ملف استفسارات بنات مصر للديكور ( الجزء الثاني )

[QUOTE=.. Hopes;13483813]بنات
احنا نزلنا النهارده الحمدلله حجزنا اوضه النوم والسفره والانتريه
ولسه الشقه مجتش واخدين بالكم :lol:
بس ان شاء الله يعني هتبقي موجوده علي شهر 12 او 1
المهم احنا حجزنا الانتريه من ان اند اوت والسفره والنوم من مفكو
ولسه بإذن الله الاستلام علي اول شهر مارس
بالله عليكم بقا اللي تشوف المشاركة تدعيلي ربنا ييسر الشقه وتيجي بسرعه ونخلص توضيب بسرعه وميحصلش حاجه تعطلنا

هسيبكم بقا مع الصور بس متنسوش الدعوات

الاول الانتريه .. هو كنبة 4 افراد ومعاه 2 فوتيه ولونه موف غامق او بتنجاني كده
ملحوظه صغننه : الترابيزة البني مش تبع الانتريه ولسه مش شوفناله ترابيزة

[
hopes
ماشاء الله حاجتك جميلة والانتريه ماشاء الله لونه حلو اوى تتهنى بيهم ويارب يسهلك امورك وتلاقى الشقة اللى انتى نفسك بيها قريب ان شاء الله



أم فارس

شكرا لردك وقرأت الموضوع فعلا واستفدت كتير بس الميزان مش راضى يقيم ليكى عندى تقييم;)

N0rma;13486484:
هبه حاجتك جميله اوى ماشاء الله ممكن اعرف هما منين؟

انا كاتبه يانورما عليهم

الانتريه من In&Out
والسفره واوضه النوم من مفكو

* كلاسيك *;13483907:
بصى انا رأيي ف الريسبشن تعملى بيج وستيكرات

او اى شغل بالدهان بني لأن التركواز ده هيقيدك ف الدهان

وصعب تدخلى حاجة تركواز او ممكن تدخليه ف ستيكرز

او ممكن تعملى الرسمه دي بالدهان بس عايزة شغل

لو عندك هواية الرسم ممكن تعمليها بسهولة




او تعملى فكرة زي كده بالبني والبيج




او ممكن تعملى الحوائط العرضية بالنبني

والحوائط الطوليه بالبيج والبيج ده تعمليه فلفيت بس الفلفيت

مش اللى بيكون دهبي او فضي لأ بتعمليه بنفس اللون

بس بيكون بدهان فيه لمعة ويا سلام لو برسمه وردة رقيقة

مش الحاجات التقليدية دي

الدكتور بتاعي كان عاملها في العيادة بتاعته بجد كانت جميلة جداً

واقنعني بالفلفيت بعد ما كنت مخنوقة منه

واعتقد الفكرة دي هتبقى حلوة عندك على اساس ان الصالة

كلها كلاسيك



غرفه الاطفال بقى اعمليها حاجة روشة شوية

في المشمشي حلو وجديد وفي التقليمات بالطول

او التمويجات بالدهان وممكن تعمليها نصين للولد وللبنت

بصي













او تعمليلهم فكرة زي دي







غرفة النوم محتارة فيها بس اكتر حاجة تليق مع الدهبي وتفتح المكان

هو البيج وممكن ورا السرير تعملى تقليمات بالدهبي زي حيطة كيتي







الانترية بقى بصى فكرة زي دي





يعني الاستيكرز هيبقى حلو وشيك معاه خاصة لو الالوان كلها متداخله

وكوانتراستد مع بعض يعني ممكن تعملى الحيطة اوف وايت وتدخلى

فيها رمادي واحمر او تعملى حيطة حمرا مقلمة ابيض والباقي رمادي

فاتح اوي او ابيض برضه بس انا شايفه الصورة فكرتها حلوة اوي



مش عارفه حاسه انى معرفتش اساعدك اوي بس اعذريني

يمكن علشان الايام دي بجهز شقتي فحاسه ان مخر مصدي




:)

لا يا حبيبتى بالعكس انتى ساعدتينى جدا ... وفكرة انى اعمل حيطه لون تركواز دى انا مكنتش حباها خالص لنفس السبب الى انتى قلتى عليه وفعلا انا شفت حاجات فلفيت رقيقه وجميله جدا

وعجبتنى او رسمه الاستيكر بتاع غرفه المعيشه وفعلا هى دى الرسمه الى فى دماغى مع تداخل الالوان زى ما قلتى ... وكمان فكره الخطوط الدهبى لاوضه النوم اعتقد حتبقى حلوة
ربنا ما يحرمنى منك يا قمر

وربنا يسهلك الحال كده وتخلصى شقتك وانا متأكده انها حتطلع حلوة ان شاء الله وتتهنى بيها يارب ويباركلك ربنا فيها يا حبيبتى وطبعا تصوريهالنا

banana z3lana;13476687:

el ragl 2lly kan by3ml el ceramic saybo mfare2 w shaklo we7esh
2ololna el 7al karanish 7ad 3ando 7al tany





ymym 2khbar el sha22a eh w rody 3la so2aly bta3 lon el karanish w karanish el 7amam wl corners please

انا عندى زي ماقالت فراشه حمامى ومطبخي هما الانين متركبلهم كرنيشه رفيعه ومرشوشه مع باقي الحيطان بالابيض

meramia;13476758:


يم يم
انتي شكلك نسيتيني خاااااااااالص


بنات في حد عنده صوره الستاره دي ضروووري


هموت عليها بس الصوره صغيره ومش عارفه أشوفها كويس
بالله عليكم اللي تعرفها تبعتهالي

مواضيعي

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

والله مانسيتك ولا نسيت حد فيكم انا ياجماعه عندى التهاب في مفصل الكتف اليمين اللى انا بشتغل بيها ومش عارفه اعمل اي حاجه في بيتي ولا معاكم ولا حتى مع بناتى الدكتورمحدد لى شغلي ومحرج عليا الشغل العنيف وبتعالج منه ومش عاوزه اتك عليه في شغل كتير اليومين دول عشان الاجهاد وحاليا بكتب بالشمال بس صعب اوى الصراحه
فمعلش عشان خاطري اعذرونى مؤقتا انا غصب عنى والله وعارفه انكم مستعجلين بس الظروف وحشه عندى وكمان بناتى تعبانين
وحسنة ليله تمنع بلاوي كتيره

cat lolo;13477587:
بنات ايه رايكم الباب الخشب افضل ولا الالوميتال للحمام

الالمويتال وفي ناس بتعمله خشب وتركبله من تحت بس حاجه بتاعه شبر كده الموتال وتترش مع باقي الباب عادى لاكيه او وات ايفر نوع الدهان عشان مع غسيل الحمام المتكرر والمايه الدهان بيقشر والخشب بيطأطأ من تحت

ميااااااده;13479819:
انا عملاه عموله وكلفنى 4 الاف جنيه
بس بجد حلو انا حماتى مش عجبها بقول عليه غامق
بس خطيبي عجبه الانتريه اوى
ولسه كمان الطربيزه بتاعته متعملتش

حلو اوى والله كنت هاقلك ليه عملاه فاتح على ليفنج
خليكي مدام مقتنعه بيه قوليلها انه كمان مش هاجبك بس الوقت بقى والمصاريف اهو على العموم ياخد وقته ونبقى نغيره ربنا يحيينا :) بس الليفنج دايما بيبقى عاوز الغامق عشان الهلك والحركه فيه كتير والبقع اكتر والغامص مش بيبينها

سماتينا;13481474:
بنات محتاجه مساعدتكم ضرورى
... الى بتفهم فى توزيع العفش وكمان فى الدهانات تساعدنى بس بالله عليكم لو مش حتقدرو تساعدونى كل الى طلباه منكم بس تقولولى متسبونيش انتظر وخلاص
بصو يا حلوين ده مخطط الشقه بتاعى نزلته قبل كده عشر مرات ... مش عارفه اوزع العفش ازاى وخاصه فى الريسبشن لانه طويل زى مانتو شايفين وححط فيه سفرة وصالون وكونسول ولو تقدرو تحددولى الاماكن على المخطط اكون شاكرة ليكو جدا... متنسونيش بئه

المخطط اهو عملته على ادى كده يعنى

انا تعبانه وقري فوق انا مش مطنشاكى بالعكس انت صعبانه عليا اوى لانك لوحدك ومحتاسه بس كلاسيك انا عارفه انها جدعه ومش هاتسيبك محتاسه لحد مانا اخف

مشمشة.;13486771:
كنت عايزة اسال ياجماعة عن الاضاءة

انا كنت هحط فى النجف بتاع الريسبشن اللمبات الموفرة

لا مش فى الريسبشن بس لا كل الشقة انتوا اية رايكم


انا محتارة اووى فى موضوع الاضاءة دة

وينفع احط فى النجفة كذا اضاءة ولا اية

في نجف بيبقى حلو اوى واضائته بتبقى بيضا
الا اذا كنت اشتريتي النجف خلاص
بس ممكن تركبيله لمكن الشكل العام مش هايبقى واو
مش عاوز شقه عروسه يعنى بالاصح

يا بنات ممكن مساعدة انا عايزة محلات للدهانات وورق الحئط فى الهرم او المهندسين أو 6 أكتوبر يكون كويس عشان انا معنديش فكرة خالص على الحاجات دى وكمان نفسى اعرف الستندات ألى بيتحط فيها الشامبو وكه فى الحمام بتتباع فين

[QUOTE=فراشة الإيمان;13481677]
بصى يا قمر هو وضع الكونسل كده حلو أوى بس انا شايفة ان السفرة لازم تكون قريبة من المطبخ يعنى تتحط السفرة بالطول ووراها النيش وبعد السفرة الصالون معلش أنا مش عارفة اوصف على الرسم أنا أخدتها أقتباس من بنوتة تانية أنا بصراحة الرسبشن بتاع اختى زيك كده وعملاه زى ما قولتلك كده بالضبط

[QUOTE=yomizo;13487749]

والله مانسيتك ولا نسيت حد فيكم انا ياجماعه عندى التهاب في مفصل الكتف اليمين اللى انا بشتغل بيها ومش عارفه اعمل اي حاجه في بيتي ولا معاكم ولا حتى مع بناتى الدكتورمحدد لى شغلي ومحرج عليا الشغل العنيف وبتعالج منه ومش عاوزه اتك عليه في شغل كتير اليومين دول عشان الاجهاد وحاليا بكتب بالشمال بس صعب اوى الصراحه
فمعلش عشان خاطري اعذرونى مؤقتا انا غصب عنى والله وعارفه انكم مستعجلين بس الظروف وحشه عندى وكمان بناتى تعبانين
وحسنة ليله تمنع بلاوي كتيره


انا تعبانه وقري فوق انا مش مطنشاكى بالعكس انت صعبانه عليا اوى لانك لوحدك ومحتاسه بس كلاسيك انا عارفه انها جدعه ومش هاتسيبك محتاسه لحد مانا اخف

الف سلامه عليكى يا جميل ... ان شاء الله تخفى وترجعى احسن من الاول والف سلامه على الكتاكيت ربنا يحفظهملك من كل شر ... والبنات بصراحه مش متأخرين وكلاسيك فعلا ساعدتنى كتير .. مرسى يا قمر على اهتمامك وسلامتك مرة تانيه

soshe;13487942:
[QUOTE=فراشة الإيمان;13481677]
بصى يا قمر هو وضع الكونسل كده حلو أوى بس انا شايفة ان السفرة لازم تكون قريبة من المطبخ يعنى تتحط السفرة بالطول ووراها النيش وبعد السفرة الصالون معلش أنا مش عارفة اوصف على الرسم أنا أخدتها أقتباس من بنوتة تانية أنا بصراحة الرسبشن بتاع اختى زيك كده وعملاه زى ما قولتلك كده بالضبط

مرسى يا حبى على اهتمامك .. بس والله انا احترت فى الموضوع ده ..يمكن انا والبنات مشجعين ان السفرة تكون جوه علشان المساحه محدوده لكن انا عارفه انها المفروض تبقى عند المطبخ.. بس بحاول متضيقش المكان ... انتى بئه ورينا همتك وصورى شقه اختك علشان يكون امامى المنظر على الطبيعه... وعقبال ما تصوريلنا شقتك يا عسل

سماتينا;13487149:
لا يا حبيبتى بالعكس انتى ساعدتينى جدا ... وفكرة انى اعمل حيطه لون تركواز دى انا مكنتش حباها خالص لنفس السبب الى انتى قلتى عليه وفعلا انا شفت حاجات فلفيت رقيقه وجميله جدا

وعجبتنى او رسمه الاستيكر بتاع غرفه المعيشه وفعلا هى دى الرسمه الى فى دماغى مع تداخل الالوان زى ما قلتى ... وكمان فكره الخطوط الدهبى لاوضه النوم اعتقد حتبقى حلوة
ربنا ما يحرمنى منك يا قمر

وربنا يسهلك الحال كده وتخلصى شقتك وانا متأكده انها حتطلع حلوة ان شاء الله وتتهنى بيها يارب ويباركلك ربنا فيها يا حبيبتى وطبعا تصوريهالنا

عملتلك توزيع تانى بس بالرسام العادى لانى بجد مش قادره اشتغل على التانى بال3دي

يارب يعجبك




ومش تكونى زعلانه منى :o

على فكره ممكن كلامنا ده كله ورسمنام ش يضبط معاكى الموضوع غير عيني وعملى يعنى بعد الفرش انت جربي حطى ده هنا وده هناك
انا كنت فاره بيتي على البلان زى مابعملك وكان حلو ومؤهرا حبيت اعمل تجديدات بس في الاماكن ومع القياسات والنظري مكنش في حاجه مكفيه غير لمات عملتها عملي وضحنت امتر وبانت الشقه احلى من الاول وممنوع الاقتراب او التصوير :(

سوشى بصى يا قمر روحلى يوتن عندوا الوان دهانات تحفه وبتطلع زى الون اللى انتى طلباه بالكمبيوتر بالظبط انا جربتوا وجربت باكين فى الوان الكمبيوتر دى عند باكين مش بتطلع مظبوطه قووى زى يوتن وكمان هما عندهم ورق حائط تحفففففففففه اسالى فى الدليل كدا اقرب فرع ليكى فين وروحيه وربنا يوفقك يا قمر




يوميزوا الف سلامه عليكى يا قمر ربنا يشفيكى ويقومك بالسلامه يا حبيبتى بس مش تسكتى روحى لدكتور وكويس ومش تهملى الموضوع








بنات ممكن تنورونى فى موضوعى هنا

احلى كريب من ايدى بالتفاصيل والصور كمان
http://forums.3roos.com/showthread.php?p=13487892#post13487892

soshe;13487827:
يا بنات ممكن مساعدة انا عايزة محلات للدهانات وورق الحئط فى الهرم او المهندسين أو 6 أكتوبر يكون كويس عشان انا معنديش فكرة خالص على الحاجات دى وكمان نفسى اعرف الستندات ألى بيتحط فيها الشامبو وكه فى الحمام بتتباع فين

هتلاقي كل ده في داري ياقمر الفر الرئيسي في ش الهرم
وفي واحد تانى في ش سوريا المهنددسين
فه دهانات وستندات وورق حيطه وكله كلله وعفش كمان :)
بس نصيحه متاخديش من عندهم داهانا ت غاليه اوووووى الصراحه عن اى دهانات تانيه
لكن كجوده وخامه الحقيقه مش هافتي مجربتش ولا اعرف حد جرب
هو حاجته كلها حلوة بس مقارنه باى حد تانى غالي شويه والنجف عنده والاضاءات حلووة اووووووى
ميرسي يا يويو على اختماك بس انا فعلا بروح لدكتور وكنت بعمل علاج طبيعي باجهزة واشعات بس وقفتها لظروف حمل وبعد الولاده مابقتش اقدر اروح المشوار لوحدى من الهرم لمدينه نصر ربنا يسهل بس يعدل شويه شويه لوحده

* كلاسيك *;13481949:

بالنسبة للستاير انا رأيي اللى ف الوش تعمليها براقع لو حابه

واللى ف الجمب تعملي ستارتين سادة شبه بعض وخلاص

ان شالله تعمليها نص الحيطه طول حتى مش مشكلة

لأنهم فرعيين

:thumbs_up:

كلا سيك انا البلاكونه و الشباك الاولاني عمودين علي بعض في الصالون
ة بعدين الشباك اللي فاضل في السفره بس في نفس حيطة الشباك و بينهم عمود و مسافع متر كده
عارفه الستاير اللي بتبقي عامله زاويه قايمه اللي انا مش بحبها دي
هيا دي بقي اللي هعملها عندي
و لا ايه رأيك هحاول اشوفلك صورة

.. Hopes;13483813:
بنات
احنا نزلنا النهارده الحمدلله حجزنا اوضه النوم والسفره والانتريه
ولسه الشقه مجتش واخدين بالكم :lol:
بس ان شاء الله يعني هتبقي موجوده علي شهر 12 او 1
المهم احنا حجزنا الانتريه من ان اند اوت والسفره والنوم من مفكو
ولسه بإذن الله الاستلام علي اول شهر مارس
بالله عليكم بقا اللي تشوف المشاركة تدعيلي ربنا ييسر الشقه وتيجي بسرعه ونخلص توضيب بسرعه وميحصلش حاجه تعطلنا

ما شاء الله حلوين اوي تتهني بيهم يا رب
و بعدين شقه ايه و بتاع ايه متهتميش بالرفايع
ممكن اعرف مفكو فروعه فين ؟و انتي جايبه من انهي فرع ؟

* كلاسيك *;13483907:


هو البيج وممكن ورا السرير تعملى تقليمات بالدهبي زي حيطة كيتي

يمكن علشان الايام دي بجهز شقتي فحاسه ان مخر مصدي


اسعار السيراميك ف ترسا ايه ؟ ويا ترى فيه حاجات كويسة

ف السراميك اللى المتر بتاعه عامل 23 ؟ لأن دي الميزانية

كلاسيك ممكن اللينك بتاع شقه كيتي لو ينفع ؟

ربنا يكرمك و تخلصي شقتك و تطلع تحفه ان شاءالله و تعيشي فيها احلي الايام
و علي فكره هتلاقي سيراميك حلو ان شاءالله في الحدود دي
بس ابعدي عن سيراميك الفا
انا جبته و بجد مش حلو و فيه غلطات كتير قلنا يمكن عشان الحمام كان فرز تاني بس الريسبشن الفرز الاول برده في غلطات و خدمة العملا وحششششششششششه قوي عندهم

yomizo;13487749:
انا عندى زي ماقالت فراشه حمامى ومطبخي هما الانين متركبلهم كرنيشه رفيعه ومرشوشه مع باقي الحيطان بالابيض



والله مانسيتك ولا نسيت حد فيكم انا ياجماعه عندى التهاب في مفصل الكتف اليمين اللى انا بشتغل بيها ومش عارفه اعمل اي حاجه في بيتي ولا معاكم ولا حتى مع بناتى الدكتورمحدد لى شغلي ومحرج عليا الشغل العنيف وبتعالج منه ومش عاوزه اتك عليه في شغل كتير اليومين دول عشان الاجهاد وحاليا بكتب بالشمال بس صعب اوى الصراحه
فمعلش عشان خاطري اعذرونى مؤقتا انا غصب عنى والله وعارفه انكم مستعجلين بس الظروف وحشه عندى وكمان بناتى تعبانين
وحسنة ليله تمنع بلاوي كتيره

انا تعبانه وقري فوق انا مش مطنشاكى بالعكس انت صعبانه عليا اوى لانك لوحدك ومحتاسه بس كلاسيك انا عارفه انها جدعه ومش هاتسيبك محتاسه لحد مانا اخف

الف سلامه عليكي و علي كتاكيتك
خدي بالك من نفسك و اسمعي كلام الدكتور
انا جربت الموضوع ده مع بنت عمتي بجد ارتاحيييييييييييي
و لو عاوزه اي حاجه قولي
اغسل فومين امسح اوضه اي حاجه اهو نرد افضال سعدتك علينا يا فمر

yomizo;13488018:
عملتلك توزيع تانى بس بالرسام العادى لانى بجد مش قادره اشتغل على التانى بال3دي

يارب يعجبك




ومش تكونى زعلانه منى :o

على فكره ممكن كلامنا ده كله ورسمنام ش يضبط معاكى الموضوع غير عيني وعملى يعنى بعد الفرش انت جربي حطى ده هنا وده هناك
انا كنت فاره بيتي على البلان زى مابعملك وكان حلو ومؤهرا حبيت اعمل تجديدات بس في الاماكن ومع القياسات والنظري مكنش في حاجه مكفيه غير لمات عملتها عملي وضحنت امتر وبانت الشقه احلى من الاول وممنوع الاقتراب او التصوير :(

:thumbs_up::thumbs_up::thumbs_up::thumbs_up:
سؤال عبقري بقي
هوا في المطبخ ينفع اعمل دواليب فوق بس من غير تحت في حته كده؟
اول مره اعرف

فراولة حبيبى;13488400:

هو البانيو الركنة لازم فى حمام كبير ولا اية وبيبتدى من مقاس كام وسعره اه ؟؟؟؟

حسب المساحه
و الربع دايره في 110*110
و 125*125
135*135
و في الكرف 90*160
و في لشكال كتير
ادخلي علي كيلو باترا و شوفي المقاسات

انا جبت الكيرف
ديورافيت من 4 شهور كان 625 من غير الوش اللي بره
و الايديال ستاندرد كان ب 775 و هوا افضل
بس انا جبت ديورافيت الحمد لله

banana z3lana;13490773:



ما شاء الله حلوين اوي تتهني بيهم يا رب
و بعدين شقه ايه و بتاع ايه متهتميش بالرفايع
ممكن اعرف مفكو فروعه فين ؟و انتي جايبه من انهي فرع ؟

مفكو اعملي سيرش علي جوجل هيجيبلك الموقع بتاعم فيه كل الفروع
انا معرفش غير بتاع مكرم عبيد اللي انا روحته
ودعواتك يادينا للشقه ودعواتكم يابنات
احنا روحنا المفروض امبارح مبسوطين بقا اننا اتخدنا خطوة مهمه لأ اتخانقنا بسبب الشقه المتأخره :lol:
ونمت معيطه :lol:
بالله عليكم يابنات تدعولي انا عارفه اني عامله زي اللي بتشحت يعني بس بجد نفسيتي تعبانه اوي


قولولي بقا
لو شقه 140 متر (كانت ساكنه قبل كده يعني متأسسه )هنكسر فيها حيطتين ونزود كهربا ونغير السباكه ونعمل سيراميك وندهن
تاخد أد ايه وقت ؟؟ يعني وقت ماتفضي الشقه ونبتدي نجيب حد يكسر الحيطه نحجز الفرح بعدها بأد ايه؟
قولولي وقت معقول يعني بالمتوسط
انا حمايا وحماتي (اللي المفروض هينقلوا من الشقه دي لشقه جديده واحنا ناخد القديمه نعمل فيها نفس الحاجات )
بقالهم 6 شهور بيعملوا الحاجات دي :lol:
ولسه مخلصوش

.. Hopes;13491422:
مفكو اعملي سيرش علي جوجل هيجيبلك الموقع بتاعم فيه كل الفروع
انا معرفش غير بتاع مكرم عبيد اللي انا روحته
ودعواتك يادينا للشقه ودعواتكم يابنات
احنا روحنا المفروض امبارح مبسوطين بقا اننا اتخدنا خطوة مهمه لأ اتخانقنا بسبب الشقه المتأخره :lol:
ونمت معيطه :lol:
بالله عليكم يابنات تدعولي انا عارفه اني عامله زي اللي بتشحت يعني بس بجد نفسيتي تعبانه اوي


قولولي بقا
لو شقه 140 متر (كانت ساكنه قبل كده يعني متأسسه )هنكسر فيها حيطتين ونزود كهربا ونغير السباكه ونعمل سيراميك وندهن
تاخد أد ايه وقت ؟؟ يعني وقت ماتفضي الشقه ونبتدي نجيب حد يكسر الحيطه نحجز الفرح بعدها بأد ايه؟
قولولي وقت معقول يعني بالمتوسط
انا حمايا وحماتي (اللي المفروض هينقلوا من الشقه دي لشقه جديده واحنا ناخد القديمه نعمل فيها نفس الحاجات )
بقالهم 6 شهور بيعملوا الحاجات دي :lol:
ولسه مخلصوش

لا بصي يا قمر انا واحده صاحبتي بدأت شقتها من اسبوعين و هتخلص كمان اسبوع
يعنب شهر طالما الفلوس و العمال موجودين
اهم شئ دلوقتي تبقوا محددين انتوا هتعملوا ايه بالظبط فين
و تحددوا العمال و الميزانيه و كلو كلو
اول ما تخدوا الشقه يبقي تنفيذ مفيش لا تفكير و لا تخطيط و بكده مش هتاخد وقت
و السباكه ممكن مع الكهربا
و ممكن السيراميك و المعجون سوا
بس اللي بيعمل سيراميك في الريسبشن يكون الراجل بيمعجن الاوض و بعدين يعكسوا
الشغل مش بياخد وقت قد التخطيط و التفكير و انكوا تدوروا علي عمال

ربنا معاكي و معايا و مع كل البنات يا رب
و متقلقيش الكل مليان مشاكل

yomizo;13488018:
عملتلك توزيع تانى بس بالرسام العادى لانى بجد مش قادره اشتغل على التانى بال3دي

يارب يعجبك




ومش تكونى زعلانه منى :o

على فكره ممكن كلامنا ده كله ورسمنام ش يضبط معاكى الموضوع غير عيني وعملى يعنى بعد الفرش انت جربي حطى ده هنا وده هناك
انا كنت فاره بيتي على البلان زى مابعملك وكان حلو ومؤهرا حبيت اعمل تجديدات بس في الاماكن ومع القياسات والنظري مكنش في حاجه مكفيه غير لمات عملتها عملي وضحنت امتر وبانت الشقه احلى من الاول وممنوع الاقتراب او التصوير :(

يميم الف سلامه عليكى وعلى الكتاكيت .... انا فعلا زعلت منك لما وزعتى العفش على المخطط .. لانى يا حبيبتى محبش ابدا اكون سبب فى زياده تعبك بالعكس وطالما انتى وضحتى انك تعبانه خلاص مفيش اى مشكله ... ولو فعلا يهمك انا احنا منزعلش منك خدى بالك من نفسك وحسبى شويه واعملى الى قال عليه الدكتور وان شاء الله ترجعى احسن من الاول ... ربنا يتمم شفاكى على خير ويحفظك من كل شر
خلاص يا جميل ومفيش اى زعل والله العظيم ... والف سلامه عليكى ومرسى جدا على تعبك
بس ياريت احنا نقدر نساعد باى حاجه ... ربنا معاكى يا قمر

yomizo;13487749:
ا


والله مانسيتك ولا نسيت حد فيكم انا ياجماعه عندى التهاب في مفصل الكتف اليمين اللى انا بشتغل بيها ومش عارفه اعمل اي حاجه في بيتي ولا معاكم ولا حتى مع بناتى الدكتورمحدد لى شغلي ومحرج عليا الشغل العنيف وبتعالج منه ومش عاوزه اتك عليه في شغل كتير اليومين دول عشان الاجهاد وحاليا بكتب بالشمال بس صعب اوى الصراحه
فمعلش عشان خاطري اعذرونى مؤقتا انا غصب عنى والله وعارفه انكم مستعجلين بس الظروف وحشه عندى وكمان بناتى تعبانين
وحسنة ليله تمنع بلاوي كتيره

يميم الف سلامة عليكى وعلى بناتك ان شاء الله تبقى بخير انتى والبنات



hopes
بصى سيبى لنفسك شهرين من بداية الشغل فى الشقة والفرح لان ساعات بتطلع حاجات ممكن تعطل يعنى عامل ميجيش يوم مطبخ يتأخر بعد الشر يعنى ان شاء الله كله يمشى تمام بس احتياطى برده




زهرة نورما
ممكن تدخلى الاورانج والاصفر والاحمر بس ايه بأه كلها الوان دافيه بس عشان تعملى ماتش مع الحيطة ودلوقتى اكيد كمان هتلاقى افكار تانية من البنات

yomizo;13487749:



في نجف بيبقى حلو اوى واضائته بتبقى بيضا
الا اذا كنت اشتريتي النجف خلاص
بس ممكن تركبيله لمكن الشكل العام مش هايبقى واو
مش عاوز شقه عروسه يعنى بالاصح

الف سلامة عليكى يايميم

انا لسة مش اشتريت النجف

بس محتارة فى الاضاءة البيضة افضل ولا الصفراء

وحكاية اللمبات الموفرة بايخة يعنى بلاش منها

مشمشة.;13493728:
الف سلامة عليكى يايميم

انا لسة مش اشتريت النجف

بس محتارة فى الاضاءة البيضة افضل ولا الصفراء

وحكاية اللمبات الموفرة بايخة يعنى بلاش منها

الاضاءه البيضه افضل الصفرا بتزغلل العين انا مش بحبها خالص وجبت لمبات موفره
اضائتها قويه بس لو النجفه اطباقها لفوق جيبي لمبات موفره لاكن لو النجفه كنت هجيبها طبقها لتحت مكنتش هجيب لمبه موفره حتى الابليك جيبلها لمبات موفره صغيره ومش باينه منه خالص حتى النجفات مش باين اللمبات الموفره فيها