patotus;9226446:
يابنات مشكلتى مازالت مستمره مع المطبخ الراجل قلى سعر ورجع قلى سعر تانى خالص امبارح بعد ماكان المطبخ حيتكلف 5300 قلى حيتكلف 6500 وانا قولت لمحمد المطبخ اخره 5000ج محدش يعرف حد بيعمل مطابخ خشامونيوم سعر المتر فيها اقل من 900ج وايه رايكم اعمله خشامونيوم ولا الوميتال مرشوش على شكل الخشب
بصي انا سألت على الخشمونيوم قبل كدا و هو اسعاره في الرينج ده ... و كنت سألت في واحد في شارع بورسعيد سبورتنج الصغيرة .. اسمه كيتشن لاين و كان المتر ب 800 و 850 .. فممكن تروحي تشوفيي بس نصيحة مني بلاش المكتب ده عشان بيعمل مشاكل لانهم بيأخروا التسليم و كدا .. بس انا قصدي ان ده اقل سعر في الخشمونيوم...و لو عرفت حاجة جديدة حقوللك .. في شركة مطابخ تانية مش فاكرة اسمها ايه بس هي قدام نادي سموحة علطول جنب صيدلية الوردة البيضا لو عرفت اعرفلك الاسعار هناك حبقى اقوللك يا جميل..
yoyo butterfly;9210112:
هااااااااااااى يا بنات وحشتونى قوى بقالى كتير مدخلتش
المهم محتجالكم ضرورى اية رايكم فى السيل بتاع كليوبترا انا رحت هناك وعجبنى قيشانى ابيض فى احمر غامق يعنى قربي من النبيتى اما السراميك عجبنى رمادى هادى قوى مدى على ابيض فى تمويجة رمادى هادية برضوا المهم يا جماعة هيبقوا حلوين ولايقين على بعض ولا لا وهل الرمادى مش موضة دلوقتى بس انا معجبنيش البيج علشان بقى منتشر قوى وكل الناس عملاة وقلت الرمادى مش هيقيدنى فى الوان حيطان واقدر اعمل الوان مطرقعة هتدى روح حلوة للشقة باذن الله ولا انتوا ية رايكوا ؟ ؟ وممكن اروح محلات سراميك فين تانى بس تكون حلوة وشيك واسعارها كويسة بنات بليز ردوا عليا وقولولى رايكوا ؟ ؟ ؟
وربنا يوفقنا ويكرمنا جميعا وكل اللى نفسوا فى حاجة تتحقق
انا ما مرتش بمرحلة السيراميك عشان كدا مش عارفة افيدك في الموضوع ده .. بس بالنسبة للألوان فهي حلوة و تليق على بعض و احلى حاجة في المودرن انك بتقدري تظبطي الالوان مهما كانت بالوان الفرش و الديكور و كدا .. فما تقلقيش يا جميلة..
mnne;9212118:
بنات عايزه محلات فاليكس اجيب منها كنبه بتتفتح سرير وتكون في حدود800ج بس يكون شكلها حلو
السعر ده ما شفتوش قبل كدا في الكنبة سرير.. لكن سمعت ب 2000 عموما ممكن تبصي في هاي لايف في لوران شارع ابو قير قبل فيكتوريا بشوية وانت رايحة سيدي بشر ...كان عنده كنبات سرير كتير .. و مودرن كتير .. و في كمان واحد مش فاكرة اسمه في ش جمال عبد الناصر قبل مطاعم حسني بشوية على الرصيف التاني بس ما كانش عنده حاجات كتير ..
و ممكن كمان تروحي سوق الترك في اخر شارع فرنسا و تختاري كنبة سرير على الخشب و توديها لمنجد ينجدها و تختاري الميكانيزم و شوفي كدا حتكلف كام..
yoyo butterfly;9224952:
هاااااى يا ياmarmarena مبروك ياقمر على الاوضة ويا رب تتهنى بيها ياريت لو تعرفى اماكن ومعارض عفش مودرن تقوليلى وياريت تقوليلى ناوية تعملى الوان شقتك اية والسوال لكل البنات
انا شقتي عاملة اوضة النوم روز فاتح و الخوصة اللي في السقف موف فاتح ..و الريسبشن عندي عاملاه ازرق فاتح في رمادي و حيطة مرسوم عليها سما و سحب و السفرة عاملاها اخضر فاتح في اصفر هااادي ... و الطرقة برده درجات ازرق في بترولي ..و بس كدا
bosycat2008_562;9225683:
يا جماعه حد يرد عليااااااااااااااااااااااااااااااا انا عاوزه محل ستاير يكون كويس وكمان عاوزه اعرف السعر كام بالنسبه للتفصيل
انا نفس السؤال بس في اسكندرية الله يكرمكم
أحلى دنيا;9227663:
بناتي نفس الاوضة بتاعتي...قولولي رايكو فيها....وايه احسن حاجه ممكن احطها فوق السرير...تابلوه ولا ستارة؟؟؟؟؟؟؟؟؟؟
جميلة اوضتك ما شاءالله .. و حطي تابلوه يا قمر ..
pascotta;9229659:
تسلميلي يارب بس ممكن بقا تقولولي الوان الحيطه اعملها ايه انا بفكر في الروز والبينك والالوان دي ايه رايكم
اوضتك ما شاءالله جميلة جدا .. يا ريت انت و احلى دنيا تقولولي جبتهوها بكام و من فيييين....ضروري..
متهيألي لو عملتيها روز حتبقى حلوة اوي.. و يا ريت اعرف راي بقيت البنات لاني عاملة اوضتي اللون ده و لسة محتارة ما اشترتش اوضة النوم .. و كنت بفكر لو عملتها عمولة اعملها رمادي او فضي...على اساس انه مش تقليدي يعني .. و ساعات بفكر اعملها بني غااامق كدا بس انا زهقت من البني موووت..