سمنتك تحرمك من الحمل..فلنتعاون..لتحقيق "حــلــم الأمــومـــة "باذن الله

VIP Lady;8857798:

اي .. قاعدة أدور على ريجيم سنع نلتزم فيه 10 أيام و بالكثير أسبوعين .. و على قولتج يا ريت عندنا طباخ .. لان أنا بعد مثلج أتملل أسوي اليي شيء .. أنا أصلا جم يوم ما طبخت لزوجي .. واليوم استحيت وقلت بأسوي اله كشري لأنه سهل و يستوي هالحزة .. الله يستر وما أكل منه .. الكشري كل نشوياااااات

وعن الموعد .. بيني وبينج كنت متحيرة أروح أو لا .. قعدت الصبح الساعة 8 وكان فيني نومة و كملت النومة .. و ما قعدت بعدين الا 11 .. الموعد 11 و ربع ما يمديني اتسبح و أروح فكملت النوومة :cool:
و لاني توني مأخذة الجلوكوفاج صارلي 3 أيام .. واهيا قالتلي تعالي بعد اسبوعين على أساس اني اخذتهم طوال هالأسبوعين .. عرفتي !!

اي نايمة عندهم ليلة الأربعين .. أنا عادي بين فترة وفترة أروح أنام عندهم لأن زوجي شفتات وأخر ليل وأتملل اقعد بروحي

عقبال ما تحملين و تولدين .. بعدين غصب بتروحين تنامين عندهم أيام النفاس :tongue:

[/center]

حلم السعادة;8858727:

لا تاااااااااكلين كشري هههههههه بلاوي الكشري ههههه

يبي لنا رجيم محترم ههه تعالي صج شخبارج ويه الجلوكوفاج اشصار معاج اول ما اكلتيه :ss:
شنهي الاعراض الي حسيتهم هههههه الحين متى تروحين حق الدكتوره ؟ ايام الدوره او بعدها ؟

عاد تصدقين خيوه انا قايله اذا الله عطاني ماراح اروح بيت ابوي بخلي امي تجي وياي الشقه

ههههههههههههه مالي خلق ازعاج وبيت ابوي كله ازعاج اعيال اخواني مزعجين وكل واحد ادلع من الثاني وخبرج ادلع لين زاد عن حده يصير الياهل ثقيل دم :o والقهر امهاتهم يزعلون لين تكلمتي وياهم وقلتي لهم سكتوو يعني لازم اخليهم على راحتهم ولا اتكلم ولا حرف :ss:

حلم السعادة;8858873:

بنااااااااااااااات

تعالووووووووووووووووووووووووووووووو بقوووووووووووووول لكم عن وصفه عصيررر خطيره
حق الدايت والي سواها حط لها اسم ههههههه تتوقعون شنو سماها ههههه


شراب الرجيم


المهم المكونات
كيوي
ببايه
قريب فروت
تفاح اخضر
برتقال عادي
طبعا بدون ماي تسونه ولا تحطون شكر
خلطو جميع المقادير بخلاط ومن بدال الماي عصرو برتقاله
وشربوه وسو هالخلطه يوم بالاسبوع على الاقل

على فكره هالخلطه واحد من اهلي يسويها له واهو الي سمها هالاسم واهو كان متين
ومع الدايت والرياضه ضعف وكان يشرب هالخلطه ويقولي عنها وايد زينه تساعد في تخفيف الوزن

وسلامتكم يا حبيباتي اتمنى اني افدتكم وجربوها :D

VIP Lady;8859502:

اووووه .. توه الكشري مستوي .. وأنا ما سويت اليي شيء :ss: جان بطني يقولي : كلي شوي كشري .. عقلي قال لااااااااا : و رحت كليت خيارة وحدة ريحة الكشري تشهي وأخاف أخبصها <<<<<<<<<< عذاااااااااااب

شنو أتغذذذذذذذى :( .. شنو غذاج حلومة طرشيلي :tongue:

الجلوكوفاج يختي .. ما حسيت باي أعراض الي تقولون عنها .. غير أول يومين كنت كل أحس تعبانة و بطني ورأسي كل يعورني .. بس ما أدري اذا كان من الجلوكوفاج أو من الدورة لان كانت أيامها و ذبحتني حتى نزلت .. أو من تعب السفر
بس ما جاني اسهال و لا غثيان و لا شيء .. الحمد لله
يمكن لأن الجرعة بسيطة .. حبة وحدة 500 mg .. أنا أذكر حتى الدكتورة قالتلي انا عطيتج حبة وحدة عقب العشا اخذها عشان لا اتعب و لا أدري ..

وبعد أنا قريت في الورقة الي تجي معاه .. ولا أدري هل أنا فهمت غلط أو صح .. ان الي يعاني من هالاضطرابات يكون معدل السكر في دمه مضطرب وايد بس يمكن هذا لمرضى السكري و بس ..

ليش أروح للدكتورة أيام الدورة لو بعدها ؟؟ اخر موعد كانت بتعطيني دوا على قولتها للحمل .. بس لأن بأسافر قالت للموعد الجاي الي أنا ما رحته .. ان شاء الله اليوم باتصل وبأخذ موعد جديد <<< باردة اني لا :tongue:

الله يعطيج خيووه .. وخلي أمج تجي وياج ما عليه .. ما عندها الأ أنتي اكيد بتدلعج :wink:
أنا أفضل أروح بيت أهلي .. استانس مع خواتي و لأن أنا ساكنة بعيد عنهم << من كبر البحرين يعني

راح نجربه .. بس أنا ما أحب البابايا
بس بنجرب وش ورانا كل شيء نجربه ..
العصارة مالتنا انكسرت و ما خذينا وحدة جديدة للحين .. لان مالتنا جديدة خسارة .. اليوم رحت خذيت مال بيت عمي جان أسوي الصلصة مال الكشري .. كل يومين بأروح أستأجرها من عندهم :tongue:


بللللللللللل وايد هدرررررررت الحين <<< مو منج من الفضاية :tongue:

[/center]

شفاء;8867972:
بنات اسالكم براءة الذمه بكره ان شاء الله ماشيه

زوجة المهندس;8869116:
هلا حلوووووومة مشكورة على هلخلطة بس الكسل يعمل الهوايل بس راح احكي لزوجي عنها عشان نسويها مش عارفة شو ماله ماشاء الله شااااااااااااااد حيله على الأخي حتى مو مسترجية اقله اخربها اتفشششششششششششل ههههههه صاير صارم بالرجيم وداير باله على السعرات الحرارية كثيييييير تخيلو ايش تعشينا
خيار وخس وبرتقال وشوربة حارقة الحمد لله على النعمة
بس طفففففففففشت لأنه البيت فاضي لما تكون الثلاجة مليانة اتشجع اسوي رجيم الحين مو مصدقة زوجي يفضى وياخذني على السوبر ماركت بس والله رجيم صاااااااااارم حاسة حالي بمعسكر ههههههههههههههههههه
احسن استاهل عشان اتعلم كيف اخبص مرة ثانية لازم اوصل لل63 لااااااااااااااااازم ماراح استسلم الا يوم الخميس لازم اخبص وزوجي مو راضي يقلي حتى بنهاية الأسبوع ماراح اخبص مشكلة فشلة اخبص وهو صامد صح<<<<<<<<<<<<لاحظتو اني تكلمت كثير بس من الفضاووة هههههه
واحلى حاجة كل مابدي اخبص بقلي تذهب لذة الطعام ويبقى شكلك القبيح خخخخخخخخخخخخخخخخخخخخخخخخ
انا الغلطانة اللي علمته اياها صار يمسكها علي
ها بنات ما اوصيكم الماء ثم الماء ثم الماء
فظيييييييييييييييع للتنحيف فظيييييييع
واختي شفاء في حفظ الله استودعك الله الذي لاتضيع ودائعه ولاتنسينا من صالح دعائك

حلم السعادة;8864215:

اشوه ما كليتين منه طاوعتي عقلج ههههههه

انا الله يسلمج ما سويت غده ومااكلت شي غير شربت قهوه تركيه واكلت طلع النخيل :o
ابوي يايبنه لي قايل لي اكلي منه الى مدى 7 ايام انتي وريلج :o ريال عاطنه هالوصفه هههه
قلنا خله نجرب اشورانا ههههه
حمدالله ما صادج اعراض الي تصيدني هههه بس انا الحين خلاص عادي اشرب مافي اعراض
غير الاسهال تكرمين وبنسبه الى الموعد اهيا لازمتتابع معاج التبويض بما انه يتج الدوره فاعتقد ما بتعطيج الدوه الحين الا في الدوره اليايه لانه الحبوب الي بتعطيج اياه يكبر البويضات ينشطهم ولازم تستخدمينه من ثاني يوم الدوره وبعدين بتابع معاج ايام التبويض واذا كل شي اوكي راح تعطيج ابره تفجيريه <<<<<< كاني اني الدكتوره هههه ماخليت لها شي ههههه
فاضيه له ماعندي شي شسوي لازم اهدر هههههه
سمعي اذا الجيك مال الخلاط منكسر ترى رامز يبيعون :D مره جفت وحده تفتر اهناك حامله جيك خلاطه مالها مكسور وتدور على واحد مثله هههههه <<<<مراقبه ههههه

انا بعد مااحب البابايا :ss:

شفاء;8867972:
بنات اسالكم براءة الذمه بكره ان شاء الله ماشيه

زوجة المهندس;8869116:
هلا حلوووووومة مشكورة على هلخلطة بس الكسل يعمل الهوايل بس راح احكي لزوجي عنها عشان نسويها مش عارفة شو ماله ماشاء الله شااااااااااااااد حيله على الأخي حتى مو مسترجية اقله اخربها اتفشششششششششششل ههههههه صاير صارم بالرجيم وداير باله على السعرات الحرارية كثيييييير تخيلو ايش تعشينا
خيار وخس وبرتقال وشوربة حارقة الحمد لله على النعمة
بس طفففففففففشت لأنه البيت فاضي لما تكون الثلاجة مليانة اتشجع اسوي رجيم الحين مو مصدقة زوجي يفضى وياخذني على السوبر ماركت بس والله رجيم صاااااااااارم حاسة حالي بمعسكر ههههههههههههههههههه
احسن استاهل عشان اتعلم كيف اخبص مرة ثانية لازم اوصل لل63 لااااااااااااااااازم ماراح استسلم الا يوم الخميس لازم اخبص وزوجي مو راضي يقلي حتى بنهاية الأسبوع ماراح اخبص مشكلة فشلة اخبص وهو صامد صح<<<<<<<<<<<<لاحظتو اني تكلمت كثير بس من الفضاووة هههههه
واحلى حاجة كل مابدي اخبص بقلي تذهب لذة الطعام ويبقى شكلك القبيح خخخخخخخخخخخخخخخخخخخخخخخخ
انا الغلطانة اللي علمته اياها صار يمسكها علي
ها بنات ما اوصيكم الماء ثم الماء ثم الماء
فظيييييييييييييييع للتنحيف فظيييييييع

VIP Lady;8872972:

بلى كلييييييييت .. حطت اليي شويه منه يمكن 4 أو 5 ملاعق .. ما يأثر ان شاء الله

أنتي صادتج الأعراض لأن قوته أكثر مثل ما قلتيلي .. بس بأقولج أنتي ما فيج تكيس لا ؟؟ ليش يعطونج اياه ؟؟

اووف .. يعني راح أبدأ في مشوار العلاج الصجي .. مثل ما أقرأ في المنتدى .. كلوميد وابرة تفجيرية .. الله يعيننا .. بس مو كأن لازم تنظم الدورة قبل .. دورتي كل 19 يوم و كلش قليلة .. يقولون هاي كله من ضعف والا انعدام التبويض <<< اخرتنا بنصير دكاترة نساء و ولادة :ss:

وعن الجيك .. مالنا مو مثل العاديين كبيرررر .. أول مرة أشوف هالنوع .. والله متحسرة عليه خسارة انكسر :tongue:

البارحة تطورررر .. طلعت مشيت مع عمتي ساعة كاملة .. وايد مشينا .. الجو حلووو لأن و رجعت تعشيت كورن فليكس سبيشل كي + فواكه
هالأيام أنا كل أتعشى من وقت أحسن ..

تروحين وتردين بالسلامة .. لا تنسينا من الدعاء

ما شاء الله .. زين يسويلج زوجج جذي .. عالأقل جذي تتشجعين و ما تخبصين
وان شاء الله توصلين ل 63 قرررريب ..

أنا زوجي وزنه متناسق مع طوله .. ما في أمل يسوي وياي ريجيم

حلم السعادة;8874479:
[grade="00008B FF6347 FFA500 32CD32 00BFFF"]

يعني اكلتين ها هههههه اه منج شيتونه :wink:
اي انا خبري مافيني تكيس بس الدكتور قالي انه الجلوكوفاج منشط حق المبايض
انا باجر عندي موعد معاه وبجوف تحاليل زوجي نتايجه وبساله عن حالتي مجهزه صفحه اساله هههههههههههههههههههههههههه بيتملل هالدكتور ان شاءالله ما ينربط الساني باجر هههه

زين تسوين ياريت انا عمتي فيها شده تمشي والله اخليها تمشي مشي مب طبيعي ههههههههههههههههه زوجي من جم يوم قالي بشتري لج السير وفكينا من المشى هههههههههههههههه خايب ما يحب المشي :(

عيل خيوه خسرتي الخلاطه :ss: جوفي ماركتها شنو واذا عندهم وكيل بالبحرين روحو
الوكيل اكيد يبيعون له جياكه :D<<<<<<< اعطيج حلول ها ترى بلاش حلولي بعد شهر بتاجر بحلولي الحل بدينار هههههههههه

[/grade]

VIP Lady;8874952:

أنا بعد أجهز أسئلة وايد وأدش وأنساهم .. وحدة من تجمع بنات البحرين كأنها بحرينية الله يذكرها بالخير تقولي كتبي اسئلتج في مفكرة و وديها معاج للدكتور عشان ما تنسين .. خبريني عن موعدج و طمنينا ,, أنا خذيت موعد يوم الأحد بنشوف شنو يصير

ل المشي البارحة حسيته وايد حلووو .. وأنا طبيعتي خايبة وكسلانة و عمتي أشطر مني تمشي أسررع .. وخلتني أمشي وايد تقولي اذا عجزتي قوليلي بنرجع .. استحيت أقول الها بعديت تقول مرت ولدي عجوززز ههههههههههه

ههههههه .. اي عليج و على حلولج .. من أول ما ردينا من استراليا .. واحنا مفكرين في هالحل بنروح للوكيل بس زوجي انشغل وما رحنا :ss:

حلوومة شنو غذاج اليوم :tongue: .. ما تغذيت << الخيابة وما تسوي
حتى زوجي ما طبخت له <<< الصراحة تمللت

kawkawii;8878287:
يعطيكم العافيه بنات على هالتجمع الحلو @@

انتوا ما شاء الله شغالين على سالفه "الوزن الي يمنع الحمل "
بس هل قصدكم الوزن الي ممكن مثلا يسبب تكيس في المبايض او طبقات دهنيه او شئ جذيه تقلل نسب الاباضه ؟ ولا على شئ ثاني ؟
لان انا اوفر ويت الصراحه
وترددت ادخل موضوعكم بس قلت خل امر .. انت الحمدلله ما عندي اي مشاكل وعندي وزن زايد عن المعدل الطبيعي بما لا يقل عن 50 كيلو .. وفحوصاتي سليمه !!!
فهل ممكن مع ان فحوصاتي سليمه الوزن يأثر؟
@@

انا مب مستعيله على العيال
:ss:
لان مب مهيئه نفسيا اصلا لهم !!!!

بس قلت استفيد منكم إذا ما عندكم مانع بهالخصوص؟!!
@@

وبرايفت :o :شنو تنصحون غير المرميه لتنظيم الهرمونات في الجسم إذا اعتفست ؟؟

حلم السعادة;8891280:

:ss:هاااي بنات وحشتوني موت

انا اليوم مضايقه وايد واحس ابواب الدنيا تسكرت في ويهي
اليوم كان موعدي مع الدكتور وعلشان اعرف نتايج فحوصات زوجي :ss: ورحنا
جان الدكتور يصدمني بخبر حسيت الدنيا اصتكت في ويهي عدد الحيوانات المنويه
اوكي كل شي اوكي بس الحركه بطيئه :ss: وعلى طول الدكتور عطاني
حل اني اسوي انابيب :ss: قالي هذا الحل الاسرع قلت له جم تكلف قالي 1200 دينار
وسالته جم نسبه نجاحها قالي 46% :confused: يعني راح اتعب جسديا ومعنويا وماديا
لو ما نجحت هالعمليه بنات احد يعرف احد مثل حالتي انا وزوجي انا الحين عندي ضعف
في المبايض وزوجي بطئ :ss: مضايقه مب عارفه حتى شنو اكتب

ادعو لي الله يفرج علينا

حلم السعادة;8891280:

:ss:هاااي بنات وحشتوني موت

انا اليوم مضايقه وايد واحس ابواب الدنيا تسكرت في ويهي
اليوم كان موعدي مع الدكتور وعلشان اعرف نتايج فحوصات زوجي :ss: ورحنا
جان الدكتور يصدمني بخبر حسيت الدنيا اصتكت في ويهي عدد الحيوانات المنويه
اوكي كل شي اوكي بس الحركه بطيئه :ss: وعلى طول الدكتور عطاني
حل اني اسوي انابيب :ss: قالي هذا الحل الاسرع قلت له جم تكلف قالي 1200 دينار
وسالته جم نسبه نجاحها قالي 46% :confused: يعني راح اتعب جسديا ومعنويا وماديا
لو ما نجحت هالعمليه بنات احد يعرف احد مثل حالتي انا وزوجي انا الحين عندي ضعف
في المبايض وزوجي بطئ :ss: مضايقه مب عارفه حتى شنو اكتب

ادعو لي الله يفرج علينا