..لمعة عين..;8594904:
مشكووورة ع اهتمامج حبيبتي:)
بس ذكرت بالبداية السبب اللي خلاني اشتكي لأبوي لأنها كانت تستخف فيني لما كنت صغيرة اقل من 10 سنوات...ف شي طبيعي اشتكي للي يهتم بي ولا شو رايج؟ وبعدين ما اعتقد ان لو كنت مريضة تسوي فيني كذا
اسلوبها معي بشكل عام والله مو مبين انها تحبني
(غير عن امهات صديقاتي)
يا أمي يا حياتي الناس تختلف مو شرات بعض لا تقارني أمج بأمهات ربيعاتج كل وحدة عاشت ظروف حياتها فظروف أمج علمتها القسوة فهمي علينا
والله بقولج شي يريحج أنا أمي قاسية والله العظيم قاسية وأعذرها على الظروف اللي عاشتها وصلت الحد إنها ضربتني بحزام أبوي بدون سبب:eek: فوق كذية ما خليت هالموقف يبعدني عنها وتعاملني أقسى معاملة عن خواتي لما تزوجت امي ما قامت تمشي ومانعة نفسها من الأكل :confused:
واكتشفت إنها تربيني ما أكون طيبة بدرجة السذاجة لأني والله على نياتي واصدق كل شي ينقالي:D وهذا السبب عنفها لي تحاول تغيره ما ما قدرت:D يعني أسلوبها فالتربية عنف وضرب ولا تعرف غير هالطريقة
أنا على فكرة أول مرة أقول شي فخاطري فالمنتدي بس بغيت أوصلج معلومة
أشل على كل الناس إلا أمي لان أمي هي الأولى فالصحبة مثل ما قال الرسول صلى الله عليه وسلم وهي اللي ما تطعن فالظهر لا أشتكي منها ولا أخليها تشتكي مني أبوس الأرض اللي تمشيها بس ما تزعل مني
ولا مرة تجرأت أقول حق ريلي شي يزحزح قدرها عنده ولا خبرته عن قسوتها بالعكس كنت أفتخر فيها
اتمنى إني ما ازعج فردودي لج بس بغيت تكسري هالحواجز ولا تخلقي أعذار لأنها فالنهاية أمج وإلها حق عليج