ملف استفسارات بنات مصر للديكور

بصوا يا بنات انا عايزة افكار للشقة بتاعتى لأنها مغلبانى خالص
انا عندى الصالة والصالون مفتوحين على بعض
بس الصالة واسعة فقلنا نحط فيها انتريه صغير والسفرة
المشكلة بقى فى عمود فى تلتين الصالة كده رخم واخد مساحة وراه وحاسة انى مش مستفيدة بيها ومينفعش يتهد
اعمل ايه ساعدونى بأى فكرة

انا رايى انك تبداى قبلها باسبوعيت او اكتر لو العفش مثلا وصل الشقه روحى ظبطى او على الاقل اعرفى كل حاجه مكانها فين بعدين ابداى بنضافه الشقه وابدى من جوه لبرا عشان متعمليش اللى برا وتروحى وتيجى عليه يتوسخ تانى واعملى اول حاجه الحاجات اللى بتاخد وقت زى رص المطبخ وادواته والنيش والسفره والحاجات اللى جوة الدوا ليت حطيها بعدين امسحى الارض تانى واخر حاجه قبل الفرح بيوم حطى السجاد لانه اكتر حاجه بتتوسخ وبيبان فيها الوسخ وكل ما تبدا في الشقه بدرى بتحسى انك مرتاحه ومش وراكى حاجه ونسيت اقولك على حاجه كمان قبل السجاد علقى البراويز والحاجات اللى على الحيطه لانها برده بتوسخ الدنيا وربنا يتمملك على خير ياعسل

egygirl;9208717:
بصوا يا بنات انا عايزة افكار للشقة بتاعتى لأنها مغلبانى خالص
انا عندى الصالة والصالون مفتوحين على بعض
بس الصالة واسعة فقلنا نحط فيها انتريه صغير والسفرة
المشكلة بقى فى عمود فى تلتين الصالة كده رخم واخد مساحة وراه وحاسة انى مش مستفيدة بيها ومينفعش يتهد
اعمل ايه ساعدونى بأى فكرة

بصى يا جميله انتى ممكن تعملى العمود دا اسطوانى وتدعهنيه لون مثلا اسبونش برتقالى فى اوف وايت هيبقا حلو اوى او اى لون من لاوان الشقه تناسق يعنى وتعمليه زى العواميد الى فى الفيلا

السلام عليكم يا بنات

شوفوا الموضوع دا ويارب يفيدكم
لو عجبكم ادعولي ربنا يرضيني وينولني اللي في بالي :D




طبعاً المطبخ من أهم الأشياء في المنزل و من أكتر الأماكن اللي المفروض نصرف عليها لأنه مش بيتغير وكمان لازم يكون مريح علشان يطلع منه أحلى الأكلات.



أول حاجة تعالوا نتكلم عن أرضية وحيطان وسقف المطبخ طبعا أحسن حاجة علشان المطبخ يفضل نضيف إننا نعمل حيطة المطبخ سيراميك لغاية السقف وفيه حاجة كمان ممكن نعملها وهي إننا نعمل الأرض سيراميك وبين الدولايب رخام بنفس الرخام اللي بنكسي بيه الدولاب من فوق، وعلى فكرة ممكن نعمل رخام أو جرانيت وطبعا الجرانيت أمتن وبيستحمل أكتر.




والأجهزة طبعا مهمة جدا في المطبخ وعايز أقولكم حاجة إننا قبل ما نفصّل المطبخ الخشب أو الألمونيوم لازم الأول نشتري الأجهزة الكهربائية وده علشان نبقى عارفين حجم الجهاز إيه وعلى أساسه يكون حجم الدولايب حواليه.

ونحاول دايما نجيب كل الأجهزة بنفس اللون يعني لو التلاجة بيضاء يبقى كل الأجهزة التانية بيضاء.. موضة قوي الأجهزة الإستانلس وشكلها بيكون أحلى وبتعيش أكتر لكن مشكلتها إن سعرها غالي.

وبالنسبة للأجهزة اللي المفروض نشتريها في المطبخ فدي بتختلف من شخص للتاني على حسب الإمكانيات والاحتياجات لكل واحد.


وأول حاجة بقت من الأساسيات دلوقتي وما أعتقدش إن في بيت ممكن يستغني عنها هي طبعا التلاجة وطبعا كل ما كانت أكبر كانت أحسن علشان تاخد حاجات أكبر لكن ده طبعا بيتوقف على الحجم المتاح في المطبخ وكمان الإمكانيات المادية. ولو فيه إمكانية إننا نجيب الديب فيرز يبقى نعمل حسابنا إنه يكون موقعه جنب التلاجة.



فبالنسبة للبوتجاز ففيه أشكال كتيرة وأنواع كتيرة من البوتجازات في السوق دلوقتي يفضل دايما إننا نجيب بوتجاز من الغاز وتكون العين اللي في الوسط بالكهرباء في بوتجازات "بيلت إن " وده بيكون البوتجاز جوه رخامة المطبخ زي اللي عندي في البرنامج كده، وده عيبه إنه بالكهرباء ومفيش منه بالغاز ومفيش فيه فرن وبيحتاج نجيب فرن لوحده كده كده بيكون شكلهم أحلى في المطبخ لكن أغلى وأنا شايف إنهم مش عمليين.


طبعا وجود شفاط فوق البوتجاز مهم جدا علشان بيمنع تراكم الدهون على حوائط المطبخ وبيمنع وجود ريحة الأكل في المنزل.


وطبعا دي بتعتبر من الكماليات عند ناس كتير ولذلك ممكن الاستغناء عنها ولكن لو هنجيبها يبقى مكانها أسفل حوض المطبخ علشان سهولة رصّ الأطباق والمعالق، ولكن فيه منها حجم صغير ممكن يتحط جنب الحوض.


يستحسن وضعها في الحمام مش في المطبخ.

ولو المطبخ عندنا فيه بلكونة صغيرة يبقى دايما نحط البوتجاز جنب شباك البلكونة ولو إحنا معندناش غاز طبيعي نحط الأنبوبة في البلكونة ونعمل وصلة في الحيطة نحط فيها خرطوم الأنبوبة كمان السخان لو بالكهرباء من الأحسن إننا نحطه في البكلونة دي لكن لو غاز نحطه أحسن في الحمام علشان الشعلة بتاعته لا تنطفئ.


أحسن حاجة إننا نجيب الدولايب الخشب المبطنة من جوه بطبقة فرمايكة من الأفضل دائما إن لون الدولايب يكون لونه لون الخشب الطبيعي.
لو المطبخ صغير نحاول إننا نجيب أجهزة كهربائية صغيرة ونخلي الدولايب جرّارة علشان ما تخدش مساحة في الفتح، وطبعا في جميع الحالات سواء المطبخ كبير أو صغير هنقفل تحت الحوض دولايب خشب إلا إذا كان فيه غسالة أطباق، ونعمل وازرة نحاس أو المونيوم حوالين داير المطبخ كله علشان ما يتأثرش بالمية.

ممكن نبطن الحوائط بالحجر الهاشمة أو الفرعوني وده طبعا بيدّي شكل جمالي للمطبخ.


طبعا اختيار استايل المطبخ بيكون على حسب ذوق كل واحد وكمان يكون مريح نفسيا لأصحابه ومريح في استخدامه ومناسب لفرش البيت بصفة عامة وبالنسبة لاستايلات المطابخ فهنلاقي إن في الاستايل المودرن والكلاسيك.

الاستايل الكلاسيكي ده بيكون غالبا خشب بني وممكن نحط نجفة فيرفورجيه مع ستارة بكرنيشة.

أما المطبخ المودرن بيكون ألوانه صارخة وبيكون مصنوع من الألمونيوم أو الفرمايكة وممكن لونه يكون أحمر أو أصفر أو أخضر وأنا عن نفسي مش بافضلّه قوي.

وعلشان يكون المطبخ فعلا مريح ومنحسش إننا عايزين نخرج منه بأسرع وقت ممكن فلازم ناخد بالنا من شوية حاجات بسيطة...

فمثلا ممكن نحط في المطبخ نجفة مروحة تدينا إضاءة حلوة وفي نفس الوقت هتهوي المطبخ.

يا ريت كمان المطبخ مايكونش فيه بلوعة صرف علشان دي بتدخل صراصير وحشرات وبيكون التخلص منها صعب قوي.

ودايما الدولاب اللي فيه منظفات أو مبيدات يكون عالي بعيد عن متناول الأطفال ويكون بعيد عن البوتجاز علشان الموادّ دي سريعة الاشتعال.

وفي الآخر المطبخ طبعا لازم يكون فيه طفاية حريق..

منقول

هااااااااااااى يا بنات وحشتونى قوى بقالى كتير مدخلتش
المهم محتجالكم ضرورى اية رايكم فى السيل بتاع كليوبترا انا رحت هناك وعجبنى قيشانى ابيض فى احمر غامق يعنى قربي من النبيتى اما السراميك عجبنى رمادى هادى قوى مدى على ابيض فى تمويجة رمادى هادية برضوا المهم يا جماعة هيبقوا حلوين ولايقين على بعض ولا لا وهل الرمادى مش موضة دلوقتى بس انا معجبنيش البيج علشان بقى منتشر قوى وكل الناس عملاة وقلت الرمادى مش هيقيدنى فى الوان حيطان واقدر اعمل الوان مطرقعة هتدى روح حلوة للشقة باذن الله ولا انتوا ية رايكوا ؟ ؟ وممكن اروح محلات سراميك فين تانى بس تكون حلوة وشيك واسعارها كويسة بنات بليز ردوا عليا وقولولى رايكوا ؟ ؟ ؟
وربنا يوفقنا ويكرمنا جميعا وكل اللى نفسوا فى حاجة تتحقق

بنات عايزه محلات فاليكس اجيب منها كنبه بتتفتح سرير وتكون في حدود800ج بس يكون شكلها حلو

marmarena;9205369:
لا يا حبيبتي بتقلي ايه:D:D الاوضه ب10ونص من محل اسمو at homeفي مدينه نصرعندو حاجات مودرن تحفه هو قبل الحريه وطيبه مول بشويه دوين كدا على نفس صف الحريه مول وللاسف انا مصورتهاش وهي في شقتي دلوقتي بس هي السراير البتكون واطيه دي:D والدولاب جرار وفي سبوتات والكومود ملزوق في ضهر السرير كلو على خشبه واحد انا وصفتهالك على قد ما اقدر:Dاهو ولونها بني غاامق جدااا ولو كتبتي بردو في جوجل غرف نوم مودرن هتشوفيهم وتفهمي وصفي اكتر.

نفس وصف الاوده اللى فى دماغى ياريت ياعسل تقوليلى نوع الخشب بتاعها ايه

هاااااى يا ياmarmarena مبروك ياقمر على الاوضة ويا رب تتهنى بيها ياريت لو تعرفى اماكن ومعارض عفش مودرن تقوليلى وياريت تقوليلى ناوية تعملى الوان شقتك اية والسوال لكل البنات

garfeild;9224614:
الانتريه لوحده مودرن لكن مع الترابيزة وباقي الديكور الترا كلاسيك
والموضه دلوقتي في اوروبا بيعملوا matching مابين الكلاسيك والمودرن زي النظام ده

كتكوته انا عاوزه اتفرج على الوان شقتك ضروووووورى بعد ما علقتى الحاجه لو عندك نزليهااالى بلييييييييز

مرسى يا‏sweetyronaaa على ردك انا قصدى انوا تبقى الشقة كلها ماشية مع بعض مش تحسى ان ان الحمام والمطبخ مش تبع الشقة المهم معليش هتاقل عليكوا انا اعرف ان رويال و الجوهرة وكدة مالهومش معارض زى كليوابترا انا ممكن اشوف منتجاتهم فيييين بالضبط يا ريت العناوين ومرسى مقدما


حبيبة مادو بصى ياقمرانتى ممكن تشوفى الاحمر او الازرق او الاخصر سوارية بس بيتهيقلى الاحسن انك تجبيى بادى كارينا عادى فوشيا وتجبيلوا البرونز اللى بيترش على الهدوم وتروشى عليةوهيبقى اشيك بكتير....

يا جماعه حد يرد عليااااااااااااااااااااااااااااااا انا عاوزه محل ستاير يكون كويس وكمان عاوزه اعرف السعر كام بالنسبه للتفصيل

bosycat2008_562;9225683:
يا جماعه حد يرد عليااااااااااااااااااااااااااااااا انا عاوزه محل ستاير يكون كويس وكمان عاوزه اعرف السعر كام بالنسبه للتفصيل

فى واحد كويس فى حدايق القبة اسمه المتميز
ورا المخابرات
بيعمل المتر ب 6 جنيه بس النقل و التركيب عليكى و الاكسسورارات

يابنات مشكلتى مازالت مستمره مع المطبخ الراجل قلى سعر ورجع قلى سعر تانى خالص امبارح بعد ماكان المطبخ حيتكلف 5300 قلى حيتكلف 6500 وانا قولت لمحمد المطبخ اخره 5000ج محدش يعرف حد بيعمل مطابخ خشامونيوم سعر المتر فيها اقل من 900ج وايه رايكم اعمله خشامونيوم ولا الوميتال مرشوش على شكل الخشب

smartstar;9208342:
عايزة أعرف جدول أو خطوات فرش الشقة يعنى المفروض أبتدى بأنه أوضة ؟ وإمتى أحط السجاد؟ والستائر؟ وكده يعنى ، كله بالتفصيل الممل ، وبيأخذ كام يوم؟ علشان أنا شايفة إن الموضوع ده صعب أوى

خطوات الفرش اولا طبعا تنضفي الشقه كلها تنضيفه حلوة و بعدين ترصي العفش مكانه و بعدين ترصي البوفيه و النيش و بعد كده تدخلى على المطبخ و ترصيه كله و بعد كده اوضه النوم توضبي لبسك و تحطيه في الدولاب و كمان تحطي البرفانات و الميكب و الحاجات دي و بعد كده تجيبي الراجل يركبلك الستاير و بعدين بقي تمسحي الشقه و تفرشي السجاجيد و تحطي التحف و الحاجه و الموضوع ده كله ياخد حوال اسبوع او اققل كمان انتى و شطارتك بقي

yoyo butterfly;9225525:
مرسى يا‏sweetyronaaa على ردك انا قصدى انوا تبقى الشقة كلها ماشية مع بعض مش تحسى ان ان الحمام والمطبخ مش تبع الشقة المهم معليش هتاقل عليكوا انا اعرف ان رويال و الجوهرة وكدة مالهومش معارض زى كليوابترا انا ممكن اشوف منتجاتهم فيييين بالضبط يا ريت العناوين ومرسى مقدما


حبيبة مادو بصى ياقمرانتى ممكن تشوفى الاحمر او الازرق او الاخصر سوارية بس بيتهيقلى الاحسن انك تجبيى بادى كارينا عادى فوشيا وتجبيلوا البرونز اللى بيترش على الهدوم وتروشى عليةوهيبقى اشيك بكتير....

رويال و الجوهره هتلاقيهم في السلاب او اى حد معرض سيراميك بعيدا طبعا عن معارض كيلوباترا و الجوهره ليها معرض خاص في المهندسين في شارع لبنان

بناتي نفس الاوضة بتاعتي...قولولي رايكو فيها....وايه احسن حاجه ممكن احطها فوق السرير...تابلوه ولا ستارة؟؟؟؟؟؟؟؟؟؟

أحلى دنيا;9227663:

بناتي نفس الاوضة بتاعتي...قولولي رايكو فيها....وايه احسن حاجه ممكن احطها فوق السرير...تابلوه ولا ستارة؟؟؟؟؟؟؟؟؟؟

ما شاء الله جميلة الاوضة
وانا من رايي ودا اللي انا هعملة اني هجيب برواز فوق السرير
كنت عايزة اجيب تاج العروسة بس للاسف بقي مجبتوش وقالولي اعمل ستارة بس معجبتنيش الفكرة ...فقولت البرواز اشيك


عايزة اعرف بقي اجيب مفارش للنيش ولا الموة دلوقتي من غير مفارش ولا اية الاشيك والاحلي؟؟؟؟؟؟واجيب مفرش اية لطربيزة الصالون مربع ولا اية انا اخويا جيبلي مفرش بس مدور مش عارفة هعمل اية اسيبة واشتري المربع
و ممكن احط اية علي طربيزة الصالون؟؟؟؟؟؟

أحلى دنيا;9227663:

بناتي نفس الاوضة بتاعتي...قولولي رايكو فيها....وايه احسن حاجه ممكن احطها فوق السرير...تابلوه ولا ستارة؟؟؟؟؟؟؟؟؟؟

ماشا ء الله تحفه ورقيقه اوي ربنا يباركلك فيها يارب بس قوليلي جبتيها منين وبكام :D

أحلى دنيا;9227663:

بناتي نفس الاوضة بتاعتي...قولولي رايكو فيها....وايه احسن حاجه ممكن احطها فوق السرير...تابلوه ولا ستارة؟؟؟؟؟؟؟؟؟؟

emyy_ae;9228706:
ما شاء الله جميلة الاوضة
وانا من رايي ودا اللي انا هعملة اني هجيب برواز فوق السرير
كنت عايزة اجيب تاج العروسة بس للاسف بقي مجبتوش وقالولي اعمل ستارة بس معجبتنيش الفكرة ...فقولت البرواز اشيك


عايزة اعرف بقي اجيب مفارش للنيش ولا الموة دلوقتي من غير مفارش ولا اية الاشيك والاحلي؟؟؟؟؟؟واجيب مفرش اية لطربيزة الصالون مربع ولا اية انا اخويا جيبلي مفرش بس مدور مش عارفة هعمل اية اسيبة واشتري المربع
و ممكن احط اية علي طربيزة الصالون؟؟؟؟؟؟

بنات انا هنزلكم صور الاوضه بتاعتي هي مش واضحه اوي لاني واخداها من فيديو بس حاولوا تشوفوا وتقولوا رايكم اوك هي لونها بني غامق محمر شويه

دي التسريحه

http://forums.3roos.com/uploaded/252515_01239839102.jpg
دي المقابض
http://forums.3roos.com/uploaded/252515_11239839102.jpg
ده الكوميدينو

http://forums.3roos.com/uploaded/252...239839102.jpeg

التسريحه ومرايتها
http://forums.3roos.com/uploaded/252515_21239839102.jpg
http://forums.3roos.com/uploaded/252...239839102.jpeg

الدولاب والشيفونيره
http://forums.3roos.com/uploaded/252...239839102.jpeg
http://forums.3roos.com/uploaded/252...239839102.jpeg

السرير
http://forums.3roos.com/uploaded/252...239839102.jpeg