رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

عروووس جديد;10196566:
بجد تسلم كل البنات اللى ردوا عليا ورحبوا بيا مواااااااااااه

انا كنت عايزه اسالكم يابنات هو الطفل بيستعمل المخده امتى لان

ماما عايزانى من دلوقتى انيم سلمى على مخده وكمان يابنات زيت الزنك

احلى للتسلخات ولا مرهم كيناكومب؟وكمان التوك اللى بتيجى مع اللبس

ينفع تتلبس دلوقتى ولا امتى اصلى حاسه انها ضيقه قوى عليها

ومعلش يابنات سؤال اخير طولت عليكم بس محرج شويه هو تركيب الوسيله

بيوجع قوى زى مابسمع وهل لازم يتركب وفى دم؟ واركبه من امتى لانى ولدت

قيصرى ينفع دلوقتى ولا لسه شويه؟اصلى بجد خايفه جدا من الموضوع ده ههه

مخدة مش قبل 6 شهور أو سنة

التوك برضه لو جامدة على راسها

الكيناكومب فيه كورتيزون فبلاش تستعمليه أصلا عن تجربة أحسن حاجة الفازلين ... ولو ظهرت تسلخات لا قدر الله استعملي ميبو كريم ده كريم مكوناته نباتية كلها وآمن تماما

الوسيلة بعد ما النفاس يخلص وقبل ما يحصل أي حاجة بينك وبين جوزك لأن أول ما النفاس يخلص انتي ممكن تحملي حتى لو بترضعي ... ومش بتوجع خالص يا بنتي والموضوع بيكون بسيط بس انتي زي كشف النسا كده متشديش نفسك

ربنا يبارك لك في سلمى الجميلة

قولي لنا بقى دلعها ايه؟؟

رشروش ازيك وازي البنات الحلوين
اتسحرتم ولا لسة

ايه يابنات انتوا نايمين النهارده ؟

أم عمرومنة;10197011:
خلااااص يا جميل انا معاك انت بس حدديلي يوم
وانا حشحن العيال ونفسي وآآآآآآآآآآآجي على طول
بس قوليلي حتاكليني ايه ولا معتمدة على اكل معلبات
ههههههه

و الله يا اسماء موعدكيشش انت و حظك بئة ههههه هنئضيها يا اسماء بئة بلاش احراج

hoobie;10199021:
ايه يابنات انتوا نايمين النهارده ؟

انا صاحية اهه هما اللي نايمين:) ازيك يا كوكو اتسحرتي و لا ايه

السلام عليكم
وحشتوووووووووووووني
ازيكو وازي العفارييييييييييت ايه اخباركو في رمضان

شفتو انا صاحية بدري ازاي وانا داخلة بقول يارب الاقي نهى ارغي معاها شوية بس الهانم قاعدة للفجر هتبقى صاحية ازاي دلوقتي هههههههههههههه
اصلي غيرت نشاط السهر وصصاحية من الساعة3 الفجر ومعاذ خلاصص هيصحى دلوقتي اهو
بس والله الصحيان بدري جميييييييييييييييييييييييل وياسلام بقى لما بطلع البلكونة وقت الشروق بجد تحححححفة ووقت حلو اوي

يا بنات انا معاذ هيجنني بجد خلاااااااااااااااااااااص
بيضربني باي حاجة في ايده يحدفها عليا ممكن شبشب مثلا ومهماا زعق له مش بيسمع اللكلام خااااااااااااااااااااااااااااااااااااالص
من كام يوم ماسك كبس الكهربا احنا كنا مغيرين الكهربا وهو بيلعب بالكبس القديم وكان فيه حتة حديدة كده مش واخدة بالي منها وانا واقفة بكوي لقيته طلع عالسرير وضربني بيها في ضهري جامد جدا واتعورت وجبت دم
وامبارح مسك الشماعة وضرني بيها على دماغي وصدعت جدا والله من الضربة
مش عارفة هو عنيف ليه كده انا مش بضربه والله مش عارفة اتعلم الضرب ازاي وليه اصلا
ده غير كمان انه كل لما يشوف طفل صغير يضربه بس مش ضرب بجد يعني هو بيفضل يمسك في وشه كده ويخبط عليه مش جامد بس طبعا ام اي طفل ممكن تضايق
انا مش عارفة اعمل له ايه بجد خلاص والله جنني
ربنا يهديه يا رب

ده غير كمان انه ممكن يضرب ماما مثلا باي حاجة برضو يحدفها على اي حد لما كنت عند ماما حدف المنبه على اختي وهي نايمة وجه على ودنها وفضلت ودنها توجعها فترة وبيرمي الحاجة جامد يعني قصده انه يضرب
وبيفضل يضرب باباه برضو ممكن مثلا اول لما يوطي يفضل يضربه على ضهره وبيعمل معايا كده برضو واه بقى لما بكون لابسة لابسة حاجة مفتوحة بتلسع والله ايده تقيلة اوي
ههههههههههههههههههه
بجد اجراااااااااااااااااااااااااااام مش عارفة اتصرف معاه ازاي

لا يا ايماااان انا هنا اهه و الله :) سبحان الله و الله يا بنتي لسة قبل ما اصلي الفجر بقول فينها البنت دي و كنت ناوية اسال و الله بائي البنات عليكي :) ازيك يا جميل و حشتيني و الله يا ايمان معاذ عامل ايه؟

*Om Mo3az*;10199832:
السلام عليكم
وحشتوووووووووووووني
ازيكو وازي العفارييييييييييت ايه اخباركو في رمضان

شفتو انا صاحية بدري ازاي وانا داخلة بقول يارب الاقي نهى ارغي معاها شوية بس الهانم قاعدة للفجر هتبقى صاحية ازاي دلوقتي هههههههههههههه
اصلي غيرت نشاط السهر وصصاحية من الساعة3 الفجر ومعاذ خلاصص هيصحى دلوقتي اهو
بس والله الصحيان بدري جميييييييييييييييييييييييل وياسلام بقى لما بطلع البلكونة وقت الشروق بجد تحححححفة ووقت حلو اوي

ايه ده لا يا بنتي انا لسة زي ما انا!! الحمد لله بنام علي 10 كدة و بنصحي علي 3 و نص نشرب و ناكل حاجة في السريع و نصلي الفجر و ننام تاني لحد 7 و نص كدة :) عيب عليكي ي ايمان انا اسهر انا!! لااااااااا و الف لاااااا ده انا اول واحدة في حزب النوم يا بنتي :) اديكي انضميتي اهه للحزب عقبال البائي بئة :)

اخص عليكي يا ايمان سبتيني و رحتي فيييين

ازايكم يا حلوين وحشتوني كتير كتير.................ايمان ده السن بتاع الحدف ورمي الحاجه من البلكونه و كده يعني........المهم يكون عندك ساعات برود اعصاب و كانك مش شايفاه و ساعات تعقبيه بس بالضرب....و انا بدات اودي معاذ حضانه عشان يعرف زاي يتعامل مع الاطفال.........

صباح الخير
ايمان ده لسه بدايه يا حبيتي مش كنت بشتكي زمان من ندي ولا زلت بس اكيد البنات غير لاولاد
بس بصي اول لما بتضربني بمسك ايدها واقلها كده عيب واغير طريقه كلامي معاها عشان تفهم ان ده غلط
طبعا مش هتسمع الاكلام من اول مره بس بقيت تعمل حسابي لو عملت حاجه زي كده
وموضوع الاطفال ندي مش بتضرب بس مشكلتها ان لو حد مسك حاجتها بتاخدها منه ولو اديتها لعبه مثلا عشان تسكت برده لازم تاخد اللعبه من ايد البنت اللي ادامها
ام معاذ والله برافو عليكي وجمدتي قلبك ودخلتي معاذ حضانه بس ابقي خدي بالك بقا وتابعي الحضانه من ان الي اخر كده
انا منايا اودي ندي حضانه بس خايفه عليها اوي

صحيح عندنا عزومه انهارده ويارب تعدي علي خير
المشكله اني بعد الفطار لازم انام والا هقعد زي الكرسي اللي انا اعده عليه ربنا يستر
هنعزم اختي وجوزها وحماتها واخواتها
علي فكره سلفتي تبقي اخت جوز اختي يعني العمليه مشبكه علي الاخر
وبرده هما قريبنا بس من بعيد
ايه الرغي ده انا هقوم لحسن ماما تيجي تهزئني

صباح الخير ازيكم يا حلوين

لولللللللللللللللللللللللللللللللللللللللي
مبروك تاج الرشاقة يا نهى يارب على طول
طب بقلك ايه انصحيني اختك طولها 160 ووزني 65
انا شايفة ان كده معقول بس مشكلتي البطن والارداف
لازم امشي على رجيم النقاط علشان ينزلو ولا اداوم بس على التمارين

*Om Mo3az*;10199926:
يا بنات انا معاذ هيجنني بجد خلاااااااااااااااااااااص
بيضربني باي حاجة في ايده يحدفها عليا ممكن شبشب مثلا ومهماا زعق له مش بيسمع اللكلام خااااااااااااااااااااااااااااااااااااالص
من كام يوم ماسك كبس الكهربا احنا كنا مغيرين الكهربا وهو بيلعب بالكبس القديم وكان فيه حتة حديدة كده مش واخدة بالي منها وانا واقفة بكوي لقيته طلع عالسرير وضربني بيها في ضهري جامد جدا واتعورت وجبت دم
وامبارح مسك الشماعة وضرني بيها على دماغي وصدعت جدا والله من الضربة
مش عارفة هو عنيف ليه كده انا مش بضربه والله مش عارفة اتعلم الضرب ازاي وليه اصلا
ده غير كمان انه كل لما يشوف طفل صغير يضربه بس مش ضرب بجد يعني هو بيفضل يمسك في وشه كده ويخبط عليه مش جامد بس طبعا ام اي طفل ممكن تضايق
انا مش عارفة اعمل له ايه بجد خلاص والله جنني
ربنا يهديه يا رب

ده غير كمان انه ممكن يضرب ماما مثلا باي حاجة برضو يحدفها على اي حد لما كنت عند ماما حدف المنبه على اختي وهي نايمة وجه على ودنها وفضلت ودنها توجعها فترة وبيرمي الحاجة جامد يعني قصده انه يضرب
وبيفضل يضرب باباه برضو ممكن مثلا اول لما يوطي يفضل يضربه على ضهره وبيعمل معايا كده برضو واه بقى لما بكون لابسة لابسة حاجة مفتوحة بتلسع والله ايده تقيلة اوي
ههههههههههههههههههه
بجد اجراااااااااااااااااااااااااااام مش عارفة اتصرف معاه ازاي

انت بتتكلمي بالظبط عن ابن اختي الله يهديهم كان هاري عيالي ضرب وعض رغم
انهم اكبر منه بس ماشاء الله عليه دمه عسل
في العيلة مسمينه بلطجي هههههههههه وهى والله بتضربه لم بيعمل كده
بس الظاهر مش جايب نتيجة الضرب اطفال بقى وعايزين يثبتو شخصيتهم
اعملي بس زي هوبا مقالت وغيري نبرة صوتك وبصيلوه بحزم وعرفيه
ان كده مش حلو وغلط

نهى شكرااااا ياقمر على العزومة بس بما انها معلبات وتقضية
انا اوفر فلوس الشحن احسن واقضيها هنا حمام ماشي كده
ههههههههههه

هوبا ربنا يعينكم على العزومة ورمضان كريم
دامت دياركم عامرة بالبركة و الخير والصحة والسعادة
بعد الفطار خديلك بقى فنجان قهووووووووووة محترم
يظبطلك الدماغ ويطير النوم

أم عمرومنة;10200856:
لولللللللللللللللللللللللللللللللللللللللي
مبروك تاج الرشاقة يا نهى يارب على طول
طب بقلك ايه انصحيني اختك طولها 160 ووزني 65
انا شايفة ان كده معقول بس مشكلتي البطن والارداف
لازم امشي على رجيم النقاط علشان ينزلو ولا اداوم بس على التمارين

يا رب يا اسماء يا رب لحسن انا خلاص طئييييت بصي يا ستي عن تجربة و الله انا كمان مشكلتي الارداف و علاجها تقليل الدهون و المحمرات و المشي كتييييير امشي علي قد ما تقدري و الله المشي هو الرياضة الوحيدة اللي بتساعد علي توزيع الدهون في الجسم و ممكن جمب المشي تواظبي علي تمارين للارداف في البيت كدة كل ما تزهئي نادي عمر و منة و العبوا مع بعض :) و الله يا بنتي هيشجعوكي و هتعلميهم عادة مفيدة :)

أم عمرومنة;10200914:
نهى شكرااااا ياقمر على العزومة بس بما انها معلبات وتقضية
انا اوفر فلوس الشحن احسن واقضيها هنا حمام ماشي كده
ههههههههههه

لا لا خلاص اللي انتي عيزاه تعالي بس و انا هظبطك ده انا من الشرقية اصلا يا اسماء لا تقلقي

ربنا يكرمك يا سمسم دلوقتي خلصت المحشي دهري اتقطم
ادبست فيهم وحدي فلفل وكوسه وكرنب
ولسه كمان الحمام
وهشرب قهوه او نسكافيه وان شاء الله منمش منههم اصلا انا امبارح نمت 3 ساعات بس وربنا يستتتتتتر

يا حبيبتي يا هبة! ربنا يعينك يا قمر و الله...انا متجوزة من سنة اصلا بس علشان انا في المعتقل فطبعا لسة معزمتش حد في بيتي اساسا...يا دوبك عقيقة سلمي و خلصنا ربنا يستر بئة