ملف استفسارات بنات مصر للديكور ( الجزء الثاني )

monna vision;13316010:
شكله حلو يا تميمة مبروك عليكى يا قمر فعلا شبه الباركيه
ربنا يتمملك فرحك وفرحتك على خيــــــــــر يارب
وانا كمان وكل البنات

ربنا يكرمك يااااااااااااااااارب

dr.muslimah;13317401:

ماشاء الله لا قوة الا بالله تحفة يارورو
عارفة انا بركب دلوقتى السيراميك الباركيه شكله بالضبط
والشقة بتاعتك ماشاء الله واضح انها هتبقى جامدة
ربنا يباركلك يارب

حبيبى وحشانى والله فينك يابنتى ايه رايك حلو بجد؟؟؟؟؟؟اكيد انتى شقتك احلى ياقمر وباذن الله بعد الفرش هانزلكو الصور ان شاء الله بس دعواتك بقى :)

انتى وحشانى اكتر ياقمر والله بدعيلك ربنا يعينك وييسرلك امورك ويسعدك
الحتة اللى باينة من ورق الحائط عاملة اغراء جامد وواضح
ربنا يستر ولما تنزلى صور الشقة البنات ميجرالهاش حاجة ههههه

بس على الله ياهانم تروحى تتجوزى وتنسى بنات عروس
قوليلى بقى ورق الحائط دة نوعه ايه والمتر بكاااااااام؟

ra_tamima;13314580:
بالنسبه للبنات اللى كانو عايزين صور القنالتكس اهى الصوره واى سؤال انا معاكو:)
ادعولى بالله عليكو ربنا يعدى الايام الاخيره دى على خير يااااااااااارب ويكمل فرحى وفرحتى على خير
وتقيم بقى
اهى الصوره بس طبعا الارض مش نظيفه وبجد لما مسحت حته منه شكله فرق خالص;):D

ما شاء الله ... بجد جميل جدا .. وورق الحائط يجنن شيك اوى .. مبروك عليكى يا حبيبتى تتهنى به يارب

dr.muslimah;13317598:

انتى وحشانى اكتر ياقمر والله بدعيلك ربنا يعينك وييسرلك امورك ويسعدك
الحتة اللى باينة من ورق الحائط عاملة اغراء جامد وواضح
ربنا يستر ولما تنزلى صور الشقة البنات ميجرالهاش حاجة ههههه

بس على الله ياهانم تروحى تتجوزى وتنسى بنات عروس
قوليلى بقى ورق الحائط دة نوعه ايه والمتر بكاااااااام؟

هههههههههههههه والله ضحكتينى هو انا ااقدر انساكو
بصى بقى الورق ده المانى درجه اولى معالج ضد الشمس وبيتغسل عادى الرول عامله 5 متر ب 300 من فرع يوتن اللى ف روكسى عنده تشكيلات احلى كتير والله واى خدمه;)

سماتينا;13317607:
ما شاء الله ... بجد جميل جدا .. وورق الحائط يجنن شيك اوى .. مبروك عليكى يا حبيبتى تتهنى به يارب

ربنا يكرمك ياقمر يارب لما تنزل الصور تعجبكو كده ان شاء الله

ra_tamima;13314019:
بصى ياقمر انا لما وريتها للنقاش فضلنا انا وهو وخطيبى نفكر هانعمل الدواير بايه ف الاول فكر انه يعملها ببرجل وطبعا لما لاقى ان الدواير فيها كبير قال ممكن برجل بتاع الهندسه بس للاسف كان خطيبى اتسرف فيه8o| بس المهم علشان هو صمم انه يعملها جاب كرتونه وعمل الداوير الكبيره ومامه خطيبى علشان هى ساكنه تحتى طلعتلهم اطباق مدوره يعملو بيها الدواير اللى جواه
فهمتينى وبجد بجد الحمد لله طلعت:thumbs_up:
يعنى من الاخر لو النقاش بيفهم وعايز يعملها هايعملها وعلى فكره زى ما الدواير مهمه الالوان اللى جواها مهمه جدا انا كنت حاطه ايدى على قلبى لحسن الالوان تطلع وحشه او مش منسقه بس الحمد لله

بالنسبه للبنات اللى عايزين رقم النقاش والاوستورجى من عنيا على اخر اليوم هاجبهم من خطيبى :)

زهره حائره;13314500:
بنات ايه نوعيه الحوائط فى الصوره ول اتعملت سيراميك مش هيبقى شيك ذى الصوره صح
مرسى للملاحظه بتاعه البنوته بان ماسوره الحمام تلف بالجنب انا فعلا ما كنتش واخده بالى من كده احسن من تقفلها بالازاز
بنات سؤال ضرورى سئلته قبل كده ومحدش رد على الحوض بصفيتين احسن واللى بصفايه وضرورى لان السباك شغال

ياقمر ده راميك برده بس الراجل وهو بيمحر بيطلع بالمحاره لبرا شويه ويبلط عادى باى نوع سيراميك انت عاوزاه ويعملك الشكل زى اللى في الصور ومن فوق يبقى دهان بالبويه وبس

والحوض اللى بعينين احسن من ابو عين واحده بالنسبه طبعا للمطبخ اكيد كان سؤالك ؟
عشان بيسعف اككتر كتييير جدا وقت العزايم وغيرها حتى في الايام م العاديه الصفايتين احلى كتير وافيد لك

والعفو على كره ماسوره الستاره لانها افيدلك من انك تعملى ازاز وكل شويه تفتحى وتقفلي في الدرف وتتكسر وتتعوري بعد الشر F::L:

زهورة..;13318377:

ربنا يكرمك يارب

طيب يعني هو جاب كرتون ورسم الدواير وبعد كده فرغها ولزقها فى الحيطة وبيض الفراغ ولا انا فاهمة غلط ؟؟؟ عشان اخلى النقاش يعملها ان شاء الله وياريت لو فيه صورة :)

بصي ياقمر في طريقه تانيه كنا بنعملها برده تعلمك انت شخصيا ازاى تعملى الكلام ده بالدهان بدل ورق الحائط او الاستيكر

ركزي معايا بقى
تنزلى تجيبي من المكتبات الكبيره زى سمير وعلى مثلا ورق اسمه ورق استنسل بيتباع بالفرخ تجيبيه وترسمي عليه الرسمه اللى تعجبك وتفرغيها وتلزقيه على الحيطه وتلونى بالفرشه او بسفنج عاااااادى جدا ا جواه ولما ينشف تبقى تشيليه ويطلعلك نفس الرسمه اللى انت عاوزاها وممكن كمان تعملى بيه اشكال وتلوينيها بطريقه تبينلك في الاخر بعد ماتشيلي الاستنسل ده انك راسمه على الحيطه رسم باروز او رسم عادى بنفس مستوى الجدار

والصور هنا هتوضحلك كلامى



الطريقة التي تنفذ بها الطباعة البارزة










نماذج للطباعة البارزة




تم تصغير الصورة تلقائيا . إضغط على هذا الشريط لمشاهدة الحجم الطبيعي . أبعاد الصورة الأصلية 580x367 وحجمها 35 كيلو بايت .







وهنا طريقة من طرق الطباعة المستوية بالإستنسل طباعة شكل الحجر :-



















لو النقاش اللى عندك شاطر وشاف الصور دى مع شرحك لها هايعملها على طول او لو انت عندك الجرأة انك تلعبي في الحيطه اعمليها انت بس هى مرهقه شويه حتى لو بانت لك انها بسيطه

بصي انا هابقى انزلك موضوه مخصوص للموضوع ده تبقي تقريه بتمعن وتشوفي كل حاجه فيه ويارب اكون افدنك :L:

والصوره دى تبينلك اكتر انا بتكلم ازاى وبتطلع النتيجه ايه

موضوعك اكثر من رائع

مشكلتى ان شقتى اتعمل فيها السيراميك مش على زوقى

دة الحائط




ودة الارضيات





محتارة بقا اعمل لون المطبخ الخشب اية

عندى سؤال تانى ياقمر

دة رسم كروكى للريسبشن بتاعى

ومش عارفة اعمل الوان اية

محتاااارة جدااا



انا لسة مجبتش العفش هجيبى بعد الدهانات

اتمنى انك تقدرى تفيدينى

وكان عندى سؤال تانى كنت عايزة اجيب استيكر زى دة ومش عارفة اجيبة منين ياريت لو تعرفى تقولية وكمان هو غالى ولا اية ياريت الاسعار

سؤال كمان اية رايك لو عملت الالوان دى فى غرفة النوم

مع شوية تعديلات

يعنى تبقا موف غامق* الدرجة الافتح منها شوية * موف فاتح خالص

دى الحيطة اللى وراء السرير

وباقى الحيطان موف فاتح

ولا انتى عندك راى تانى

معلشى بقا عزبتك معايا

مشمشة.;13319071:
سؤال كمان اية رايك لو عملت الالوان دى فى غرفة النوم



مع شوية تعديلات

يعنى تبقا موف غامق* الدرجة الافتح منها شوية * موف فاتح خالص

دى الحيطة اللى وراء السرير

وباقى الحيطان موف فاتح

ولا انتى عندك راى تانى

معلشى بقا عزبتك معايا

emooosmsm;13280419:
ياحبيبتي يا يويو تسلمي ع ردك ياقمر

بجد ربنا يسعدك دنيا وآخره محدش عبرني غيرك والبنوته القمر monna vision

بصي انا الانتريه الفوشيا بجد تحفففففففففه ف الساده مش بحب المنقوش والشغل الكتير

والخداديات الملونه هتعمل عليه شغل جامد

والشقه مش ايجار ياقمر وبالنسبه للحيطه المقلمه مش هعملها خلاص النقاش قالي اصلا موضتها قديمه ولو اني حاسه انها رجعت بس شلت الفكره من دماغي

المشكله اني نزلت النساجون وكل الفوشيا ال لقيته وعجبني كان فوشيا × بنفسجي حلو اوووي لحد كده

لقيت داخل معاه اورانج وتركواز مبوظ شكل السجاده خاااااااااااااااااااااالص

والفوشيا الساده مفيش غير السجاد الشاجي

الحاجه الوحيده ال لقتها هو التفاحي كان مقلم بالعرض كده وداخله بيج بسيط

انتي شفتي سجاد عادي فوشيا ؟؟؟ ف النساجون ...

وتسلمي مره تانيه يا يويو ياعسل ربنا يبارك ف عمرررررررك يارب ويحققلك ال تتمنيه

طيب ما تجربي تنزلي العاشر للمصنع نفسه هتلاقى هناك تشكيلات حلوة

وكل الاحجام والاسعار اقل كمان

عامةً التفاحي ف بيج دي تمشي لو البيج مش غامق

واى لون من الالوان دي بس حاولى متدخليش بقى الوان تانية لو كتير

يعني لو لطشة بس من لون تانى ممكن لكن اكتر يبقى لأ

ومعلش اتأخرت ف الرد عليكي ربنا يكرمك ويتملك بخير :)

زهره بريه;13280799:
هو الدهان اللى بيبقى فى الفنشينج كدهان قويمه اوكسيدى بيكون درجات وانواع ولا بيبقى الاوكسيدى دا حاجه ولون واحد ؟؟
ومحتاره اعمل لون اوده النوم عندى بنى مات ولا نص لمعه ولا لمعه كامله الازاز اللى بيقولوا عليها ؟؟
وكمان لون السفره ؟؟

شيمو اللى كانت معانا هنا نصحتني بإن الدهان احسن نوع هو المط

وابعدي عن اللمعة والنص لمعة لأنه بيقب حاجة كده يعني

بس والدها خبره فحبت تنبهني

جويرية المسلمة;13282962:

كلاسيك حبيبتي .... الحمد لله إني شوفتك ..... طمنيني عليك الله يكرمك .. :)

انا افتكرت فعلا إنها كانت بيببو ..... وأنا نفسي أعمل كدة .... بس لو هعمل كدة يبقى أحسن أشتري القماش بتاع المفارش مع قماش الستاير علشان الدرجات تبقى قريبة .. مش كدة ...؟؟؟

وبالنسبة لكلامك عن الإزاز ... أنت عارفة مامتي ممكن تعمل في إية هي وكل العيلة لو محطتش إزاز :D

وسؤال بقى يا ولاد :D

المرايا بتاعة التسريحة .... مفيش أي حركة أعملها فيه كدة ... كان نفسي أعمل قلوب صغتتة كدة عند الزاوية اللي فوق يمين واللي تحت شمال ..... تقريبا دة بيبقى شغل بالليزر .. مش كدة ... هو تخيل ف دماغي مش عارف اللي أنا بقوله دة تخريف ولا ينفع فعلا ..... ولو ينفع إية رأيكم أعمل نفس الرسمة ف الإزاز اللي هيتحط ع الكومودينو والتسريحة .....؟؟؟؟

ها توهتوا ولا لسة :D

لو متوهتوش ف الرغي بتاعي دة قولوي رأيكم بقى :D

انا هنا اهو والحمد لله تمام وماشية ف الحوار بتاعي بس غيرت شوية ف الخطة

انتى اخبار امتحاناتك ايه ؟


بالنسبة للقماش اكيد هتبقى حلوة لو اللون نادر بس التركواز ف القطيفة

معتقدش هيبقى حلو خلي بالك


الازاز انا مش فاكرة كنت قولت ايه اصلاً :D


والرسمة اللى بتقولي عليها هتبقى عسولة اوي ان شاء الله

بس اعمليها نونو خالص علشان متبقاش لوكال

جويرية المسلمة;13282997:

يا ولاد فاكرين زمان لما قولتولي ف الصالون هاتي مخدتين وحطيهم ع الأرض وحطي عليهم شال .... وقلنا ممكن نشتري قناش قطيفة بس طري ونركب له فرنشات ....

السؤال بقى :d

الفرنشات تبقى من الأربع نواحي بتوع الشال ولا من ناحيتين بس ..؟؟

انا بقول من ناحيتين غير انك لو عرفتي تجيبيه جاهز او حتى من الطرح الشيك

اللى بتكون كبيرة دي كتان مثلاً او في شالات كانت نازلة فترة ف السوق كده

فيها اورجانزا وبتلمع تقيلة كده وعليها اشكال كلاسيكيه اوي

دي تمشي معاكي حلو جداً لو فهمتي قصدي يعني :D

جويرية المسلمة;13283088:


بصوا بقى يا ولاد

أنا بايني كدة هآخد مخالفة بس انا لازم أسأل السؤال دة :d

كان في أوضة معيشة حلوة كدة شفتها بس اتمسحت من على جهازي هقولكم مواصفاتها واللي عندها ينوبها ثواب تديهاني

هي عبارة عن ركنة لونها رصاصي .. فراني كدة يعني ... وعليها مخدات روز هادي كدة ... ومعاها 2 بوف لونهم كريمي منقوش نقشة هادية .... وورا الركنة في ورق حائط رصاصي في روز .... وجنب الركنة في ترابيزة حواليها 4 كراسي .... وفي ستارة لونها روز بردة على شبالك أو بلكونة مش فاكرة أوي :D

بس كدة والحيطان كان لونها أوف وايت .... لو حد عنده يجيبهالي ينوبكم في ثواب يا ولاد الحلال :D

تدفعي كام ؟؟؟ :D


اهي يا حلوة

زهره حائره;13284471:


بنات شايفين التقفيل اللى فوق البانيو مش اللى تحت الحوض اللى فوق البانيو ايه رئيكم فيه حلو واللى بايخ واللى التقفيل تحت الحوض احسن مع العلم انا عندى اوضه للغسيل يعنى هحط فيها حاجات كتير للحمام

هي فكرة حلوة بس مادام عندك اوضة غسيل يبقى ممكن تعملي

تقفيله بس او تجيبي ارفف للفوط وحاجات الحمام بس

وتقفيلة الحوض دي حلوة مش وحشة بس الخشب يا ترى مش هتبوظ ؟

سماتينا;13284484:
حمد الله على السلامه نوووووووووووووووووووورتى المنتدى كله ........وتتسولى ليه يا حبيبتى حالا يكون عندك جهاز ايه رئيك;);)
وربنا معاكى فى المذاكرة وصلحى جهازك بئه على ما ابعتلك واحدهههههههههههههههههه

الجهاز موصلش ليه :D

وقولي يا قمر سؤالك وانا ان شاء الله اساعدك فيه

بس لو كانوا كذا سؤال اكتبيلي بالارقام كده واحد اتنين تلاته

علشان افهم ;)

smora2011;13284746:
ايه رأيكم فى السيراميك بتاع حمامى

ماشاء الله تحفة تتهني بيه يارب

only712;13289023:
السلام عليكم ازيكم يا بناتيت
حد يعرف اول صورة دى دهان ولا ورق حائط الدواير الملونة دى عجبانى موووووت




الصور روابط لمنتدى آخر

الاول خلى بالك يا قمر الصور تكون مرفوعة على مركز رفع المنتدى F:


الصورة دي دهان وتميمة عملااها بالدهان وفي بنوتة اسمها آية عملااها هنا


http://forums.3roos.com/showthread.php?t=563666

اهى

only712;13290363:
شكرا ليك وربنا يوفقك
سؤال المخالفة اجيب كاسات حلوة منين
حد يعرف الستائر دى منين

ومعلش حد عنده افكار لمدخل الشقة مدخل ضيق نوعا ما ومش طويل واسفة على الاسئلة الكتير

شوفيها عند بتوع الحدايد والبويات ومستلزمات الستاير والديكور

وكمان عند بتوع الاكسسوارات علشان افتكر شوفتها قريب ف مكان

بس عندنا ف الزقازيق

والمدخل ممكن تعملي حاجة زي كده بتاعت توكي





او تحطي تابلوه او مراية طويلة فيها شكل او حركة توسع المكان شوية


او تعملى فكرة مجنونة زي دي

fulla2010;13291207:
ازززززززززيكم يا احلى بناااااات
كلاسيك حببتى واحشانى جداا
وبجد بجد فرحنى سوالك اوووى عليا



انا عايزة اسال سوال مهم جدا بالنسبالى
وانا بتكلم انا وسارة ميس كات بقولها هاعمل اوضة نومى والسفرة يعنى كل الخشب عموله
بقولها هاعمل كله بنى مط
وبقولها هاعمل اوضة نومى بنى مط والشغل الى فيها يبقى لوبنه دهبى
عشان هى الترا مودرن مش مودرن اووى
قالتلى السيلفر هايكون احلى بكتيير من الدهب
وانا بثق فى رايها
بس ممكن صور عشان اتصور الموضوع يعنى بنى مط فى سيلفر
انا شوفت ده فى اوضة السفرة بس فى النوم لا
حتى السفرة فيها شغل شويه مش عارفه اعمله لونه ايه
بس كل الاوضتين دوله هاعملهم بنى مط بس فى سيلفر ولا فى دهبى
احترت
فا ممكن اشوف صور اوضة نوم بنى مط فى سيلفر

ربنا يخليكي يا حبيبتي احنا اخوات والله

بصي انا رأيي مش علشان انتى الترا مودرن او يعني سيمي مودرن لو تقصدي

يبقى تعملي فيها لون انا لو منك مش هدخل اي لون خالص

ولو لون يبقى سارة صح يبقى الفضي وللأسف مش لاقيه صور ف السيرش خالص

عسولة عمرو;13292835:
انا عايزه اعرف دهانات الخشب دى مختلفه اكيد يعنى كذا نوع اصلى بشوف مثلا خشب بيعجبنى شكله اوى واشوف حاجه تانيه مش تعجبنى مع انه بيكون مثلا نفس اللون بحس ان الاختلاف فى انواع الدهان وكده انتو فهمتو قصدى ايه عايزه اعرف ايه الانواع ويا سلام بقى لو بالصور عشان اكون فاهمه كده واعرف اختار وكمان انا سمعت ان فى حاجات مش بتدهن لا بتدخل الفرن وهو الخشب ابيض وحسب درجة اللون اللى عايزاها دى حاجه عاديه ولا غريبه طولت عليكو بس يلا ردو عليا

انا معرفش اسامي الدهانات طبعاً وانواعها بس بتختلف طبعاً حسب السعر

كل ما كان اغلى كل ما كان الدهان اجمد ويعيش اكتر النجار اكتر واحد يفيدك

او اعملى سيرش عن الموضوع ده

mssoliman;13296169:
بنات ربنا يكرمكم
انا الريسبشن يتحط فيةصالون وسفرة
بس المشكلة ان المطبخ والحمام موجودين فى الريسبشن
اعمل اية يعنى لو عندى ضيوف وزوجى فى الحمام مشكلة او العكس
عاوزة افكار غير عمل ستارة
مستنية الرد
ومرسى

مفيش حل فعلاً غير انك تحطي بارافان كبير زي كده

esraa_ali;13299760:
بنات هو ايه الباركيه بامبو ده اصل ششوفت صورته حلو موت بس خايفة يكون مش عملى
البنت اللى عملاه بتقولى انت بيترش فوم تحته على السيراميك او البلاط و اطلا الشقة قارعة لا فيها سيراميك و لا بلاط و هى بتقولى هو معالج ضد الميه ...طبعا انا مش فهمت و لا حاجة قولت اسالكم تفهمونى

اصل عجبانى فكرة السيراميك اللى لون الخشب بس مش عارفة هو احسن و لا العادى و الفرق بينه و بين الباركيه

دكتورة مسلمة لسه جايبه سيراميك شرايح باركية وشكلة ماشاء الله

انا كنت مستبوخة شكله بس لما شوفت بتاعها ماشاء الله ربنا يباركلها فيه

اهو

جويرية المسلمة;13293142:

يا ولاد


عايزة كتالوجات صالونات كلاسيك بس مش قديمة .... ضروررررري

جوجو ده زهرة حطاه حلو اوى وسيمبل ولو فضي او دهبي فاتح

او نحاسي هيبقى اشيك واجدد بكتير من الدهبي العادي

مشمشة.;13318868:
موضوعك اكثر من رائع

مشكلتى ان شقتى اتعمل فيها السيراميك مش على زوقى

دة الحائط




ودة الارضيات





محتارة بقا اعمل لون المطبخ الخشب اية

عندى سؤال تانى ياقمر

دة رسم كروكى للريسبشن بتاعى

ومش عارفة اعمل الوان اية

محتاااارة جدااا



انا لسة مجبتش العفش هجيبى بعد الدهانات

اتمنى انك تقدرى تفيدينى

وكان عندى سؤال تانى كنت عايزة اجيب استيكر زى دة ومش عارفة اجيبة منين ياريت لو تعرفى تقولية وكمان هو غالى ولا اية ياريت الاسعار

بصي لون السيراميك غريب جداً بس عامة لو خشب يبقى اعملى بني غامق

لو الوميتال ممكن رمادي فاتح او درجة من درجات السيراميك



الالوان لازم تكوني عارفه على الاقل ناوية على الوان ايه ف العفش

انتى ممكن تعملى كله اوف وايت او بيج علشان يليق على اي حاجة

ممكن تجيبيها لأن بعد ما تقرري الوان معينة ممكن متلاقيهاش



والاستيكرز في الغالي وفي الرخيص موجود دلوقتي ف كل حته

بس المضمون هتلاقي ف مراكز الدهانات زي يوتن او على الفيس بوك

مشمشة.;13319071:
سؤال كمان اية رايك لو عملت الالوان دى فى غرفة النوم

مع شوية تعديلات

يعنى تبقا موف غامق* الدرجة الافتح منها شوية * موف فاتح خالص

دى الحيطة اللى وراء السرير

وباقى الحيطان موف فاتح

ولا انتى عندك راى تانى

معلشى بقا عزبتك معايا

انا عن نفسي بحب ف اوضة النوم الالوان الفاتحة

مبهجة اه ولكن فواتح علشان تكون مريحة للعين او تكون اوف وايت كلها

وخاصة ان معظم غرف النوم ضيفة فده يديها وسع

اما بالنسبة للدرجات فهي ماشية مع بعض ومادام شايفه مثال لها ف صورة

يبقى توكلي على الله مادام عاجبك وحباه




تميمة


ماشاء الله الشقة بقت حلوة ربنا يباركلك فيها




الحمد لله اخيراااااااااااااا خلصت رد :sick::|

ra_tamima;13315759:
[BACKGROUND="70 #663399"]

بصى ياقمر انا لما روحت اشترى شوفت البلاطات دى وشكلها مش عجبنى خالص ده غير انها ممكن بلاطه تطلع من التانيه يعنى ممكن يبوظ بسرعه بالنسبه للاسم والله ياقمر تحت ف العتبه بيقولو على البلاطات فنيل وكاتبين عليها كده وفى بيقولو ان المشمع ده هو القنالتكس وفى بيقولو انه فنيل فعلا انا وخطيبى احتارنا من تغيير الاسامى ف العتبه بس الاهم بقى ان الواحد يجيب حاجه مؤقتا وتكون حلوه وكويسه ولما يطلع عينيها باذن الله نعمل سيراميك

المهم سيبك انتى ايه رايك ف ورق الحائط اللى مش باين ده;):D[/BACKGROUND]

جميل يا قمر:thumbs_up: وهيبقى احلى ويظهر اكتر بعد الفرش
بس انتى كنتى جايبه رول الحائط منين وبكام؟؟

وياترى الصنايعى اخد منك كام فى لزقه لانى عايزه اعمل حيطه ورق حائط فى الانترى

شوفوا لموضوع ده

http://forums.3roos.com/showthread.php?p=13319323&posted=1#post13319323

هو انا طب ينفع احط ورق حائط فى المطبخ بدل السيراميك الوحش دة قل مش هينفع دلوقتى نكسرة خالص

ممكن اعمل اية عشان ادرية لانة عملى اكتئاب وحاسة ان مفيش اى اجة هتمشى علية ومش عارفة اجيب اى حاجة لونة

ولون الستارة بتاعت المطبخ على كدة تبقا اية

في جروب على الفيسبووك بيبيع دى
ب 300 كلها على بعضها

ودى ب 500 برده على بعضها كل الاجزاء

ودي ب 350 على بعضها ولو عاوزه الوان معينه تعملهالك

والجروب اسمه
(2)لوحات مودرن زيتية بارخص الاسعار اعملي سيرش عنه بقى

علي فكرة يابنات انا نزلت الرويعي لقيت تابلوهات فردانى موودرن يعني التابلوه ابعاده 50*40 كان ب 60 جنية

ف خدت اتنين من نفس النوع هو مروم عليه شكل مش محدد بس الالوان عجبتني ونفس الى انا عايزاها

خدت الاتنين وحطتيهم عكس عكاس يعني واحده مظبوظة والتانيه بالنسبالها تبقي مقلوبه فظهرو كإنهم لوحه واحده بتكمل بعضها

انا بالنسبالى كان 300 و 400 بالنسبالى تمن كبير عليا ف انى ادفعهم ف لوحه خصوصا انى كنت عاوزة اباجورة مودرن وحجات تانيه

فجبتهم شكلهم تحفففة اوى وعجبني جداااا

وبالنسبه للاباجورات النهردا وانا بتمشي ف ثكنات المعادى جنب محطة المترو ع طول في محل اباجورات اسعارو حلوة اوى عامل اباجورة ارتفاعها 63 سم مودرن الى بتبقي عامله زى الاسطوانه دى والقاعده ستانلس ع خشب ب 90 جنيه وممكن افاصل اجيبها ب 80 مثلا واللذيذ كمان انهم بيصنعو شابوهات وممكن تغيرو الشابوه خشب ما انتو عاوزين وعندو نقشات كتير وتستلميها براحتك انا اتفقت معاهم ع اباجورة بس متوقفه علي الشابوه واللون هاخدلهم اللون وهروحلهم تانى واقرر الشابوه يبقي شكل الاسطوانه كده طويل ولا يبقي مربع ولا بيضاوى ولا مدور

ممكن اعرف كنتى جايبة الصالون ده منين يالقاء

مشمشة.;13319604:
هو انا طب ينفع احط ورق حائط فى المطبخ بدل السيراميك الوحش دة قل مش هينفع دلوقتى نكسرة خالص

ممكن اعمل اية عشان ادرية لانة عملى اكتئاب وحاسة ان مفيش اى اجة هتمشى علية ومش عارفة اجيب اى حاجة لونة

ولون الستارة بتاعت المطبخ على كدة تبقا اية

ماينفعش ورق حائط في المطبخ عشان بالظبط شهر وهتلاقيه عاوز الرمي
الورق هايتبهدل من البخار والجهون اللى طالعه من البتوجاز
هو شكله سئ اوى كده ؟؟وريهولى طيب يمكن افكرلك في فوكيره له ويتغطى بيه

وهل خشب المطبخ مش هايداريه ؟؟

[BACKGROUND="70 #6600CC"]ميرسى لكل اللى عجبتهم الارضيه وعجبهم ورق الحائط
كلاسيك ليكى وحشه والله :L::L:
بالنسبه للورق ياجماعه انا قولتها كتيررررررررررررر:mad::rolleyes:
الرول ب300 عامل 5 متر والصنايعى بياخد مصناعيه على الشغل كله مش الورق بس

بالنسبه للبنوته اللى بتسئل على الدواير بصى انتى فاهمه غلط بصى انسى خالص ان فى حاجه بتلزق على الحيطه الحكايه كلها انه جاب كرتونه وقصها على شكل دايره وحطها على الحيطه ورسم حواليها الدايره فاهمانى يعنى الدايره نزلت فارغه وبعيدن جاب مقاس تانى ورسمه جواها بالنسبه بقى للالوان بفورشه صغيره وظبط الالوان والحمد لله طلعت تحفه:thumbs_up:

البنات اللى عايزين رقم النقاش معلش بقى انا اسفه خطيبى مش راح الشقه كان وراه شغل لحد دلوقتى ف طبعا النقاش مش راح بس باذن الله هايروح الشقه بكره وهاخد رقمه وابعتهولكوووووووووووووو
[/BACKGROUND]

M!ss Tuky;13319787:
علي فكرة يابنات انا نزلت الرويعي لقيت تابلوهات فردانى موودرن يعني التابلوه ابعاده 50*40 كان ب 60 جنية

ف خدت اتنين من نفس النوع هو مروم عليه شكل مش محدد بس الالوان عجبتني ونفس الى انا عايزاها

خدت الاتنين وحطتيهم عكس عكاس يعني واحده مظبوظة والتانيه بالنسبالها تبقي مقلوبه فظهرو كإنهم لوحه واحده بتكمل بعضها

انا بالنسبالى كان 300 و 400 بالنسبالى تمن كبير عليا ف انى ادفعهم ف لوحه خصوصا انى كنت عاوزة اباجورة مودرن وحجات تانيه

فجبتهم شكلهم تحفففة اوى وعجبني جداااا

وبالنسبه للاباجورات النهردا وانا بتمشي ف ثكنات المعادى جنب محطة المترو ع طول في محل اباجورات اسعارو حلوة اوى عامل اباجورة ارتفاعها 63 سم مودرن الى بتبقي عامله زى الاسطوانه دى والقاعده ستانلس ع خشب ب 90 جنيه وممكن افاصل اجيبها ب 80 مثلا واللذيذ كمان انهم بيصنعو شابوهات وممكن تغيرو الشابوه خشب ما انتو عاوزين وعندو نقشات كتير وتستلميها براحتك انا اتفقت معاهم ع اباجورة بس متوقفه علي الشابوه واللون هاخدلهم اللون وهروحلهم تانى واقرر الشابوه يبقي شكل الاسطوانه كده طويل ولا يبقي مربع ولا بيضاوى ولا مدور

توكى الله يخليكى ممكن تصورى ليا التابلوهات الى جبتيها لانى حسه بردو ان 300 ده كتير بردو معلش هتعبك معايا ياقمر وياريت لو تقوليلى العنوان بالظبط الله يكرمك وتقومى بالسلامه يارب

M!ss Tuky;13319787:
علي فكرة يابنات انا نزلت الرويعي لقيت تابلوهات فردانى موودرن يعني التابلوه ابعاده 50*40 كان ب 60 جنية

ف خدت اتنين من نفس النوع هو مروم عليه شكل مش محدد بس الالوان عجبتني ونفس الى انا عايزاها

خدت الاتنين وحطتيهم عكس عكاس يعني واحده مظبوظة والتانيه بالنسبالها تبقي مقلوبه فظهرو كإنهم لوحه واحده بتكمل بعضها

انا بالنسبالى كان 300 و 400 بالنسبالى تمن كبير عليا ف انى ادفعهم ف لوحه خصوصا انى كنت عاوزة اباجورة مودرن وحجات تانيه

فجبتهم شكلهم تحفففة اوى وعجبني جداااا

وبالنسبه للاباجورات النهردا وانا بتمشي ف ثكنات المعادى جنب محطة المترو ع طول في محل اباجورات اسعارو حلوة اوى عامل اباجورة ارتفاعها 63 سم مودرن الى بتبقي عامله زى الاسطوانه دى والقاعده ستانلس ع خشب ب 90 جنيه وممكن افاصل اجيبها ب 80 مثلا واللذيذ كمان انهم بيصنعو شابوهات وممكن تغيرو الشابوه خشب ما انتو عاوزين وعندو نقشات كتير وتستلميها براحتك انا اتفقت معاهم ع اباجورة بس متوقفه علي الشابوه واللون هاخدلهم اللون وهروحلهم تانى واقرر الشابوه يبقي شكل الاسطوانه كده طويل ولا يبقي مربع ولا بيضاوى ولا مدور

توكى ممكن تصورى التابلوهات دى لان شفت تابلوهات مودرن بس للاطفال فى الرويعى الفرع اللى فى فيصل وكانو ب 60 ج برده