اشرى;10080966:
مشيمارو
ولا ورجعنا لايام زمان وايام التقرير ربنا يارب يكرمك بجد بتقولى معلومات مفيدة ربنا يارب يهنيكى بحاجتك خلاص يا ستى بلاش النوم لو جوزك هيزعل بس انا عايزة المطبخ بقا
وانا كنت بجد بفكر اعمل قماش الكراسى بتاعة السفرة سادة زيك كدة حاساها هتبق اشيك من المقلم والمشجر بس بجد كان نفسى اعملة فاتح كدة بس بعد الى قولتية مش عارفة بقا هينفع ولا لا خاصا ان السفرة عندة برة فى الريسبشن والدنيا هتبق اية زييييييييييييطة ربنا يستر انا السفرة بتاعتى بردو سيلفر وكدة هتفتكرى اجيب لون القماش اية عايزة لون كدة يليق مع السيلفر وفى نفس الوقت يستحمل تفتكرى هلاقى؟؟؟؟؟؟
بصى قماش كراسى السفره مش بتاخد كتير بتاخد تقريبا خالص
فى بجد قماشات وهميييييييه بس غاليه بس تحفه عند رايتكس وكلها تمشى على السيلفر وفيها خيوط سلفر كمان بس تحفه اوى بس يعنى سعر المتر عالى اوى يعنى اقل حاجه 75 بس والله هناك فى فصال بس انا روحته اول ما اتخطبت وبعدين نسيت الموضوع ده وبعدين افتكرته لما عديت من قدامه
بس عنده قماش تحففففففففه
والاولوان اللى تليق لو انتى مطرقعه بجد اسوووووووود كان فى سفره تحفه عجبانى اوى كان الخشب سلفر والقماش اسود
بس بلاش الاسود حتلاقى اعتراضات كتيره
خليكى فى الموف مثلا بيقى حلو اوى او فى درجات من الازرق مش ازرق ومش رمادى هيا درجه القماش بتاع الصالون بتاعى بس معتقدش انها باينه اوى فى الصور
وممكن اوى الاحمر
انا بفتكر الى شوفته وكان لايق على بعضه وبقولك
بس فعلا اسود وموف واحمر التلاته تحفه على السلفر
kitty_kity;10080969:
مارو
طب قوليلي تفاصيل النجار بتاعك بقى مدام بتقولي طلع شغله حلو كدا...وانا ابقى اجربه على ضمانتك
ولو ماطلعش حلو هتدفعيلي انتي الفلوس هههههههههههههه
لا بجد ماشاء الله زوقك راقي اوي
وابقي ورينا صورة الاودة مش شرط هي نفسها
وخلصلك الحاجه ف اد ايه؟؟ وقت يعني
والفينيش حلو ولا ايه النظام
اشرى;10081009:
اة يا قمر سعرها كدة حلو مورو انتى كنتى نزلتى صور مطبخك؟ انا مش فاكرة بصراحة كان نفسى اشوفة:o
اصل انا دلوقتى فى مرحلة المطبخ وكنت عايزة اختار حاجة كدة حلوة وشيك وبسيطة فمحتارة
انا السيراميك بتاع المطبخ بتاعى ابيض ماعدا حيطة واحدة ابيض فى كحلى بلاطة بيضا وبلاطة كحلى فاتح كدة يعتبر ازرق فبجد محتارة فى لون المطبخ نفسة لون الخشب يعنى ساعات بقول اعملة على لبنيات وساعات بقول الحيطة بتاعة السيراميك المشكل دى اجيب سيراميك احمر وانطورة مع السيراميك الابيض والازرق يعنى هيبق بلاطة بيضا وبلاطة حمرا وبلاطة زرقا واعمل المطبخ نفسة احمر :( اية رايكم ولا هيبق فرح ام محمد ومهرجان الالوان فى حيطة واحدة
محتارررررررررررررررة بجد
طب ما تعملى المطبخ ازرق اصلا فى ابيض؟ فى عند قبنورى تصميمات ودرجات الوان حلوه اوى حاولى تاخدى منها افكار والالوان
بس رايى بلاش احمر فى النص حيبقى زيطه ومش لطيف
وكمان حاجه مهندسه ديكور قالتهالى
ان اللون الاحمر بيستفز العين وبيخليكى مش عايزه تبصى ليه كتير
علشان كده عاملينه فى بيتزا هت وكنتاكى علشان اللى ياكل يمشى مش يقعد
هيا قالتلى كده بالظبط ولو اخدتى بالك حتلاقى الكافيهات الوانها بيجات كده زى سلنترو حاجات بتبقى هاديه علشان تقعدى :D :Dشوفتى الامثله بقى :D
dandana;10081857:
ماشيمارو
بسم الله ماشاء الله
الله اكبر عليكى
شقتك جميلة وذوقك روعة
عجبنى ذوقك جدا فى العفش والدهان وكل حاجة
ممكن تقوليلى ورق الحائط كلفك كام
ولو بالتقريب كدة
يعنى الحيطة الواحدة كلفتك كام ؟
بصى يا جميله الورق الحيطه بيباع بالرول والرول تقريبا 10 متر طول وعرض 50 سم فانتى بتحسبى الحيطه عندك بتاخد كام رول
وكانت الاسعار متفاوته
كان فى حاجات ب 600 وحاجات ب 400 بس انا كله جبت فيه رولين وبتاعت الصالون جبت 3 بس فاض منهم
وفى اسعار اعلى من كده كمان وفى اقل هوا بيبقى على حسب جوده الورق والماتريل بتاعته كمان
D.mero;10081864:
ماشيمارو
ماشاء الله على عفشك ربنا يهنيكي بيه
هيه قماشة ستارة الصالون نوعها ايه و بكام
نوعها ياستى تفتاه وكان المتر ب 18 او 20 بس مش اغلى من كده لانه ساده
hoobie;10082350:
ازيكم ياعراايس ..ربنا يتمملكم على خير يارب وتفرحوا وتتجوزوا وتخلفوا وتزهقوا من عيالكم زي كل الامهات ..انا الحمدلله متجوزة وعندي محمد بس لسه هابدأ اجهز شقتي ان شاء الله ..وبصراحه زيرو في التشطيبات والحاجات دي ..فياريت لو تقولولي نظام العمال وايه انظف انواع في السيراميك والسباكه والكهربا بيكلفوا كام ..
بصى انضف انواع السيراميك الجوهره والكليوباترا والسباكه والكهربا مش عارفه بالظبط يتكلفو كام بالظبط بس رايى تجيبى ناس بتفهم كويس علشان تريحك بالذات السباكه لانها لو مش صح بتبقى مشكله لا قدر الله
Warde;10082759:
هى الرسمة الحمرا ديه ورق حائط ولا ديه إسمها إيه ؟
ايوا يا جميله ورق حائط هوا لونه طوبى
