قصة سفرة العجم

يعطيج العافيه على المعلومات

زين عرفت معلو بالنسبه لي
لاني يوم اتصفح صور الملجه مالتكم واايد غير فاستغرب بس الحين عرفت ^^

تسلمين أم آلما على هالتوصيف

معلومات بعضها جديدة بالنسبة لي مثل القماش الأبيض.. طول عمري كنت اعرف ان السفرة تكون خضرة
بس الناس طورتها إلى أن تناسب فستان العروس وصارت حمرة وذهبية وزرقة وبرتقالية ومارونية وألوان!

باقي الأشياء أعرفها :1:

في ناس يشحنون لش ديك السفرة كلها تحف ومزهريات وشلالات وورد
أو يقلبون السفرة لايف ستايل من زود الشموع اللي فيها

وصايف... كثري من سورة الواقعة والرحمن علماً بأن الرحمن عروس القرآن
ولا تنسين سورة طه (تيسر الزواج)

وربي يسعدش ويوفقش وعقبال ما نشوف تجهيزاتش وتعزميني على خطوبتش :D

مشكورة حبيبتي Oriana
ان شاء الله ربج كريم كل تاخيرة وفيها خيرة والله يجعل ما فيه خير وصلاح

شهالخرافات بعد !

مشكووووووووووورين يا أحلى بنات وعرايس ردودكم حلوة وحبيت تعليقاتكم واحترم رايكم :15:

هاذي عادات وتقاليد مب خرافات .. بالعكس فيها كل انواع الرومانسية ولا شي فيها حرام او بدعة الحمدلله واهم عنصر في السفرة هو القرآن الكريم .. فإذا عندج هاذي خرافة بعد انتي يمكن مخرفة:think: اللي مايعجبها موضوعي خل تكتب شنو ماعجبها ماعندي مانع ،، بس باسلوب راقي رجاءً(i)

الصندوق المبيت عادة قديمة وايد وهالشي مختلف الجنسيات والديانات يسوونها في اعراسهم او خطوبتهم بعد ... تنحط فيها اغراض وتجهيزات العروس :wink:

معتقدات جميله..

بس في شي غريب يعني لو ما انحط العسل ما بتصير حياتهم عسل ؟ ولو ما فتتوا على راسها سكر ما بتصير حياتهم سكر ؟؟

هههههههه .. يعني هو حلو كل حد له عاداته بس ترا في الامارات ما نسويها وحسيت من كلامج انها وايد مهمه لو نقص عنصر واحد بتخترب حياة المعاريس لأنهم ما عكسوا الحظ ولا لحست عسل ولا شي ..

لا تفهموني غلط بس احس وايد عادي لو نقص عنصر لأني ما احس بأهمية هالشي لأنها بس معتقدات مالها اساس من الصحة .. لأنه شعوب الدنيا كلها تتزوج من غيرها وحياتهم ممكن تكون عسل وبركة :)

اشكرج على طرحج المفيد
وحبيبتي لا تستغربين من التعليقات على الموضوع .. لأنج ينفهم من الموضوع لو عنصر واحد انحط غلط او نقص او زاد شي كأنه اخترب المعنى ..
فهي في الاخير زينة .. انحطت او ما انحطت ما بتفرق لأنه البركه من رب العالمين والرومانسية الزوجين الي يوفرونها لبعض ..

بس حلو انج فهمتينا معناها.. والله يبارك لكل المتزوجين ان شاء الله

شكرا حبيبتي عيون بوظبي كلج ذوق حياتي أبدا مازعلت من كلامج أفا .. كل واحد ورايه عادي .. كلامج 100% صح بس تعرفين العادات والتقاليد شلون ان هاذي تعابير واساليب للتفاؤل وقديمة وااايد فتلاقين يعتقدون فيها .. احنا مانعتقد ان لو ما حطينا العسل حياتنا مابتكون عسل ..بس نتمسك فيها طبعا .. يمكن في ناس حسو نفس اللي انتي حسيتيه بس انه مب قصدي ان لو نقص عنصر او زاد عنصر يعني حياة المعاريس بتكون دمار ههههههههه لاااااا بس فكرة السفرة تصير ماصخة ومب عدلة اذا كانت من غير هالعناصر .. جفتي عند الهنود واااايد مهمة الحنة في عرسهم وماتكتمل بدونها؟ نفس الشي هني بعد .. ومهما كان لما تجوفين العادات والتقاليد تستخدمها ناس وايد وتغير فيها وحالة تحسين ان هالتراث اللي عندنا قاعد يخترب ويتمحى معناها..
بس مثل ماقلت هالمعتقدات مجرد للتفاؤل بس الفارسيين متمسكين فيها لأنها قديمة وراقية

:Za_thanx:

أم آلما;8287970:
شكرا حبيبتي عيون بوظبي كلج ذوق حياتي أبدا مازعلت من كلامج أفا .. كل واحد ورايه عادي .. كلامج 100% صح بس تعرفين العادات والتقاليد شلون ان هاذي تعابير واساليب للتفاؤل وقديمة وااايد فتلاقين يعتقدون فيها .. احنا مانعتقد ان لو ما حطينا العسل حياتنا مابتكون عسل ..بس نتمسك فيها طبعا .. يمكن في ناس حسو نفس اللي انتي حسيتيه بس انه مب قصدي ان لو نقص عنصر او زاد عنصر يعني حياة المعاريس بتكون دمار ههههههههه لاااااا بس فكرة السفرة تصير ماصخة ومب عدلة اذا كانت من غير هالعناصر .. جفتي عند الهنود واااايد مهمة الحنة في عرسهم وماتكتمل بدونها؟ نفس الشي هني بعد .. ومهما كان لما تجوفين العادات والتقاليد تستخدمها ناس وايد وتغير فيها وحالة تحسين ان هالتراث اللي عندنا قاعد يخترب ويتمحى معناها..
بس مثل ماقلت هالمعتقدات مجرد للتفاؤل بس الفارسيين متمسكين فيها لأنها قديمة وراقية

:Za_thanx:

:rolleyes:

زين اختي انت ذكرتي ان اليهود لازم يحطون الحنا وان عادات السفرة متمسكين بها الفارسيين

زين انتوا شلكم باليهود و بالفارسيين؟؟؟؟

حنا مسلمين وهذولا والله ماعندهم الا خزعبلات لاتمت للدين بصله

حتى على قولك انهم لازم مايغيرون هالمعتقدات الفارسيين والايرانيين اللي لازم يتمسكون بمعتقداتهم

مو اهل البحرين لأن اهل البحرين مسلمين لكن الايرانين اغلبهم روافض فمايصير ناخذ عاداتهم ومذاهبهم اللي مالها معنى اصلا

بارك الله فيك

واشكرك على توضيح سالفة السفرة اللي عرفتها بالموقع ولا ادري وش معناها الا منك:)

جزاك الله خير

حبيبتي كريستاله الاخت ام آلما تقول هنود مب يهود ولأن البحرين فيها فارسيين وايد ومن زمان عشان جي خذوا العادة

غناتي ام آلما مشكورة فديتج وكلج ذوق والله ومثل ما قلتي في الاخير تراها مجرد عادات وتقاليد ..
وتسلمين حبيبتي مرة ثانية على التوضيح :)

تحياتي لج

أم آلما;8179010:
السلام عليكم يا أحلى عرايس:21_209:




موضوعي شوي طويل بس راح تستفيدون منه


أكيد.. بكلمكم عن :15:"سفرة العجم":15: خصوصا ان


وايد من العرايس يحبون هالسفرة.. بس مع


الأسف


الأغلبية موفاهمين فكرتهاعدل وقامو يخبصون


تخبيص مو طبيعي :poster_dots: تخلي السفرة تصير شي ثاني


ويخرجون عن الموضوع عالأساس هي زينة..وهي


مو زينة.. هي قصة واعتقاد قديم .. فحبيت اشرح


لكم من معلوماتي الخاصة بس بكون شوية عامية


منعا للتحريقات والفيوزات:21_133:.. وإنشاءالله تعجبكم قصةالسفرة :up:......


سفرة العجم هي عبارة عن طقس من الطقوس


الفارسية القديمة جدا ودائما تكون متواجدة في


يوم أو ليلة الخطوبة.. تسمى باللغة الفارسية


"سُفره أغد" وهاي السفرة تكون مجهزة ومخصصة


للعروس والعريس وليس للعروس فقط .. تؤخذ


السفرة بطريقة جدية جدا حيث ترمز للأمل


والسعادة والايمان للعروسين في حياتهم الزوجية..


تكون السفرة دائما مفروشة على الأرض شرقا


عشان المعاريس يواجهونها وفي نفس الوقت


يواجهون الضوء.. تكون نوعية السفرة مصنوعة غالبا


من الحرير ويجب ان يكون لونها أبيض ومحاطة


بشريط مزين.. وتحت السفرة غالبا يفرشون


السجادة الإيرانية.. والحين نبتدي بالعناصر المهمة


اللي لازم تتواجد داخل السفرة .. أول شي القرآن


الكريم .. غالبا يكون قرآن مزين باللون الفضي ولازم


يكون كشخة (لازم) .. والغرض من القرآن انه بركة


طبعا وتفاؤل وغالبا العروس تقرأ سورة ياسين أو


الفتح حزة اللي يملج عليها الشيخ .. العنصر الثاني


اللي هما الشمعتان (لازم ثنين) وهي تمثل


المعرس والعروس والضوء.. وتكون مزينة بنفس لون


زينة القرآن.. العنصر الثالث وهو ثاني أهم شي


هي المرآة .. اللي اهي المنظرة .. لازم يكون


حجمها مناسب يعني شوي كبير عشان العروس


تقدر تجوف نفسها كاملة فيها.. غرض المرآة اهي


ان تعكس بخت العروس فيها .. يعني لما العروس


تجوف نفسها في المنظرة ذاك اليوم تكون جميلة


ومتعدلة فتجوف بختها جميل نفسها:21_218:..وتكون


المنظرة جدام العروس بالضبط .. مو في وسط


السفرة أو آخر السفرة:poster_baaa:.. العنصر الرابع وهم راسين


القند .. مهمين وايد لأنها تستخدم حزة اللي


الشيخ يملج على العروس .. لازم تكون بنت عازبة


(بالأصح عذراء) اهي تكون واقفة على راس


العروس ذيج الحزة وتحك في راسين القند عشان


يتفتت على قماش صاير فوق راس العروس وهي


انها تحلي لها حياتها بالسكر .. العنصر الخامس


اهي قطعة قماش مناسبة شكلها للسفرة


وحجمها مناسب انها تغطي العروس من فوق ..


ولازم يكونون أربع بنات مسؤلات عن هالقماش


(بعد البنات لازم يكونون عازبات) و كل بنت تمسك


القماش من طرف .. طبعا راسين السكر اللي


تنحك على راس العروس يتفتت على هالقماش مو


يعني دايركت على راسها لايصيدها قمل:BOUNCE8: ..


هالقماش يمسكونه في فترة اللي الملاج يملج


على العروس.. العنصر السادس وهي الملة اللي


تنحط فيها ورد محمدي مجفف وماي ورد .. هالملة


تكون حلوة وناعمة ومناسبة لحجم أقدام العروس


لأن بتنقع ريلها فيها .. خلطة الماي ورد والورد


المجفف يسمونها (قُل مور) وهاذي الخلطة العروس تحتفظ فيها ليوم عرسها

عشان تتسبح فيه ليلة الدخلة (لاتخافون مايخيس) .. العنصر السابع اهي


حوض سمك زينة صغير .. لازم سمكتين .. كل


شي زوجي عالأساس المعرس والعروس .. العنصر


الثامن اهي الفواكه المشكلة .. عبارة عن سلة


متوسطة الحجم تنحط فيها شوية فواكه .. يعني مو السفرة


كلها فواكه وأشجار وأدغال وشلالات:no::sm215: .. العنصر التاسع مهم


جدا وهي البيض المزين .. يزينونه باللون الفضي أو


الذهبي.. ومع البيض يضيفون الجوز والبيذان ..


يلونونهم باللون الفضي أو الذهبي بعد .. يعني


كمية قليلة تكفي سلة صغيرة .. علما ان السفرة


تكون متوسطة الحجم.. العنصر العاشر اهي


الشبة .. وهي تنحط في نهاية السفرة عشان تبط


عيون الحساد :21_129:.. وأخيراااا آخر عنصر وهو مهم جدا


جدا جدا لأنه يستخدم من قبل الشيخ (الملاج)


وهي صحن حلويات (جاكليتات) صغار .. يستخدمها


الملاج بالأصح يحذف:ok: فيهم على العروس وأهل


العروس والمعرس لما ياخذ موافقة العروس وهاذي


الوقت أحلى وقت لأن يصير طق مطاقق مع


الحلويات:wavetowel2: ..



هاذي قصة ومفهوم سفرة العجم .. آسفة طولت


عليكم .. انشاءالله استفدتو:poster_war:


.. مشكوورة حبيبتي



وصايف شجعتيني اني اكتب هالموضوع :15:

كلها اشياء فيها شرك لانها ماوردت في القران والسنة
قال رسول الله صلى الله عليه وسلم : ( من أحدث في أمرنا هذا ما ليس منه فهو رد ) رواه البخاري ومسلم , وفي رواية لمسلم : ( من عمل عملا ليس عليه أمرنا فهو رد ) .
أن النبي صلى الله عليه وسلم قال : ( وإياكم ومحدثات الأمور فإن كل محدثة بدعة وكل بدعة ضلالة ) زاد النسائي ( وكل ضلالة في النار )

يسلموووووووووو خيتوو ..

عن جد تعجبني هالعاده من قلب .. سبحان الله ^_^ ..

و حلو انج وضحتي .. ع قولتج كل من هب و دب سواها ع كيفه و اخترب فيها معني السفره ..

مثلها مثل اي دوله ثانيه " هند ،، مغرب ،، اندلس ،، صين ،، خليج .......... و و و "

الللي يسون و عن التقاليد اللي مو مذكوره في القران و لا واحد منهم اصلاً مذكور ..

بس هاي السفره طريقه الايرانيين في الاحتفال بعقد بنتهم .. لان الشيخ ايي يدام الناس و يسألها ..

و لا اعتقد انه فيها شى من الحرام و البدع ! وااايد من الخليجيين يسون Theme حق خطوبتهم و لعراسهم ع الطريقه الرومانيه و المغربيه و الصينيه و ووو ..

هاي عادي ما في شى .. بس السفره فيها بدعه و خرافه ؟! ..

هاي معتقدهم و لازم نحترمه ..

و اللي قالت عن الروافض .. ترا ايران السنه يسون جي بعد لان هاي معتقد الجمهوريه الايرانيه بكبرها مو لازم يكونون شيعه و الا سنه .. عااادي ..

احنا نسويها في البحرين بنت خالتي سنيه سوينا لها عااادي من تراث ! ..

السموحه لو طولت خخ .. بس لان تعيبني هالعاده و انا اريه عنه اكثر من مره و حسيت فيها شى من الاحترام لرأي الفتاه و الرقي ^_^


تستاهلين احلى تقييم عليها ^_^

يسلموو ..

كريستالة منحوتة
دمعة الأحزان

مشكورين على ردكم بس ماراح أعلق بالتفصيل لأن موضوعكم بيكون خارج عن موضوعي ومنعا لسوء التفاهم ومابي ينغلق موضوعي .. بس لازم أصحح معلومة إن انه قلت الهنود وماقلت اليهود .. وإيران دولة مسلمة وفيها مسلمين بنسبة كبيرة جدا .. وانه فارسية مسلمة والحمدلله ..

مشكورين عيون بوظبي وأم نوح على توضيحاتكم كلكم ذوق والله فديتكم

اهم شي تستفيدون من القصة وتعرفون شنو معناة السفرة عندنا إحنا الفارسيين :15::D

اهاااا

آسفة عيوني احسبك كاتبه اليهود والله انخرعت:(

قلت شبلاهم العالم يطبقون بدون وعي

السموحة منك

بس اي شئ لازم نتثبت منه هل يوافق شريعتنا وديننا ولا لا؟؟

لأن على قول ام نوح كثير خليجيين وسعوديين وبنات ديرتي قاموا يسوون اشياء بمناسباتهم

والله انها خارجه عن نطاق الدين والحياء قبلها

لكن لاحياة لمن تنادي:(

اهم شئ التقليد بحياتهم وزي مايكون مايهمهم:(

الله يحفظنا بحفظه ويبعد عنا كيد الفجار

والسموحة اختي

مشكوووورة اختي ام الما على التوضيح والشرح

توني عرفت شنو بالظبط عناصر السفره الاصليه

وبعيد عن انها معتقدات وتقاليد ,, بتظل شي حلووو لتزيين حفله العقد

ماعتقد فيها شي لو حطينا شمووع وفواكه وعسل وقند للزينة :)

كل هذا بيكون تعبير عن الفرحه وتمنيات للعروسين بالسعاده





عـذبة

كريستالة منحوتة .. عادي حبيبتي أهم شي ان المعلومة الصحيحة وصلت لج لأن مب زين تفكرين بأحد بهالطريقة اذا مو فاهمتهم عدل .. هالشي مب زين لج بعد صح .. وتأكدي ان ولا شي في سفرة العجم تخالف الشريعة الإسلامية .. والزينة اللي فيها معظمها من الطبيعة اللي خلقها الله ..

مشكورة على ردج وماصار إلا الخير (f)

عذبة المشاعر .. ردج عذب وكلج ذوق (f) مشكورة

يعطيك العااافيه

:poster_vt: اول مرررررة بحياتي اسمع عنها!!!!! حلو معلومات جديدة و غريبة حتى عندنا الحجازيين يسوا اشياء احسها غريبة...زي اهل المدينة عندهم زفة يزفو العروسة على كراسي!!!! يعني يرصو كراسي و تمشي عليها..اعتقد يسوها يوم الغمرى بس.

شكرا على المعلومة الحلوه