ملف استفسارات بنات مصر للديكور

هو قالي ممكن يفكو فعلا...بس اصل انا سنه بالكتير وهسيب الشقة...اسيب التقفيله اللي تحت الحوض وانا جايه انقل ولما انقل اعمل واحده تانيه.؟؟

احلى دنيا عندى فكرة شوفهيا حتنفع ولا لا فيه مشمع تخنين اوى بيتباع عند بتوع ادوات المطبخ زى المفرش البلاسيتك بتاع الاكل بس تخنين ممكن تتعملى تحت الحوض واحد ويكون بنفس لون المطبخ بتاعك ولا تعملى تقفيل ولا حاجة ومنك دراتى العيوب بتاعتك لحد ما تمشى منها

أحلى دنيا;9360348:
هو قالي ممكن يفكو فعلا...بس اصل انا سنه بالكتير وهسيب الشقة...اسيب التقفيله اللي تحت الحوض وانا جايه انقل ولما انقل اعمل واحده تانيه.؟؟

بصى هقلك فكره حلوة ممكن تخليه يعملك تحت الحوض ضرف بس وتكون ماسكه فى الدولاب من الجامبين واهو كدا تنفع تتشال بسهوله مش تقفيله كامله وربنا يتمملك بخير ان شاء الله

مرسي ليكى يا صوت يا حبيبتى وفعلا مطلعش حلو وهرجعه ابيض تانى الحمد لله على كل شئ , طب دلوقتى كمان اللون اللى اخترتة للحيطة طلع غامق اوى وهيغمق الاوده والاوده اصلا خشبها لونة اسود وهى الاوده ضيقه ولونها الاساسي بيج عايزة اغير لون حيطة اعملها ايه بقى

ازيكوا يا احلى عرايس مارديتوش عليا ليه بقى في الوان الحيطة ولله ازعل واجى اضربكوا يلا ردوا وخدوا السؤال ده كمان عايزة اشتري كونسول او مرايه شيك جنب الباب وميكونش فيه دهبي وسعره كويس وياريت اماكن قريبه من مدينة نصر او مصر الجديده وعايزة اشتري مكتبه تلفزيون مودرن مننييييييين بقى ؟؟

بصى يا جميله ممكن تخلى الراجل يفتحلك اللون لو باقى عندك منه يفتحه بالابيض يخلطهم على بعض لحد ما يفتحه الدرجه الى انتى عاوزاها عشان متتكلفيش اكتر لو غيرتى اللون خالص هتبقا تكلفه وربنا يتمملك بخير ان شاء الله

بنات دي صور شقتي
ان شاء الله تعجبكم
دا الانتريه






ودي اوضه النوم









ودا الصاله حطه فيها السفره و2 فوتيه ووراهم الستاره

mitcy;9385306:
بنات دي صور شقتي
ان شاء الله تعجبكم
دا الانتريه






ودي اوضه النوم









ودا الصاله حطه فيها السفره و2 فوتيه ووراهم الستاره

ماشاء الله شقتك جميلة تتهنى فيها ياقمر ربنا يسعدك

ربنا يسعدك فيها بأذن الله

ربنا يسعدك فيها بأذن الله

ماشا ءالله عليكى يا عسل تتهنى بيهم يارب

بنات هو فى تخفيض بالنساجون دلوقتى؟؟

وعايزة رئيكم

ماما بتقولى متحطيش سجادة تحت السفرة هو ينفع كدة؟؟

بتقولى حطى قطع صغيرة حولها او بالممر

لان سفرتى رخام عليها مش ازاز ومش هقدر احركها فتفوتة وانا بنضف

ودلوقتى اسعار السجاد اية واية احدث شئ فية؟؟

بنااااااااااات مفيش حد معاه سايت ديوكراشن جااااااااااااااامد

ميتسى ما شااااء الله اخيرا وفت شقتك بس الصور مش واااضحه اووووووووووى ممكن تعملى زوووووم على التسريحه اشوفك رتبتيها ازاااى وبعدين فين المطبخ ؟؟؟ والحمام عملتيه لونه اييه ؟؟؟

ميتسى ما شاء الله ربنا يسعدك ويهنيكى يارب يارب يارب وكل البنات يارب يارب يارب
مشفتش صورة الصالون لو كدا
ومنين جايبه السفره يا جميله وبكام وما شاء الله حاجتك حلوة تتهنى بيها يارب

ميتسى الف مبروك يا قمر حاجتك جميلة قوى بس صورى المطبخ
بنات عايزة اشترى نيش جاهز انزل فين

[GRADE="DC143C FF6347 008000 4B0082"]
بنات انا نزلة بكرة انشاء الله اشترى النجف
هشترى نجفة لاوضة النوم و2 للرسبشن زى بعض
بس مش عارفة اجيب اية للمطبخ خالص انا المطبخ بتاعى مفتوح
[/GRADE]

بنات ياريت تقولولى بقي
عايزه سراميك لشقتى يكون مش غالى وكويس اوى من حيث جودته
وهو سيراميك كليوباترا منزل عروض ياريت يا بنات اى حد يفيدنى

ميتسي شقتك شكلها جاااااااااامده بس الصور كبيرة اوى ومش شايفه حاجة ياريت تحاولى تصغري الصور وتنزليها تانى بس انتى حاطة مفرش ايه ع التسريحة شكله كده مفرش ستان ياريت تقوليله عامل ازاى ومنين وبرضو مفرش السرير بس بجد مع انى مشفتش كويس بس ماشاء الله الحاجة شكلها تححفه والوان المفارش جاامده تتهنى بيهم يا قمر

Miss FaTi;9386921:
ماشا ءالله عليكى يا عسل تتهنى بيهم يارب

بنات هو فى تخفيض بالنساجون دلوقتى؟؟

وعايزة رئيكم

ماما بتقولى متحطيش سجادة تحت السفرة هو ينفع كدة؟؟

بتقولى حطى قطع صغيرة حولها او بالممر

لان سفرتى رخام عليها مش ازاز ومش هقدر احركها فتفوتة وانا بنضف

ودلوقتى اسعار السجاد اية واية احدث شئ فية؟؟

بصى يا فاتى انا فعلا شوفت الاعلان فى الجرنال ان فعلا بس فى حاجات عليها خصم 50% وحاجات عليها 15 او20% والاسعار كانت من 300 الى800 ومش عارفة هو لسة موجود ولا لا والمودلان الجديدة بتبقى السجادة كلها منقوشة مش زى زمان السجادة يبقالها اطار ورد ورسمة فى النص وبالنسبة لاوضة السفرة لو هى كلاسيك و لو هى فى اوضة لوحدها بيتهيقلى لازم سجادة وبس لو هى مودرن وفى الصالة متلا ممكن مش لازم سجادة ويا رب اكون افدتك

ميااده2006;9390829:
بنات ياريت تقولولى بقي
عايزه سراميك لشقتى يكون مش غالى وكويس اوى من حيث جودته
وهو سيراميك كليوباترا منزل عروض ياريت يا بنات اى حد يفيدنى

ايوة يا قمر فعلا كليوبترا لسة العرض بتاعة شغال وفعلا اسعارة كويسة وكمان معروف ان كليوبترا نضيف ممكن تروحى اى فرع وتشوفى وكمان فى السلاب بس اسعارة عالية وكمان فى الفجالة فيها حاجات حلوة واسعار كويسة و الاختيارات فيها اكتر علشان فيها كليوبترا و الجوهرة و الفا و فينسا وكدة
انا عجبنى حاجات هناك بس انا قلقانة منها شو ية يا ريت لو حد من البنات جاب من هناك يقولنا
وبقى قوليلى عملتى اية علشان انا كمان هعمل السراميك وربنا يسهلتا كلنا

ايوة يا قمر فعلا كليوبترا لسة العرض بتاعة شغال وفعلا اسعارة كويسة وكمان معروف ان كليوبترا نضيف ممكن تروحى اى فرع وتشوفى وكمان فى السلاب بس اسعارة عالية وكمان فى الفجالة فيها حاجات حلوة واسعار كويسة و الاختيارات فيها اكتر علشان فيها كليوبترا و الجوهرة و الفا و فينسا وكدة
انا عجبنى حاجات هناك بس انا قلقانة منها شو ية يا ريت لو حد من البنات جاب من هناك يقولنا
وبقى قوليلى عملتى اية علشان انا كمان هعمل السراميك وربنا يسهلتا كلنا

انا برضه لما اجيب السيراميك باذن الله هبقي اقولكم وهحط صوره بس قدام شويه كده عشان لسه الشقه امبارح مسجلين الشقه باسم خطيبى و لسه بقي
لما نستلم المفتاح وانا هعمل المطبخ عموله وهيتكلف ما بين 4000 و 4500جنيه بس هشوف كذا مطبخ في الكتالوجات وايلى هيعجبنى هعمل زيه
بس هبقي اسئل على اماكن بتبيع السيراميك رخيص وكويس وتكون مضمونه وهبقي ابعتلك