ملف استفسارات بنات مصر للديكور

فلاور...بسرعه قوليلي الصور دي منييييييييين
صور السفرات المودرن
العنوان والتفاصيل وكله


ماشيمارو ماشاء الله شقتك جميييييييييييلة ماشاء الله هاديه كدا ورقيقة
الكونسول عملتيه فين ياجميل
واتكلف كام؟

ناني فيبس;10074700:
بصراحة اسعار المودرن في مصر بالنسبة للموديلات دي غالية شوية


انا الحاجات دي عندي هنا عمرها ما بتعدي ال 5000 الاف او 5500 بالكتير اوي

شكلي هجيب العفش بتاع مصر من هنا

ناني
خطيبي بردو قالي ان في حاجات ياما مودرن واشيك من هنا كمان عنده
بس هتنزليها ازاي؟ لانه قالي اشتري انا من هنا وانا خفت عشان النقل وكدا

بسم الله ما شاء الله الله واكبر شقتك جميلة جدااااااا مع ان انا ماليش فى المودرن خاالص بس السفرة جميلة ونعومههههههههههه اوى ربنا يهنيكى بيها يارب ويقومك بالسلامه و يرزقك بطفل سليم معافى ان شاء الله

نونااااا وحشتيييييييييييييينى اوى والله

بسم الله ما شاء الله الله اكبر شقتك جميله يا مشاميرو وزوقك روعه بجد
ربنا يقومك بالسلامه ويرزقك الذريه الصالحه المعافاه

على فكرة احنا كان عندنا ستاير قطيفة وكانت شيك اوي وبتعمل بلاك اوت لوحدها هههههههههههه لان كانت كحلي
ومش بتلم تراب ولا حاجه مش اد كدا يعني زيها زي العادي
بس المشكلة كانت بتحرر من وجهة نظري

Muslma;10074737:
ازيكم يا بنوتات

انا عندى 2 حمام واحد ضيوف والتانى عادى وحجمهم مش كبير صغير


كنت عايزة احط فيهم حاجة تديهم منظر شوية كديكور هما الوالنهم على بيجات


فكرت مثلا اعمل رفوف او حاجة خشب احط عليها شوية اكسسورات ؟

مش عارفة حد عنده افكارررر


وياريت لو صور يبقى تماااااااااام

بس عايزة حاجات بسيطة اصل الحكاية مش ناقصة زحمة خاااالص

انتى تعملى استاندات على الحيطة تحطة فيها ديكورات وممكن تعمللى مرايات مدورة كذا واحدة وممكن بروايز صغيرة

mashimaro16;10079148:
ودى علشان خاطركم السفره

بسم الله ماشاءالله

ماشاءالله ياقمر ذوقك هادى وحلو جدا فى الموددرن والدهانات بتاعة حيطة السغرة جميلة جدا وربنا يقومك بالسلامة وتجيبى احلى بيبى وياريت اسعار الموبيليا يامشمشمة

مشمش ماشاء الله لا قوه الا بالله
يارب يباركلك فيها وتشوفي فيها ايام كلها سعاده ورضا اللهم امين

فلاور ياريت تبقي تبعتيلي اللينك بتاع المحل ده وميرسي اوييييييييي

ماشيمارو شقتك جميلة الله اكبر، ياريت تنزلي النوم بقى كمان

ماشيمارو شقتك مريحة ماشاء الله تتهنى فيها يارب قوليلى مفرش السفرة ده جبتيه منين وبكام
وفرش السفرة فاتح كدة يامغامرة تلاقيكى بيطلع عينك فى التنضيف

فلاور ده جروب عالفيس بوك؟؟؟
تسلم ايدك صور حلوة بجد ياريت تبعتيلى اللينك ياقمر

شقتك جميلة جدااااااااااااا ماشاء الله


ربنا يقومك بالسلامة


وهو المقلم دة ورق حائط ولا دهان

بجد انا مبسوطه اوى ان الحمدلله الشقه عجبتكم
بس فعلا الشقه دى انا مسمياها نتاج عروس :D
انتوا فعلا تعبتو معايا وى ما انا تعبت فيها والله بجد


بصو بقى التفاصيل
الكونسول
انا جبت الصوره من على النت ووديتها لنجار جنبى عملهالى ب 800


الصالون
انا شوفته فى محل ديار اللى فى جسر السويس وكان ب 16 الف وبعدين لاقيت صورته فى كتالوج ووريتها للنجار بتاعى وجبهولى من دمياط خشب ودهناه بقى وجبت القماش وكده
بس الصالون ب9 من غير القماش
والقماش من الوكاله وتعبت جدااااااا عقبال ما لاقيت حاجه تليق على الفضى

والستاره بتاعت الصالون
انا اخترت الموديل من كتالوج الستاير عند الراجل وكان الموديل ده تبع محل ماردينى واخترت القماش كله ساده لان قماش الصالون منقوش فمحبتش اعمل زحمه
واشتريت انا الفرع بتاع الشجره الى متعلقه عليه الستاره من فوق كده اللى مرفوعه عليه جبتها من ميدان الجامع من العربى بس مش فاكره كانت بكام بالظبط بس تقريبا ب 100 وحاجه



السفره بقى

من معرض القوات المسلحه بتاع مصر الجديده
وكانت ب 11600 من غير قماش وانا اللى اشتريت القماش

وبجد يا اميره فعلا فاتح ومتعب جدااااااااااا وبخاف عليه من الهوا بس الحمدلله لانه فى اوضه لوحدها ومقفوله دايما مش بيدخلها تراب كتير خالص بس والله وقع عليه ميرندا :D بس ربنا سترها معايا وطلعت عادى بميه وبريل :D
هيا فعلا مغامره بس كان لازم علشان ورق الحيطه فيه نفس اللون وكمان بقيت الاوضه بنى فحسيت ايه الكئابه لو عملته بنيات ومش بحب درجات البيج الى اغمق من كده حستيها مش حتليق ومحبتش اجيب اى حاجه منقوشه علشان خاطر ورق الحيطه يبان جماله الصراحه :D كان غالى وتاعبنى اوى:D


مفرش السفره
كان من اخر معرض كان معمول فى شهر 4 اللى بتاع كل الدول ده الى كان فى ناس من الهند وايطاليا والحاجات العجيبه دى
نفس المعرض اللى كان بتاع الاجهزه ده
جبته من واحد سورى وهو فعلا مختلف وحركه الكرستالات دى كانت اول مره اشوفها وكان لايق الحمدلله على السفره اوى كاستايل يعنى
ومكنش غالى كان ب 200 بالظبط

وستاره السفره

الصراحه اختى هيا اللى اختارت القماشه دى وهيا اللى فكرتلها فى الموديل وانا مكنش عاجبنى لانى كنت مختاره موديل تانى فى دماغى ولازق ومش عايز يطلع من دماغى وكان القماش البنى ده مش ينفع فيه علشان اورجنزا وواقف
وكان بصراحه غالى اوى كان المتر ب 75 فمكنش اصلا ينفع اعمل بيه حركات كتيره علشان غالى
انا كده جايبه 3 متر :D فبصراحه هيا اللى اصرت على القماش وهيا اللى قالت الموديل والحمدلله طلع تحففففه بس بتزلنى بقى كل ما تشوف الستاره :D


السجاد بقى
كله من النساجون الشرقيون ومكنش غالى اغلى واحده بتاعت السفره وكانت ب 800 ساعتها والباقى كله اقل
وفعلا الحمدلله الحمدلله ربنا وفقنى اوى فى كل السجاد الحمدلله فى انه لايق اوى مع الحاجات عندى نفس الالوان بالظبط بالدرجات
حتى سجاده الصالون اللى تحت الترابيزه حتلاقو فيها خطوط كلها سلفر :D دى كانت تحفه والمشيات برده اللى عند الباب واللى عند البلكونه نفس النظام
والسجاده التانيه فيها برده خيوط بتلمع بس فى المربعات :D


بقيت الصور بجد اوعدكم انزلهالكم بس النوم مش عارفه زوجى العزيز حيوافق ولا لا علشان احنا مش بندخل رجاله اوضه النوم وحيث النت بقى مشاااع فمش عارفه حيوافق ولا لا

ممكن انزلكم صورة الصوره اللى انا عملتها :D


وانا كل عفشى عموله مع نجار واحد ماعدا السفره والمكتبه بتاعت الليفينج والكونسول هما من اماكن مختلفه عن بقيت العفش
بس نفس الاسعار بتاعت القوات المسلحه فعلا بس الخشب زان وحلو ماشاءالله الله اكبر



واى حد عايز اى تفاصيل تانيه بجد اسئلو انا تحت امركم انتوا ياما جاوبتو اسئلتى العجيبه :D

misslolaa;10080816:
شقتك جميلة جدااااااااااااا ماشاء الله


ربنا يقومك بالسلامة


وهو المقلم دة ورق حائط ولا دهان

ميرسى يا جميله ربنا يخليكى يارب

ايوا المقلم ده ورق حيطه

كل الحيطان المختلفه عندى فى الشقه كلها ورق حيطه مش دهانات

وكلها من يوتن الحمدلله

بسم الله ما شاء الله يامشيماروا شقتك جميلة وزقك حلو قوى

ايه ده صحيح

ده تقرير والله اهو
والله ورجعنا لايام التقارير :D

ايه ده مستهلش التقييم بقى ولا ايه؟
خلاص ماشى مش حنزلكم بقيت الصور بقى انتو حررررررررين :tongue::tongue:


اللى ناقصنى بجد ونفسى الاقى حاجات حلوه وباسعار حلوه وياريت لو حد شاف يقولى
عايزه تابلوهات للصالون بس تكون سلفرررررر

وكمان اباجورات بس برده تكون سلفر ومتكونش غاليه
لانى شوفت حاجات فى داندى مول قبل ما تدخلى كارفور بالظبط واحد عنده اباجورات تحفففففففففففففففففففففففففففه ب 1200 الواحده :D بعد التخفيض

فمحدش بقى شاف اباجورات حلوه اوى واستايل كده وتابلوهات سلفررررررررررر

ما شاء الله يا مشيماروا شقتك جميله تتهنى بيها يارب
ومنتظره صورة النوم والمطبخ يا جميله ان شاء الله

مارو
طب قوليلي تفاصيل النجار بتاعك بقى مدام بتقولي طلع شغله حلو كدا...وانا ابقى اجربه على ضمانتك
ولو ماطلعش حلو هتدفعيلي انتي الفلوس هههههههههههههه
لا بجد ماشاء الله زوقك راقي اوي
وابقي ورينا صورة الاودة مش شرط هي نفسها
وخلصلك الحاجه ف اد ايه؟؟ وقت يعني
والفينيش حلو ولا ايه النظام

الله يسلمك يا اشرى ازيك انتى يا جميله
هى التربيزات التلت ادوار فوق بعض لو سعرها 90 تبقا حلوة ولا لا
ان شاء الله