طيب انا حقوم بقى انام علشان ورايا محشي مومبار
واشوف عمر عمل ايه في المدرسة
انت دخلتي آية الحضانة ولا لسة

ربنا معاكى ياجميل واية لا لسه مدخلتهاش الحضانة

ما تحاولي تسعي انك تدخليها حتخف من عليك كتير
كفاية عليك شهد والحمل

بجد مش قادرة تصبحي على خير
اصلي نمت بعد صلاة الفجر وصحيت مع ميعاد عمر
فحاسة اني مدروخة وعنية قافلة محتاجة نوم
اشوفك على خير وان شاء الله يكتبلك الى فيه الخير
وياااااااااااااااارب احنا كمان

ازيكم يا ماميهات
انا كمان اشتريت هدوم العيد لمايا بس صيفي
ملقتش شتوى خالصصص
ومع ان الصيفي علية سيل بس اللبس غالى جدا جدا جداااااااا
انتو جبتوا منين ؟ انا جبت من سيف ستورز
ونفسي اروح اوركيدز اللى في المهندسين حد يعرف فين بالظبط

السلام عليكم
وحشتووووونى جدا
المنتدى كان واقع والحمد لله اخيرا رجع
ازيكم كلكم واحشنى جدا

انا جوزى بقاله اسبوع تعبان وعنده دور برد محترم واوقات بشك انها انفلونزا الخنازير
مع ان المشكله في زوره بس قلبت برشح

وحاليا انا نفسيتى في الارض والموضوع مش اليومين دول بس لا دا بقاله اكتر من شهر والوضع من سيء لاسوء
دعواتكم

رمضان راح عليا وانا حزينة جدا

طبعا كالعادة محدش موجود ارغي معاه

طيب انا كنت جبت هدوم العيد لعمر من قبل رمضان بس جبتها صيفي هوا المفروض اجيبها شتوى ولا ايه؟

كمان دعواتكم لاختى المفروض العقد بتاعها " كتب الكتاب " بعد العيد بس العريس لسه مش عارف موقفه من التجنيد

توتي مبروك اللبس الجديد ياقمر ..بصي انا جبت من لفلي الحاجات هنا بين صيفي وخريفي وشتوي ..الشتوي هو اللي غالي اوي بصراحه يعني هتلاقي الطقم من400 وانتي طالعه ..بس بأمانه شتوي شتوي يعني تقيل جدا ..انا جبت لمحمد طقم خريفي كده يعني تقيل بس مش اوي كان 145 بس شيك ..لكن هاروح ارجعه واجيب مقاس اكبر لان جاله طقم عسول من دبي فخليه للعيد واللي انا اشتريته هاخليه لما الجو يبرد شويه

بالنسبه لأور كيدز انا معرفش فين في المهندسين بس اعرف فرع الدقي هو في ميدان المساحه قدام ماكدونالدز