وزة محمد;13512171:
بنات لو دى اوضة النوم بتاعتى ياترى الوان دهاناتها يعنى ايه احسن لون يخلى الاوضه حلوة
وهل اللون ده يبقى حلو ولالا وكمان عاوزة افكار للحيطه اللى ورا السرير مع العلم انه وراه شباك وستاره على قد الشباك اعمل الحيطه اللى ورا السرير ايه نفس اللون مع فلفيتولا مقلم ولا ايه بالظبط عاوزة حاجه جديده وحلوة قولولى افكارركم عشان اسالكم على دهانات بقى الشقة وميرس ليكم جميعا وبوسسسسسسسسسسسه كبيرة للهترد عليا:thumbs_up:
banana z3lana;13509779:
كلاسيك مبروك حاجاتك و معلش الخاتم يتعوض
بنات كالعاده هسئلكم سؤال فظيع
انا دلوقت النقاش شغال في الشقه
و حمايا عاوز يخلص كل شئ يعني يبيض لاخر وش
انا بقي محددتش ميعاد فرحي و ده اول شئ و مش متوقع يكون قبل شهر 2 اللي جاي
حماكى معاه حق بصراحة
عشان يخلص من موال الصنايعية دى خاااالص وكمان لما يخلصوا اخر وش يسلمولك الشقة بعد التنظيف
وكمان العمولة بتاعتهم بتكون واحدة
اما لو جبتيهم تانى ليهم سعر تانى
وعلى فكرة لو الشقة اتدهنت دلوقتى ولا هيجرالها اى حاجة ياقمر
لسه الشقه فيها حاجات مش خلصت
ايه هيا بقي
الشبابيك الالوميتال بتاعت المطبخ و الحمام
لسة مش ركبت الحوض و التواليت و الخلاطات
لسه مركبتش زجاج الشبابيك
و لا اكر الابواب و لا وشوش الكهربا
كل الحاجات دى ياستى اصلا بتبقى بعد بياض اخر وش دهان
وكمان
يفضل السباكة دى تركب بعد عمال الدهان مايمشوا منها خااااالص عشان مش يستعملوها
وبتركب فى 3 ساعات ياقمر مش حاجة ياعنى
ووشوش الكهربا بتبقى ااااااااااااااخر حاجة
والاكر وكلللللللللللللللللللة
السؤال بقي ينفع ابيض من غير كل ده و علما اني لسه محددش ميعاد الجواز و علما مركبتش زجاج في الشبابيك اللي هيا اصلا سلسلة من غير شيش
الزجاج بيركب بعد الدهان الاخير خااااااااالص ياقمرة
وحتى لو اتركب دلوقتى وخلصتى شقتك وقفلتيها مش هيحصلها حاجة اصلالالالالالالالالالا
و علما بقي اني ساكنه في صحراء الهرم (حدائق الاهرام) و كل اللي حوالين الشقه بناء و عمال
يميم عامله ايه دلوقت و ايدك كويسه ؟
و الكتاكيت خفوا يا رب يكون كلو تمام
فشفوشة;13513187:
سلام عليكم ورحمة الله وبركاته
إن شاء الله أنا هتجوز في شقة إيجار جديد فمش مقيدة بمقاسات
ولسه في أول مرحلة بختار صور العفش عشان أعمله عمولة إن شاء الله
ومحتاجة مساعدتكوا يا بنات
بإذن الله أنا عاوزة أعمل الشقة كلها مودرن
من كتر ما عملت سيرش في جوجل حاسة إني ولا كإني إتفرجت على حاجة ودماغي وقف
بس تقريباً كده الحمدلله إستقريت على أوضة الأطفال
دي صورة للسريرين
عاوزة أعمل فيهم فكرة الأدراج اللي في صورة السرير ده
وهنا صورة للدولاب والكمود
بس الضلفة المفتوحة في الدولاب دي أنا هخليها مقفولة إن شاء الله واللي في النص هلغي درجين هخليهم درجين بدل 4
يعني فكرة الدولاب اللي في الصورة دي
أما بالنسبة للتسريحة بعد بحث كتيييييييييييييير جداً وملقيتش تسريحة كيوت أطفالي كده
ففكرت إني أعمل التسريحة والشيفونيرة 2*1
زي الصورة دي
وشماعة زي اللي في الصورة دي
يعني توتال الأوضة إن شاء الله هيبقى بالشكل ده مع التعديل اللي أنا قولت عليه للدولاب والسرير اللي إختارته فوق
بالنسبة للدهان أنا ميالة للبني الغامق
السؤال بقى ::
أوضة الأطفال بيكون لها كمود واحد ولا اتنين ؟؟؟
ولا أعمل كمود عريض بين السريرين ؟؟؟
مع العلم إني حابة كمود واحد بين السريرين مش العريض
بس حابة رأيكوا برضه
السؤال التاني ::
الوردة اللي على الدولاب دي أنا حاسة إن بعد الدهان البني الغامق وده أكيد إنها مش هتظهر إلا لو إتعملت بلون مختلف أو متتعملش أصلاً ؟؟؟
فأنا مش عارفة ومش قادرة أتخيل ألغيها ولا أعملها بلون مختلف هي ووردة المراية ؟؟؟ ولا مش هتكون شكلها شيك لو بلون تاني ؟؟؟
وطبعاً مستغناش عن رأيكوا في إختياري
فشفوشة;13513187:
taky21;13514730:
يا بنات انا محتاجة رايكم في دهانات شقتي وبالله عليكم تردوا عليا بسرعة عشان المفروض نقرر بكرة بالكتير
اول حاجة عاوزة صور اوض نوم مدهونة سيمون عشان بحب اللون ده اوي وخصوصا الغامق منه وعاوزة احطه خلفيه سرير اوضة النوم وعاوزة رايكم اخليه سادة ولا اعمله سبونج
ثانيا عاوزة حد يحطللي لون سن الفيل ده ودرجاته واي الالوان اللي تليق عليه
ثالثا ابواب الأوض عندي خشب والمفروض يتحط له زجاج بس مش عاوزة حاجة تشف لان حتى الحمام برضوه بزجاج ان مش عايزة زجاج يبين حتى الظل خطيبي بيقولي نعملهم كلهم مرايا من بره وجوه اي رايكم ؟ وهو الباب اتمعجن كده مينفعش اعمله استر طب برايكم اخليه ابيض.
بالله عليكم ما تطنشونيش ومستنياكم
* كلاسيك *;13514672:
ازيك يا مشمش وحشاني F:
ربنا يارب يتمملك بخير يا حبيبتي يارب
بس انتى بادئة بأقل حاجة اهمية ف الشقة :lol:
عامةً يا ستي بصي اول حاجة انا من رأيي متعمليهاش بني
اصلها اطفالي فليه تغمقيها كده اشري كانت عاملة غرفة
الاطفال بتاعتها ابيض ف احمر وكانت حلوة
وبرضه براحتك ف الاخر بس على اساس انها لو اتعملت بالشكل
اللى انتى حطاه هتبقى تحفة اما لو بني هتبقى زيها زي اى اوضة
بالنسبة للتسريحة انتى عندك ادراج كتير كده فرأيي تعمليها عادية
ولو هتعملى تسريحة اوضتك كده يبقى نوع من التغيير
ممكن كلامي يبقى صح وممكن غلط بس نفكر فيه سوا ليه لأ :)
taky21;13514730:
زوقك تحفة بجد ولو اتعملت الاوضة بالالوان والرسمة ديه هتبقى تجنن بالنسبة للكمود الافضل زي ما قولتي يبقى كمودينو واحد بين السريرين
وربنا يسعدك يارب انا حبيت اقول رايي في الاوضة .
يا بنات انا محتاجة رايكم في دهانات شقتي وبالله عليكم تردوا عليا بسرعة عشان المفروض نقرر بكرة بالكتير
اول حاجة عاوزة صور اوض نوم مدهونة سيمون عشان بحب اللون ده اوي وخصوصا الغامق منه وعاوزة احطه خلفيه سرير اوضة النوم وعاوزة رايكم اخليه سادة ولا اعمله سبونج
ثانيا عاوزة حد يحطللي لون سن الفيل ده ودرجاته واي الالوان اللي تليق عليه
ثالثا ابواب الأوض عندي خشب والمفروض يتحط له زجاج بس مش عاوزة حاجة تشف لان حتى الحمام برضوه بزجاج ان مش عايزة زجاج يبين حتى الظل خطيبي بيقولي نعملهم كلهم مرايا من بره وجوه اي رايكم ؟ وهو الباب اتمعجن كده مينفعش اعمله استر طب برايكم اخليه ابيض.
بالله عليكم ما تطنشونيش ومستنياكم
* كلاسيك *;13514898:
دي درجات مختلفة للون السيمون
والصورة دي من موضوع واحده بنوتة هنا في عروس
ممكن اللينك بتاع الموضوع ده
ورأيي انك متعمليش سبونش لأنه بقى قديم بقى فيه حاجات احلى
ممكن تعملى حاجة زي كده
هو اللون ده اسمه ايه يا كلاسيك ؟
هو ده مش سبونش برضوه ولا اسمه ايه عشان اقوله للنقاش
ودي حاجات فيها لون سن الفيل مع الوان تانية
وانا شايفه انه ممكن يليق مع اي حاجة
انا برضوه مفهمتش هو سن الفيل ده درحة من درجات البينك ولا الرمادي
يارب اكون قدرت افيدك F:
فشفوشة;13514984:
إزيك يا يويو إنتي كمان وحشاني والله مبروك السيراميك ومعلش على فردة التوينز لعله خير ربنا هيعوضك إن شاء الله .. ربنا يفرح قلبك يارب
بالنسبة للأوضة هي فكرتي بالبني إني هلعب في الديكور براحتي
أما لو خليتها بنفس اللون فهتبقى أوضة بنات صريحة
التسريحة أنا مش لاقية تسريحات أطفال خالص رقيقة لو عندك نماذج حطيلي ياااااااريت والله
تسريحة أوضتي أنا عاوزة يكون فيها فراغ في النص للكرسي
F:
عسولة عمرو;13515297:
انا عايزه اللينك بتاع شقة مدام اشرى
كلاسيك هى الالوان الاكريلك دى الاقيها فيين؟؟؟؟؟؟ظظ عشان اختى رسمه رسمه حلوه على حيطة الاوضه وعايزه الونها
* كلاسيك *;13515463:
الله يبارك فيكي يا حبيبتي ربنا يكرمك يارب ويتملك بخير
تاكي
اللون اللى سألتي عليها اعتقد بنفسجي او موف فاتح
ودي اشكال تانية للأسبونش غير التاني التقليدي
بجد بقى قديم اوي يعني
اما لون سن الفيل فهو اسمه اصلاً ايفوري وبيكون ابيض
بس تحسي انه فيه شوية غمقان
زي ما تجيبي برميل كبير فيه لون ابيض وترمي فيه علبه نونو باللون الاسود
هيعمله لون سن الفيل
والاقرب هو افتح درجة خااااااااااااالص من الرمادي او الفضي
يارب تكون فكرتي وصلتك
وده لينك الموضوع اللي انتى عايزاه
http://forums.3roos.com/showthread.php?t=550864
shemooo1405;13515738:
ازيكو يا قمرات .. محتاجة مساعدتكم ضرووووووووووري بجد :(
بصو بقى انا مفروض ان البلكونة عندي 1 متر بس انا كنا عايزة اوسعها يعني اخليها 160 أو 170 كده و بقترح الفكرة دي على خطيبي و هو معترضش اوي انتو بقى ايه رايكو حتبقة عملية و لا و هي ضغيرة احسن مع العلم ان الصاله عندي طويلة ؟؟
و ثانيا بقى معلش سؤال تاني ... اعملها الوميتال و لا خشب عادي ... بس الراجل قالي لو الوميتال مش حيبقي في شيش ف كده حينفع و لا ايه ؟؟
و يا سلاااااااااااااام لو حد يعرف اسعار البكونه لو 160 سم الوميتال و خشب ؟؟!!!!1
معلش طولت عليكو بس بليييييييز محتاجة مساعدتكو بسرعة عشان لازم ابدأ فيها و هي متوقف عليها كل الشغل اللي جاي ^o)
مشمشة.;13515941:
بصوا يابنات النقاش بيقولى ان الدرجات اللى هعملها فى الريسبشن مش ماشية مع بعضها
دى درجة الحيطان كلها
ودى درجة الحيطة المختلفة
Nahaneeho;13516243:
كلاسيك عاوزاكى تساعديني في حاجة يا حبيبة قلبي دلوقتي الريسيبشن عندنا انا عايزة اعملو بيج فاتح سادة كلو من غير اى ديكورات غير الكرانيش هبتنها بس .. هل عندك صور حلوة للتبتين عشان انا خايفة النقاش يشطح؟
كمان خطيبي عاوز يعمل الدهان بتاع الريسيبشن كلوووو ديكور مش سادة يعني يبقي مية واحدة ( تعتيق كله او ستوكو انتيكا كله او شامواه كلوووو ) انا بقولو نعمل حيطو واحدة كدة لان دة مكلف اوى عليه و هو اصلا مزنوق في الفلوس..
هل تعرفي طريق تانية للدهان متكونش سادة و فيها ديكور شوية بس بلاش ستيكرات و متكونش غالية ؟؟
