عنايتي الشخصية

مها البحرين;12736015:
مجد ..


شنو أقول وشنو أخلي ..

قمة الروعة والذوق والرقي

يشدني أسمج دوووووووم

تعجبني مواضيعج ..

أحب تصويرج ..

الله يديم عليج هالنظافة والعناية والصحة والعافية ..

عاد انا بامللج شوي عندي لج مجموعة اسأله ..!!

الله يعينج علي ..

:D:D:D

مهااااااا هذا استجواب مو أسئلة :mad: ،
أتغشمر :D ،
يا حي الله أهل البحرين ،
وما عليج زود طال عمرج ، إنت أم السنع والذوق والذرابة ،
وما أقولها مجاملة والله ،

اممممم ، نبدأ بالأسئلة ،

لفت انتباهي الغسول ..
مدحتيه وايد ..
صار خاطري اجربه ..؟؟
أنتي بشرتج مختلطة صح ..؟؟

امممممم بشرتي ساعات تكون مختلطة ، وساعات تكون دهنية " قطيعة " ،
وهالغسول " كانيبو " اللي اهو عبارة عن فوم ، يناسب البشرات المختلطة والدهنية ،
حاولي تاخذين سامبلز للتجربة قبل لا تشترينه ،

انا حاليا استخدم غسول ومرطب وتونر ماركة كلارينس ..
ماجربيتها حق بشرتج انا مرتاحة منها بس شجعتيني اغير ..!!

هل هذا مرطب حق العين أو تقصدين للهالات السوداء ..؟؟

كلارنس حلوة وميزتها إنها بالأعشاب والطحالب البحرية ،
أذكر جربتها مرة وعقب ما خلص الكورس حبيت أغير ، فـ جربت كانيبو وعقب كلينك وإليازبيث آردن وبعدين رديت على كانيبو مرة ثانية ، وما أظن بغير كانيبو ،
مع إني حاليا ً أفكر أجرب إستي لودر من كثر ما أسمع عنها مدح ،

بالنسبة لمرطب العين ،
الحمدلله أنا ما عندي هالات ، وأضلا ً ما شريته لهالشي ،
شريته لأن فيه حماية من الشمس فقط لا غير ،
يعني أستخدمه كـ مرطب وكـ حماية إضافية لمنطقة العين ،
لأن بشرتي جدا ً حساسة من الشمس ، وتدرين بشمس الكويت ولواهيبها ،

شكلج تحبين هالماركة ..

:):):)

شنو مفعول ذي بالضبط ..!!
وحق شنو تستخدمينه وشلون ومتى ..؟؟

حدي أحبها ،
يمكن ليش إن موادها أغلبها طبيعية ، وخالية من المواد الكيماوية والعطور القوية ،
ومناسبة للبشرات الحساسة ،

بالنسبة لـ المحلول ، هذا لتنظيف المسام ، أستخدمه مرة إلى مرتين بالأسبوع ،
بعد تنظيف البشرة ، آخذ 4 أو 5 نقط " لأن المحلول على شكل قطرة العين " وأحطهم على منطقة الخدود والأنف والذقن ، وتبدين تسوين مساج خفيف ،
وعقب تنظفين الوجه بماي بدون صابون ، لأنج أساسا ً حاطته على بشرة نظيفة ،

مزيل المكياج من ماك صار لي فتره متردده اخذه مااعرف ليش ..؟؟
انا استخدم مكياج ماك بس انظف مكياجي بمناديل بيبي جونسون
واحس ويهي يحرقني شوي شرايج بالمنظف ..؟؟
اتوكل على الله واخذه ..!!

شوفي ، بقولج شغلة ،
أنا قبل ما كنت مقتنعة بمنظفات ماك أبد ، وكنت أتشرى منهم ميك أب بس ،
لكن بعد حوستي باليوتيوب ، وشفت مدح البنات له ،
وبنات خبيرات بالميك أب ، واللي يخليج تقتنعين غصب بشراتهم تهبل :D ،
فـ اقتعت فيه غصب ، ولما شريته وجربته ابصراحة حلو ، لطيف ع البشرة ما تحسين بتحسس أبد ،
وحتى مناسب لمنطقة العين الحساسة ،
وحتن طريقته مثل طريقة منظفات شو أومارا ،

سكراب ماك شرايج فيه ..؟؟
ونفس الشيء عن كلينك ..؟؟
انا حاليا استخدم كلارينس ..
وياليت اعرف اسعارهم بعد اذا ما اعليج امر ..!!

سكراب ماك حلو بس حبيباته شوي كبيرة ،
كلينك حيل حلووووو ، وعلى اهو حق الاستخدام اليومي ،
بس ما أنصح تستخدمينها كل يوم ، لأنها تفتح المسام ،
أنصحج بـ كلينك ، لأن ماك ما راح تلاقينها الحين لأنها ليمتد خخخخخ ،
سعره سنفرة ماك ، أتوقع بـ 9 دنانير كويتي ،
وكلينك بـ 10ونص كويتي ،

كم سعر الحبة تقريبا ..؟؟

سعرها بـ 4 دنانير كويتي ،
بس ما رح تلاقينها الحين ، لأنها لميتد وخلصت من كل فروع القرشي :D ،
السنة اللي فاتت شريت من كل نوع 2 ، يعني 6 علي بالعافية ،

شرايج فيهم يسوى اشتري ..؟؟

انا سمعت عندهم شيء حق الشعر مادري اذا تعرفين ..؟؟

اللي أنصحج تشترينه اهو شانيل نمبر 5 ،
أما تشانس ، حلو بس مو راقي وواااااو مثل تشانس ،
عطور الشعر من شانيل عندي كوكو شانيل ونمبر 5 ،
زووووووووووووووغة خصوصا ً نمبر 5 ،
وأكو ألور شريته قبل الأحلى بالنسبة لي نمبر فايف ، ريحته ناعمة على مسك ،
ولأني أحب المسك أحب العطورات اللي فيها مسك ،

مرتاحه من هالشامبو ..؟؟
كل ماروح السوبر ماركت اشوفه ..
ويصير خاطري اشتريه بس اتردد ...؟؟

هذا الشامبو أستخدمه من فترة ، وحيل عاجبني ،
يعطي حيوية ولمعة للشعر ، إضافة إلى مادة الكيراتين اللي تمنع التساقط ،
جدا ً حلو ومرتاحة عليه ،

أحسن السنفرة للجسم شنو ..؟؟
على استخدامج شكلهم كلهم حلوين ..؟؟

شوفي للأمانة كذا سنفرة عجبتني ، وما أقدر أقولج أيهو الأحلى ،
سنفرة لوكيسيتان باللوز عجييييييييييبة ،
سنفرة الكوكونت من بودي شوب حلوة ،
سنفرة المشمش اللي لونها يرتقالي بالصورة " وهذه ما أدري تحصلينها عندكم بالبحرين أو لا " لأنها مو موجودة بكل مكان بالكويت بس بأماكن محددة ، حيل حلوة مقارنة بسعرها الرخيص وحجمها الكبير ، والأحلى إنها طبيعية ،
سنفرات تايلند رهيبة من قلب " اللي على الورد والشاي الأخضر " ، والحو فيهم إنهم طبيعيين ،
لكن بما إنج بالبحرين ويمكن ما يحصلج الأنواع الثانية ، جربي لوكيسيتان وبودي شوب ،
وعلى فكرة لوكيسيتان عندهم كذا نوع سنفرة ، بس أخلص شوي من اللي عندي أجرب الباجين إن شاء الله ،

اتمنى تتقبلين اسألتي برحابة صدر ..

:worn_out::worn_out::worn_out:

ادري طولت عليج شوي بس صدقيني
لو مو واثقه في ذوقج واستخداماتج ما سألتج ..

:o:o:o

الله يعطيج العافية على المواضيع الحلوة ..
دائما مميزة ومواضيعج مميزة ..



تم التقييم ...

:thumbs_up::thumbs_up::thumbs_up:

حياج الله مها ، والساعة المباركة ،
وسعيدة بأني أرد على أسئلتج واستفساراتج ، ويا رب أكون أفدتج ،
وأعتذر " جدا َ " عن التأخير في الرد ،،

F: