رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

جوزو جه انا هروح اتسحر لانى جعاااااااانه اوى

خلاص يبقى يسقط قص الشعر وههريها تسريح

ويختي بنوتي نسخه مصغرة من ابوها مفيهاش مني ولا تنتوفه اما غايظاني موت سايبا الجمال كله ورايحه لابوها يلا بقى

نسيت اقول على البيبرونات

بصي يا ستي أنا 4 كفوني حلو الحمد لله ... وعلى فكرة موضوع التعقيم اللي انتي كاتباه ده مبالغ فيه

أصلي عملت أبحاث على النت وهقول لك على البهاريز في الموضوع دلوقتي

بالنسبة للمية عبدالله لسة مبتدي يشرب مية قريب ... هو اللي كان بيرفضها وبنت خالة جوزي دكتورة أطفال قالت لي ما دام بيرضع كفاية مش مهم المية متضغطيش عليه ... بس لسة يا ستي من شهرين كده جبت له كباية بشفاطة للمية الأول مكنش بيعرف يستخدمها فكان يلعب بيها وخلاص ... بس اكتشفها بقى من يومين ومن ساعتها وهو عمال يشرب والحمد لله لدرجة اني بفكر أجيب واحدة تانية للعصير :)

moneta;10277369:
خلاص يبقى يسقط قص الشعر وههريها تسريح

ويختي بنوتي نسخه مصغرة من ابوها مفيهاش مني ولا تنتوفه اما غايظاني موت سايبا الجمال كله ورايحه لابوها يلا بقى

هههههههههههههه

تقولي ايه بقى

ملهاش في الطيب نصيب هي كمان:cool:

ساااااااااااااااااااااااااااااالي

استني شوفي هدوم اللولي

طبعا باين عليها إنها ب300 جنيه مش كده :cool:

اللي مش عاجباه يقعد ساكت لأني مش ناقصة:mad::mad:
















الطقم ده بقى مش عارفة أنزل أشوف له جزمة مخصوص ولا ألبسه الجزمة الكحلي عليه وخلاص ... بفكر أصلا أغير له البنطلون ... عنده جينز من نكست ملبسهوش غير مرة فبفكر ألبسه الجينز علشان يلبس عليه أغلى جزمة في البلد:D


وكنت جايبة له طقم شورت وتي شيرت كت بس لبسه يوم العقيقة بتاعته السبت اللي فات لأنه كان اتعمل له نص عقيقة بس وده النص التاني :)

مستنية رأيكم بجد :)

سبحان الله انا البيبرونه بيرو رفضتها وهي عندها 3 شهور ولا ممكن ابدا تاخدها وفعلا جبتلها بعد ماكبرت حبة الكباية العادية ام بوز دي كانت بتشرب وتغرق نفسها لحد ماجبتلها ام شاليموة وفعلا ممتازة للشرب المية والعصير

انتوا ليه معظمكم جايبين تيشيرت بكم الجو مش بارد صحيح ساعات بليل اوي بيلسع بس مش درجة كم

بس عموما لبسه جمبل يامي ماشاء الله يدوبة في الهنا يارب وانا لو منك لبسيه الشوز دي على كل حاجه استغلي ال 175 ج اقصى استغلال ههههههههههههههههه

بصي بقى يا روشي

انتي بتغلي البيبرونات كويس قبل أول استعمال ... وتغليها لو ركنتيها مدة طويلة من غير استعمال

غير كده عندك الفرشة بتاعة تنضيف البيبرونة تغسليها كويس (أنا كنت بلبس الجوانتي بتاع المطبخ وافتح المية السخنة بس وأنا بغسل البيبرونة) وبعد كده تغلي مية في الكيتل وتملي البيبرونة مية مغلية وتحطي الحلمة مقلوبة فيها (تبقى غطسانة) وتملي الحلمة مية مغلية برضه ... تسيبيها 10 دقايق وتدلقي المية منها وتستعمليها عادي

موضوع بقى إنك تغلي البيبرونة كل مرة ده بقى الأجانب بيقولوا عليه لأن عندهم المية مش زي عندنا ... عندهم مياه جوفية والمياه الجوفية دي بيبقى فيها معادن أكتر وساعات بيبقى فيها باكتيريا مش موجودة في المياه الجارية ... وأنا قريت في كذا حتة إن لو المية اللي بتتغسل بيها البيبرونة كويسة يبقى الغسيل بمية دافية وصابون كافي لتطهيرها

وبابا الله يرحمه كان طبيب وكان دايما يقول بلاش تعقي حاجة الطفل عمال على بطال علشان تسيبيه يكتسب مناعة ... يعني مش كال ما التيتينة تقع في الأرض في الشقة عندك تتعقم ... لأ تتغسل بمية وصابون وياخدها عادي ... بس لو وقعت في الشارع طبعا كلام تاني ... وهكذا

moneta;10277447:
انتوا ليه معظمكم جايبين تيشيرت بكم الجو مش بارد صحيح ساعات بليل اوي بيلسع بس مش درجة كم

بس عموما لبسه جمبل يامي ماشاء الله يدوبة في الهنا يارب وانا لو منك لبسيه الشوز دي على كل حاجه استغلي ال 175 ج اقصى استغلال ههههههههههههههههه

أصل عبدالله بيطول بسرعة يا مونيتا ما شاء الله

فلو جبت له صيفي هيترمي الشهر اللي جاي وأنا الصراحة كنت عايزة أجيب له حاجات حلوة وعليها القيمة لأن ده أول مرة أجيب له لبس للعيد ... هي التي شيرتات خفيفة أوي بس بكم بس قلت على الأقل يلبسهم شوية لحد شهر 12 ولا حاجة بدل ما يتركنوا ويصغروا عليه

يلا عن اذنكم يابنات هقوم احمي بيرو واغيرلها

سلام مؤقت

سلام يا جميلة

ماشاء الله يامى
الطقم الاولانى شيك جدا جدا والباقي بردو حلوين اوى عقبال ماتجبي معاة بدلة الفرح :)

طيب تفتكروا الكوياية اللى بشاليموة تنفع مايا دلوقتى؟؟؟
انا بأكلها الزبادى بالمعلقة
اومال اية الببرونة اللى بيتحط فيها الاكل ازاى يعنى مش فاهمة ؟؟؟

بصى يا مى انا مش كنت بعقم الببرونات كل شوية يعنى هى مرة واحدة فى اليوم وبعدين لو احتجتها تانى كنت بعقمها بماية سخنة زى مابتقولى ولو مش محتاجاها بحطها فى التلاجة

يعنى التعقيم بتاع الغلى يوميا مرة واحدة فى اليوم

yomizo;10277200:
توتى استنى على بنتك شهر واحد وابداى اديلها سيرلاك
واديلها زبادى قبل النوم بس زبادى لايت

اة ان شاء الله هديلها سيريلاك الشهر الجاى من ورا الدوكتور :)
وبدأت اديها زبادى الحمد لله عجبها بس جربت اديلها كوسة او جزر او بطاطش مش راضية خالصصص

moneta;10277188:
انا لو في بيتي كنت صورتلكم لبسها في محلات كتيرة عندها بديهات لسنها يا توتي انتي عايزة فين يمكن اقدر افيدك

دا انا جبت شوز لبيرو ابيض عشان عيد ميلادها كنت ملبساها فستان ابيض جايبه الشوز ب 60 ومستغلياه هههههههههههه وصعبان عليا عشان هو قدها بالزبط فمش هيقعد للصيف الجاي

فين يا مونى اى مكان هروح لان الشورتات عجبانى ومستخسرة اركنا السنة الجاية مش هايجو مقاسها

toty858;10277497:
ماشاء الله يامى
الطقم الاولانى شيك جدا جدا والباقي بردو حلوين اوى عقبال ماتجبي معاة بدلة الفرح :)

طيب تفتكروا الكوياية اللى بشاليموة تنفع مايا دلوقتى؟؟؟
انا بأكلها الزبادى بالمعلقة
اومال اية الببرونة اللى بيتحط فيها الاكل ازاى يعنى مش فاهمة ؟؟؟

ربنا يكرمك يا توتي

أول واحد برضه أكتر واحد عاجبني :)


الكوباية لسة مش هتنفع مايا لأنها مش هتعرف تمسكها لوحدها ومش هتعرف تشفط ... لما تكمل 7 8 شهور ولا حاجة ممكن تجربيها ... هي أصلا مكتوب عليها 12+ يعني تقريبا سنة بس أننا جبتها لعبدالله لأنه مش بيعرف يرفع الحاجة لفوق كده علشان يشرب منها ... يعني تلاقيه ماسك البيبرونة بس ميرفعهاش علشان يشرب منها ... لأ مخليها تحت وعمل يشفط


لو بتاكل الزبادي بالمعلقة خلاص خير

البيبيهات بتاكل أكل سايل في الأول والبيبرونة بتاعة الأكل دي بيبرونة عادية بس فتحة الحلمة بتاعتها أكبر سنة علشان تفوت الأكل ... بس كده

روشي قولي رأيك في لبس العيد :)

مى انا جيت اهه
ماشاء الله لاقوة الا بالله لبس العيد بتاع اللولى يجنن وبصراحة كلهم تحفة ماشاء الله انتى فكرتينى بالشرابات عاوزة اجيب شراب اورانج وشراب رصاصى ومكسلة انزل خااااالص مش عارفه هجيب امتى..؟؟
احنا عندنا هنا برضه توكيل wave ده الا انتى شارية الحاجة منه بس بصراحة مدخلتوش متوقعتش الاقى مقاس اولادنا حسبته شبابى بس .ومرة عديت عليه بس كنا فى العربية لقيته حاطط حاجات مقاس حمودى فزعلت اوى لانى خلاص اشتريت بقه ..ان شاء الله اشترى الشتوى من هناك ..

انا كمان هاقوم بقه يا بنات علشان الحق اصلى شوية قبل الفجر
استودعكم الله الذى لا تضيع ودائعه..
السلام عليكم ورحمة الله وبركاته..