ملف استفسارات بنات مصر للديكور

هحاول اجيبلك صور تانية بردو ان شاء الله

الحب هو الحياه شكرا يا حبيبتى على ردك عليا ربنا يارب يسعدك ويهنيكى انا هحطلك صوره توضح كلامى http://forums.3roos.com/uploaded/288087_11241698528.jpg
هتلاقى الاطار بتاع الضلفه لونه اسود وفيه خط بيج الخط البيج ده بيكون الالموتال برضه وبيتركب فيه ...

دى صور تانية

حبيبة مادو اللللللللللللللف مبروك كتب كتابك ولو انها جت متاخرة بس بجد اعذرينى مش بتدخل كتير وربنا معاكى لسة مش حجزتى القاعة ؟؟؟؟ انا حاسة بيكى والله انا كنت زيك كدة وبقول ممش هلحق خالص فى الصيف ده بس الحمد لله اخيرااااا وبعد عناء شديد اوى حجزت ولو انها قبل رمضان ب6 ايام بس انا سالت الناس قالو مش فيها حاجه ..... يارب ياحبيبة ربنا ييسرلك كل امورك وتحجزى القاعة الى نفسك فيها

بنات قالولى رايكم هو المطبخ الخشب احلى والا الوميتال
عشان هعمل بتاعى قريب ومش عارفة استقر على ايه
وياريت مميزات كل واحد وعيوبة

مفارش سرير

حبيبه مادو;9420073:

ايه رأيك تعملي اوضة النوم اوف وايت فاتح خالص ومعاه حيطة سيمون اللي في ضهر السرير مثلا عشان تبان واعملي الزوايا بردو زي ما انا عملت في الريسيبشن كده بالدهبي، وممكن كمان تعملي خط بالعرض كده من فوق خالص بين الفاصل الابيض والحيطة من فوق بيدي شكل حلو اوي، والستاير خليها دهبي في بيج غامق اغمق درجاته والدهبي افتح درجاته يعني الشامبين ده زي العربيات كده، عشان تكسري لون الحيطة، والمشايات غمقي بقي كافيها بنيات فاتحة كده، وطبعا لما بتنزلي تتفرجي بتلاقي الحاجة بتناديكي وتلفت نطرك لوحدها يعني متوقفيش علي حاجة واحدة في دماغك لا، كده الاوضة خلاص، هفكر في الباقي واقولك.

عاجبني اوي يا لولو الاصفر مع الموف زي بتقولي في الاطفال بس انا كنت هقولك تعملي الركنة علي موفات او اورنجات او احمرات، خلاص يبقي خللي الاطفال زي ما قلتي ، والركنة اورنجات في بستاجات مثلا اهو مفيش ابهج من كده اهو، والمطبخ عاجبني اكتر الاورانج في البيج بس لو هاتدخلي اورانج في الركنة يبقي متكرريش الوان، عشان انا بحب كل اوضة تبقي لونها مختلف عن الباقي، ما عدا طبعا الريسيبشن عشان مفتوح علي بعضه، الحمام طبعا يفضل تكسري الحيطة بلون معاها، ممكن تعمليه ابيض او رمادي مع الروز ، والريسبشن بقي بردو هتدخلي الدهبي في الدهانات، وممكن الحيطة تبقي كافيه واعملي حيطة في واحد لوحده بلون الحاجة اللي فيه يعني الصالون نبيتي والسفرة زيتي، بس حيطة واحدة بس غالبا في السفرة بالذات عشان الزيتي ده لون غامق اوي، فمتضيقيش الدنيا، والسجاجيد هاتيهم مقاربين لبعض بس فواتح بقي عكس اوضة النوم، عشان تنوريي المكان عشان عندك غوامق، والستاير اعملي زيي بردو هاتي اللونين اللي موجودين في الصالون واللونين اللي في السفرة وكده هايبقي مشترك بينهم الدهبي عشان متكتريش في الالوان في ماكن مفتوح علي بعضه ويبقي مش حلو، والطرقة مش لازم طبعا نفس اللون بس اعملي لون محايد ويمشي معاهم وميكنش نشاذ او بعيد، يعني اصفر هادي او اوف وايت حيادي.

هي المفارش دي بتتباع في حتة معينة؟

كمان عايزة صور اوض نوم روز فاتح و صور اوض ريسبشن رصاصي فاتح اوي لو سمحتم

miss_law2010;9419816:
بنات حد يقولى لون الحائط ده ايه ؟؟؟؟؟؟؟؟ لحسن انا جالى حول خلاص

اللون دى مشمشى غامق

love kingy;9420252:
الحب هو الحياه شكرا يا حبيبتى على ردك عليا ربنا يارب يسعدك ويهنيكى انا هحطلك صوره توضح كلامى http://forums.3roos.com/uploaded/288087_11241698528.jpg
هتلاقى الاطار بتاع الضلفه لونه اسود وفيه خط بيج الخط البيج ده بيكون الالموتال برضه وبيتركب فيه ...

اه كده فهمتك شيك جدا واعملى نفس الشكل كده وبدل الاسود بنى زى ما قولتلك

miobello;9420635:
مفارش سرير

المفرش الاولانى ده حلو اوى الاقيه فين ؟

حبيبة مادو حرتب افكارى وحرد عليكى
بنات قولولى الستاير بالبراقع فى الصالون الاشيك وراء الكنبة ولا الاتنين فوتيه ؟

الحب هو الحياة;9421024:
حبيبة مادو حرتب افكارى وحرد عليكى
بنات قولولى الستاير بالبراقع فى الصالون الاشيك وراء الكنبة ولا الاتنين فوتيه ؟

انا ان شاء الله هستقر على البيج والبنى للمطبخ انتى شجعتنى اوى ربنا يكرمك يارب...بالنسبه للستاير انا برضه بفكر فى الموضوع ده عشان انا عندى الحيطه اللى هيتعمل غليها البرقع فيها بالكونه مش شباك ولو حطيت الكنبه هيبقى صعب اعدى للبلكونه فكنت بفكر احط اتنين فوتيه انتى بقى لو مش عندك مشكله زى كده يبقى خلى البرقع ورا الكنبه هيكون اشيك ان شاء الله...

الحب هو الحياة;9421024:
حبيبة مادو حرتب افكارى وحرد عليكى
بنات قولولى الستاير بالبراقع فى الصالون الاشيك وراء الكنبة ولا الاتنين فوتيه ؟

لا ورا الكنبة، وانا عملتها كده عندي، عشان بتبقي واخدة مساحة كبيرة من الحيطة والكنبة بتبقي اكبر جزء في الطقم ومناسب معاه لكن الكراسشي هاتبقي قليلة اوي قدامها ، لو حد هايعمل خطوبة في بيتك بعد كده ان شاء الله ، ابقي انقلي الكرسيين بدل الكنبة ساعتها عشان الصورة تطلع حلوة :tongue::tongue:

love kingy;9421129:
انا ان شاء الله هستقر على البيج والبنى للمطبخ انتى شجعتنى اوى ربنا يكرمك يارب...بالنسبه للستاير انا برضه بفكر فى الموضوع ده عشان انا عندى الحيطه اللى هيتعمل غليها البرقع فيها بالكونه مش شباك ولو حطيت الكنبه هيبقى صعب اعدى للبلكونه فكنت بفكر احط اتنين فوتيه انتى بقى لو مش عندك مشكله زى كده يبقى خلى البرقع ورا الكنبه هيكون اشيك ان شاء الله...

ميرسى ياقمر على ردك انا فعلا عندى بلكونة كبيرة ولازم اعمل علي الحيطة بتاعتها الستارة

CuTie KaTkOoTa;9421144:
لا ورا الكنبة، وانا عملتها كده عندي، عشان بتبقي واخدة مساحة كبيرة من الحيطة والكنبة بتبقي اكبر جزء في الطقم ومناسب معاه لكن الكراسشي هاتبقي قليلة اوي قدامها ، لو حد هايعمل خطوبة في بيتك بعد كده ان شاء الله ، ابقي انقلي الكرسيين بدل الكنبة ساعتها عشان الصورة تطلع حلوة :tongue::tongue:

ميرسى ياكتكوتة على ردك بس انا عندى الصالة فيها بلكونة كبيرة وحاعمل عليها البرقع انا بفكر اعملى البرقع عادى على البلكونة ومش حاط حاجة والناحتين التانيين احط الاتنين فوتيه والكنبة الناحية الاخرى واحط وراءها تبلوه شيك ايه رايكم كده ؟

بنات انا ناوية اعمل ان شاء الله ستاير اوضة النوم دهبي بس مش عارفة لما افرش السرير اطقم الملايات العادية اللى ملهاش علاقة بالدهبي هيبقى الشكل العام ايه المشكلة دى كمان في اودة الاطفال طقمت الستاير على مفارش السراير طيب لما اغير الملايات هيحصل ايه :D؟؟؟؟

الحب هو الحياة;9421220:
ميرسى ياقمر على ردك انا فعلا عندى بلكونة كبيرة ولازم اعمل علي الحيطة بتاعتها الستارة

ميرسى ياكتكوتة على ردك بس انا عندى الصالة فيها بلكونة كبيرة وحاعمل عليها البرقع انا بفكر اعملى البرقع عادى على البلكونة ومش حاط حاجة والناحتين التانيين احط الاتنين فوتيه والكنبة الناحية الاخرى واحط وراءها تبلوه شيك ايه رايكم كده ؟

اه حلو اوي كده يا جميلة ، اصلي مكنتش اعرف انك عندك النظام كده، انا كنت بقول علي اساس عندي الصالون مثلا حواليه 3 حوائط بس، واحدة اللي فيها البلكونة وواحدة يمين وواحدة شمال والرابعة مفتوحة بقي علي السفرة، لكن انتي عندك كده 4 حوائط صح ولا انا فهمت غلط، لو كده يبقي حلو التقسيمة اللي هتعمليها دي حتي الستاير تبقي باينة كلها مفيش حاجة تخبيها وكمان حاسة ان كده هايدي وسع اكتر للمكان.

حبيباتى محتاجة استشارتكم شوية

دلوقتى انااوضة النوم عندى ضغيرة

ومش عارفة احط الاتنين كومودينو جنب السرير :( لان فى بلكونة جنب السرير

اية رئيكم بالاول اقفلها واحط الكومدينوهين عادى؟؟

ولما يخف الزوار شوي اوديهم بمكان تانى؟؟

واعمل الستارة كدة ازاى الحيطة كاملة ورا السرير والكودينوهات ودة بيشمل البلكونة

ولا على البلكونة بس؟؟

فتحو معايا بقى بالله عليكم لانى اتخنقت

بالنسبة للسفرة

بينفع يتحط معها ركنة صينى دى او انترية صينى؟؟ هيا كلاسيك جداااا


واخر حاجة الصالون

فية بلكونة وجنبها شباك

احط الستارة من الحيطة للحيطة واخلص ولا ستارة للشباك قصيرة وواحدة للبلكونة؟؟

عرووس2008;9421511:
بنات انا ناوية اعمل ان شاء الله ستاير اوضة النوم دهبي بس مش عارفة لما افرش السرير اطقم الملايات العادية اللى ملهاش علاقة بالدهبي هيبقى الشكل العام ايه المشكلة دى كمان في اودة الاطفال طقمت الستاير على مفارش السراير طيب لما اغير الملايات هيحصل ايه :D؟؟؟؟

عادى ياقمر المهم قدام الناس بس تحطى الاطقم اللى ماشية على الحيطه بس

CuTie KaTkOoTa;9421699:
اه حلو اوي كده يا جميلة ، اصلي مكنتش اعرف انك عندك النظام كده، انا كنت بقول علي اساس عندي الصالون مثلا حواليه 3 حوائط بس، واحدة اللي فيها البلكونة وواحدة يمين وواحدة شمال والرابعة مفتوحة بقي علي السفرة، لكن انتي عندك كده 4 حوائط صح ولا انا فهمت غلط، لو كده يبقي حلو التقسيمة اللي هتعمليها دي حتي الستاير تبقي باينة كلها مفيش حاجة تخبيها وكمان حاسة ان كده هايدي وسع اكتر للمكان.

انا عندى 3 حوائط واحدة بلكونة وواحدة يمين وواحدة شمال والرابعة مفتوحة على السفرة بس عندى المساحة الطول 3.80 *3.60 العرض يعنى ممكن الكنبة وجنبه فوتيه يمين وفويته شمال ومن الناحية التانية الاتنين فويته ايه رايك كده

Miss FaTi;9422560:
حبيباتى محتاجة استشارتكم شوية

دلوقتى انااوضة النوم عندى ضغيرة

ومش عارفة احط الاتنين كومودينو جنب السرير :( لان فى بلكونة جنب السرير

اية رئيكم بالاول اقفلها واحط الكومدينوهين عادى؟؟

ولما يخف الزوار شوي اوديهم بمكان تانى؟؟

واعمل الستارة كدة ازاى الحيطة كاملة ورا السرير والكودينوهات ودة بيشمل البلكونة

ولا على البلكونة بس؟؟

فتحو معايا بقى بالله عليكم لانى اتخنقت

بالنسبة للسفرة

بينفع يتحط معها ركنة صينى دى او انترية صينى؟؟ هيا كلاسيك جداااا


واخر حاجة الصالون

فية بلكونة وجنبها شباك

احط الستارة من الحيطة للحيطة واخلص ولا ستارة للشباك قصيرة وواحدة للبلكونة؟؟

الستارة على البلكونة عشان توسع معاكى وحطى الاتنين كومدينو موقت عشان الزوار وبعد كده ممكن تحطيه جنب التسريحة لو فيه مكان جنبها