المدارس الخاصة في البحرين

انا داشه كنت ابي اسجل موضوع جديد حول المدارس الخاصه لاني للحين متحيره وين اسجل ولدي و لقيت موضوعك :)

انا ولدي يكمل 3 سنوات في شهر 5 يعني على السنة اليايه بيكون عمره تقريبا 3 سنوات و نص

فمادري اسجله بروضه خاصه من الحين ولا اخليه للسنة اللي وراها

انا افكر في كانو ( بس بعيده عليي لان انا من سكنه المنامه )

و لؤلؤة الخليج ممتازه المدرسه بشهاده الجميع

هذي الخيارات حق اذا بواصل حق ولدي في المدارس الخاصه

بس اذا بنقله حكومي بعدين فأفكر اوديه الحين حق نادين أو مادلين أو الفاتح و هذلين في الماحوز

لان انا متحيره مادري اخليه يواصل في الخاص اخاف على العربي عنده يصير ضعيف

و اذا وديته حكومي يعني لازم العصر اوديه برتش كونسل ( زحمه عليه و عليي )

ردي الياي بكتب لك عن الخبرات اللي حصلتها حول بعض المدارس اللي سألتي عنها

بالنسبه حق المدارس

المعارف: سمعت انها زينه بس البيئه كلش مو اوكي يعني من ناحيه الصياعه

كانو: ممتازه و احب عندهم ان الياهل يتعلم عن طريق الانشطه و اللعب

النور: شديده جدا في تعليم الياهل يعني هي ممتازه في التعليم بس طريقه التعليم مملة و شديده للطفل كله واجبات و اختبارات ابدا ماحطيتها كخيار

المهد: زوجي سأل عنها بما ان فرع المحرق قريب له عشان يوصل ولدي فسمع انها مو اوكي وايد هالمدرسه

لؤلؤة الخليج: مدرسه ممتازه و بيئه مدرسيه صحيه و احتمال اسجل ولدي فيها

كوالتي اديوكيشن: بعد مدرسه ممتازه صديقتي ولدها هناك و يتكلم انجليزي حلو ماشاء الله اهو عمره 4 سنوات و عندهم للمراحل المتقدمه يعني كل صف يطلعون معاها لحد الثانويه اتوقع بس ماحبيت مدرساتهم هنود يعني الاكسنت هندي

مراوي مدرسة المهد من ناحية شنو مو زينة اقري الي كاتبة الاخت ماما حسون مدخلة ولدها اتعرفين رسوم الولوة الخليج

مرحبا،،

الأخت اللي حابه تستفسر عن مدرسة عبد الرحمن كانو ،،

ترى المدرسه مثل ماقالت الاخت مراوي جدا ممتازه ويدرس الطفل عن طريق اللعب والكثير الكثير من الانشطة يعني مستحيل يكره الدراسه ويقول ما ابغي اروح وبعد عندهم حفلات وانشطة تعليمية وايد بالإضافة لأنهم يعلمون الاطفال السباحة، وحلا وايد مستانسة وانا بعد وايد مرتاحة حق المدرسة..

بالنسبة للرسوم تدفيعين 780 دينار على 3 اقساط في السنه وكل شهر 25 للباص..

بالنسبة للانجليزي مع ان حلا نيرسري يعني حضانه قبل KG1 لكنها ماشاء الله تعرف اشياء واجد وتفهم وتتكلم واستغرب إذا تقولي كلمات احسها صعبة عليها بس تعليمهم ما شاء الله كلش اوكي وبالنسبة للعربي بعد كلش اوكي ادعية وسور حافظة وايد ،، وللعلم ان نظام المدرسة نص اليوم عربي ونصه انجليزي فالطفل ما يتملل وكل صف فيه مدرسة ومساعدة مدرسة وكل صف مافيه اعداد واجد يعني التسجيل محدود,,

ان شاء الله اكون افدتش واي معلومات ثانية تبينها انا حاضرة..

ام حلا،،

ماما حسون المبنى اشلون ملائم للطفل او لا بعد ذكريلي اي شي اتعرفينه

أم حلا جزاج الله خير

معلومات مهمة عطيتيني والله شكلها وايد زينة المدرسة حتى المبنى شفته في الموقع شكلة وايد حلو

و عجبني اهتمامهم بالدين ... انا كنت افكر في البيان بعد لأن تعليمهم وااايد زين بس العيب الإختلاط..!!

اشلون عن كانو سمعت ان يفصلونهم بعدين ..يعني من اي صف؟؟ و هل رسوم حق كل المراحل و لا عقب اتزيد؟واللي يدرسونهم انجليزي شنو جنسياتهم؟

hayawa;9177692:
ماما حسون المبنى اشلون ملائم للطفل او لا بعد ذكريلي اي شي اتعرفينه

اهلين اختي ..

انا ولدي في فرع سار ، وسمعت انتقادات كثيرة عن فرع المحرق بس الحمدلله ما اشوفها في فرع سار مادري ليش ( حتى مرة سمعت انهم ما يسوون يوم مفتوح شهريا مثل الفرع الرئيسي في سار )

وعن المبنى انا للحين اذا اروح حدي التسجيل وعقبه المبنى اللي فيه ولدي والهول مالهم ،، يعني ما شفت باقي المباني شلون الصراحه .. وعن مبنى ولدي انا اشوفه زين وصفوفهم حلوة ومرتبة والحمام قريب لصفه ومريت اضطريت ادخل اعدل شيلتي في الحمام خخخخ ولقيت انه نظيييف ما شاء الله (a)


مدرسة كانو فكرنا فيها من قبل بس اللعام تأخرنا ع التسجيل وما لحقنا عليه ( واكتشفنا عقب ان المدرسة فوق ميزانيتنا للاسف ) بس مرت حماتي ودت بنتها فيها ومرة كنت اتكلم عن المدرسة واقول ان حسافة فاتنا التسجيل الا تقول انها ما عجبتها لان بنتها اكتسبت لكنة هندية عدل حتى في المصطلحات ولما راحت المدرسة تكلم المعلمة عن هالنقطة طلعت المعلمة نفسها تتكلم مثل بنتها هههههههههههه يعني العيب ما كان في البنت العيب في المعلمة نفسها هههههه وبس خلتها تكمل السنة عندها ( كانت كي جي 2 ) وبعدين نقلتها الى مدرسة دلمون والحين هي سنة 2 فيها وتقول ان مرتاحة معاهم وسجلت ولدها فيها بعد :)


يعني الخلاصة الناس تجارب .. وما في مدرسة كاملة المواصفات

الوحدة تدور المدرسة اللي ترتاح فيها هي وطفلها وتمسك فيها احسن :D


اختي ام هيا يا هلا اتشرف والله ..

انا مواليد اكتوبر 83 :o وعيالي الكبير ( حسين ) مواليد مارس 2004 والصغير ( أحمد) مواليد ديسمبر 2006 :)

ماما حسون الياهال في اي شهر يطوف عليهم المدرسة انا اعرف شهر واحد واثنين في غيرهم انتي تشتغلين او في البيت انتي ساكنة ابروحج او مع اهل زوجج انتي في عالي انا من مدينة حمد دوار 7

بنات ممكن تخبروني عن حضانة لطفل عمره سنه

وينج ماما حسون

اتاتا

hayawa;9184634:
وينج ماما حسون

رديت عليج في الخاص يالغالية .. :)

مرحبا امهات انا ولدي توه صغير على هالسوالف توه راح يكمل 5 شهور السبوع اللي بيجي ان شاء الله ربي يحفظه ويخليه بس حبيت اشارككم في هالموضوع بخبرتي القليلة .

انا سمعت واااايد عن مدرسة كانو وكانت عندي دورة تطوعية لاني ممرضة وكنا نغطي المدارس ومن ضمنهم كانو وااااايد عجبتني المدرسة والمدرسات وطريقة تعاملهم مع الاطفال والمبنى واااايد حلو بعد واحسه امان على الطفل ونظيف وجديد بعد .
وكان حاطين برنامج في قناة البحرين اللي يقدمه سامي هجرس وكان موضوع الحلقة المدارس الخاصة ومستضيفين طلاب من مدارس خاصة من ضمنهم كانو كان الطلاب اللي فيها كله يتكلمون عن الرحلات الاستكشافية وان طريقة دراستهم فيها تنوع وعن طريق الرحلات والمشاريع وكانت في وحدة وااااايد تنتقد النور وتقول ان طريقتهم تقليدية ولا يهتمون في الجانب النفسي للطالب لدرجة انهم حتى الرحلات مايودونهم وفعلا بنت خالتي كانت هناك ومع انها متفوقة وشاطرة بس كانت تعاني يعني ولا كانها طفلة الواجبات على قد شعرها وكله متمللة وتعبانة لين ما طلعتها خالتي منها


سوري عورت راسكم بهذرتي

وينكم يا امهات مافي احد عياله في مدارس خاصة بس ماما حسون ومشكورة على المعلومات ساعدوني عاد

انا كان في بالي اسجل ولدي في روضه عاديه يعني الخليج مثلا حق السنه اليايه

و اللي وراها ادخله روضه خاصه يكمل فيها

بس الحين 90% غيرت رايي و ابي ادخله مدرسه خاصه من السنه اليايه يعني بيكون عمره 3 سنوات و نص تقريبا

المشكله خلص التسجيل في كانو و في لؤلؤة الخليج بس تهقون يرضون ياخذونه الحين نيرسيري؟

ما حد عنده فكرة عن مستوى تدريس الروضة في مدرسة المعالي

ولكم جزيل الشكر

مدرسة كانو وين تصير ؟
وكم رسومها ؟
وفي اي احد سمع عن مدرسة المجد في البلاد ؟

وعن مدرسة المهد اني كتبت رأي الشخصي فيها في اكثر من موضوع واعيد اهني :

"
إلي سألت عن مدارس المهد فأقول لكم عن تجربة شخصية مني ومن بنات اختي .. المدرسة تعليمها قوي بس الكادر التعليمي ليها كل هنوووووووووود .... يعني مثل ما قالوا قبل الانجليزية بطلاقة بس بلكنة هندية ... وبصراحة الحمامات واجد وسخة حتى بنت اختي ما تدخل الحمام لحد ما ترجع البيت وتقول الحمام فيه دودة .. وشي ثاني بصراحه الهنوود وسخين وما يهتمون بنظافة الطفل يعني مثلا بنتي يخلونها مع صفها بنظفون الصف بدون ما يغسلون ايديهم ويرجعون البيت حالتهم حالة ...

والأهم من كل هذا ان المدرسات الهنود يستخدمون اسلوب الضرب مع الاطفال الحركيين .. وبنتي نفسها ترجع البيت وتحت عيونها ضرب تقول من زميل ليها في الصف ... واكثر الاوقات ترجع مضربة يا من المدرسات يا من زملائها .. حتى صارت تكره الروضة ويوميا معركة علشان تروح واكثر ايامها غياب .. وتحسفت اني بديت وياها هالبداية علشان بتتكون عندها صورة سيئة عن التعليم ..

وهذا كلامي وكلام كل إلي اعرفه في المدرسة .. مع العلم ان بنتي في صف الكي جي 1 ..

وعن الروضات القوية عندش مدرسة لؤلوة الخليج في البلاد .. بس المقاعد تخلص بسرعه وكله يكونون على الويتينغ ليست .. وعندكم روضة المجد واجد يمدحونها .. ومدرسة الروابي بعد قوية ...

مدرسة كانو في سلماباد بالقرب من رويان ورسومها حسب ما علمت انها للروضة من 780 تبتدي وتزيد كلما ارتفع الطفل مرحلة دراسة طبعا غير المواصلات 25 دينار شهريا
اما عن مدرسة المجد هذي في الزنج مو في البلاد وهذي سمعت ناس تذمها وناس تمدحها والله اعلم

مدرسة كانو في سلماباد بالقرب من رويان ورسومها حسب ما علمت انها للروضة من 780 تبتدي وتزيد كلما ارتفع الطفل مرحلة دراسية طبعا غير المواصلات 25 دينار شهريا
اما عن مدرسة المجد هذي في الزنج مو في البلاد وهذي سمعت ناس تذمها وناس تمدحها والله اعلم

780 للكورس الواحد ؟ او للسنة كلها ؟
وكم كورس في السنة ؟
وكم رسوم التسجيل اول مرة ؟