ملف استفسارات بنات مصر للديكور

ميس لو انا اخدت فكرتك بس مش هينفع نحاذي الاودة الي جوه بالحمام لان كدا عرضها هيبقى 2.35 متر ف 4.5 تقريبا :)
فخليتها كدا
وبردو قولولي افكاركم

على فكرة يا كيتي
انا رايي ان الاوضه اللي هيا خدناها من الريسبشن تبقى اوضه النوم
والليفنج اللى حنب المطبخ

انا بس هقلكم لانى لقيت الموضوع ده عند كذا حد اعرفه
احنا هنا في مصر السباكة سيئه جدا وكل شوية مشاكل وناس السقف بيخر عليها ومشاكل كتير
فرايي بلاش لعب في السباكة خالص

يعني ايه لعب ف السباكة؟؟؟؟
انا اساسا لسا مش عملت سباكة ف الشقه :)

قوليلي بقى العفش رينج الاود ايه؟؟؟:) نستغلك بقى ههههههههه

حلو كده يا كيتى كيتى

وشوفى دى كده وشوفى نفسك

بس كدا اودة الاطفال بقى عرضها صغير اوييييييييييييي...دي بقت طرقة تقريبا هههههههه
معرفش انا اخليها بقى زي ماكانت ولا اعمل ايه؟؟؟
مدايقني موضوع المطبخ ...احنا ف بيت بابا كان عندنا مطبخ 5 في6 متر
ولما اخدنا الشقة دي مطبخنا هنا 4 في 4 ونص وبنقول صغير ههههههههههههه
طب لو انا سبت المطبخ على حاله والشقة زي ماكانت...هعرف اقفل فيه الغسالة والتلاجه والبوتاجاز وغسالة اطباق؟؟؟
وكنت عايزة اجيب التلاجه ال4 ابواب...هعرف؟؟؟؟

لعب السبكة يعنى تعملى مواسير ماية وتشيلي مواسير لان العمارة ليها مواسير عامة

وبعدين انا ليا واحده صاحبتى شالت حمام ووسعت جزء منه عالمطبخ وجزء على اوضه بتقلي انها شامة على طول ريحه صرف

بالنسبة للاوض مش هقدر افيدك لان الاسعار اتغيرت عن وقت ما جبت بس روحى دمياط واتفرجى هتلاقي هناك مودرن

بصي انا اخويا لسه متجوز من كام شهر كده واعتقد اوضه النوم كانت ب 12 والسفرة 17 بس مش متاكده اوى
وعلى فكرة جايبين برضو مودرن

ده تصورى وللاسف رايي بلاش تغيري اماكن الحمامات

وممكن زى ما قلتلك تكبري المطبخ من الليفنج

ميرسي ليكي اوي ياشهيده...
مش قلتلك انا بحبك :) بجد والله بحبك من غير حاجه حتى لما بلاقيكي موجوده بفرح
والف مبروك لاخوكي ...بس هي دمياط فيها مودرن؟؟؟
يعني انزل دمياط بقلب جامد ولا اخليني هنا...لان غالبا هشتري جاهز مش هعمل عمولة

وانا بحبك يا كيتى يا قمر
احبك الذي احببتنى لاجله
بصي هيا دمياط فيها مودرن من زمان يعنى انا جايبه الانترية بتاع الليفنج مودرن من هناك وكان وقتها ب4 الاف
بالترابيزة بتاعته
وحنى الانتريه اللي في الريسبشن كان ب4.5 بالترابيزة بتاعته هوا الترا مودرن وترابيزتة حلوة وفيها ادراج وشكلها لذيذ جدا بس ده كان من 4 سنين تقريبا

اوضه النوم بتاعت اخويا حلوة وفيها اضاءة من ضهر السرير لزوم الرومانسيه

يلا عقبالك

على فكرة احنا بنشتري جاهز مبنعملش عموله يعنى نشتري ونحمل ولو صعب تحملى في نفس اليوم ممكن تتفقي وطبعا هتدفعى عربون والباقي مع الاستلام
والاحسن انك تخلى الشحن والعمال اللى بيطلعو العفش من هناك لانهم ما شاء الله متخصصين والعفش يطلعلك من غير خربوشة واحده

وعامة برضو انزلى اتفرجى وشوفي هنا الاول وبعدين روحى دمياط وقارنى

بصى يا جميله فى الجارحى والبيت السعيد فى كايرو فى حاجات مودرن خصوصا فى البي السعيد ان شاء الله
بس معرفش اسعار صراحه لو عرفت اسالك
بس يعنى مثلا شفت سفره شكلها شيك ما شاء الله اسود فى ابيض
والنوم بيبقوا غوامق اوى

شكرا ليكم اوي يابنات
الفكرة بس ان انا خايفه انزل دمياط مالاقيش مودرن فيضغطوا عليا اجيب ستيل او كدا لان محدش عندي هنا موافق اني اجيب مودرن بيقولوا مش بيبقى فخم وكدا
ربنا يسهل ساعتها بقى
اصل لو حصلت المعجزة وبابا وافق هيبقى قدامي وقت قصير اوييييييييييي اعمل فيه كل حاجه فبحاول ادرس كل الظروف الاول

طب واوض الاطفال...نفسي الاقي حاجه شكلها مميز اوي وسعرها حلو ...الاقي فين؟؟؟
اصل انا دي اهم حاجه عندي اهم حتى من اودتي انا هههههههههههههههه لاني بحب لعب الاطفال والدباديب وكدا وبحسها اودة مبهجة كدا...انا بقول لخطيبي انا هبقى ابات فيها ههههههههههههه بحسها مبتسمة للحياة

كيتى بصى مشفتش صراحه اوض اطفال مودرن لكن لو عاديه الجارحى عنده تشكيلات مختلفه واذواق كتير
ما شاء الله

مش قصدي اطفال مودرن يامورو
انا قصدي شيك وملونة ومبهجه زي الي ف الصور
مش الاشكال عاديه الي هي سريرين ولونهم بني وسادة وكدا
فيهم فكره ...وردات مثلا...على شكل عربية...على شكل كوخ...كدا يعني

اه الحاجت دى شفتها فى هايبر وان بس بتبقا سرير واحد ومكتب ودولاب يا جميله وزى الصور ان شاء الله

طب تفتكري كانت بكام يامورو لو سمحتي؟؟؟

مش فاكره يا كيتى بس تقريبا خمس تلاف وحاجه مش اكتر من كدا يا جميله ان شاء الله
ولو رحت هشوفلك ان شاء الله
بس الجارحى كنت شفت عنده بقا اوض اطفال مدهبه بس حسيتها اوفر على اطفال ههههههههه
وفى بقا الى هى لونين فى بعض ابيض وبرتقالى مثلا وكدا وهو عمتا اى اوضه ممكن تشختارى شكلها وهو يلونهولك اى محل بيعمل كدا عادى يا جميله ان شاء الله

يابنات لو انا مطبخي السيراميكا بتاعتو بترولى غامق السيراميكا متقسمه مستطيلات والسادة لبني

المطبخ نفسو هعملو الوميتال اعملو لونو اييه ؟