رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

انا حضرت السحور خلااااص اتفضلو معانا
اشوفكم على خير بقى سلااااااااااااااام

انا في قطر كنت وانا صغيرة في جدة لحد ما خلصت الاعدادية
ورجعنا مصر اصلي بحف الف القارات هههههههههههه
بوسي البنات واشوفكم على خيررررر

باااااااااى ياقمر وبالهنا والشفا

السلام عليكم ازيكم
ياخسارة ملحقتش التجمع الحلو ده
بما انى لوحدى هاقوم اصلى بقه سلام

السلام عليكم
ازيكو وحشتوووووووووووووني انتو قاعدين طول الليل ترغو وماقمتوش تصلو قيام ليل :mad:

ادعو لي عندي عزومة انهرده وصاحية طبعا من الساعة 2 ومش هنااااااااااااام هقوم دلوقتي اتبل الحاجة واجهز وكده يعني
8 معزومين وانا وجوزي ومعاذ يعني 11
دعواتكو بقى

أم حموودى القمر;10238242:
السلام عليكم ازيكم
ياخسارة ملحقتش التجمع الحلو ده
بما انى لوحدى هاقوم اصلى بقه سلام

ربنا يبارك فيك يا سالي ويتقبل منك عقبالنا زيك ابقي ادعيلنا بالهداااية

*Om Mo3az*;10239736:
السلام عليكم
ازيكو وحشتوووووووووووووني انتو قاعدين طول الليل ترغو وماقمتوش تصلو قيام ليل :mad:

ادعو لي عندي عزومة انهرده وصاحية طبعا من الساعة 2 ومش هنااااااااااااام هقوم دلوقتي اتبل الحاجة واجهز وكده يعني
8 معزومين وانا وجوزي ومعاذ يعني 11
دعواتكو بقى

وحشتينا يا مووووووونة شفتي ايوه السهر خدنا والكلام
وربنا معااااك بقى في العزومة بس معملتيش حسابنا يعني
وان شاء الله تبقى لمة حلوة ويوم جميل
انا بقى عندي عزومة يوم الخميس والعدد12 ماشاء الله
يالله رمضان كريم وبيحب اللمة خاصة لم تكون حلووووة

ام عمر ازيك وازي العفاريت
اخبارفاطمة ايه سلمتي لي عليها و نسيتي وهي عاملة ايه هي ويوسف

اه فعلا رمضان بيحب اللمة بس انا جوزي بقى مش فاضي فمش بيقبل عزومات اي حد غير ماما واخواتي وبس انما اخواته بقى بيعتذر بيقول لي انا مش فاضي للحاجات دي يعزمونا واعزمهم هههههههههههههه
اصل انا جوزي اول المغرب ما ياذن ياكل وينزل على طوووووول بقول له متهيالي انت اول واحد في مصر بتنزل بعد الفطار يعني بعد المغرب بنص ساعة بيكون وصل المحل ههههههههههههه

انا شكلي اتاخرت عليكي اوي في الرد
معلش كنت في المطبخ بتبل الكفتة وكده يعني

ايمان ازيك يا قمر !! ربنا يعينك و الله يا بنتي :)
انا كنا معزومة عند اختي و عملت اكلات ظريفة و شوربة طلعت تحفة لو عايزة افكار جددة قوليلي

الحمدلله يا نهى ازيك انتي واللومي عاملة ايه

طب قولي كده يمكن اعمل حاجة جديدة انا هعمل شيش طاووق وكباب حلة وكفتة وبفكر اعمل رز بالمكسرات ومكرونة

قولي عندك ايه جديد

اسكتي ايدي دلوقتي كانت هتضييييييييييع من الساطوووووووور
ههههههههههههه
كنت بقطع اللحمة هي اصلا كانت مشروع لحمة باردة كان العرق بقى على بعضه كده وانا بقطعه عشان هعمله كباب بس ماقولكيش بقى بقى لي ساعة اصلا بقطع فيه وماسكة الساطور بقى عاملة زي الجزارين بس الحمدلله ربنا ستر

بقول لك ايه يا نهى انا طلعت من بالليل السعة 9 كده اللحمة المفرومة والفراخ وكده عشان يفكو من التلج طلعتهم بره التلاجة خالص كانو في المطبخ وتبلتهم خلاص دلوقتي وحطيتهم في التلاجة بس خايفة احسن حاجة تخسر وتبوظ عشان هيبقى لهم مدة طويلة اوي كده
ولا طالما اتحطو في التلاجة خلاص مش هيحصل لهم حاجة
اصلي خايفة اوي احسن اجي بقى بعد العصر اطلع الكفتة عشان اصبعها والكلام ده الاقيها بااااااااظت
هههههههههههههه

هيبقى موقف لذيذ اوي تصدقي

بصي ممكن تعملي شوربة الكوسة و متتخضيش يا ايمان و الله معظمنا بيكره الكوسة و انبهر بالشوربة اللي لبني عملتهالنا ...بجد هايلة انتي هاتي شوية بصل جوانح و شوحيهم في شوية زيت صغيرين او حتة زبدة و بعدين قطعي الكوسة و كسبرة خضرا للطعم بس يعني و ضيفيها علي البصل و زودي مية بس شوية مش كتير اوي و اسلئي الكوسة و بعدها بئة اضربي الكوسة في الخلاط كويس و بعدين رجعيها علي النار تاني و ضيفي مكعب ماجي و كمان شوية لبن صغيرين حوالي 1/2 كوباية كدة و ملح و فلفل و الله يا ايمان لو انتي جريئة و عملتيها هتدعيلي باذن الله ...الرز ممكن تعملي رز بسمتس ابيض علشان كباب الحلة و المكرونة اعمليها زي ما تحبي في كذا طريقة

لا خلاص يا ايمان لو تلاجتك كويسة مش هتبوظ و لا حاجة ...بصيكمان لو كانت الحاجة لسة سائعة و انتي بتبليها يبئة خلاص مفيش قلق خالص ان شاء الله....

هههههههههههههههههههه
بصي انا بحب الكوسة باللحمة المفرومة ويوم ما بعملها جوزي مش بيرضى يقعد معايا على ترابيزة واحدة لما بيسمع بس اسم كوسة ماقولكيش يعني ممكن يسيب لي البيت ويمشي
بصراحة اخاف اجربها غير كمان اني ماعندكيش كوسة :D

انا فعلا كنت هعمل رز بسمتي بس جوزي جاي باليل يقول لي كل لما اروح لحد اسال يقول لي خلص :(
فيه هنا في المنتدى طريقة رز بالكاجو والزبيب والفسدق هعمله ان شاء الله انا ماعملتوش قبل كده بس يارب يطلع حلو

يا نهار ابيض!! و الله يا ايمان انتي بتهزري! خلي بالك يا بنتي مش عايزين حوادث النهاردة ربنا يسترها معاكي...بس العرق يا ايمان مش هيطلع حلو في كباب الحلة!! اصل العرق الفلتو بتاع اللحمة الباردة ده بيبئة ناشف و جامد كباب الحلة بتحب اللحمة الطرية شوية

لالالالالالالالالا ماكنتش ساقعة
بصي انا اصلا بغسل اللحمة المفرومة فانا غسلتها الساعة 3 كده لما كنت بجهز السحور وسبتها في المصفاه عشان تصفي ميتها خاااالص وطبعا لما جيت اتبلها ماكنتش ساقعة خالص
ايه رايك احطها في الفريزر شوية واطلعها قبل ما اجي اطبخها بشوية وخلاص اضمن يعني

لالالالالا انا جربته قبل كده ده كان طعمه تححححححححفة والله والالياف بتاعته مش تخينة خالص ممكن ياخد سوا شوية بس بيطلع حلو اوي

هههههه و الله يا بنتي لا تقلقي اصلا انا جوزي بئة لا بيحبها باللحمة و لا من غيرها و الله و لعلمك لبني عملتها خدعة و بعد ما كلنا قالتلنا انها كوسة ! مش باين نهاااائي طعم الكوسة و الله يا ايمان و طبعا هي شوربة خضرا كدة و مش عارفين ايه دي...بس و الله رائعة حتي جوزي قالي شفتي يعني ممكن تاكليني الحاجات اللي مش بحبها بالطريقة دي برده يعني غيري في طعمها و شكلها و انا هاكلهالك :)

طيب بالف هنا و شفا يا ايمان:) خلاص رجعيها لافريزر تاني و امرك لله بئة بس خرجيها علي 1 كدة