•·.·°¯`·.·• {عـالـمـ ღ هـ ღ ــــــا }•·.·°¯`·.·•

ملف كامل عن البشرة(4)

لمشاكل اللي ممكن تصيب بشرتك وتخليكِ تتضايقي..

المشاكل دي زي شحوب البشرة والإجهاد والاصفرار وحاجات تانية كمان...

والمشاكل دي هنقول لك أسبابها وازاي تعالجيها بالطرق الطبيعية...



أسباب المشاكل دي كلها


الحقيقة لو بصيتم للمشاكل اللي معانا المرة دي في الملف هتلاقوها كلها مرتبطة ببعض؛ يعني أسباب الإجهاد زيها زي أسباب الشحوب وأسباب الاصفرار والتجاعيد والجفاف. ونبدأ بأول سبب.

التدخين




مش شرط تكوني إنتِ اللي بتدخني.. كفاية إنك تقعدي في مكان واحد مع ناس بتدخن، فبشرتك بتتشبع بالدخان والنيكوتين اللي طالع من السجاير واللي إنتِ مابتشوفيهوش.. بشرتك بتمتصه وتخزنه كمان وبيبان عليها في هيئة جفاف وشحوب وإجهاد.


التغذية




لازم تعرفي إن البشرة بتتغذى من جوه الجسم مش من براه يعني الكريمات والماسكات دي حاجات لتحسين شكل البشرة لكن الغذا الحقيقي بتاخده البشرة من أكلك إنتِ، من الآخر من اختياراتك إنتِ في الأكل.. يعني لو عاوزة بشرة مثالية لازم تبعدي عن الأكل اللي مش صحي وتكتري من الخضروات والفاكهة في أكلك، وزي ما بتبعدي عن الأكلات الدسمة اوعي تفكري في الريجيمات القاسية.


تغير الجو




تغير الجو وتقلباته من العوامل المؤثرة بشدة في البشرة. يعني أثناء تغير الفصول والمواسم من الحر للبرد والعكس البشرة بتحتاج عناية خاصة جدا بيها، ودي لازم توفريها ليها عن طريق تغذيتها والعناية بيها



الماكياج



كمان الماكياج على الرغم من إنه المفترض بيجمل البشرة ويبرز جمالها فكثرة استعماله وتركه لمدة فترة طويلة من الوقت على بشرتك وعدم تنظيفه جيدا قبل النوم بيسبب تدمير خلايا البشرة وجفافها وشحوبها، يعني بيعمل بالظبط عكس اللي مفروض يعمله.



النوم

من العوامل اللازمة جدا لجمال بشرتك هي النوم لساعات معقولة بعمق.. يعني ممكن تنامي كتير بس مش بعمق، فاللي يحصل إنك تقومي مجهدة وبشرتك كمان مجهدة.. يعني لو عاوزة تحافظي على بشرتك لازم ماتسهريش كتير وتنامي ساعات كافية.



أسباب صحية

فيه كمان بعض الأسباب الصحية –بعد الشر عنكم كلكم- بتؤدي للإجهاد والشحوب والمشاكل دي كلها زي الأنيميا ونزلات البرد ومشاكل تانية كتير.. علشان كده بننصحكم إنكم تحاولوا تشوفوا لو -بعد الشر- فيه مشكلة من دول، قبل ما تعملوا ماسكات وتحطوا كريمات من غير فايدة.


البشرة المجهدة

كتير بيقولوا إن بشرتهم مجهدة جدا وعايزين يرجعوها لطبيعتها ومش عارفين.

هقول لكم ازاي ترجعوها لطبيعتها بطرق طبيعية طبعا..



ماسك الشعير





المكونات:

2 شعير مطحون.
2 ورق نعناع طازة مفروم.
2 عسل.
2 حليب.

الطريقة:

قلبي الشعير والعسل مع النعناع باستخدام الشوكة، وبعدين حطي الحليب وسيبي الماسك على بشرتك لمدة ثلاثين دقيقة، وبعدين اغسلي وشك بالمية الباردة.


ماسك الخيار




المكونات:

نصف فنجان خيار مبشور.
بياض بيضة.
2 معلقة صغيرة من اللبن البودرة.



الطريقة:

اخلطي المكونات دي كلها مع بعضها لغاية ما تبقى عجينة لينة وحطيها على وشك، وبعد مرور 20 دقيقة اشطفي وشك بالماء الدافئ، وبعد شوية اشطفيه بالمية الباردة. جربي الماسك ده مرتين في الأسبوع وإنتِ تشوفي النتيجة بنفسك.


--------------------------------------------------------------------------------

البشرة الشاحبة والمصفرة


بعد ما عرفتِ الأسباب اللي ممكن إنها تؤدي لشحوب وإصفرار البشرة فيه شوية ماسكات ممكن إنك تجربيها ومن الماسكات دي:


ماسك الخميرة البيرة




المكونات:

1 معلقة صغيرة من خميرة البيرة.
2 صفار بيضة.
2 معلقة كبيرة عسل نحل.
2 معلقة كبيرة من القشطة.
نصف معلقة صغيرة من خل التفاح.
2 معلقة كبيرة زيت زيتون أو زيت سمسم.
لبن وماء.

الطريقة:

اخلطي الخميرة البيرة وصفار البيضة وعسل النحل والقشطة وخل التفاح مع بعضه. بعد كده ادهني طبقة من زيت اللوز أو "زيت السمسم" على وشك بس طبعا مع تجنب المنطقة اللي حوالين العينين. وبعد كده حطي القناع، وبعد مرور 20 دقيقة اغسلي وشك باللبن المخفف بالمية ونشفي وشك بفوطة ناعمة. والماسك ده بيفيد البشرة المجهدة قوي وده علشان الخميرة البيرة بتعمل على تنشيط الدورة الدموية. واعملي الماسك ده مرة كل أسبوع.


لخدود بلون الورد



على فكرة خبراء التجميل بينصحوا بالمية علشان المية بتخلي الوجه بيبرق، وكمان بتخلي فيه نضارة طبيعية وده لأنه بيعمل على زيادة الإمداد الدمـوي لمنطقة الوجه.
الطريقة:

1. حطي حوالي عشرة مكعبات من التلج في إناء وسيبيهم لغاية ما التلج يذوب.

2. حطي كريم مرطب على وشك بس خلي بالك إن الكريم ده يكون مناسب لنوع بشرتك، وده فايدته إنه بيكون زي عازل لتنجب ملامسة الماء البارد لوجهك مباشرة.


3. بعد كده غطسي وشك في المية الباردة، بس خلي بالّك من إن نفسك يكون مكتوم، وممكن تظلي على الوضع ده لمدة 20 ثانية.


4. كرري الغطس في المية حوالي 4 مرات وبعد كده استخدمي فوطة ناعمة علشان تنشفي وشك وتشيلي أي أثر للكريم.

5. ممكن بعد كده إنك تحطي كريم مرطب على وشك.

لو كانت بشرتك من النوع الدهني ممكن إنك تضيفي روح النعناع للمية الباردة.



ماسك البرتقال المنعش للبشرة




والماسك ده فايدته في إنه بينعش البشرة وممكن إنك تجربيه 4 مرات في الأسبوع، وعلى فكرة كمان الماسك ده مناسب لكل أنواع البشرة.


المكونات:

عصير نصف برتقالة.
3 معالق عسل.

الطريقة:

سخني العسل مع عصير البرتقال على نار هادئة لغاية ما تلاقي العسل داب، بعد كده شيليه من على النار وسيبيه شوية لغاية ما تلاقيه برد. حطيه على وشك لمدة ربع ساعة وبعد كده امسحي وشك بقطنة مبلولة بالمية الفاترة. وهتشوفي نتيجة وانتعاش مالهمش مثيل.



--------------------------------------------------------------------------------



التجاعيد

للأسف دي مشكلة منتشرة اليومين دول بين البنات اللي لسه سنهم صغير. وده يظهر لنا إن التجاعيد مرتبطة بعوامل كتير غير عامل السن زي التعرض للأشعة الضارة للشمس والطقس البارد والتغذية السيئة..


كريم لمكافحة للتجاعيد



والكريم ده بيعتبر من أحسن أنواع الكريمات اللي بتكافح ظهور التجاعيد وممكن إنك تجربيه بصفة يومية وهتشوفي الفرق..

المكونات:

4 معالق كبيرة لبن.
2 معلقة صغيرة عسل أبيض.
4 معالق كبيرة كريم أساس.
صفار بيضة واحدة.
4 نقط زيت مر (من عند العطار).

الطريقة:

اخلطي العسل مع اللبن ودفيهم على النار، بعد كده ضيفي ليهم باقي المكونات واخلطيهم مع بعض وسيبيهم في التلاجة لمدة 3 دقائق، وبعد كده حطي الماسك على وشك واشطفي وشك بالمية الفاترة بعد ربع ساعة.




ماسك الموز



وطبعا علشان الموز من الفاكهة الغنية بالفيتامينات بنلاقيه بيكافح ظهور التجاعيد بالإضافة إلى إنه بيكسب البشرة نعومة وحيوية.
المكونات:

موزة.
ثلاث معالق لبن.

الطريقة:

اهرسي الموزة واخلطيها مع اللبن ووزعيها على البشرة مع التركيز على الأماكن اللي فيها التجاعيد، ويترك لمدة 15 دقيقة، ثم اشطفي الوجه بالمية الفاترة.


الماسك الفرنساوي


والقناع ده بقى يجنن لأن النساء الفرنسيات كانت بتستعمله، وهو بيمنع ظهور التجاعيد نهائيا، وبيعطي إشراق ونضارة للبشرة.

المكونات:

تفاحة.
فنجان صغير لبن حليب.
معلقة ضغيرة زيت لوز.

الطريقة:

قشري التفاحة وقطعيها قطع مربعات صغيرة، وبعد كده حطيها في حلة وحطي معاها فنجان اللبن وحطيهم على نار هادئة لغاية ما تشعري إن الخليط شكله بقى زي القشطة السميكة، وشيليه من على النار، وسيبيه لغاية ما يبرد.. بعد كده ضيفي له معلقة صغيرة زيت لوز واخلطيهم مع بعض كويس. بعد كده حطي القناع على وشك لمدة 20 دقيقة واغسلي وشك بس بمية تكون باردة وإنت تشوفي النتيجة. وممكن تجربي الماسك ده يوميا.

جفاف البشرة

طبعا احنا في الشتاء دلوقتي وكتير مننا بيعانوا من المشكلة دي وهي إنهم بيلاحظوا إن جلد اليدين والرجلين والوجه بيكون خشن شوية.

وده ممكن يحصل نتيجة حساسية الجلد الزيادة وتأثرها الشديد ببرودة الجو وجفافه؛ علشان كده بنقول لك على الكام وصفة دي اللي ممكن إنك تجربيها وإن شاء الله هتجيب نتيجة.


دهان عصير الليمون




على فكرة الوصفة دي مافيش أسهل منها وهي عبارة عن إنك تعصري نصف ليمونة على باطن إيدك وبعد كده تاخدي العصير ده وتحطيه على الأماكن المصابة بالقشف. وبعد مرور 10 دقائق ممكن إنك تشطفي وشك بالمية الفاترة. كرري العملية دي مرتين في الأسبوع وهتشوفي النتيجة إن بشرتك رجعت ليها النعومة وأصبحت ناعمة زي الحرير.



دهان زيت القرفة




والدهان ده بالذات حلو قوي قوي لأنه بيعالج الجلد المتشقق خصوصا تشقق الكوعين والرجلين، ويرجع لهم جمالهم ونعومتهم اللي كانوا عليها.

المكونات:

3 نقط زيت قرفة (من عند العطار).
8 معالق كبيرة زيت مشمش (من عند العطار).

الطريقة:

حطي المكونات السابقة مع بعضها في زجاجة واقفليها كويس ورجي الزجاجة دي كويس علشان المقادير دي تتخلط مع بعضها.
بعد كده ممكن إنك تاخدي المكونات دي وتدهني بيها الأماكن اللي مصابة بالجفاف والتشقق.. اغسلي الأماكن اللي دهنتيها بالدهان ده بالماء الفاتر كويس بعد مرور 20 دقيقة.

مين فينا مابتحلمش إنها تكون زي القمر دايما.. ولو سألت بنت إيه أول مشاكل هتقول لك الاسمرار وتغير لون البشرة والبقع الداكنة اللي بتظهر في الوش، أما عن أهم المشاكل فهي بلا منازع.. الهالات السوداء..

وطبعا شركات التجميل ما بتصدق وتبدأ تشتغل الإعلانات وتزن على دماغ البنات عن الكريمات والصابون والبادي لوشن اللي مالهمش مثيل واللي هيخلوا لونك زي التلج في كام أسبوع..

وانطلاقا من إيمانى بكل ما هو طبيعي فانا المرة دي واللي بعدها هقدم لكم حل المشاكل دي كلها بطريقة طبيعية جدا جدا..


لمعلوماتك



لازم تعرفي إن لون البشرة تمام زي بصمة الإيدين بالظبط يعني بيختلف من واحدة للتانية..







يعني فيه ناس هتفضل بشرتهم دايما سمراء وناس هتفضل بشرتهم دايما بيضاء.. واللونين حلوين ولو مش مصدقاني روحي اتفرجي على الأجانب في شرم الشيخ والغردقة اللي هيموتوا علشان بقى لونهم قمحي أو برونزي زي المصريين.. ولو مش مصدقاني استرجعي المقولة اللي بتقول السمار نص الجمال..


طيب لو مافيش فايدة يبقى إيه هدفنا من العدد ده؟
هدفنا من العدد ده إننا نساعدك ترجعي للونك الطبيعي اللي فقدتيه في المصيف أو بسبب التعرض اليومي للشمس أو لو كنتِ محجبة فأكيد هتلاقي اختلاف بين لون البشرة قبل وبعد الإيشارب.


طيب يعني الوصفات الطبيعية دي بتاخد قد إيه، وهل ممكن استعمالها مع كريمات التفتيح؟
لازم تعرفي إن الطرق الطبيعية دي بتاخد وقت طويل عن المستحضرات التانية علشان كده لازم تصبري علشان النتيجة تبقى كويسة.





اوعي تلجئي لكريمات التفتيح لأنها ببساطة بتحتوي على مادة الزئبق اللي بتدمر خلايا "الميلانين" اللي هي خلايا الصبغة الموجودة في الجسم، وتدميرها ده بيؤدي لحاجات جامدة جدا بدءا من الأمراض الجلدية وانتهاء بالمرض الوحش.. بعد الشر عليكم كلكم.

والمفاجأة اللي إنت ماتعرفيهاش بقى إن الكريمات دي بتوقف إنتاج الميلانين.. في بداية استخدام ‏ ‏الكريم يظهر لك إن البشرة اتفتحت فعلا لكن ‏لما البشرة بتتعرض لأشعة الشمس بيكون المفعول عكسي، فبيؤدي لزيادة الاسمرار وبالتالي ‏بتحطي الكريم تاني، ولما يخلص تشتريه.. ماسألتيش نفسك قبل كده لو الكريمات دي بتفتح فعلا من أول مرة الناس اللي بتستعملها مابتوقفهاش ليه؟

يعني خطوات التبييض دي كتير؟
هي الخطوات اللي انا مقدمهالك المرة دي كتير شوية علشان عايزكى توصلي للنتيجة بأحسن وأسرع شكل ممكن. ده بالإضافة إلى إنى عايزة ألملك الموضوع كله.

تقشير البشرة

ممكن أي واحدة فيكم تسألني إنتِ بتقول تقشير هو احنا هنفتح ولا هنقشر..

علشان توصلوا لتفتيح ناجح لازم قبلها يبقى فيه تقشير لخلايا الجسم الميتة والدهون والأتربة اللي موجودة على البشرة اللي بتخلي الجلد غامق ومالوش لون واحد.. وفيه كذا طريقة لتقشير البشرة وما عليكِ يا ستي إلا اختيار الطريقة اللي تناسبك.


صابونة التقشير والتفتيح



الصابونة دي بتستخدم لغرضين؛ التقشير والتفتيح.. يعني هتضربي عصفورين بحجر واحد.

المقادير:

حزمة بقدونس.
ماء ورد.
نشا.
حليب بودرة كامل الدسم.
صابونة غار أو صابونة زيت زيتون (أو أي صابونة طبيعية ودول كلهم هتلاقيهم عند العطار).
ليف طبيعي (من عند العطار برضه).

الطريقة:

لكل نصف حزمة بقدونس حطي 2 فنجان قهوة ماء ورد والبقدونس حطيه كله بالعروق لأن الفايدة في الأوراق والعروق مش في الأوراق بس.. اخلطيهم في الخلاط ولو شايفة إنها مش بتتخلط كويس حطي شوية مية، بس صبيها شوية شوية لغاية ما تطرى، وبعدين تحطي الخلطة دي في حلة أو وعاء على النار، وبعدين تحطي نص معلقة النشا ونص معلقة لبن البودرة، وابشري الصابون والحلة على النار مع التقليب المستمر لغاية ما يدوب الصابون خالص.. هاتي بقى قوالب التلج اللي في الفريزر (فاضيين طبعا) وصبي فيهم الخليط وسيب شوية من الخليط في الحلة وسيبي قالبين فاضيين.. هاتي بقى الليف وقطعيه حتت صغيرة وحطيها على بقية الخليط اللي في الحلة واغرفيهم بالمعلقة في القالبين الفاضيين.

سيبيهم ساعة أو أكتر في الفريزر لغاية لما تلاقيهم جمدوا.. طلعيهم من القوالب وشيليهم للاستعمال واغسلي جسمك ووجهك كل يوم بالصابونة، وقبل كل وصفة ومع كل خلطة اديناهالك في الحلقات السابقة من ملفنا، أما بقى القالبين اللي حطيتِ عليهم الليف فاستعمليهم كمقشر لجسمك مع المية مرة في الأسبوع.

طريقة استخدام الصابون:

بلي جسمك بالمية واغسليه بالصابونة دي بطريقة دائرية بخفة لمدة 10 دقايق وبعدين اغسليه بالمية..

طيب لو الصابونة يعني مارضيتش تجمد أرميها؟

هاتي الصابون اللي عملتيه وسيحيه على النار وابشري عليه صابون الغار وارفعيه من النار وجمديه في القوالب تاني.. عموما لازم تعرفي إن رغوة الصابونة دي قليلة ومش كتير..


التقشير بزيت الزيتون



المقادير:

فنجان قهوة زيت زيتون.
عصير نص ليمونة.
ملعقة كبيرة ملح.
نص فنجان سكر خشن (سكر عادي مش بودرة يعني).

الطريقة:

افركي جسمك بالمقادير السابقة 10 دقايق من أسفل لأعلى باتجاه دائري وبرفق، واغسلي جسمك بالصابونة اللي عملناها قبل كده واشطفي جسمك بالمية الدافية وبعدها مية باردة.


ماسك التقشير

والماسك ده بيستخدم لتقشير الجسم وإزالة الجلد الميت والتخلص من الخطوط البيضاء والدوالي كمان.. يعني بتاع كله..

المقادير:



عصير نص ليمونة.
معلقتين زيت زيتون.
3 معالق زيت لوز.
معلقتين زبادي.

الطريقة:

اخلطي المكونات دي كلها وحطيها على المناطق اللي عاوزة تقشريها، ولو عاوزة ممكن تحطيها على الجسم كله بكميات أكتر مع المحافظة على نفس النسب.. حطيها على الجسم كله أو المناطق اللي عاوزة تقشيرها وبس لمدة ساعة أو ساعتين أو طول الليل، وبعدين افركي الجسم لغاية ما يطلع الجلد الميت على شكل خيوط رمادية.


ملاحظة:
لو الخلطة دي نشفت على جسمك قوي ومارضيتش تتقشر اخلطي نفس المقادير وحطيها مرة أخرى 15 دقيقة وافركيها.

الحمام المغربي

والحمام المغربي ده من أحسن الوسائل لتقشير وتنعيم البشرة وتخليصها من الأوساخ والأتربة والدهون العالقة بيها وانا جبت ليكم المرة دي وبقدمه ليكم وتفاصيله كلها هقول لكم عليها..



الاسم: "الحمام المغربي"
الجنسية: "مغربي"
العمر: "لم يستدل عليه لأنه من زمان قوي بس تاريخه في مصر مش من بعيد، وازدادت شهرته في الآونة الأخيرة لسبب مجهول".


الفوايد

بعد الفحص والتمحيص طلع فعلاً فيه فوايد للحمام المغربي وأهم الفوايد دي:

1. تنظيف البشرة عن طريق إزالة الخلايا الميتة وخلافه.
2. بيساعد على فتح مسام البشرة وإزالة الخلايا الميتة وبالتالي بتتخلص من الحبوب والدهون فبتصبح البشرة في منتهى النعومة والرقة.
3. قد يساعد على تفتيح البشرة في حالة تكرار القيام به.


نصايح بتتقال قبل الحمام

1. ممنوع تقومي بالحمام وإنتِ جعانة أو صايمة، وده لأن الجسم بيفقد سوائل كتير بسبب البخار والحرارة العالية وبالتالي؛ علشان لا قدر الله ممكن تصابي بالهبوط لازم تاكلي قبل الحمام ولو حتى حاجة بسيطة.

2. ماتنسيش نفسك في الحمام والتزمي بالمدة المحددة لكل خطوة؛ لأن وجودك في البخار فترة طويلة ممكن يؤدي لا قدر الله للاختناق.. علشان كده بلاش تنسي نفسك ولو حسيتِ في أي لحظة إنك دايخة أو مخنوقة افتحي أي منفذ هوا بسرعة وبلاش تجني على نفسك لأن حياتك أهم من الحمام المغربي.


الطريقة

فيه طريقتين للحمام المغربي والاتنين ليهم نتايج مُرضية:

الطريقة رقم (1)


المطلوب:
1. ماء ساخن جداً.
2. صابون للجسم (اللي عملناه قبل كده).
3. ليفة مغربي خشنة ودي برضه هتلاقيها عند العطار.
4. إسفنجة ناعمة، ممكن تلاقيها في الصيدلية أو السوبر ماركت وبرضه عند العطار.


الخطوات:
1. اقفلي أي منفذ للهواء في الحمام يعني تقفلي الباب والشباك وحتى الشفاط.
2. افتحي المية السخنة في البانيو على الآخر لغاية ما يبقى فيه بخار جامد في الحمام وبعدين سدي البانيو واملي نصه من المية السخنة.
3. جيبي طبق وامليه مية سخنة جداً وحطي فيه اللوفة الخشنة.
4. المطلوب في هذه المرحلة إنك تعرضي جسمك لأكبر قدر ممكن من البخار وده مش هيحتاج وقت أكتر من 5 دقائق بس.
5. بعد ما جسمك ياخد الكمية المحترمة من البخار تبدئي تحطي الصابون المغربي على جسمك ووجهك بس طبعاً تبعديه عن عينيكِ خالص.. المهم ازاي تحطي الصابون..؟ تجيبي الصابون وتبدئي تفركيه على جسمك.. تفركيه بس من غير دعك، يعني بالراحة.. بلاش تاخدك الحماسة قوي أحسن تحصل لك التهابات.
6. سيبي الصابون على جسمك حوالي 10 دقائق.
7. اشطفي جسمك بالمية السخنة وبعدين حطي كمية تانية من الصابون بنفس الطريقة السابقة وسيبيه برضه لمدة 10 دقائق.
8. ممكن تستفيدي بالفترة دي في إنك تنضفي الكعبين بالحجر الحفاف (موجود عند العطار).
9. بعد ما تعدي الـ10 دقائق اشطفي جسمك من الصابون برضه بمية سخنة.
10. امسكي اللوفة الخشنة وابدئي في دعك جسمك (من غير الوجه) بشكل دائري وهتكتشفي المفاجأة وهي إن الخلايا الميتة في الجسم بتتشال بمنتهى السهولة.
11. بالنسبة لتنضيف الوجه بتستخدمي الإسفنجة الناعمة وده عن طريق مسح البشرة بحركة دائرية من غير الدعك أو الضغط عليها لأن الضغط على البشرة بيؤدي لظهور التجاعيد بدري.
12. دلوقتي بقى اشطفي جسمك كويس بالمية، واغسلي شعرك طبعاً، بس أهم حاجة ممنوع منعاً باتاً استخدام أي نوع من العطور أو مستحضرات التجميل اللي فيها عناصر كيمياوية، ولكن يفضل إنك تستخدمي الزيوت والمستحضرات الطبيعية وأحسن حاجة واللي أنصحك بيها هي زيت اللوز وده لأنه بيفتح البشرة ويلمعها، وممكن كمان إنك تضيفي ماء الورد للمية اللي بتشطفي جسمك بيها.


الطريقة رقم (2)

في الطريقة دي بتقومي بنفس خطوات الطريقة الأولى باستخدام نفس الطلبات وكل حاجة، بس الفرق الوحيد هو إنك لما تيجي تشطفي جسمك آخر مرة خالص تشطفيه بمية باردة جداً، يعني بتستخدمي مية سخنة جداً طول الحمام، وفي الآخر تستخدمي مية باردة جداً والحكمة من كده هو إن المية السخنة والبخار بيساعدوا على فتح مسام البشرة والمية الباردة بتساعد على غلق المسام دي..

بس أنا مش بافضّل الطريقة دي، وده لأن الجسم الطبيعي بيكون تعب من البخار والمية السخنة، وبالتالي هيكون صعب على أي واحد إنه يستحمل المية الباردة دي، بس طبعاً ده رأيي الشخصي وكل واحد ومقدرته..


ده بقى بمنتهى البساطة الحمام المغربي.. أظن الموضوع سهل جداً وممكن يتعمل في البيت من غير تكاليف كتيرة ومشوار رايح ومشوار جاي، ولو عندك أي سؤال أو استفسار انا كالعادة في الخدمة ومنتظرة اسمع منك تجربتك مع الحمام المغربي..

بنبدأ المرة دي بأول خطوات التفتيح وهي تفتيح الأماكن الغامقة بالجسم، زي البقع الداكنة اللي بتظهر في الوش أو الأماكن الغامقة في الجسم وكده يعني..

وهنعمل الخطوة دي الأول علشان نوحد لونه والخطوة دي بتسبق خطوة تفتيح الجسم بالكامل

تفتيح الأماكن الغامقة بالجسم

هنبدأ بالتفتيح بثنيات الجسم وهي مناطق الركبة والرقبة والكوعين. وده لأن المناطق دي بتتعرض دايما للاحتكاك سواء بالملابس زي الرقبة أو بالسند على الكراسي أو الترابيزات وده بيحصل مع الكوعين أو القعود عليها زي الركبة..


ماسك الشوفان بالليمون



المقادير:

معلقتين كبار شوفان.
معلقتين كبار عصير ليمون.

الطريقة:

اخلطي الشوفان وعصير الليمون مع بعض وادهني بيه مكان السواد في الركبة والكوع والرقبة وسيبيه لمدة ربع ساعة وافركيه برفق وشيليه بالمية الدافية وصابونة التفتيح اللي عملتيها، وبكده تاخدي الفايدتين مرة واحدة.

ماسك الدقيق




المقادير:

معلقة كبيرة دقيق أبيض.
نص كوباية لبن.
ذرة كركم.
عصير نص ليمونة.
منقوع التمر الهندي.

الطريقة:

اخلطي المقادير دي كلها مع بعض وغطي بيها الجسم لمدة 10 دقايق ثم دلكي برفق. والماسك ده استعمليه مرتين في الأسبوع لمدة أسبوعين وبعدين مرة كل أسبوع.



ماسك قشر الموالح



المقادير:

قشر ليمونة ناشف.
قشر برتقالة ناشف.
زيت اللوز المر.
زيت الجلسرين.

الطريقة:

هاتي قشر ليمونة ناشف وقشر برتقالة ناشف واطحنيهم لغاية ما ينعموا وحطيهم في علبة. خدي معلقتين أو حسب المنطقة المراد تفتيحها وضيفي ليهم خليط متجانس من زيت اللوز المر وزيت الجلسرين بالقطارة لغاية ما يبقى الخليط زي المعجون وافردي المعجون على المناطق السمراء 10 دقايق كل يوم.


زيت الخروع



وده مخصوص علشان تفتيح منطقة الإبط والمناطق الحساسة التانية اللي هي مشكلة بتعاني منها أغلب البنات خصوصا المقبلات على الزواج.

الطريقة:

تجيبي زيت الخروع وتدهني بيه المنطقة دي 3 مرات يوميا لمدة شهر وهتشوفي الفرق.


ماسك الملح



المقادير:

زيت الزيتون.
ليمون.
ملح.

الطريقة:

سخني زيت زيتون وحطيه وهو فاتر على المكان اللي عاوزة تفتحيه وادهني برفق لمدة 5 دقائق.. بعد كده هاتي ليمونة مقطوعة لنصين ورشي على وش الليمونة ملح وافركي بيها مكان الزيت.. اعملي كده مرتين كل يوم وقولي للسواد باي باي بإذن الله.


ماسك لتبييض الإيدين



المقادير:

1 معلقة كبيرة عصير ليمون طازج.
3 معالق صغيرة جلسرين.
1 معلقة صغيرة ماء بطاطس مُصفّى.
10 نقط من خلاصة البنزوين "اشتريه من عند الصيدلية".

الطريقة:

يضاف عصير الليمون للجلسرين ثم يضاف لهما ماء البطاطس. ثم يضاف البنزوين "اشتريه من عند الصيدلية" نقطة تلو الأخرى... يقلب الخليط جيداً.. يحفظ المستحضر في زجاجة ثم يُرجّ عدة مرات.. يمكن استعمال هذا المستحضر عدة مرات يومياً.


ماسك الرقبة وحاجات تانية




المقادير:

3 معالق جلسرين.
1 معالق فازلين.
1 معالق زيت زيتون.
صفار بيضة.
عصير ليمونة.
معلقة صغيرة خميرة.

الطريقة:

اخلطي المقادير كلها مع بعض وحطيها على الرقبة والمناطق التانية ساعتين كل يوم وهتشوفي بياض عمرك ما شفتيه قبل كده.

--------------------------------------------------------------------------------

تفتيح الجسم بالكامل

بعد ما خلصنا تفتيح المناطق الغامقة ندخل على تفتيح الجسم بالكامل.. فيه كذا طريقة لتفتيح الجسم بالكامل.. تعالي وشوفي..

ماسكات الحنة

الطريقة الأولى



المقادير:

نص فنجان حنة.
ربع فنجان ترمس مطحون.
شوية مية للعجن.
الطريقة:
اخلطي المقادير كلها مع بعض لغاية ما تبقى زي الكريمة، سيبي الخليط على الجسم 5 دقايق، وافركي الجسم بالليفة، واغسليه بالصابون اللي عملناه لغاية ما يزول لون الحنة تدريجيا، وادهني الجسم بخليط متساوي من زيت الأطفال وزيت اللوز المر وعصير ليمونتين.



الطريقة التانية

المقادير:

2 معلقة كبيرة حنة.
عصير ليمونة.
شوية زيت زيتون.

الطريقة:

اعجني الحنة بعصير الليمون وشوية زيت زيتون وسيبيها على الجسم دقيقتين أو تلاتة وشيليها بالمية والصابون.


الطريقة المغربية لتفتيح الجسم



المقادير:

5 معالق حنة.
8 معالق سكر.
5 معالق قرنفل مطحون.
معلقة صغيرة كركم ناعم.
زيت لوز أو سمسم.

الطريقة:

اخلطي المقادير الجافة كلها مع بعض، وحطيهم في علبة وعند الاستخدام خدي من الخلطة معلقتين، وضيفي ليها معلقة صغيرة زيت لوز أو زيت السمسم وسيبيه على الجسم ربع ساعة وبعدين شيليهم بمية كتيرة جدا، ويا سلام بقى لو تعملي بعد كده حمام مغربي... وابقي ادعي لي.

ماسك الفازلين



المقادير:

نص علبة فازلين صغيرة.
فنجان زيت الخروع.
فنجان زيت اللوز.
2 معلقة زيت السمسم.
عصير ليمونة ونص.

الطريقة:

اخلطي المكونات دي كلها وخليها على الجسم طول الليل واغسليها الصبح بالمية والصابون.

ماسك شمع العسل



وده بقى ماسك روعة لتفتيح وتنعيم الجسم بالكامل.

المقادير:

2 معلقة كبيرة زيت اللوز المر.
2 معلقة كبيرة زيت الورد.
1 معلقة كبيرة جلسرين سايل.
1 معلقة كبيرة شمع العسل.
1 معلقة كبيرة حلبة مطحونة.
1/4 معلقة عشبة الزيزفون مطحونة.

الطريقة:

اخلطي المكونات كلها مع بعض واعصري عليها نص ليمونة واستخدمي الخلطة دي يوميا لمدة أسبوع وبعدين مرة واحدة في الأسبوع وراح تشوفي الفرق..

الهالات السوداء

يعني إيه الهالات السوداء؟

قبل ما نعرف ازاي نعالجها لازم نعرف إيه هي الهالات السوداء، الهالات السوداء دي عبارة عن مناطق سوداء تحت العين بحيث يختلف لون الجلد حول العين عن الجلد في باقي الوجه.

ولازم كمان تعرفي إن فيه نوعين من الهالات السوداء.. فيه نوع بيصاحبه هرش وده بيبقى علامة من علامات التهاب مزمن أو حساسية بجلد الجفون والحساسية دي ممكن تكون بسبب استعمال أنواع معينة من أدوات التجميل السيئة أو استعمال أدوات تجميل خاصة بأحد المصابين بالحساسية أو التهاب مزمن في الجلد، وفي الحالات دي يستحسن الأول معرفة المسبب الرئيسي للحساسية ودي حاجة ممكن تلاحظيها بنفسك عند استعمالك نوع معين من الصابون أو البرفانات أو مستحضرات وأدوات التجميل بنفسك، إنت اللي هتعرفي إيه بيضر بشرتك وبيسبب لها الحساسية، وإيه مابيعملش كده، وفي حالة إنك ماقدرتيش تعرفي بنفسك لازم تستشيري دكتور متخصص في أمراض جلدية.

وفيه نوع تاني من الهالات السوداء ممكن التعامل معاه وعلاجه كمان وهو ده اللي هنتكلم عليه المرة دي..

أسبابها

1. الوراثة: الحقيقة العامل الوراثي بيلعب دور مهم جدا في الهالات السوداء؛ يعني فيه ناس مولودين بيها تقريبا أو على الأقل بيعانوا من الهالات السوداء منذ سنوات الطفولة الأولى وبتستمر طول حياتهم. وسبب المشكلة دي هو زيادة الميلانين في هذه المنطقة.

2. أسباب صحية: التصبغ في الجفن السفلي "الاسم العلمي للهالات السوداء" بيبقى ناتج عن رقة الجلد في المنطقة دي، وده بيؤدي إن المادة الصابغة للجلد بتبقى باينة قوي فبيبقى فيه اختلاف بين الجلد اللي تحت العين والجلد التاني.

3. أسباب متنوعة: ودول الحقيقة كذا سبب؛ أسباب بيئية، على سوء تغذية، على ضعف عام، وكده يعني وبنلخصها ليكم في كام نقطة:

1. تأثير الشمس الضار.
2. نقص الحديد والفيتامينات.
3. نقص الدهون في الجسم.
4. السهر وعدم النوم بعمق.
5. التدخين.
6. الهرش المستمر في الجفون واللي بيؤدي لاسوداد هذه المنطقة.

علاج الهالات السوداء

الحقيقة علاج الهالات السوداء بينقسم لشقين؛ شق بالامتناع عن الحاجات اللي بتسببها، وشق تجميلي اللي هو الماسكات الطبيعية.. وفيه كمان شوية وسايل مساعدة..


وسايل مساعدة

1.الرياضة في الهواء الطلق ودي بتزود مستوى الأكسجين في الدم اللي بيعطيه اللون الأحمر الزاهي وبيكسب الجلد لوناً وردياً.


2. النوم الكافي العميق والابتعاد عن السهر أو على الأقل مايكونش السهر كل يوم.

3. الامتناع عن التدخين؛ لأن النيكوتين بيؤدي لقبض الأوعية الدموية، وده بيؤدي لتلون الجلد باللون الداكن، وكمان بتؤدي المركبات الكربونية اللي في السجاير لتقليل كمية الأكسجين في الدم، فيصبح لون الجلد مضطرب.

4. عدم التعرض لأشعة الشمس مدة طويلة، فإن كان لا بد من ذلك، فيجب الامتناع عن التعرض المباشر للشمس من 11- 3 ظهرا، وإن كان لازم يبقى تحطي كريم حامي من أشعة الشمس الضارة (استشيري الصيدلي).

5. اعملي تمارين استرخاء لعضلات الوش بصورة مستديمة، استلقي لورا وحاولي تدلكي الوش في حركات دائرية وخاصة العينين.

6. احتفظي بجهازك الهضمي نضيف دايما، وتجنبي الإمساك والتخمرات؛ وده عن طريق تناول الفواكه والخضار الطازة.

7. خففي من تناول المنبهات مثل القهوة أو الشاي أو الكولا لأنهم بيحتووا على كافيين.

8. اشربي كميات كبيرة من المية والسوايل على هيئة عصاير فواكه طبيعية وتجنبي المواد الصناعية زي المشروبات الغازية والعصاير المحفوظة.

9. التقليل من المقليات والأكل المعلب والمجمد والتيك أواي عامة



ماسكات لعلاج الهالات السوداء

ماسك البقدونس



المقادير:

حزمة بقدونس.
نص معلقة زيت اللوز.

الطريقة:

اخلطي حزمة بقدونس صغيرة (الورق بس) مع معلقة زيت اللوز في الخلاط وحطيهم على الهالات السوداء لمدة نص ساعة وهتشوفي الفرق.

ماسك النعناع



المقادير:

ورق نعناع مخروط أو مدقوق.
معلقة ماء الورد.

الطريقة:

اخلطي ورق النعناع المدقوق مع ماء الورد وحطيه حول العينين مدة 5 إلى 10 دقائق.


زيت اللوز



دلكي المنطقة اللي حوالين العين يوميا بزيت اللوز قبل النوم.



شرائح الخيار

استخدمي شرائح الخيار ككمادات حول العينين مدة 20 دقيقة. وبعد الخيار حطي كمادات قطن مبلولة بمية الورد لمدة 10 دقايق وحاولي تعملي الحكاية دي كل يومين.

"حب الشباب"..
ليه بييجي وازاي يعالجوه وكمان ازاي تبقى الوقاية منه..

ولأن إنتم عارفين إن طلباتكم عندنا أوامر قررنا في العدد ده إننا نكلمكم عن حب الشباب، ونجاوب على كل أسئلتكم

مستنين إيه تعالوا وشوفوا
إيه هو؟؟

أول حاجة نتكلم عنها الهلع اللي بيصيب البنات لما تبص في المرايا وتلاقي وشها بهدلته الحبوب والبثور بتاعة حب الشباب، وتبدأ تسأل ده وده وتجرب الكريم الفلاني والماسك العلاني علشان تصلح وماتعرفش وهي بتعمل كده إنها بتضر بشرتها أكتر، وممكن يحصل ليها مضاعفات تزود من حب الشباب لأنها ببساطة مش عارفة إن حب الشباب ده أنواع مش حاجة واحدة.

وقبل ما نعرف أنواعه لازم نعرف إيه هو أساسا..

حب الشباب عبارة عن حبوب بتظهر في الوجه في سن المراهقة، ده في الغالب، وإن كان فيه أنواع ممكن تظهر بعد كده. ونبدأ بالحبوب دي، وليها لونين أسود وأبيض.

أنواعه

السوداء أو الرءوس السوداء: وبتتسمى بالسوداء لأن رأس الحباية بيبقى لونه أسود أما اسمها العلمي فهو "الكوميدون".

والحبوب دي بتتكون نتيجة تجمع المادة الملونة اللي بنسميها الميلانين، وهي عبارة عن صبغة بتفرزها خلايا تحت الجلد في قنوات الغدد الدهنية وبتظهر الرءوس السوداء على هيئة نقطة سودا في البشرة بتطلع مادة لونها أبيض كريمي.


البيضاء أو الرءوس البيضاء: ودي بقى بتشبه في حجمها حجم الرءوس السوداء وبتصل إلى 2 مم- وغالبا ما بيزيد عددها عن عدد الرءوس السودا بنسبة 1:5 وبيكون لونها لون الجلد، وعلشان كده بيصعب رؤية المكان اللي بتتسلل منه الزيوت والبكتيريا.

وعلشان كده لو رحتِ لدكتور هتلاقيه بيشد الجلد، وبيفحصه في ضوء جيد لمشاهدة الرءوس البيضاء. وممكن تلاقي الرءوس البيضاء بتتحول إلى بقع ملتهبة، وده علشان المادة الموجودة في الرءوس السوداء يمكنها الخروج بسهولة أكثر.
طب ليه؟؟

في البداية خالص لازم تعرفي إن حب الشباب بيكون نتيجة لتغير الهرمونات في فترة البلوغ وبيصيب أكتر من 70% من الشباب وبيزيد في الولاد عن البنات..

هتقولي لي ليه بالذات في سن البلوغ؟.. هاقول لحضرتك علشان في الفترة دي بتبدأ الهرمونات تحفز الغدد الدهنية إنها تكون نشيطة، وده بيسبب زيادة الإفرازات اللي بتؤدي لظهور حب الشباب.



وقبل ما تقولي يعني الحكاية كلها مالهاش علاج، نحب نقول ليكِ إن فيه عوامل مساعدة بتزود من حب الشباب ده وبتساهم في زيادته زي الأسباب دي:

1. زيادة الدهون في البشرة: البشرة الدهنية أكتر عرضة للإصابة بحب الشباب وده لأنها بتختزن الدهون؛ نتيجة لاتساع مسام البشرة اللي بيؤدي للإفرازات الدهنية، ونتيجة لامتزاج الدهون دي مع العرق والحر بتتأكسد وبتسبب الحبوب السودا والبيضا.

2. البكتيريا: ودي بتكون موجودة في الجو نتيجة للتلوث البيئي.

3. عوامل فسيولوجية: زي قرب حدوث الدورة الشهرية، وأثناء الحمل بسبب التغيرات اللي بتحصل في الهرمونات.

4. عوامل نفسية: بسبب القلق والتوتر اللي بيصاحب الامتحانات على سبيل المثال وكمان الأوقات اللي العروسة بتحضر فيها للجواز وأي حالة نفسية سيئة بتمر بيها.

5. الأكل: تناول الدهون والنشويات والسكريات؛ لأنهم كلها بتتحول في الجسم لمواد دهنية.


بس مش معنى كده إن حب الشباب لازم هيجيلك.. لأ، فيه حاجات تقدري تعمليها علشان ماتديش لحب الشباب فرصة إنه يجيلك أساسا وعلشان كده بنقول ليكِ إن الوقاية خير من العلاج.

خلّي بالك

1. حاولي إنك تنوعي في أكلك وركزي أكتر على الخضار والفاكهة وقللي من النشويات والتيك أواي وأي حاجة بتحتوي على دهون كتير علشان الدهون من أحد الأسباب اللي بتساعد على ظهور حب الشباب.





2. اهتمي بغسيل وشك على الأقل مرتين في اليوم باستخدام الصابون المناسب لنوع بشرتك والميه الدافية، وابعدي عن الصابون اللي بيحتوي على مواد كيمائية مضرة بالبشرة، واعرفي إن أحسن أنواع الصابون هو اللي بيحتوي على مواد طبيعية زي زيت الزيتون وزيت اللوز.

3. إياكِ تستخدمي أدوات الماكياج أو فوط أو مناديل تلامس بشرتك تكون خاصة بحد تاني مهما كان قريب منك.

4. حاولي تبعدي عن القلق والتوتر على قد ما تقدري علشان التوتر والقلق من العوامل اللي بتظهر حب الشباب وبتساعد على زيادته.

5. حاولي تبعدي خالص عن استخدام الماكياج في الفترة دي، يعني سن المراهقة، وده، بالإضافة إنه هيبعد عنك شبح الإصابة بحب الشباب، كمان هيخلي بشرتك ناضرة ومتمتعة بطفولتها.




6. ماتستعمليش أي كريمات أو غسول للوجه بدون التأكد من مصدره ومن جودة مكوناته، ده طبعا بعد ما تتأكدي إنه مناسب لنوع بشرتك، لأن استعمال كريمات مش مناسبة لنوع البشرة بيؤدي لتحول البشرة.. يعني ممكن تبقى بشرتك عادية وتقلب دهنية بسبب استخدامك كريمات مش مناسبة.
الحل إيه؟؟

قبل ما نقول على الحل في حب الشباب فيه شوية نصايح لازم نقول عليها لو جالك حب الشباب..



1. ماتسمعيش كلام اللي يقول إن فيه مرطبات أو كريمات موجودة في الصيدليات بتساعد على علاج حب الشباب أو تقلل من أسباب ظهوره؛ لأن الكريمات دي بتبقى محتاجة إنك تسألي دكتور علشان فيه بعضها بيسبب جفاف للبشرة، وكمان فيه مكونات بتسبب حساسية وده علشان لكل بشرة نوع معين من الكريم.

2. ماتحاوليش إنك تستخدمي أكتر من نوع كريم في وقت واحد لأن تعارض مكونات الكريمات مع بعضها بتؤدي إلى ظهور حب الشباب.

3. ماتحاوليش أبدا إنك تلعبي في حب الشباب الظاهر في وشك علشان ده بيؤدي لزيادة الإلتهابات بالإضافة إلى أنه بيترك أثر في الوجه بيقى شكله مش حلو وكمان بيسيب أثر دائم.

4. كمان ماتسمعيش اللي يقول إن أشعة الشمس بتساعد على التخلص من حب الشباب لأن الكلام ده غلط خالص؛ علشان أشعة الشمس بتساعد على ظهور التجاعيد بسرعة وإنتِ لسه صغيرة قوي.

5. بس خلّي بالك إن فيه حالات من حب الشباب بتبقى محتاجة إنك تروحي للدكتور علشان تاخدي العلاج المناسب، وفيه ساعات حالات بيبقى لازم فيها تدخل تجميلي بس نطمنك لأن ده بيكون في الحالات الشديدة بس.

وعلشان نكون بنفذ طلباتكم هنقول ليكِ على كام وصفة طبيعية ممكن إنك تجربيهم والوصفات دي مش هتكلفك حاجة خالص لأنك هتلاقيها في البيت.

ماسك الكرنب أو الخس





وده بإنك تسيبي ورق الكرنب أو الخس يغلي بشدة وتاخدي المية المغلية دي بس بعد ما تبرد وتغسلي بيها الأماكن اللي فيها حبوب، وده باستخدام قطعة قطن مبلولة بالمية. وممكن تحطي المية في الثلاجة لاستخدامها أكتر من مرة.

ماسك الجزر





ابشرى الجزر بدون ما تقشريه وضيفي عليه ليمونة وسيبيهم نص ساعة، وبعدين حطيه على وشك. والماسك ده يا ستي بيخلّي لون البشرة صافي وبيزيل التجاعيد والبثور وبيخلص الوجه من أي شوائب عليه.

ماسك الرده

وده بإنك تخلطي الرده مع اللبن وتحطي الخليط ده على وشك، ثم تغسلي وشك بالمية الدافية والماسك ده بيعقم وشك وبيمنع ظهور حب الشباب.

خميرة بيرة

هاتي خميرة بيرة ودوبيها في مية واشربي كوباية منها بعد كل وجبة غدا، وده لأن الخميرة البيرة بتحتوي على فيتامين "ب" اللي بيكون علاج فعال في علاج حب الشباب.


ماسك العسل مع الليمون والجلسرين





وده عبارة عن خليط مكون من 6 معالق كبيرة عسل ومعلقة كبيرة جلسرين ومعلقة عصير ليمون مع بعض، وادهني بيهم الوجه وسيبيه لمدة ساعة وبعدين شيليه واغسلي وشك بالمية وهتشوفي النتيجة.


ماسك عصير الخيار

وده عبارة عن إنك تضربي الخيار في الخلاط وتدهني بيه وشك باستخدام قطنة وتتركيه على وشك لمدة ربع ساعة، وبعدين تغسلي وشك بالمية الدافية. واظبي على عمل الماسك ده يوميا ولمدة شهر واحد فقط.

بكده نكون قدمنا ليكم كل حاجة عن حب الشباب.. يارب الموضوع يعجبكم، والأهم إنه يفيدكم إن شاء الله.

لتجاعيــــــد الــوجـــه.......
أ- طحين الحلبة مع زيت الزيتون ككريم يدهن به الوجه قبل النوم فإنه يشد التجاعيـــيد.
ب- يغس الوجه من حين لأخر بماء سلوقت فيه الخبيزة ثم يتبعها دهن بزيت الزيتون.
ج- يؤخذ قشر الخيار الاخضر ويوضع على الوجه بباطنه والانسان مستلقي على ظهره لمده دقائق ثم تلقى وتكرر هذه من حين لاخر ........ (مــــجـــرب)
تطحن حبه سوداء وتعجن في ماء ورد وعسل نحل مع زلال بيض ويضرب جميعا كالكريم ويدهن به ربع ساعه ويغسل بعدها الوجه ثم يدهن بعد التجفيف بزيت الزيتون (مــــجـــرب)

لبشرة بيضاء و ناعمة .. زي الحرير


عندي لكم وصفة ( سهلة جداً ) أنا عن نفسي بعملها لتفتيح لون بشرتي و لتنعيمها و حبيت أفيدكم بيها
الوصفة عبارة عن :
ترمس مطحون ينقع في الماء علي الأقل ساعة ثم تأخذي الترمس (وليس الماء فقط )و تفركي بيه وجهك أو جسمك
ثم تتركيه الي أن يجف ( حوالي 15 دقيقة) ثم تغسلي و جهك بعد ذلك و إن شاء الله هتكون النتيجة رائعة و هتحسوا بالفرق

((البشـــــــرة ....ومتطلباتهــــــا ))


مع تعدد انواع كريمات البشرة المخصصة لليل والنهار،
وتلك المستعملة في عملية ازالة الخلايا الميتة،
وغيرها من المستحضرات والسوائل التي تغص بها المحلات التجارية،
تتحول العناية اليومية بالبشرة الى شبه مغامرة من حيث معرفة الافضل واختيار المناسب.
ولتبـسيط هـذه المهـمة نقسمها الى مرحلتين:
الاولى هي تحديد نوع البشرة واحتياجاتها،
والثانية اختيار المستحضرات المناسبة لها.

ان تحديد نوع البشـرة امر سـهل، وهــو اول ما يجـب ان تقـوم به كـل امـرأة قــبل ان تضـع اي مستحـضر على وجـهها،

وهو يتم على الشكل التالي:
نغسل الوجه ونجففه، ثم نتركه لمدة ثلاث ساعات من دون ان نضع عليه أي كريم أو مرطب، ثم اضغطي عليه باستعمال منديل ورقي واقرأي النتائج وفقاً لما يلي:
* تكون البشرة عادية اذا لم تظهر على الورقة أية مواد دهنية ولم تشعري بشد او جفاف في الوجه.
* تكون البشرة جافة اذا لم تظهر على الورقة آثار مواد دهنية، لكن يظهر شعور بجفاف وشد في بشرة الوجه.
* تكون البشرة دهنية اذا ظهرت آثار المواد الدهنية على المنديل حين ضغطه على الجبين والانف والخدين.
* تكون البشرة مختلطة (اي دهنية وعادية، او دهنية وجافة)، اذا ظهرت المواد الدهنية على الجبين والانف من دون الخدين.
* تكون البشرة حساسة اذا كانت تميل نحو الجفاف، وتتأثر ببعض المستحضرات فتصبح حمراء ومتهيجة.
عليك ألا تنسي ان طبيعة البشرة تتغير وفقاً للمناخ والفصل والسن.

وهذه طريقه اخرى لإختبار نوع البشرة :
الطريقة السهلة التي يمكن بها أن تتعرف المرأة على نوعية بشرتها،
بأن تضغط بأصابعها عند منطقة الحاجبين،
حينها ستظهر مجموعة من الخطوط وهنا يمكنك تحديد نوع بشرتك عن طريق تلك الخطوط،
فإذا كانت الخطوط كثيرة فهذا دليل على أن بشرتك جافة،
أما إذا كانت الخطوط أقل من 4 خطوط هنا تكون بشرتك عادية،
أما إذا كانت الخطوط عبارة عن خط أو إثنين في هذه الحالة تكون بشرتك دهينة.


وهذا يحتم ضرورة استبدال المستحضرات المستعملة في الشتاء بمستحضرات أخرى في الصيف. كما ان التقدم في العمر يستوجب استعمال مستحضرات خاصة لا سيما عند بلوغ المرأة سن اليأس، اذ تصبح الغدد التي تفـرز المـواد الدهنـية اقـل انتـاجية، لذلك فـإن البـشرة الجـافة ستـصبح اكثر جفافاً. وحينها يجب اعتماد كريمات كثيفة مدعمة بمواد مقاومة لتأثير الشيخوخة.

* وتسهيلاً لعملية اختيار المجموعة المناسبة للعناية اليومية، نقترح ما يلي:

* للبشرة العادية:
ان اختيار اي مستحضر يجب ان يكون على اساس المحافظة على توازنها ورطوبتها لكي تبقى مشرقة، لذلك استعملي غسولاً لطيفاً مع الماء عند الصباح والمساء، مع تجنب الصابون الذي يحتوي على مواد يمكن ان تجفف البشرة. ويمكن اختيار غسول بالحليب او الكريم،
بعد التنظيف، وزعي كريماً مرطباً على كامل وجهك، ومن المفضل ألا يتم تجفيفها بشكل كامل عند الغسل حتى نحافظ على اكبر قدر ممكن من الرطوبة. وبالنسبة الى كريم النهار، يفضل ان يحتوي على نسبة حماية SPF لا تقل عن 15، وللحفاظ على بشرة مشرقة، لا بد من ازالة الخلايا الميتة كل مساء بعد التنظيف، لذلك يجب اختيار مستحضرات تحتوي على حوامض الفاكهة،

* البشرة الجافة:
تحتاج هذه البشرة الى مستحضرات توفر ترطيباً مهماً للجلد لكي يبقى ناعماً وطرياً وتجنبه الجفاف والحساسية. لتنظيف بشرتك، اغسلي وجهك مرة واحدة في اليوم قبل النوم باستعمال غسول يحتوي على الحليب لازالة ما تبقى من الاوساخ والدهون والماكياج، ثم اكتفي بغسل الوجه بالماء فقط في الصباح.
اما كريم النهار، فيجب ان يكون كثيفاً، ويجب توزيعه على بشرة رطبة صباحاً ومساء، وكلما كان كثيفاً وغنياً بالحليب ساهم في ترطيب الوجه. ويجب ان يحتوي هذا الكريم على المواد التالية: الحمض الهيالوريني، الغليسيرين،
وللحماية من الشمس تحتاج هـذه البـشرة الى كـريم واق برقـم حمـاية 15 او اكثـر، كمـا يمكن استعـمال كـريم النـهار بـتركيبة مزدوجة تحتوي على حماية. لمزيد من الاشراق، ومرة في الاسبوع يمكن استعمال كريم يحتوي على الريتينول او حوامض الفاكهة. فالريتينول يساهم في زيادة انتاج الكولاجين الذي يساهم بدوره بتنعيم البشرة،
اما الحوامض فتزيل الخلايا الميتة وتبرز الطبقات النضرة من الجلد.

* البشرة الدهنية:
تحتاج البشرة الدهنية الى التنظيف العميق، لكن دون القضاء على الزيوت الطـبيعية الضرورية لحمايتها وتغذيتها، كما تحتاج الى ازالة اللمعان وتجـنب ظهور الشوائب كحب الشباب مثلاً على سطحها.
تغسل البشرة الدهنية مرتين في اليوم باستعمال غسول يناسبها يكون خالياً من الصابون، كما يمكن اعتماد منظف يحتوي على الحمض الصلصالي Salicylic acid، الذي يعالج تهيجات الجلد وينظف المسام من كل شائبة قد تؤدي الى ظهور حب الشباب، وفي حال كانت البشرة ناعمة وعادية بعد عملية التنظيف، يمكن التخلي عن كريم الترطيب.
اما اذا كانت مشدودة بعض الشيء، فيجب استعمال لوشن خال من المواد الدهنية.
في الليل، يمكن توزيع «لوشن» غني بالفيتامين A على البشرة او وضع مزيل للخلايا الميتة،

*البشرة المختلطة:
التي تجمع حاجات نوعين من البشرة، لذلك يجب منع منطقة الجبين والانف ومحيط الفم من افراز المواد الدهنية، وترطيب المناطق الجافة. تنظف هذه البشرة باستعمال غسول خال من الصابون لكيلا تزيد من جفاف المناطق الجافة .
اما كريم النهار، فيجب ان يكون خفيفاً وخالياً من الزيوت، نوزعه على كامل الوجه مع اضافة لوشن كثيف في المناطق الجافة. ، ويحتاج هذا النوع من البشرة الى حماية ايضاً، لذلك لا بد من استعمال كريم واق على كل الوجه.
ويمـكن اعتـماد كريم نهاري يفوق رقم حمايته 15SPF.

* البشرة الحساسة:
يتطلب هذا النوع من البشرة تنظيفا وترطيباً ومعالجة من دون اثارة الحساسية. يُغسل الوجه بغسول خال من الصابون والعطر، مع ضرورة تجنب كل ما يحتوي على الحوامض والمواد الحافظة، كـ «الإيثانول» Ethanol، و«البروبيلين غليكول» Propylene Clycol.
وتجنب الكريمات المرطبة ذات الرائحة او الملونة، ومن الافضل استعمال مرطب ذي مكونات قليلة صباحاً ومساء. كذلك، يجب استعمال كريم واق من الشمس على ان يكون خالياً من الرائحة.
المستحضرات التي تحتوي على مواد طبيعية كأوكسيد الزينك وديوكسيد التينانيوم، هي افضل للبشرة الحساسة من تلك التي تحتوي على مواد كيمياوية. ومن الضروري تجنب أستعمال كريمات ازالة الخلايا الميتة التي تحتوي على حوامض الفاكهة او على حبيبات قاسية، لإنها يمكن ان تثير حساسية الجلد. بالمقابل، يمكن اختيار كريمات مضادة للاكسدة كتلك التي تحتوي على الفيتامين C،

* مستحضرات اخرى:
بعد اختيار المجموعة المناسبة من الكريمات الخاصة بالعناية اليومية للبشرة، التي تتألف عادة من
منظف
وكريم للنهار
وكريم واق
وكريم لازالة الخلايا الميتة،
يمكن استعمال مستحضرات اضافية لمزيد من النظافة والنعومة في آن، وابرز هذه المستحضرات:
السائل المنظف او ما يعرف بـ Toner،

وهو يستعمل عادة على قطعة قطن بعد التنظيف بالغسول ويساهم في ازالة ما تبقى من اوساخ او ماكياج عن البشرة،
لكن بعض اطباء الجلد يؤكدون اليوم امكانية الاستغناء عن هذا السائل في حال استعمال غسول جيد.
وتفضل معظم النساء استعمال هذا السائل، اذ يشعرهن بنعومة البشرة وبأنها مشدودة، لكن هذا الاحساس هو في الواقع دليل على الجفاف، لذلك لا يمكن اعتماد هذا السائل الا من قبل اللواتي يعانين من بشرة دهنية او من حب الشباب.
وتوجد في الاسواق اليوم تركيبات جد متطورة من سائل التنظيف، ويجب اختيار النوع الخالي من الدهون او المناسب للبشرة التي تعاني من مشكلة حب الشباب في حال وجودها،
وان كان هذا السائل يشد البشرة بشكل مزعج، يجب التوقف عن استعماله يومياً والاكتفاء به مرة كل يومين.
القطن او الاسفنج المستعمل في عملية التنظيف:




ان الخطر الكبير الذي يواجهنا هو البكتيريا التي يمكن ان تنشأ في الاسفنج او القطن بعد عدة استعمالات، لذلك تركز الشركات اليوم على انتاج انواع للاستعمال الواحد لترمى بعده.
ومن هذه الانواع ما هو محفوظ بالماء او الذي يكون رطباً عند فتحه، فلا نضطر لوضع الماء على وجهنا حتى،
لكن يجب ان نتذكر ان هذا النوع من القطن او الاسفنج لا يزيل الاوساخ والماكياج، كما تزيله الانسجة المبللة بالماء العادي، لذلك من المفضل استعمال النوع الاخير.

كريم محيط العينين:
ان هذا الكريم مصمم بشكل أدق واغنى من المرطب العادي لكي يحمي ويغذي دون ان يؤذي منطقة محيط العين الحساسة، وعند اختياره يجب أن يكون خالياً من الرائحة ومن مادة الـ «البروبيلين غليكول» Propylene Glycol،
لانها مادة حافظة مهيجة.
في المقابل يجب ان يحتوي كريم العينين على الحمض الهيالوريني، وهي مادة طبيعية تساعد على حفظ الماء في خلايا بشرة المنطقة المحيطة بالعينين، الامر الذي يجنب ظهور التجاعيد،
كما يجب ان يحتوي على السيليكون وعلى «الديميثيكون» Dimethicone، اللذين يساهمان في ازالة التجاعيد ولو بشكل مؤقت،
كما يجب ان يدخل الفيتامين K في التركيبة كونه يحارب السواد تحت العين.
ويساهم الكافيين في التخفيف من الالتهاب والاحمرار،
ويتم وضع هذا الكريم بعد عملية التنظيف، ويدلك محيط العين عند العظام الموجودة في اعلى الخد والموجودة فوق العين من الداخل نحو الخارج.

مشكوره اختي الغاليه على الملف الروعه ^_^

مشكورة اخيتى على المرور الحلوااا

والله لا يحرمنا من تواجدك الدائم

وننتظر منك المزيد من المشاركات الحلوة

وموفقين لكل خير

أختكم طفوف

افاااا ماهقيتهاا منكم كل هذا التعب

ولا وحدة ردت ماقوال الى الله يسامحكم

وموفقين لكل خير

أختكم طفوف

تسلميييييييييين على الموضوع القمة

مشكورة اخيتى على المرور الحلوااا

والله لا يحرمنا من تواجدك الدائم

وننتظر منك المزيد من المشاركات الحلوة

وموفقين لكل خير

أختكم طفوف

::
::

غاليتي
طفوف

:

موضوع راائع
ومميز
بانتظار القادم
بكل الشوق

:

دمتي بود
:

قلبكم الحنون

والله كل يوم اتابع موضوعك الحلو والراااااااااااائع..

والحين عندي طلب صغيييييييرون..

اريد اطبع ملفك الحلو اذا ممكن لازم ناخذ اذن اول.....

مشكورين اخواتى على المرور الحلوااا

مافي مشكلة اخيتى تقدري ان تطبعينهم

والله لا يحرمنا من تواجدك الدائم

وننتظر منك المزيد من المشاركات الحلوة

وموفقين لكل خير

أختكم طفوف

مشكوووووووووووووووووورة خيتو عيل اليوم راح اطبعهم وانتظر جديدك...

غاليتي
طفوف

:

موضوع راائع
ومميز
بانتظار القادم
بكل الشوق