المدارس الخاصة في البحرين

محتارة أي روضة تدخلين طفلك،، حياكم

هالموضوع بيفيدش اختي

مرحبا،،

حبيت افيدش ان بنتي في مدرسة عبدالرحمن كانو الدولية وكلش اوكي من جميع النواحي ما ادري ليش انتي مو ذاكرتها مع انها مدرسة ممتازة جدا..

إذا تبين تعرفين عنها بقدرافيدش بكل شي..

وشكرا

بس بعد ابي اناقش الامهات في موضوعي احسن ادري بفيدني الرابط بس ابي استفيد اكثر

مدرسة كانو مو غالية ابي في حدود الميزانية في حدود 50 الى 80 شهريا فقط

ام حلا انتي كتبي كل الي اتعرفينه ومشكورة

مرحبا،،

ايه مدرسة كانو غالية بس ماتغلى على عيالنا صح؟؟

بس ترى المدرسة كلش قوية انا بنتي في نيرسري لانها كان 3 سنوات و3 شهور والسنة الجاية شهر 9 بتكون كي جي 1 بس مثل ماقلت ليش تعليمهم قوي وماشاء اللة بنتي تعلمت واجد وبشكل ملحوظ انها تعلمت اشياء واجدمو مثل هالروضات اللي يدش الطفل ويطلع نفس الشي..

وان شاء الله سألي وبجاوبش عن كل شي


وشكرا،،

عن الاسعار مثلا

وينج يا ام حسون طلبتج لاترديني

هلا اختي .. مسامحه توني شايفة الموضوع


عن تجربتي مع مدرسة المهد ::


اولا انا سمعت عنها اشياء وايد من قبل منها اشياء ايجابية ومنها اشياء سلبية ،، بس اللي شجعنا عليها هو ان اولاد اخو زوجي فيها ومرتاحين معاها فقررنا نتوكل على الله ونسجله وانا في بالي ان لو صار شي بسحب مباشرة من عندهم وبوديه مكان ثاني لكن اللي صار واحنا قريب نهاية السنة ان المدرسة احسها اوكى ومرتاحين معاهم وولدي حاب المدرسة رغم انها بعييييييدة علينا وحتى من فترة زوجي فكر ينقل حسون لمدرسة قريبة ولما قلنا لحسون الا هو مو راضي ويبغي مدرسته على قولته المهد سكول فسجلناه فيها للسنة الجاية بعد وان شاء الله يتوفق يا رب ..


بنتج لو بتسجلينها هناك راح يخلونها الجاية في كي جي 1 (LKG)..

الزي ناخذ جزء من بيت الازياء في مجمع العالي وجزء نشتريه من المدرسة .. اللون القميص بحري والبنطلون ( المريول ) رصاصي مثل لون بنطلون الاولاد في المدارس الحكومية :) والتاي ازرق مخطط ببحري ..

رسوم التسجيل كاملة بالمواصلات بتكون 175 دينار شاملة رسوم شهر 9 والمواصلات مثل ما قلت واذا ما تبغين مواصلات تنقصين 20 دينار يعني 155 دينار ،، وبعدين شهريا الرسوم الشهرية بتكون 45 دينار والمواصلات 20 دينار ..

المدرسات هنديات ويعطونهم بعد عربي ودين ( يدرسونهم بحرينيات ) .. المنهج ما عندهم الا منهج واحد وهو البريطاني ، وعن مواصلاتهم احنا بيتنا في عالي وعادي في مواصلات .. واتوقع ان في بعد لمدينة حمد :)
وولدي بشكل عام احسه استفاد وايد ومدّرسته اوكى والحمدلله مستواه ممتاز في الدراسة ولغته بعد زينة واهم شي ان ما فيها لكنة هندية مثل ما كنت متخوفة :)

نسيت اقول ان اللعام ولدي كان في روضة انوار الغدير مستوى اول وهالروضة تركز على العربي فصارت خلفيته زينة واشوفه ماشي اوكى في العربي السنة وان شاء الله على طول وانا ما راح اهمل العربي وبمجرد ما يروح صف الاول بوديه مكان يدرس فيه العربي بشكل مكثف :)



واي استفسار ثاني انا حاضرة ..

ولدج يتكلم انكليزي عدل او لا انا ابيها تتكلم انكليزي اشلون الدوام من متى الى امتى والروضة 3 مراحل او مرحلتين بس و شلون الفسحة مثلا عندهم وشنو الكتب و سعر المدرسة كم وفي اعدادي او لا وبكم اسعر الزي الرسمي والرياضي والتاي وسمعت الجوراب من المدرسة بعد وعن الرحلات اودونهم وهل يطلبون اسعار وايد او عادية وفي احتفالات وهل في مدرسين او مدرسات فقط ومشكورة

معليه اشوي باطلع عن الموضوع حابة اسأل الاخت ام حلا البحرينية عن مدرسة كانو

عن السعر ؟ المناهج ايدرسونها بأي لغة مثل العلوم و الرياضيات ؟ اشلون بنتج في الانجليزي يعني الياهل اين دش ايصير بلبل مثل اللي يتخرجون من البيان و ابن خلدون؟

و اشلون عن العربي و الدين؟ و آخر سؤال شنو الشي اللي يميز المدرسة من ناحية جودة التعليم؟

hayawa;9171500:
ولدج يتكلم انكليزي عدل او لا انا ابيها تتكلم انكليزي اشلون الدوام من متى الى امتى والروضة 3 مراحل او مرحلتين بس و شلون الفسحة مثلا عندهم وشنو الكتب و سعر المدرسة كم وفي اعدادي او لا وبكم اسعر الزي الرسمي والرياضي والتاي وسمعت الجوراب من المدرسة بعد وعن الرحلات اودونهم وهل يطلبون اسعار وايد او عادية وفي احتفالات وهل في مدرسين او مدرسات فقط ومشكورة

ولدي يتكلم انجليزي على قده ههههههههه اقصد انه توه السنة في كي جي 1 بس يحاول يركب جمل بالانجليزي ويعرف مصطلحات كثيرة ويفهم انجليزي بعد وان شاء الله كل سنة بيتطور شوي <<<< عيال حماي اللي يدرسون فيها ما شاء الله يتكلمون انجلش عدل :)

الدوام ما عندي فكرة تصدقين من كم الى كم بالضبط هههههههههههه لان ولدي يروح ويرجع في الباص ويجي له الباص الساعه 6 وربع الصبح تقريبا ويرجع 1 الا ربع الظهر ( اتوقع دوامهم من 7 ونص - 11 ونص بس مو متأكدة )
الروضة عندهم مرحلتين واعتقد ان المدارس الخاصة كلها عندها مرحلتين للروضة فقط :) والفسحة عندهم بريكين اعتقد الاول ع ال8 ونص والثاني مادري متى هههههههههه .. وعن الكتب ما فهمت شنو سؤالج عنهم يعني عددهم او سعر القرطاشية او شنو ؟؟ اذا ع العدد ما اذكر الصراحه ماعديتهم لكن في كتب للحروف الانجلش وفي كتب للارقام وفي كتب للعلوم وفي للنشاطات المختلفة وفي للاناشيد الانجلش والعربي كتابين واحد منهم يتضمن الدين ( سور قرآنية وأدعية )اضافة الى الاناشيد العربية .. والقرطاسية ما اتذكر كم بالضبط بس في حدود ال50 دينار زايد قاصر (a)
وعن اسعار المدرسة مادري للحين الصراحه ما سألت .. وفي مراحل اعدادية وحتى ثانوية كأن :)

الزي الرسمي سعره مو متذكره كم بالضبط وتشترينه من بيت الازياء لكن حسب ما اذكر القميص نص كم ب3ونص وكم طويل ب3.800 والمريول ماعندي فكرة لان احنا بنطلون خخخخ (a) الباقي تاخذينهم من المدرسة واسعارهم التاي بدينارين الوحدة ، بدلة الرياضة احنا اخذناها كامله من 3 قطع ( تركسوت ) ب11 دينار والجورب بنص دينار الواحد .. ويطلبون الاحذية الله يعزج الرسمي جلد اسود والرياضة ابيض لكن ما اعتقد الكل يلتزم ههههههههه وفي الشتاء في بلوزات تاخذينهم من بيت الازياء لونهم كحلي عليهم شعار المدرسة او ممكن تاخذين جاكيت بس سعره هذا 25 دينار ( انا اتكلم عن الاولاد ما ادري عن البنات )..

الرحلات اشوف ذاك الفصل ودوهم بس رحلة والفصل لحد الحين رحلة ،، ويطلبون دينارين فقط والطفل يحمل وجبته معاه ويحمل معاه ماي بعد ..

الاحتفالات عندهم لا هي كثيرة ولا قليلة ،، حسب اللي اتذكره سووا لهم قرقاعون وحفلة عيد الفطر وحفلة عيد الاضحى وحفلة العيد الوطني ( هذا اللي اذكره ) وما اشوف طلبوا على ولدي اي شي في هالحفلات ما عدا القرقاعون قالوا اذا يحب يشارك بحلاوة خل يشارك ..

والمدرسين ما ادري بصراحه لكن للروضة اللي يعلمونهم رياضة هم رجال مدرسين يعني مو مدرسات ،،

نسيت اقول اني لاحظت في صف ولدي مسوين قروبين ( مجموعتين ) وحدة للاولاد والثانية للبنات يعني تقريب مسوين فصل بين الجنسين خخخخخ ومادري هل هالشي بس في صف ولدي لو في كل الصفوف :)

بعد بسالج انتي مرتاحة منهم وابي اسالج عن الكتب تقدرين تصورينهم وتعرضينهم لان سمعت ان في بعضهم ملازم صج اولا والرحلة وين وداهم وابي اعرف الاوراق الي بطرشونها لج مثل طلبات او ملاحظات بالعربي اوانج والباص اشلون نوعه ومكتوب عليه اسم المدرسةوهل فيه معاهم احد في الباص وسوري على الاسئلة الكثيرة وبتخلين ولدج الى الابتدائي او بتغيرين يعني السنة الجاية بيكون سنة ثانية او مدرسة والزي مال الروضة والمدرسة نفس الشي وشكرا

ردي علي ماما حسون

hayawa;9172137:
بعد بسالج انتي مرتاحة منهم وابي اسالج عن الكتب تقدرين تصورينهم وتعرضينهم لان سمعت ان في بعضهم ملازم صج اولا والرحلة وين وداهم وابي اعرف الاوراق الي بطرشونها لج مثل طلبات او ملاحظات بالعربي اوانج والباص اشلون نوعه ومكتوب عليه اسم المدرسةوهل فيه معاهم احد في الباص وسوري على الاسئلة الكثيرة وبتخلين ولدج الى الابتدائي او بتغيرين يعني السنة الجاية بيكون سنة ثانية او مدرسة والزي مال الروضة والمدرسة نفس الشي وشكرا

هلا

ايي الحمدلله مرتاحين معاهم واكثر شي يعجبني هو التواصل بين البيت والمدرسة .. يسوون يوم مفتوح شهريا ويكون اول سبت من كل شهر ميلادي اضافة الى ان لما اكتب ملاحظة في الدايري القى الرد بسرعه ومرة ولدي عقب كثرة الاجازات ( اللي صارت ايام عيد الاضحى ) ما شفناه الا ما يبي يروح المدرسة وطفشنا بعدين قام زوجي واتصل وقالهم وطلب ان معلماته يقعدون معاه يشوفون شفيه لان احنا كل ما نسأله ما يعطينا سبب مقنع وفعلا في نفس الوقت قعدوا معاه وكلموه ودلعوه وطلع ان ما فيه شي وعقب يومين تفاجأت لما رجع البيت ان عنده هدية من المعلمة عبارة عن لعبة الحروف .. وحتى في عيد الام كنت انتظر يطرشون ورقة يطلبون فلوس حق هدية مثل باقي الروضات لكن شفتهم ماطلبوا وبعدين طرشوا هدية ( صحيح انه متواضعة جدا ) لكن لها قيمة معنوية اضافة الى ان طرشوا بعد بطاقة غلافها من تصميم ولدي :)
وفي عيد ميلاده طرشوا بطاقة تهنئة عليها شعار المدرسة وموقّع عليها مدير المدرسة بعد هههههههههه عجبتني هالحركة مع ان احنا ما ذكرناهم ولا شي بس الظاهر هم يهتمون وايد بالاطفال :o

عن الكتب في 3 ملازم فعلا والباقي كلهم كتب عادية .. الاحظ الملازم مسوينها حق النسخ اكثر شي وهي عبارة عن نسخ الحروف الانجلش ونسخ الارقام بالانجلش طبعا والملزمة الثالثة هي ملزمة العربي - الدين ، وطبعا ما عندهم شي اسمه دفتر ابدااا .. بس مسامحة ما اقدر انزل صور لان عندي مشكلة في جهازي (a)


الرحلات ودوهم الكورس اللي طاف شاكازولو ( مجمع الدانة ) وهالفصل ودوهم مملكة الاطفال ( الكورنيش ) ..

عن الاوراق والطلبات ( على فكرة طلباتهم جدا قليلة ) يلصقونها في الدايري او يكتبونها في الدايري مباشرة ،، اغلبها طبعا بالانجلش .. بس اذا شي يخص العربي يلصقون ورقة بالعربي مثلا ان عنده في اليوم الفلاني املاء في الحروف الفلانية .. :)
اما اذا كانت تخص باقي المواد .. او مثلا رحلة او اعلان او اي شي ثاني يكون كله بالانجلش ..

وبالنسبة عن الباص انا ولا مرة شفته لكن زوجي يقول انه ميني باص عادي مو مكتوب عليه اسم المدرسة للاسف ( مع اني لما اروح المدرسة اشوف ميني باصات مكتوب عليها مدرسة المهد بس مادري ليش ما يجيبون لمنطقتنا واحد :() وللاسف بعد الباص ما فيه مشرفه .. بس احنا مضطرين ناخذ الباص لان ما نقدر نوصله احنا ..

وعن المدة اللي بخلي ولدي فيها ما قررنا للحين ( على حسب الظروف ) بس ان شاء الله نواصل الى 6 ابتدائي ..
واعتقد ان المدرسة بعد يلبسون نفس الشي ( اللبس موحد لكل الطلاب من الروضة الى المدرسة ) وانا شفت كذا مرة لما اروح ان في طلبة كباااار لابسين نفس اليونيفيرم :)


وولدي بيكون السنة الجاية كي جي 2 (HKG) لانه طايفة عليه سنة ، كنت مقررة من قبل ان اوديه صغير لكن ماحصلت له جانص في التسجيل وناس وايد شجعوني ان اخليه في كي جي 1 احسن له علشان ما ينضغط في الدراسه ويكرهها واشوفه الحين الحمدلله مستواه يفرررح يوم اللي اروح اسأل عنه يشققوني من كثر المدح هههههههههههههههههههه

اختي انا فتحت موضوع بداية السنة عن صور تجهيزات المدارس وراح تلقين صور تجهيزاتي لولدي وصور الزي وكل شي فيه ..

ابتدي هني

جهزتي طفلك للمدرسة !! خلينا نشوف .. - صفحة 9



في نقطة ثانية تخص المدرسة مادري اذا سمعتي عنها او لا ..

من صف اول ابتدائي ( Gread 1 ) يتأخرون في المدرسة اعتقد الة 2 ونص وتكون هالحصة الزيادة حق الواجبات بحيث ان الطالب يرجع البيت ما عليه واجبات او شي ..
اما في الروضة ولدي يوميا يعطونه واجبات نادرا اذا يجي يوم وهو ما عليه واجب :)

مشكورة اختي على كل شي واذا قدرتي اصورين الكتب صوريهم قلتيلي الروضة 3 مراحل او مرحلتين بصراحة يعني انا الانج وياي مو ذاك الزود عادي امشي معاهم في النوتات ولدج مواليد كم

hayawa;9173294:
مشكورة اختي على كل شي واذا قدرتي اصورين الكتب صوريهم قلتيلي الروضة 3 مراحل او مرحلتين بصراحة يعني انا الانج وياي مو ذاك الزود عادي امشي معاهم في النوتات ولدج مواليد كم

الروضة مرحلتين فقط عندهم

كي جي 1 >>> LKG
كي جي 2 >>> HKG

وصور الكتب ان شاء الله اذا قدرت بحاول :wink:


وعن ولدي فهو مواليد 2004 ،، وعندي ولدي الصغير مواليد ديسمبر 2006 لكن ما بدخله السنة الجاية رغم انه ممكن يقبلونه في كي جي 1 بس بخليه للسنة اللي وراها بحيث ان يصير فرق سنتين بينه وبين اخوه :wink:

انا حابه اصير صديقتج تقبليني واولادج اي شهر همة واساميهم شنو انا عندي هيا مواليد 29 ابريل 2006 وهيام مواليد 14 فبراير 2008 انتي مواليد كانه 84 انا من مواليد 87 خلنا نتعارف محتاجة صديقات وبعد مشكورة جني اذيتج