عنايتي الشخصية

مجـد;12975501:

مهااااااا هذا استجواب مو أسئلة :mad: ،

أتغشمر :D ،
يا حي الله أهل البحرين ،
وما عليج زود طال عمرج ، إنت أم السنع والذوق والذرابة ،
وما أقولها مجاملة والله ،

اممممم ، نبدأ بالأسئلة ،

امممممم بشرتي ساعات تكون مختلطة ، وساعات تكون دهنية " قطيعة " ،
وهالغسول " كانيبو " اللي اهو عبارة عن فوم ، يناسب البشرات المختلطة والدهنية ،
حاولي تاخذين سامبلز للتجربة قبل لا تشترينه ،

كلارنس حلوة وميزتها إنها بالأعشاب والطحالب البحرية ،
أذكر جربتها مرة وعقب ما خلص الكورس حبيت أغير ، فـ جربت كانيبو وعقب كلينك وإليازبيث آردن وبعدين رديت على كانيبو مرة ثانية ، وما أظن بغير كانيبو ،
مع إني حاليا ً أفكر أجرب إستي لودر من كثر ما أسمع عنها مدح ،

بالنسبة لمرطب العين ،
الحمدلله أنا ما عندي هالات ، وأضلا ً ما شريته لهالشي ،
شريته لأن فيه حماية من الشمس فقط لا غير ،
يعني أستخدمه كـ مرطب وكـ حماية إضافية لمنطقة العين ،
لأن بشرتي جدا ً حساسة من الشمس ، وتدرين بشمس الكويت ولواهيبها ،

حدي أحبها ،
يمكن ليش إن موادها أغلبها طبيعية ، وخالية من المواد الكيماوية والعطور القوية ،
ومناسبة للبشرات الحساسة ،

بالنسبة لـ المحلول ، هذا لتنظيف المسام ، أستخدمه مرة إلى مرتين بالأسبوع ،
بعد تنظيف البشرة ، آخذ 4 أو 5 نقط " لأن المحلول على شكل قطرة العين " وأحطهم على منطقة الخدود والأنف والذقن ، وتبدين تسوين مساج خفيف ،
وعقب تنظفين الوجه بماي بدون صابون ، لأنج أساسا ً حاطته على بشرة نظيفة ،

شوفي ، بقولج شغلة ،
أنا قبل ما كنت مقتنعة بمنظفات ماك أبد ، وكنت أتشرى منهم ميك أب بس ،
لكن بعد حوستي باليوتيوب ، وشفت مدح البنات له ،
وبنات خبيرات بالميك أب ، واللي يخليج تقتنعين غصب بشراتهم تهبل :D ،
فـ اقتعت فيه غصب ، ولما شريته وجربته ابصراحة حلو ، لطيف ع البشرة ما تحسين بتحسس أبد ،
وحتى مناسب لمنطقة العين الحساسة ،
وحتن طريقته مثل طريقة منظفات شو أومارا ،

سكراب ماك حلو بس حبيباته شوي كبيرة ،
كلينك حيل حلووووو ، وعلى اهو حق الاستخدام اليومي ،
بس ما أنصح تستخدمينها كل يوم ، لأنها تفتح المسام ،
أنصحج بـ كلينك ، لأن ماك ما راح تلاقينها الحين لأنها ليمتد خخخخخ ،
سعره سنفرة ماك ، أتوقع بـ 9 دنانير كويتي ،
وكلينك بـ 10ونص كويتي ،

سعرها بـ 4 دنانير كويتي ،
بس ما رح تلاقينها الحين ، لأنها لميتد وخلصت من كل فروع القرشي :D ،
السنة اللي فاتت شريت من كل نوع 2 ، يعني 6 علي بالعافية ،

اللي أنصحج تشترينه اهو شانيل نمبر 5 ،
أما تشانس ، حلو بس مو راقي وواااااو مثل تشانس ،
عطور الشعر من شانيل عندي كوكو شانيل ونمبر 5 ،
زووووووووووووووغة خصوصا ً نمبر 5 ،
وأكو ألور شريته قبل الأحلى بالنسبة لي نمبر فايف ، ريحته ناعمة على مسك ،
ولأني أحب المسك أحب العطورات اللي فيها مسك ،

هذا الشامبو أستخدمه من فترة ، وحيل عاجبني ،
يعطي حيوية ولمعة للشعر ، إضافة إلى مادة الكيراتين اللي تمنع التساقط ،
جدا ً حلو ومرتاحة عليه ،

شوفي للأمانة كذا سنفرة عجبتني ، وما أقدر أقولج أيهو الأحلى ،
سنفرة لوكيسيتان باللوز عجييييييييييبة ،
سنفرة الكوكونت من بودي شوب حلوة ،
سنفرة المشمش اللي لونها يرتقالي بالصورة " وهذه ما أدري تحصلينها عندكم بالبحرين أو لا " لأنها مو موجودة بكل مكان بالكويت بس بأماكن محددة ، حيل حلوة مقارنة بسعرها الرخيص وحجمها الكبير ، والأحلى إنها طبيعية ،
سنفرات تايلند رهيبة من قلب " اللي على الورد والشاي الأخضر " ، والحو فيهم إنهم طبيعيين ،
لكن بما إنج بالبحرين ويمكن ما يحصلج الأنواع الثانية ، جربي لوكيسيتان وبودي شوب ،
وعلى فكرة لوكيسيتان عندهم كذا نوع سنفرة ، بس أخلص شوي من اللي عندي أجرب الباجين إن شاء الله ،

حياج الله مها ، والساعة المباركة ،
وسعيدة بأني أرد على أسئلتج واستفساراتج ، ويا رب أكون أفدتج ،
وأعتذر " جدا َ " عن التأخير في الرد ،،

F: