ليش هالقساوة؟؟

كلامج مؤثر والله وعيوني دمعت
ماأعتقد في أم تكره بنتها ويمكن فيه فعلاً بس يمكن لها أسباب معينة او تصرفات تتصرفينها ماتعجبها يا أختي
حاولي بأي طريقة تتقربين منها مرة ومرتين وثلاث وتطلعين معاها ولو قالت لج كلام يضايقج لاتآخذينه كله بعين الإعتبار يعني اعتبريه كلام عابر عشان لاتتضايقين انتي.. وعيشي حياتج وياها وعامليها بالحسنى حتى لو عاملتج بالسلب لأن بالأول والأخير هي جنتج ونارج واللي يمليه عليج ضميرج قدام رب العالمين واحتسبي الكلام اللي يضايقج عند الله سبحانه

الله ييسر أمورج ويسعدج وياخطيبج ويسهل لج امور زواجج ويرزقج بالذرية الصالحة

صدقيني حاولت...بس بالنهاية انا لي مشاعر و انجرح من تصرفاتها..وصل حدي و صرت ما اتقبل هالتصرفات و اتضايق منها..
قلتي ان يمكن انا اعمل تصرفات يخليها كذا..بس انا ذكرت بكلامي ان من صغري هي تعاملني كذا..وانا الحمدلله احاول ما اقصر معاها بشي..كل انسان يغلط و لو انا غلطت..من غير الأم اللي مفروض تسامح؟؟ لو امي ما سامحتني من بيسامحني؟؟ مع ان والله ما اذكر اني غلطت بشي يستاهل كل هذا
وصلت لمرحلة اقول فيها خلاص لا ابي حبها و لاني محتاجة حنانها وانا بحترمها و انفذ اوامرها بس عشان اكسب رضا ربي
مشكورة حبيبتي عالدعوة..الله يسعدج دنيا وآخرة

حبيبتي قصتك حزنتني كثير والله يوفقك انتي وخطيبك

مدام انه ما نفع انك تتقربي منها ليه ما تجربي انك تجلسي معاها وتصارحيها باللي في داخلك اسأليها ليه

ما تحسسيني بعطفك وحنانك مع اني بنتك الوحيدة ؟ هل ضايقتك بشي خلاكي تتعاملي معي بجفاء؟ ومن

هالاسئلة وشوفي ردة فعلها

الله ييسر أمرك ويفرج كربك ..

فكرت بهالشي..بس صعب علي لأن احنا اساسا علاقتنا سطحية و صعب علي افتح قلبي لها واقول لها اللي ف خاطري..ما اتجرأ اسوي هالشي

حبيبتي صدقيني مافي ام بالدنيا تكره ضناها... وانتي يمكن شوي حساااسة وتفهمين تصرفاتها بالعكس
في بعض الامهات واااايد صارمات وجدددد فوق اللزوم والظاهر امج وحدة منهم

اهم شي انج ما تنسين انها امج... كل ما تصدج تقربي لها... حسسيها انج تحبينها ومحتاجتها.. وياليت تفتحين لها قلبج وتحاولين تفضفضين لها... شدراج يمكن هي تشوف منج قساوة... كل شي جايز

حاولي تاخذينها وتطلعين مكان هادي وتسولفين معاها... او بالبيت حاولي تشترين لها شي وتفتحين معاها الموضوع وان شالله ما تروحين بيتج الا وكل شي متصلح بينكم

طمنيني عليج والله يوفقج ياااااااااارب

[COLOR=black]موضوعك هذا رسالة لك الامهات (f)
ياليت تحضنون بناتكم .. وتسمعون لهم زين ..
البنت تستحي تحضن امها لكن انتي عوديها واحضنيها بأي وقت ..
بتصير لك الصاحبة والاخت .. احسن ماتلتفت للغريب :16:

[/COLOR]
وانتي اختي الله يعينك ...

لكن نصيحتي لك لا تقولي لخطيبك عن علاقتك بأمك ..

بكرة اذا تزوجتي وصارت بينكم اي مشكلة بيقوول محد بيهتم فيك .. امك ماتحبك ومن هالكلام ..

ويذكرك كيف امك كانت قاسية عليك :16:

نصيحة لك واحفظيها زين لاتحكين له .. ووضحي له ان العلاقة بينك وبين امك تعدلت .. حتى لو كانت عكس كذا ..

الله يحنن قلب امك عليك :15:

موضوعك جداااا مؤثر والله اثر فيا ربنا يعينك اختي

استغرب لما في امهات لهذي الدرجه مايحسو ببناتهم الله يهديهم

المهم اكيد امك تحبك بس فيها شي وانتي بطبعك حساسه

لان مااعتقد في ام تكرهه بنتها اعملي شي واحد اليوم الي بيكون زفافك

ان شاءالله بالعافيه اليوم الي قبله في الليل اقعدي معاها وكلميها بكل الي

بقلبك منها وخلاص بعد كذا انتي بتروحي لبيت زوجك وماراح تلاقيها

واكيد راح تحس بالذنب وتلوم نفسها اهم شي تصااارحيهااا

وربنا يحنن قلبها عليكي ويوفقك مع خطيبك

حبيبتي صدقيني كانك تحكي عن جدتي هي هيك ربت امي و خالاتي بس و الله معانا ما في اطيب و لا احن منها
و ماما ربتنا على عكس الللى تربت عليه
ان شاء انتي الله خطيبك يعوضك عن اي حرمان عاطفي عشتيه و باذن الله لما يصير عندك اولاد اغدقيهم بعطفك وحنانك و اللى امك ما قدرت تعطيه لك انتي اعطيه لابوك و لحبيبك
الله يهديها و يحنن قلبها عليك

BHR_Sun;8591260:
حبيبتي صدقيني مافي ام بالدنيا تكره ضناها... وانتي يمكن شوي حساااسة وتفهمين تصرفاتها بالعكس
في بعض الامهات واااايد صارمات وجدددد فوق اللزوم والظاهر امج وحدة منهم

اهم شي انج ما تنسين انها امج... كل ما تصدج تقربي لها... حسسيها انج تحبينها ومحتاجتها.. وياليت تفتحين لها قلبج وتحاولين تفضفضين لها... شدراج يمكن هي تشوف منج قساوة... كل شي جايز

حاولي تاخذينها وتطلعين مكان هادي وتسولفين معاها... او بالبيت حاولي تشترين لها شي وتفتحين معاها الموضوع وان شالله ما تروحين بيتج الا وكل شي متصلح بينكم

طمنيني عليج والله يوفقج ياااااااااارب

والله ادري مافي ام بالدنيا تكره بنتها..بس شلون تفسرين تصرفاتها؟؟ ياما حاولت اتقرب لها بس احسها تتضايق واني ازعجها..

تَفْدّآهـ .. }•°;8591366:
[COLOR=black]موضوعك هذا رسالة لك الامهات (f)
ياليت تحضنون بناتكم .. وتسمعون لهم زين ..
البنت تستحي تحضن امها لكن انتي عوديها واحضنيها بأي وقت ..
بتصير لك الصاحبة والاخت .. احسن ماتلتفت للغريب :16:

[/COLOR]
وانتي اختي الله يعينك ...

لكن نصيحتي لك لا تقولي لخطيبك عن علاقتك بأمك ..

بكرة اذا تزوجتي وصارت بينكم اي مشكلة بيقوول محد بيهتم فيك .. امك ماتحبك ومن هالكلام ..

ويذكرك كيف امك كانت قاسية عليك :16:

نصيحة لك واحفظيها زين لاتحكين له .. ووضحي له ان العلاقة بينك وبين امك تعدلت .. حتى لو كانت عكس كذا ..

الله يحنن قلب امك عليك :15:

امين يارب

قريت هالمعلومة قبل ان مب زين اخبر زوجي عن مشاكلي مع اهلي بس هو عودني اني ما اكذب عليه ولا اخبي عليه شي يبينا نكون كأننا واحد مافي بيننا اسرار

واكيد هي رسالة لكل ام تقراه

وشكرا حبيبتي

sarah_uk;8591469:
موضوعك جداااا مؤثر والله اثر فيا ربنا يعينك اختي

استغرب لما في امهات لهذي الدرجه مايحسو ببناتهم الله يهديهم

المهم اكيد امك تحبك بس فيها شي وانتي بطبعك حساسه

لان مااعتقد في ام تكرهه بنتها اعملي شي واحد اليوم الي بيكون زفافك

ان شاءالله بالعافيه اليوم الي قبله في الليل اقعدي معاها وكلميها بكل الي

بقلبك منها وخلاص بعد كذا انتي بتروحي لبيت زوجك وماراح تلاقيها

واكيد راح تحس بالذنب وتلوم نفسها اهم شي تصااارحيهااا

وربنا يحنن قلبها عليكي ويوفقك مع خطيبك

والله فكرتك وايد حلوة..بس ما اعتقد اقدر اقولها بوجهها..بكتبه برسالة واعطيها اياه

كل الشكر لج عزيزتي

هلا غناتي

هي قاسية قدامج بس صدقيني إذا صار عليج شيء بتجن مشاعر أمج ما تبينها تبين الصرامة

أنا أقول الحدود الواسعة بينكم كسروها وتقربي من أمج
إذا ربطج لسانج اتكلمينها كتبي اللي ف خاطرج في رسالة وشوفي ردت فعلها!!!!

اتمنى إني افدج بحل بسيط

تقبلي مروري

bintmami;8591772:
حبيبتي صدقيني كانك تحكي عن جدتي هي هيك ربت امي و خالاتي بس و الله معانا ما في اطيب و لا احن منها
و ماما ربتنا على عكس الللى تربت عليه
ان شاء انتي الله خطيبك يعوضك عن اي حرمان عاطفي عشتيه و باذن الله لما يصير عندك اولاد اغدقيهم بعطفك وحنانك و اللى امك ما قدرت تعطيه لك انتي اعطيه لابوك و لحبيبك
الله يهديها و يحنن قلبها عليك

ذكرتيني بنقطة ما قلتها..ان امي انسانة محبوبة وايد بين الناس اللي مو من البيت و تساعد الناس وكتبت ان بكل رمضان توزع تبرعات يوصل خارج البلد..بس مادري ليه كذا معاي؟:ss:

أميرة الصمت;8591979:
هلا غناتي

هي قاسية قدامج بس صدقيني إذا صار عليج شيء بتجن مشاعر أمج ما تبينها تبين الصرامة

أنا أقول الحدود الواسعة بينكم كسروها وتقربي من أمج
إذا ربطج لسانج اتكلمينها كتبي اللي ف خاطرج في رسالة وشوفي ردت فعلها!!!!

اتمنى إني افدج بحل بسيط

تقبلي مروري

ما ادري والله بس بشو تفسرين رفضها دفع تكاليف علاجي؟؟ بينها وبين ابوي وايد مشاكل و تبا تقهره بهالتصرفات بس انا شو ذنبي؟؟؟ يوميا لثتي تنزف وهي ولا همها!

امك طبعا مستحيييل تكرهك وصدقينى ما تتحمل شكه الابره عليكى لو جد الجد لا قدر الله
حتى تصرفها مع خطيبك كان دليل على خوفها عليكى انها منعتكم من انكم تتقابلوا بس هى غلطت انها ما حفظت سرك في امهات ما يعرفوا يتصرفوا بالهمواقف...

الا ما الك غير انك تتحاولى تتقربي منها اكثر وخاصه انه خلاص قرب زواجك ان شاءالله فخلي القلوب تصفى

ربنا يهدى بالك وخاطرك ويحنن قلب امك عليكى ويوفقك بحياتك

فديتج والله هميتيني

بس على الاقل انتي تذكرين متى حظنتي امج انا والله ماذكر اذا حظنتها او لا ههه

امي تكلمني عادي واحيانا بطيبة واحيانا.........

مدري امج شلون بس تظل امج واكيد تحبج بس يمكن عندها اشيا بنفسها ما تبي تبينها والله مدري بالضبط


ربي يوفقج يارب

مشكورات خواتي ما تقصرون..الحمدلله على كل حال..يمكن اختبار من ربي

يـــاعمري ربي يحنن قلب امج عليج ويسعدج ويوفقج ويتم زواجكم عاجلا غير اجلا ويعوضج بكل الحنان إلي فقديته من امج وتعيشين حياة كلها حب وعطــاء إن شاء الله ...

..لمعة عين..;8592018:
ما ادري والله بس بشو تفسرين رفضها دفع تكاليف علاجي؟؟ بينها وبين ابوي وايد مشاكل و تبا تقهره بهالتصرفات بس انا شو ذنبي؟؟؟ يوميا لثتي تنزف وهي ولا همها!

أنا أفسر تصرفها طبعي تعرفي ليش لانج دائما لما يصير عليج شي تروحي تخبري أبوج وهي يمكن حطت فخاطرها لانها هي الأقرب من الأب وإنتي زرعتي أول فجوة بينج وبين أمج

أما عن المشاكل مع أبوج فإنتي خارج إطارها طبيعي تكون هناك مشاكل بين الزوجين أولا بحكم إنه يشتغل خارج الدولة والحمل الأكبر عليها مع مهمتها الأكبر عيالها وبيتها والأهل والناس والجيران
هي عاملة وأم وتساعد الناس لازم تفتخري فيها يمكن هي تحس بفراغ عاطفي محتاجة حد يقوللها كلمة حلوة مثلا أمي أنا فخورة فيج والحمدالله عندي أم شراتج
لا تمسكي شغلات مثل السيارة خافت إنج ادعميبها هي خايفة عليج بس محورتها على السيارة
وعن لثتج سيري وقوليلها أمي أنا تعبانة من لثتي أباج توصليني العيادة أنا خيفانة وأباج تكوني عندي
أنا بالأمانة ما أتذكر إن فيوم أمي حضنتني يمكن وأنا صغيرة :D

حياتي طمنينا عليج وسلمي على أمج