الدمشقية:
انا بلشت احط بنتي على النونو مرتين باليوم بس هي عمرها متل ماقلت سنة و3 شهور
وبحس ماعم تفهم عليي بتصير بدها تلعب وتحط رجلها بالنونو
بس ان شالله مرة على مرة بتفه
والف شكر لكي على الدرس الثااني
الغزال المتبرج:السلام عليكم ورحمة الله وبركاته
اولا حبيت اشكر ابلة اسماء على الموضوع الههههههههههههههههههههههام ولكن انا عندي مشكلة مع ابني يلي عمره سنة وتسع شهور هي شرب الحليب في الليل مرتين او ثلاث مرات حتى لو عشيته وانا من قرئت الموضوع على طول شلت الحفاضة وبديت ادربه وهو راضي بس في الليل وديته الحمام وقام يصيح على طول لبسته الحفاضة وخليته ينام والصبح شليتها
شو اسوي عشان اخليه يبطل المرضاعة
جمـــانة:
اسماء زكي الدين
نحن غاليتي نتشرف و نفتخر بوجودك بيننا ...
وبهذه المشاركة الطيبة و المعلومات القيمة و النصائح المثمرة
التي تقدميها الأخواتك في الله ...
أسأل الله تعالى أن يجعل ما تقدميه لنا من معلومات وما تبذلينه من جهد
في إيصال ما تعرفيه في ميزان حسناتك يوم القيامة ...
كل الشكر و التقدير لكِ و لجهودك الطيبة ...
جمـــانة
Aryam:
أسمحولي أنقطعت عنكم...بس لأني على ويه ولادة وما أقدر أدخل المنتدى من البيت، ما ألاقي وقت...
بس بخبركم عن أخر التطورات وياي....
أنا مثل ما قلت معاناتي مع أن ولدي يخاف يسوي البراز في الحمام، دايما يبي البامبرز،، أمس كان يبي يسويها، قلت لم ماما أنت ريال وكبير، والبامبرز وسخ، بتروح تسويها مكانك؟؟ (هو يسمي كرسي الحمام ماله مكاني:)) قالي زين...بيني وبينكم ما تفاءلت لأنه دايما يقولي أوكي ولما أوديه يصيح وما يرضى.....المهم جلس مكانه وخليته على راحته ما قعدت أراقبه وقلت له لما تخلص خبرني عشان أغسلك بالماي لأننا بنطلع برع في السيارة مع بابا (كنوع من التشجيع) والحمد لله تشجع بس كان شكله خايف...وسواها، أنا عاد طرت من الفرحة قعدت أصفق له وأبوسه، وبعد ما طلع كان عندي شوكولا ولعبه في الشنطة عطيته ياهم، واتصلت في أبوه وطلعناه عشان ما أطلع جذابه قدامه....وقعدت أقول القصة لأبوه جدامه وهو يسمع ومستانس:)
بس ان شاء الله ما يكون يوم واحد بس، يارب يستمر على جذي.....
رانيا البحرينية:
مبروك يا اريام وصلتي لنتيجة..
آنه لحد الحين الخطة ماشية تمام وتكرمون البول كل مرة بالحمام، بس بقت القضية الكبيرة (___) مصر على الحفاظ..
بخصوص حفاظ الليل لازم البسه لأنه بعده الأخ متولع بالرضاعة مايقدر يتركها كل المحاولات سويناها بس مافي فايدة لما يعصب ووواصل حده مايجيب راسه الا الرضاعة والله كأن سيجارة او شيشة هاهاها..
خلاص يا اسماء بعد رمضان نفتح موضوع (لا رضاعات بعد اليوم) شرايك؟؟؟؟؟ والله بيتقعد ولدي ان جبت طاري أسمك بعد في سالفة الرضاعة...
أكبر قلب:
تعرفي اختي رانيا انا من نفسي اعطي بنتي الرضاعة عقب ما فطمتها لاني شفتها طول النهار والله ما تاكل شي كل شي يقولونه لي اسويه بس علشان اشجعها على الاكل وابداً قلت ما في الا هالحل علشان تقدر تنام.:sad:
بس هي ما تشربها بره البيت بس وقت النوم واذا شفتها اكلت شي على العشاء ولو كان قليل ما اعطيها الرضاعة.
على العموم مو هذا موضوعنا دخلنا عرض في موضوع ثاني .:gum:
انا ما شاء الله وببركة الشهر الفضيل للحين الامور ماشية تمام التمام :ok: باقي الحين بس وقت النوم.
بصراحة ما ادري اشلون ابدأ. احتاج لبعض الدروس من ماما اسماء :shy:
الغزال المتبرج:
[/CENTER]السلام عليكم ورحمة الله وبركاته
هذا اليوم الثاني بدون حفاضة وحبيبي سوى الكبيرة والصغيرة في الحمام :clap:
بس مشكلة الليل والمرضاعة اببببببببببببي حل وعشان ما اخلي يتعقد من الحمام ويحس ان بسب الحمام بطلته المرضاعة وعلى فكرة انا ابني فطمته عن صدري والاالملهية يعني المصاصة وبون معانه تذكر بس هذي والله لو شو اسوي مايرض ساعديني شو اسوي :sad:
كنافه بالقشطه:
اخت اسماء ولدي اكلمه وافهم فيه ولاكنه سامعني ويسوي اللي بباله !!!!!!!
وخايفه يحرجني قدام اهلي ولا اهل زوجي ويوسخ نفسه ماحب يكون وسخان وينحرج من الاطفال اللي بعمره ماحب احرجه ويصعب عليه قلبي ضعيف من ناحيته ارحمه بزيااااااااده
reemo_002:
كان بودى اشارك بس اوعدكم اول ما اتجوز وانجب راح اشارك على طول
خخخخخخخخخخخخخخخخخخخخخخخخخخخخخ
redflower:
باركولي أخيرا بنتي رضيت تجلس على الحمام و تسويها أول ما صحيت الصباح جلستها على الحمام و اعطيتها فرشة الاسنان و جلست تسوك أسنانها عشر دقايق بعدين جبتلها ألعابها و قعدنا نلعب تقريباً ربع ساعة و بعديين الله فرجها عليا و سوتها في الحمام أول مرة............ز بس طبعاً الصغيرة مو الكبير وطبعا أعطيتها هدية و صفقتلها
ادعولي ترضى تسوي الكبيرة اليوم في الحمام تصدقو من يوم ما بدأت التدريب و هي تسوي الكبيرة في الليل عشان طول النهار و أنا لاحقنها!!!!!!!!!!!