زهره حائره;13284471:
بنات شايفين التقفيل اللى فوق البانيو مش اللى تحت الحوض اللى فوق البانيو ايه رئيكم فيه حلو واللى بايخ واللى التقفيل تحت الحوض احسن مع العلم انا عندى اوضه للغسيل يعنى هحط فيها حاجات كتير للحمام
هى حلوة جدا بس لو عملتيها محتاجه تعمليلا عامود الستاره لافف على الجنب عشان وانت بتاخدى شاور الستاره تكون مغطيه على الرفوف وماتتبهدلش من المايه
smora2011;13284746:
ايه رأيكم فى السيراميك بتاع حمامى
http://go.3roos.com/mnnnj7ceaz2
ماشاء الله حلو اوى ربنا يسعدك
only712;13290363:
شكرا ليك وربنا يوفقك
سؤال المخالفة اجيب كاسات حلوة منين
حد يعرف الستائر دى منين
ومعلش حد عنده افكار لمدخل الشقة مدخل ضيق نوعا ما ومش طويل واسفة على الاسئلة الكتير
ممكن تحطي فيه كونسول صغير مع مرايا حلوة كده حتى لو مودرن في كونسولات مودرن بتبقى حلوة اووووووووووى وساعتها ممكن تعمليه ككونسول ومنه فيه يتفتح ويبقى جزامه وتبقى استفدتى من المكان 2×1 ;)
taky21;13290599:
السلام عليكم
ازيكو يا بنات
ممكن استعين بخبراتكم في افكار لشقتي ..... انا عضوة قديمة بس مش بدخل كتير لأن عندي دراسة ومبنبطلش امتحانات تقريبا دعواتك ليا في امتحان البكالوريوس بعد العيد ان شاء الله
اولا : المطبخ عندي صغير 270 في210 ماشي طيب دلوقتي في شباك صغير في نص الحيطة الصغيرة وهنعمله الوميتال ومش هيبقى في مكان للشفاط يعني لو حبيت احط البوتاجاز تحت الشباك لازم اكسر في الحيطة اللي هي اصلا يا دوب
والاحتمال التاني اني اجيب شفاط مسطح واركبه فوق البوتاجاز ناحية الحيطة الكبيرة واحط فوق الشفاط وحوالينه دواليب المطبخ بس انا خايفة ميكونش عملي خصوصا اني مش عايزة اعمله بمدخنة عشان التكسير اي رايكم وياريت اللي عنده اي معلومة عن الشفاطات البليت يقولي عليها عملية ولا لأ وسعرها وانواعها .....
ثانيا :شقتي اوضتين وريسبشن الاوضة التانية ديه مش عارفه اعملها اطفال ولا ليفنج بس انا بقول ممكن اعمل سرير واحد بكمودينو واعمل قعدة عربي او ركنة صغيرة معاه في نفس الاوضة اي رأيكم ومحدش يقولي كنبة تتقلب سرير لان خطيبي -زوجي- مش مقتنع بيها حد عنده صور لاوضه ليفنج واطفال في نفس الوقت ) الليفنج ضروري عندي عشان انا منقبة وعليلتنا مفهاش اختلاط ولازم افصل قعدة الرجال عن قعدة النساء
والسرير عشان شقتنا بعيدة وبالتالي احتمال حد يجي يبات عندنا من اهل زوجي ......
انا قولت لكم افكاري وعاوزة رأيكم مستنياكم متطنشونيش
الشباك بتاع المطبخ ممكن يتقسم كالاتى الموتال نصين النص اللى تحت درفه بتتفتح لفوق
والنص اللى فوق شفاط عادى بتفتحله فتحه في الازاز ويتركب عاااادى جدااا
انا عاملاه عندى ومنه يبقى بيتفتح يهويلك وفيه شفاط
او ممكن تعمليه درفتين بالطول درفه فيها شفاط والتانيه بتتفتح
او واحده كبيره مخروم جواها الشفاط وتكون بتتفتح وقت ماتحبي
بس الافضل ان الشباك يكون على جزئين لان في اوقات كتير هاتحبي انك تفتحى الشفاط والشباك مع بعض في نفس ذات اللحظة :)
emansaed;13290972:
بنات سوال بليز حد يعرف السخان الغاز احسن ولا الكهربا؟
انا عايزة اجيب كهربا لانى اتخنئت من الناس بتوع الغاز حرامية بجد
بس سمعت ان الكهربا بيخلى الفاتورة غالية جدا هل هذا صحيح؟
وحد جرب الغاز ف الاستعمال حلو ولا ايه؟
انا مجربتش الكهربا ابدا بس كل اللى جربوه مش حبوه عشان بيقطع المايه السخنه عليهم في وسط الحمايه :o لكن الغاز طول مالحنفيه مفتوحه طول مافي مايه والناس بتوع الغاز حراميه ازاى يعنى ؟؟
وفي غاز بيبقى اشعال ذاتى زى البتوجاز كده
اول مالحنفيه تتفتح يولع الشعله بتاعته وينزلك الماي السخن
واول ماتقفلي الحتفيه تنطفي الشعله بس كده حلو ومريح ومايستهلكش غاز كتير عمال على بطال زى بتاع المصانع الحربيه القديم اللى كان شغال عمال على بطال يسحب في الغاز
ولع تايمرز كتير تتحكمي في درجه خونه المايه صيف او شتا ومايه ضعيفه او شدبده انا االلى عندى العبد وتحفه الحمد لله
only712;13292611:
محدش جاوبنى على اي سؤال بس لسه عندى امل برده:thumbs_up::thumbs_up:
حد يعرف التابلوهات الى كذا واحد جنب بعض يعملوا منظر واحد فين واسعارها ايه:D
بصي ياقمر انا شفتهم في محل في سيتي ستارز ادام تيوليب بس كانوا غاليين الواحده بتعدى ال 100 وشويه وعلى حسب بقى يابطه الصوره تتقسم كام واحده وعدى واحسبي
انت لو غلبتى واتزنقتى اوى ومالقتيش حل ليها
انت ممكن تجيبي اى صوره تعجبك ان شاء الله من النت
وتروحي تطبعيها بالمقاس اللى يعجبك عند كوداك مثلا وبعدين انت تقصيها زى ماتحبي على اى عدد تحبيه وتاخديها وتطلعي على اى راجل بيعمل براويز وتقوليله يلزقهالك على شاسيه خشب من غير فريم بس كده وتاخديها انت تعلقيها وتبقى زى بتاعت المحلات وهتقف عليكى ارخص كتيــــــــــــــــــــــــر :thumbs_up::$:
شفتى بقى حلوة الفكره دى ازاى
