ملف استفسارات بنات مصر للديكور

ادي رسمة الشقة اهي



مستنية افكاركم وارائكم :)

كيتى كيتى جيت اساعدك يا قمر

بصى الغرفه اللى برا دى تبقى الليفنج لانها مكشوفه على الرسبشن مع انها اكبر وانا بفضل اكبر اوضه تبقى اوضه نومك بس مكشوفه على برا الاوضه اللى جوه خالص تبقى اوضه نومك واللى برا على اول الطرقه تبقى الاطفال

انتى هتحطى السفره والصالون فى الرسبشن مش كده ؟؟

نسييت اقولك مبرررررروك الشقه يلا عناااء التوضيب انا وانتى فى الهوا سوا مش هى طوب احمر برضووو؟؟؟؟؟؟؟ وهتعملى ايه

ميرسي ليكي اوي ياحبيبة مادو
اه هي طوب احمر
والله بالنسبة للتشطيب لسا مش عارفه
في واحد يقربلي كدا بس شخص محترم اوي اوي...هو اساسا مقاول تشطيبات...واحنا بنثق فيه جدا الحمد لله
فهكلمه هشوف كدا هيقولي ايه بس ربنا يسهل ان شاء الله...لانه كدا او كدا بيتابع المباني بتاعت الفيلا بتاعتنا ف الشروق...هو بيشرف ع العمال لان بابا مسافر
ولما تخلص هو الي هيشطبها ان شاء الله
فلو هو الي عمل شقتي هيبقى سهل عليه يروح لانه كدا او كدا جنبها ف الشروق

ادعيلي بقى ربنا يسهل
وبالنسبة لتوزيعك للشقه هو ده نفس تفكيري بس انا عايزة حل للمطبخ اكبره شوية ازااااااي بنخنق من المطبخ الصغير
ولا افتحه ع الريسبشن
مزهقني اوي

kitty_kity;9522447:
بارادايس..
الوردة دي شفتها هنا ف طنطا عند محل اسمه الفا جاليري ف شارع سعيد :)

واه ياريت انا عايزة رينج كل اودة الخشب نفسه يعني
ولو رينج النجف والسجاد والستاير مش هقول لا ههههههههههههههه
مع مراعاة اني عايزة مودرن ف كله :)

kitty_kity;9522499:
ادي رسمة الشقة اهي






مستنية افكاركم وارائكم :)

الف مبرووووووووك يا كيتي ..بس يا جميله طالما علي الطوب الاحمر ممكن
تهدي وتظبطي وتوسعي المطبخ زي ما انتي عاوزه

not me 5aaals;9514162:
سؤال يا بنات

متر الرخام كان فيه بنوتة قمراية قالت انه حوالى 350 جنيه
طب دا متر مربع و لا عرضه كام ؟

يا قمر الرخما انواع وكل نوع بسعر

katkooota_7aboooba;9515290:
ممكن لو سمحتو حد يقولى المكتبة دى تكلف كام بس فى اليكس لو سمحتم عايزة اعرف ضرورى

كتكوته.اعتقد مش كتير خالص.....يعني بكتيرها اوي اوي اوي 500 ويبقي كتير عليها كمان

soshe;9510637:
عايزاكو تساعدونى يا بنات دلوقتى اوضة نومى الدهان بتاعها لونه روز فاتح اوي والسرير والدولاب والتسريحة هيكونو بنى ان شاء الله غامق اوي
انا محتارة فى الوان المفرش بتاع السرير والستاير تفتكروا ممكن تكون الوان ايه؟؟
اعمل درجة غامقة من الروز؟
ولا فوشيا مثلا
انا تعبت بقى :)
ساعدووونى

اهدي يا سوشي ما تقلقيش....
اعتقد ن النبيتي هيبقي لون حلو معاهم..... وهو لوحده اصلا لون حلو....
انا اوضتي سموني وعفشي بنتي غامق اوييييييييييييييييي.....
والمفارش نبيتي والستاره اللي ورا السرير نبيتي في سكري

ميتسي
الله يبارك فيكي ياقمر كلك ذوق :)
انا كنت سالتك قبل كدا عن مفرش سريرك ماشاء الله عاجبني اوي
كان منين وبكام

kitty_kity;9522447:
بارادايس..
الوردة دي شفتها هنا ف طنطا عند محل اسمه الفا جاليري ف شارع سعيد :)

واه ياريت انا عايزة رينج كل اودة الخشب نفسه يعني
ولو رينج النجف والسجاد والستاير مش هقول لا ههههههههههههههه
مع مراعاة اني عايزة مودرن ف كله :)

الاوضه تبقى فى حدود 12 او 15
وبالنسبه للانتريه 10
الليفنج ممكن 5
السجاد بيبدأ من 700
الشاجى اللى بيتحط فىا لليفنج بيبقى ب 1000 او 1100
السجاد اللى بيبقى على اشكال امتر بتاعه بيبقى ب 500
عامه متجبيش السجاد الا لعد العفش ولما تجبيه قيسى من طرف الكرسى للكرسى اللى قدامه فهمانى
عشان تجبيها مظبوطه
النجف اكيد مش هتجيبى فيه كريستال يعنى النجفه تدخلك فى 500 لحد 800 جنيه دا يبقى كتير كمان
الستاير دى مش بتتكلف اوى اعتقد بس حسب بقى الراجل اللى هتفصلى عنده
وبعدين هاقولك حاجه الحاجه اللى بتظهر قدام الناس هاتيها عاليه اللى فى اوضه النوم وكدا هاتيها حلوه بس مش غاليه اوى اوى يعنى معقوله

kitty_kity;9522499:
ادي رسمة الشقة اهي






مستنية افكاركم وارائكم :)

انا عند راىى بس معرفش هينفع ولا لا
خدى جزء من الاوضه اللى جمب المطبخ ودخليها عليه
واعمليها ليفينج
والاوضه اللى بره ع اليمين اطفال
واللى جوه نوم
بس انا مش فاهمه انتى عندك حمامين ولا ايه

بارادايس ميرسي لردك المفصل
اه عندي حمامين بس نسيت اكتب عليهم ههههههههههه الي جنب بعض وبينهم منور حمامين

kitty_kity;9525862:
بارادايس ميرسي لردك المفصل
اه عندي حمامين بس نسيت اكتب عليهم ههههههههههه الي جنب بعض وبينهم منور حمامين

طب انا عندى فكره افتكاسه اصل المطبخ بجد لما بيبقى ضيق بيخنق
لو ينفع

المطبخ دا صغرى حجمه واعمليه حمام للضيوف اوك
اهو هيبقى ناحيه الريسبشن
وحطى المساحه ع الاوضه التانيه وافتحى الحمام الصغير دا
واعملى مطبخ وليفينج منها
يارب تكونى فهمانى
اصل الليفينج مش لازم يبقى كبير هى حاجه كدا تشيل مكتبه صغننه وحاجه رقيقه مش ضخمه

kitty_kity;9522499:
ادي رسمة الشقة اهي






مستنية افكاركم وارائكم :)

الف مبروووك
ماشاء الله يا قمر شقتك ان شاء الله تكون حلوة

انا ليا راي مختلف شويه
ايه رايك الاوضه اللى جنب الباب تفتحيها وتبقا من الريسبشن

وتيجي عالريسبشن اللي هوا يعتبر بعد مستوى الاوضه اللي هتفتحيها وتعمليه اوضه
وساعتها هيبقى عندك الاوضه اللى جنب المطبخ ليفنج ومنها ممكن توسعى المطبخ او حتى تعمليه مفتوح عالليفنج

ده تصورى للشقه

kitty_kity;9522499:
ادي رسمة الشقة اهي






مستنية افكاركم وارائكم :)

بصى يا ستى
الاوضة اللى على الريسبشن كبيرة ما شاء الله تبقى اوضتك وتعملى فيها حمام صغنون فى الجمب خالص ليكى عشان لو حد جه وانتى فى اوضتك وعايزة تغسلى وشك وتلبسى وكده

الاوضة بقى اللى جمب المطبخ هتاخدى منها شوية توسعى بيه المطبخ وتفتحى عليها الحمام من الجمب التانى اللى جمبو
وتشوفى مساحتها لو كويسة اعمليه اطفال او ليفنج وهتسيبى الحمام الكبير شوية عادى والاوضة اللى جوا تعمليها اطفال او لفينج على حسب
والريسبشن كبير ما شاء الله هتحطى فيه صالون وسفرة مع بعض
ها ايه رائيك؟

شهيدة;9528554:
ده تصورى للشقه

معلش يا قمر انا غيرت في الخطوط بس الاسامى مغيرتش فيها حاجه فباين ان الريسبشن هيا الاوضه والاوضه هيا الريسبشن

شهيده تسلم ايدك
بجد انا بحبك اوي ورأيك بيهمني جدا
بصي ياقمر انا كنت فكرت ف الحل ده بس المشكلة الي فيه ان اخر الريسبشن ده ف الجزء الي انتي اقترحتي نعمله اودة ...في بلكونة...
فكنت حاباها تفضل ف الريسبشن
بس وقت الجد مش هنقي بقى...ممكن اعمل الاودة دي الليفنج وف الحالة دي تبقى البلكونة على الليفنج مش قضية صح ولا ايه؟

kitty_kity;9529161:
شهيده تسلم ايدك
بجد انا بحبك اوي ورأيك بيهمني جدا
بصي ياقمر انا كنت فكرت ف الحل ده بس المشكلة الي فيه ان اخر الريسبشن ده ف الجزء الي انتي اقترحتي نعمله اودة ...في بلكونة...
فكنت حاباها تفضل ف الريسبشن
بس وقت الجد مش هنقي بقى...ممكن اعمل الاودة دي الليفنج وف الحالة دي تبقى البلكونة على الليفنج مش قضية صح ولا ايه؟

انا رايي ان البلكونة اما تكون في اوضه النوم او الليفنج احسن لان لو هيا في الريسبشن مش هتستخدم
انا عندى بلكونة في الريسبشن مبدخلهاش غير علشان انضفها بس
انما لو في الليفنج ولو في اوضه النوم بالاخص هيبقى احسن
ده رايي يا قمر وانتى شوفي المناسب ليكى برضو وخلى بالك محدش بقا بيزور حد

ده اللى قصدى عليه

السلام عليكم ورحمه الله وبركاته


ازيكم يا حلوين يارب بخير ديما ان شاء الله

ليا سؤال معلشى
الحاجات الى بتتعلق على باب الشقه من بره المدهبه
الكلمات زى ما شاء الله والله اكبر القيها فين بالظبط لو سمحتم ان شاء الله وبكام ان شاء الله

miss_law2010;9528574:
بصى يا ستى
الاوضة اللى على الريسبشن كبيرة ما شاء الله تبقى اوضتك وتعملى فيها حمام صغنون فى الجمب خالص ليكى عشان لو حد جه وانتى فى اوضتك وعايزة تغسلى وشك وتلبسى وكده

الاوضة بقى اللى جمب المطبخ هتاخدى منها شوية توسعى بيه المطبخ وتفتحى عليها الحمام من الجمب التانى اللى جمبو
وتشوفى مساحتها لو كويسة اعمليه اطفال او ليفنج وهتسيبى الحمام الكبير شوية عادى والاوضة اللى جوا تعمليها اطفال او لفينج على حسب
والريسبشن كبير ما شاء الله هتحطى فيه صالون وسفرة مع بعض
ها ايه رائيك؟

ميرسي ليكي اوي ياقمر بس المشكلة ان انا مش عايزة اودتي تبقى هي الي جب الباب لان كدا هتبقى مكشوفة اوييييييييي

ميس لو

انا رايي بلاش نلعب في مواسير المايه والصرف لانها بتعمل مشاكل بعد كده

صوت العيون;9529427:
السلام عليكم ورحمه الله وبركاته


ازيكم يا حلوين يارب بخير ديما ان شاء الله

ليا سؤال معلشى
الحاجات الى بتتعلق على باب الشقه من بره المدهبه
الكلمات زى ما شاء الله والله اكبر القيها فين بالظبط لو سمحتم ان شاء الله وبكام ان شاء الله

ممكن من ميدان الجامع او العتبة