قصة سفرة العجم

أحب أذكر الجميع أن كل بلد عندها عادات وتقاليد
في الإمارات عندكم عادة وتسمى المكسار وهذي العادة من قديم الزمان عندكم أن العروس تعرض كل الهدايا اللي وصلتها من المعرس ويتنافسون منهي عندها أكثر

إذا كان في شي من البدعة والضلالة من العادات والتقاليد فأنا بقول عن المكسار هالشي لأنه كله رياء وفشار وزخم

لكن الإنسان يحترم عادات وتقاليد بلدان غير ناهيك عن أن احنا نتكلم عن عادات ناس مسلمين سواء بالمذهب الشيعي الجعفري أو بالمذهب السني الحنبلي أو الشافعي أو الحنفي

وللتذكير أيضاً

المذهب يختلف عن الديانة
المختلفين في مذهب لا يعني أنهم مختلفين في ديانة
لأن في النهاية هم كلهم مسلمين

وحابة أوضح شغلة

أن سفرة العجم اقتبسها أهل البحرين من الفارسيين لكثرة وجود الفارسيين بالبحرين سواء من الفارسيين الشيعة أو من الفارسيين السنة

وأهم عنصر بالسفرة هو وجود القرآن
وقراءة القرآن

ولا يمكن تكفير ما يوجد به القرآن لأن القرآن نتبارك.. والقرآن حفظ وصون.. واحنا نحط القرآن في بيوتنا.. ونزين القرآن ونقرأ القرآن ونتعوذ بالقرآن ونتبارك بالقرآن ونتهادى القرآن

خصوصاً أن العقد يتم على هذه السفرة والشيخ يحضر شخصياً ويسأل الفتاة عن موافقتها وعن شروطها وعن كل شي وتجاوبه هي بكامل إرادتها وقواها العقلية إذا كانت تبي تتزوج هالشخص وبهالشروط أو لا وإذا عندها شروط تذكرها.

في النهاية أحنا في منتدى عربي يحمل كل المذاهب والأديان بروح أخوية

نعم نقبل النصيحة
ولكن الكلمة الطيبة تعادل ال10 حسنات
فاتركوا كلمات طيبة تطيب نفوسكم

دمتم أخوة في الإسلام محبين

اخيرا:rolleyes: فهمت شنو يعنى سفره لانى بصراحه ماكنت اعرفها اشوف البنات ينزلون الصور ويكتبون كذا سبحان الله لكل بلد عاده وتقاليد........تقبلى مرورى اختى

احنا نسوي سفرة مشابهه لسفرة العجم حق يوم الجلوة

يسلمو حبيبتي ع المعلومات

الغاليه اوريانا ماحد انتقدكم في شي بس لأنه فيه رموز غريبه في السفرة فكل حد يستغرب ..

يعني عسل وسمج وماعرف شو ومراية يعني عادي الواحد يستغرب ..

اما المكسار على قولتج يعرضون زهبة العروس يعني مب شي او رمز غريب :) صح واللا ؟

ومنو قالج انه هدفها كبرياء؟ على فكرة مب كل اهل الامارات يسوونها لأنه في ناس يستبدلونها بليلة الحنا.. وناس ما يسوون لا هذي ولا ذيك اللهم ليلة العرس وخلاص .. واحنا منهم :) مافينا حق عوار الراس مرتين يكفي مرة ...

وما يكون ترا فيها تنافس لأنه العروس تعرض اغراضها هيه بس ما يكون فيه اكثر من عروس عشان كل وحدة تتباهى .. وعرض الاغراض شي عادي للي يبغي اقصد انه مافيها شي غريب وانتي ما تعلمين بالنفوس هل هم يسوونها لغرض يتكبرون بأغراضهم او لا :)

عموماً كل شعوب له اشياء غير والي شفتيه منا مجرد استغراب للرموز الي لازم تنوجد يعني مرات نشوفكم حاطين في السفرة بيض .. بالله عليج ما بنستغرب .. يعني شو يسووي البيض هناك لا وملون .. بتقولون زينه ... عادي نستغرب ماشي زينه اللا البيض ؟

فالحين القضية ترا وايد عادية وما تستاهل كل هالبلبلة .. لأنه ماشاء الله عليها صاحبة الموضوع ذووق وفهمتنا .. بس ترا قلت لج كل القضية استغراب بس من الرموز

وان شاء الله ما تزعلون منا بنات البحرين ماحد يعيب عليكم بالعكس الموضوع كنا مستغربينه وانتهى :)

سلامي لكم

والله ياختي مادري منو الي تحسس .. انتي بالعكس حسستيني انج تضاربين مب بس تحسستي :) مع اني ما تحسست من ردج .. الله يهديج بس ..

لو بتلاحظين ردودنا بتلاقين انه الاخت ام ألما ردت علينا وتفاهمت ويانا وتسكر الموضوع بس ييتي انتي وتضايجتي .. وانا مب زعلانه انج ذكرتي المكسار بالعكس عادي شوفيها ؟ ترا مثال وانتي لا سبتي ولا شي ..

ومثل ما انتي من اهل البحرين رديتي على المووضوع مع انه الاخت ام الما ردت وخلصت ويتي انتي تكملين التوضيح .. عادي مثلي انا يوم شفتج ذكرتي مثال عن اهل الامارات وانا وضحته .. يعني المسأله جداً عادية ..

والي يقول ضلالة وبدعه كيفه كل واحد يتحمل خطاياه وزلاته .. ومثل ما انتي عارفه كل وحدة لها مذهب مختلف لو شافت شي غريب في المذهب الثاني بتقول بدعة وضلالة .. يعني شي متبادل صح واللا لا :)

الغاليه الموضوع ترا وايد عادي بس احسج كبرتيه انتي وضحتيه بلغة جافه شوي عكس الاخت راعية الموضوع .. مع انه مثل ما ذكرت الموضوع انشرح وقلت لج يحق للكل يستغرب مثل ما انتوا لكم الحق تستغربون بعد من وايد اشياء في بلدان ثانية ..

وفديتج ادري انج ما خصيتيني انا بالكلام ولا غيري بعد ..بس ترا مثل ما لج الحق توضحين لي الحق اوضح وكل وحدة منا في هالمنتدى تمثل بلادها وعاداتها .. مب حلال حق حد وحرام حق حد ..

وان شاء الله بس ما تكونين زعلتي من شي ولا تاخذج العصبية لأنه شي ما يسوى ..

تحياتي

شكرا اختي و يا ليت كان فيه صوره توضح :)

شو بعد هذا ماله داعي الرد ورا بعض ؟ ليش عيب واللا حرام الله يهديج

يعني المفروض كنت لما اشوف ردج اطوف يومين وارد ؟ مافهمت يعني ؟؟ تراه منتدى مب تلفون

تدرين شي والله ندمت اني رديت اصلاً عالموضوع مادري ليش مكبرة الموضوع هالكثر راعية الموضوع ما سوت الي انتي سويتيه مع اني ماحاولت اجرح لا فيج ولا في حد بس شكلج وايد شاله في خاطرج..يعني انتي وضحتي وانا وضحت بس ماصار شي حق هذا كله

والحمدلله نحن كبار وارقى من اننا نتهاوش ونختلف على توافه وهاللي انا المفروض اعرفه عنج لأني اشوف مواضيعج بس مادري ليش الحين احسج وايد متنرفزة.. رغم انه ردودي ماخرجت عن نطاق الاحترام.. تعصبين في بداية كلامج وتردين في الاخير تقولين اخوة.. مب مبين للأسف لأنه لو اخوة ما بتحطين في خاطرج هالكثر..

وانا برسل للمشرفات عشان يردون ترتيب الموضوع حرام نخرب عالبنية .. و لأني عمري في حياتي ماكنت ولا بكون سبب بلبلة ومناقشات غير مجدية في هالمنتدى ولا في اي منتدى عندي كلمه خير اقولها او اسكت احسن ..

والسموحة منج حبيبتي .. لا تزعلين حلو تبادل الآراء بس بشكل افضل من هذا ان شاء الله

يا جماعة صلو على النبي تراه موضوع و نزلته البنت مثل باقي المواضيع اللي فالمنتدى مو مشكله لو صار سوء تفاهم بسيط يعني اهل البحرين أغلبهم يعرفون عادات و تقاليد بعض على العكس من باقي البلدان الخليجية و العربية و الهدف هو ان نتعرف على بعض في المواضيع اللي تخص القسم و ما قصرت أم آلما وضحت لنا السالفة ,, و انا اذا حصلت صور بنزلهم فالموضوع ((على كيفي لووول)) ..

أنا خالتـي من قبـل أكثر من 10 سنيـن متزوجة

يوم خطوبتها سوت لها سفرة عجم

وكانت شاملة كل إلي ذكر , وكانت سفرة بكل معنى الكلمـة

/
\

لكن هالسفرة عادة وتقليد لدى العجم

وجات لنا بحكم التزواج بيننا ولأنهم تعايشوا معانا

وشوي .. شوي!

تطورت الدنيا

وقاموا يسون أشياء كثيرة في السفرة

وإضافات.. وغيروا الألوان

/
\

حتى هالسفرة إنمسحت معالمها

صارت شي ينوضع للزينـة والفرح بـس!

/
\

ومعظم السفر إلي أشوفهم الحين فنون وإبتكارات

مب سفرة أنوضعت علشان تتطبـق الأشياء إلي فيها

/
\

أنا يوم ملجتـي

الماما كانت تبي تسوي لي سفرة عجم متكاملة

بس رفضت , قلت ماله داعي

أولاً مب عجمية علشان بسويها وبنطبق كل حذافيرها . . شي مب من عاداتنا وتقاليدنا

وخصوصاً إن بيت خطيبي أيضاً رفضوا , ليش سفرة عجم إنتي مب عجميـة

ثانياً صارت وايد غالية ومكلفـة

ما تسوى نخسر عليها

كفاية علينا حفلة الخطوبـة

/
\

بس سوت لي بنت سفرة , وهي هاوية هالشغلة

كانت سفرتي مزينة بالتحف والحلويات " التوزيعات " والقمـاش الحرير . . وحتى في زاوية حلوة في السفـرة

( شـــلال ) متحرك فيه مااي

وفعلاً كانت بسيطة وراقيـة

ما بسميها سفرة عجم . . ممكن أسميها ( سفرة ملجـة )

سويتها للتصوير وعلشان أفرح فيها فقط لا غير

وكـ ترضية للماما

مع إنها عصبت وقالت مب هذي إلي بغيتها لج

بس أنا قلت بخاطري . . أهم شي هذا إلي بغيته لروحي

/
\

لوووووووووووول

سويتها قصة له ؟!

بس كانت ذكرى جميلة

لكن عزيزتي ( أم آلمـا ) موضوعج الأجمل

ومفيد حق كل بنـت تبي تسوي لها سفرة عجم متكاملة

ويا كثر البنات إلي خاطرهم يسون لهم سفرة , علشان يفرحون فيها

ومب شرط يلتزمون بكل ما ذكر!

/
\

دمتِ بحفظه

تحياتي