تعلمي الانجليزيه مع بحرينيه.com

ملكة الأحاسيس;6902848:
مشكوره قلبي خصصتلي دفتر وقاعده ادرب على الأملاء بصراحه لا اله الا الله طريقتك بالشرح وايد حلوه الله يوفقك

تسلمين حبيبتي
اخجلتيني انه استحي :o

شخباركم بنات ؟ مسامحه بنات امس ما كنت موجوده فما عطبتكم درس ان شاء الله راح احاول اعطيكم اليوم درسين تعويض عن امس

في الايام اللي راحت عطيتكم دروس عن الحروق الابجديه Alphabet ( الفبت ) نسيت اذكر هالنقطه ان لين التقو الph نقراها مثل حرف ( ف) وخذنه درس الارقام Numbers ( نمبرس ) طبعا ما كملتها راح بعدين اعطيكم تبع العمليات الحسابيه الكسور و الطرح و الجمع و تابع لي آخره واخر شي خذنه عن الوقت .

المهم اليوم حابه اخلص كل الاشياء اللي تتعلق عن الوقت Time ( تايم )
هاي بعض الكلمات اللي ماخذناها

هاي بعض انواع الساعات
clock ساعه الحائط ( كلوك ) هاي عطيتكم اياها
watch ساعه اليد ( وج ) لاحظي التقت ch لفظناها ب حرف ال ( ج) Hour glass اللي نسميها احنه العرب الساعه الرمليه طبعا محد يستخدمها الحين ( هاور قلاص )
calender التقويم مال التاريخ احنه نسميه رزنامه خخخ ( كلندر )

Day يوم ( دي )
week اسبوع ( ويك )
month شهر( منث )
Decade العقد ( دكيد )
Century القرن ( سينتري )
Millennium الالفيه ( ملينيوم )

هاي فصول السنه الاربعه
season فصول السنه ( سيسن )
Spring الربيع ( اسبرنق )
Summer الصيف ( سمر )
Winter الشتاء ( ونتر )
Autumn الخريف( اوتومن) او يسمونه fall (فول ) المقصد منه فصل السقوط اللي اهوه سقوط اوراق الشجر

انه حبيت اعطيكم شوي دروس grammar شوي بس قلت خل اعطيهم يحفظون شوي كلمات عشان نقدر نتوسع نعرف الكلمات اللي كنه مانعرفه و نتوسع في كتابه الجمل ( شرايكم تبون grammar خفيف )

راح اعطيكم الحين الالوان صج احنه نعرفهم بس المشكله في الاملاء خخخ المهم هاي الالوان

Red احمر ( رد )
Green اخضر ( فرين )
Blue ازرق ( بلو )white ابيض ( وايت )
Black اسود ( بلاك )
Yellow اصفر ( يلو )
Orange برتقالي ( اورانج )
Pink وردي (بينك )
Brown بني ( براون )
Beige بيج ( بيج ) ( مافي لون بيج خخخخ)
Gray رصاصي ( قري )
Light blue ازرق خفيف ازرق فااااتح ( لايت بلو )
Dark green اخضر غلمج ( دارك قرين )
Purple ارجوان او بنفسجي غامج ( بربل )
Violet بنفسجي فاااتح جنه جريب الردي ( فايلت )
Navy blue ازرق بحري ( نيفي بلو )
Turquoise تركواز ( تركواز )
Maroon ماروني ( مرون ) ( ماجفت ماروني خخخ)
Hot pink ( هوت بينك ) او magenta ( ماجنتا ) قرمزي جنه وردي غامج (مادري عاد هاي الالوان اللي موجوده في المنتدى و لونتهم عشان تقرون و النفس متفتحه )

جوفو الحين ابتدي في grammar خفيف ؟؟؟؟

يسلمووووووووووووو شرحج كتير حلو ما شاء الله

طبعا كتبت لكم درس امس التعويضي و خلاص قررت ابتدي شوي grammar عشان ما تتمللون يالله

Grammar

بسم الله نبدأ
طبعا معروف ان القواعد يحتاج لها تركيز سواء قواعد العربي او الانجليزي راح ابتدي قواعد خفيفه شوي بعد ركزو
اول شي راح ناخذ :

parts of speech اللي اهوه اقسام الكلام ( بارتس اوف سبيج )

ينقسم الكلام الى : Noun الاسم ( ناون ) - pronoun الضمير ( بروناون ) - Verb الفعل ( فيرب )
Adjective الصفه ( ادجكتف ) - Adverb الحال ( اد فيرب ) - Preposition حرف الجر ( بريبوسشن )
Conjunction حرف العطف ( كونجكشن ) - Interjection حرف التعجب ( انترجكشن ) - Artical اداه ( ارتكل ) الحين راح نشرح واحد واحد

اولا : الاسم
الاسم معروف اهوه اي اسم سواء اسم علم او اسم جماد المهم يكون اسم
مثال : Mariam
Pen يعني قلم ( بن ) - Book يعني كتاب ( بوك )
الضمير

الضمير اهوه اللي يدل على اسم او يحل محله
مثال He - She - It - I -we - Thy - you
Verb
طبعا اهوه الفعل و كلنه نعرف شنو معناه الفعل اللي اهوه اللي يدل على حدوث شي
مثال Play معناته يلعب ( بلي ) هاي فعل مضارع - Played معناته لعب و هاي في الماضي ( بليد ) - Will play هاي في المستقبل معناتها سيلعب ( ول بلي )

Adjective
طبعا الصفه يعني كلمه توصف شي و حطو في بالكم الصفه اتيي قبل الاسم اللي توصفه
مثال :rich man معناتها رجل غني ( رج مان ) مثل ماقلت لكم الصفه يات قبل الاسم اللي اهوه الشخص الموصوف عكس العربي جوفي شلون رجل غني الصفه اتيي وره الاسم اللي نوصفه Adverb
الحال اهيه كلمه توصف الفعل ركزو الصفه توصف الاسم و الحال يوصف الفعل
مثالAhmed writes quickly الفعل حطينه اخر شي s لان احمد ضميره he يعني اللي ضميره he او she او it لازم في الفعل نزيده اخر شي حرف s الجمله ( احمد رايتس كوكلي ) يعني احمد يكتب بسرعه quickly بسرعه ( كوكلي ) writes يكتب ( رايتس )

Preposition
اللي اهوه حرف الجر و اهيه كلمه اتيي مع الاسم او الضمير عشان تبين علاقته مع كلمه ثانيه
مثال Ahmed goes to school يعني احمد يذهب الى المدرسه ( ااحمد قوز تو سكول ) الفعل زدنه على الفعل es مازدنه عليه بس s حطينه زياده الe لان go اخر حرف o مثل ما قلنه الo يعتبر من الحروف المتحركه vowels letters والحروف اذكركم فيها ( i.o.u.e.a )
مثال ثاني they traveled by plane هم سافرو بالطائره ( ذي ترافلد باي بلين ) هالجمله في الماضي لو كان الفعل في المضارع الفعل بيكون travel ما بنزيد حرف s لان الضمير يعود الى they بس ال he . she. it اهمه اللي نزيد على الفعل s

conjunction
حرف يصل بين كلمه وكلمه او جمله و جمله مثالAli and Ahmad visited us yesterday علي و احمد زارونا امس ( علي اند احمد فزتد اس يستردي ) حرف العظف طبعا معروف في العربي اهوه حرف الواو

Interjection
اهوه عباره عن اصوات او صيحات تعبر عن التعجب ناخذ مثال عليه
Alas! She died. معناته للاسف ماتت ( الاس شي دايد ) نجوف الفعل died في الماضي ومعناته مات ماضي مال die و كلمه Alas معناته للاسف وهاي الكلمه اللي تدل على التعجب

Article
. الانجليزي في 3 ادوات و هالادوات اهيه a.an.the
نستخدم حرف a قبل الاسم النكره اللي يبتدي بحرف ساكن This is a book (ذس از ا بوك ) هذا كتاب
ونستخدم حرف an حق الاسم النكره اللي يبتدي بحرف متحرك مثل ما قلنه ( a.e.i.o.u ) مثال This is an apple (ذس از ان ابل ) هذه تفاحه
ونستخدم The للتعريف مثال This is the book I bought yesterday ( ذس از ذ بوك اي بوث ات يستردي) هذا هو الكتاب الذي اشتريته امس

على فكره بنات هالمعلومه حطوها في بالكم زين ان الجمله في اللغه الانجليزه لازم تحتوي على فعل عكس العربي عاد ما يكون في الجمله فعل مثل علي طبيب لو ترجمناها بالانجليزي مانقول ali doctor كلش غلط لازم نقول ali is a doctor
خلاص هاي ذي درس اليوم ان شاء الله تفهمونه ( تره حدي تعبت ) هههه

يسلموووو حبيبتي صراااحه قاااعد استفيد من شرحج وااااايد واناااا رااااح اتااابع معااااج كل الدروووس لان حااابه اتعلم ....

بس اناا حابه اتكلم بEN بطلاقه شلوووون بليييز علميني:(

مش بالكلام;6919603:
يسلموووو حبيبتي صراااحه قاااعد استفيد من شرحج وااااايد واناااا رااااح اتااابع معااااج كل الدروووس لان حااابه اتعلم ....

بس اناا حابه اتكلم بEN بطلاقه شلوووون بليييز علميني:(

انه بعد ابي اتحجه بطلاقه:o
لازم اول شي تعرفين القواعد عدل عشان تركبين جمل صحيحه
ولازم تحفظين كلمات وايد و طريقه لفظها عشان تتحجين وانه الحين بعد احفظ معاكم
امس عطيتكم قواعد الحين باعطيكم كلمات يوم جذي
ويوم جذي عن الملل و لين خذنه فتره و حفظنه
راح نكتب فقرات وجمل بنجوف اتكلمبن بطلاقه او لا :)

ان شاء الله باجر يا بنات راح نتعلم انواع الجمل و شلون نكتب الجمل
جمله مع جمله نربط بين هالجمل تكون لنه فقره و ان شاء الله راح تتحجون انجليزي
دام بتعرفون تكتبون جمل و تربطون بينهم
فبل لا نبتدي باجر نكتب جمل اليوم باعطبكم جم فعل عشان نعرف نكتب
بس بنات اتمنه باجر تكونون موجودين معاي عشان اجوف جملكم
عالاقل احس انكم معاي

ان شاء الله بكره حنكون معاكي بس متى

طيب ياعسل اليوم مفيش درس

ملكة الأحاسيس;6923594:
طيب ياعسل اليوم مفيش درس

اليوم في درس بس ما كملت كتابته ماقدر اكمله بنت اخوي مقعت وشالت السبيس مالت اللاب توب بالزور اكتب لج الحين اضغط على حبه السبيس الصغيره اللي طالعه باودي اللاب باجر اول ما يتصلح باعطيكم كذا درس تعويضي مسامحه والله في هالفتره حفظو الي عطيتكم اياه وباجوفكم تشتاقون لي او لا :o

طيب ياعسل سامحينا شكلنا بنتعبك معنا الله يعينك

lamatttt
ملكة الأحاسيس
مش بالكلام
ريما تونس
بنت دلوعة شوي
مممممممممممي
نورهان حامد
===========================
.com .بحرينية :wowww !! u have many students now
I am soo happy for u darling but i hope that teaching won't prevent u
from participating in other topic in this section s:B_wink:weety!!!
By the way I really liked ur way of teaching especially for those who have
few experiences & feedback in the language!!:up:

Keep up the Good work darling(y)(y)(y)(y)(y)(y)(y)(y)(y)

جزاكى الله الف خير يارب يكون فى ميزان حسناتك

انت مدرسة شاطرة اوى وفعلا حببتينى فى الانجليزى وخلتية سهل جدا

انا حفظت دروسك الاولنية

بس لسة بستوعب الضمير والحاجات دى اكمنها معقدة شوية

مستنيانك فى مزيد من دروسك

شوقتينى بجد انى اكمل وعلى فكرة انا عاملة كشكول كبير

فية من اول درس لاخر درس

جزاكى الله خيرا يا احلا بحرينية

بس انا شاكة انك مدرسة انجليزى ^_^ ^_*

جزاك الله الف خير على تعليمك للبنات طريقتك جميلة فى الشرح نفع الله بك كل الاخوات وجعله الله فى ميزان حسناتك
استمرى على ما انت عليه

hi
where are you i hope you are o.k

im waiting to show you my sentences :eek:

هلا بنات شلونكم
مسامحه اخرتكم معاي توني يايبه اللاب توب مصلحته
راح اكمل معاكم الدورس الحين ان شاء الله
ومسامحه على التأخير

مثل ما قلت لكم اخر مره راح نتعلم شلون نكتب الجمل و قبل كل شي لازم نعرف شنو انواع الجل
sentences سنتينزس ( انواع الجمل )
تنقسم الجمل الى 3 انوا ع
1- simple sentences سمبل سينتينزس ( جمل بسيطه )
2- compound sentences كومباوند سنتينزس ( جمل مركبه )
3- complex sentences كومبليكس سنتينزس ( جمل معقده )

بناخذ اليوم عن simple sentences الجمل البسيطه
الجمل البسيطه هيالجمل اللي تحتوي على فعل واحد بس

مثال

I saw a boy
( آي سو ابوي ) يعني انه جفت ولد
في هالجمله جفنه فعل واحد بس اللي اهوه saw ( سو ) معناته جفت ( رأيت )
الفعل saw في الماضي يعني الجمله في الماضي و المضارع للفعل saw اهو see ( سي ) أرى

2 - Some students like to study in the mornings.
سم استيودنتس لايك تو ستدي ان ذ مورننق ( بعض الطلاب يحبون يدرسون في الصباح )
نجوف في الجمله الفعل like ( لايك ) معناته يحب وهالفعل مضارع و الماضي للفعل liked ( لايكد ) احب ( الماضي)
في بعض البنات بيقولون ان الجمله تحتوي على فعلين مو فعل لان في الفعل study ( ستدي) يدرس بس نعتبر هالجمله جمله بسطه بعدين باوضحها لكم ليش بسيطه مو مركبه في درس الافعال المركبه

3 - The boy was riding a bicycle ( ذ بوي واز رايدنق ا بايسكل )
بعد اهنيه الفعل saw

4 - Juan and Arturo play football every afternoon. ( جوان اند ارتورو بلي فوت بول ايفري افتر نون ) الفعل اهنيه play
جوان و ارتورو يلعبون الكره كل عصريه طبعا الجمله في المضارع الفعل play ( بلي) يلعبو الماضي played

5- Alicia goes to the library every day ( اليسيا قوز تو ذ لايبررياند ايفري دي )
اليا تذهب الى المكتبه كل يوم الفعل اهنيه goes نجوف الفعل اهوه go بس زدناه es ليش ؟؟؟ هايسؤال لكم خخخ جاوبو عليه

ان شاء الله فهمتو شلونتكون الجمله البسيطه اهيه جمله فيها فعل واحد بس لا تنسون

هاي أسئله ابيكم تجاوبون عليهم


I saw a boy
The boy was riding the bicycle
هاي الجملتين ابيكم تربطونهم مع بعض بحيث تصير جمله بسيطه يعني فعل واحد بس ؟؟

Alicia goes to the library every dayهالجمله ليش الفعل goes مو go ابي جواب كامل ؟؟؟
و بغيت كل وحده تكتب لنه جم جمله بسيطه هلونوحده او ثنتين ؟؟

يعطيج الف عافيه اختي
الصراحه انا ميح باللغه الانجليزيه
ان شاء الله اتعلم على ايدج

نانووووو;6962098:
يعطيج الف عافيه اختي
الصراحه انا ميح باللغه الانجليزيه
ان شاء الله اتعلم على ايدج

i wish that.....
the most important thing in English is the grammar.
you have to understand them , if you didnt
understand some thing please till me.
also you have to learn new words and how
to write them and you will be perfect i will give you some word every times
write to me in English dont be shy every one
sometimes make mistakes also me
put this in you mind i am not perfect in English
but i always try and try, with your mistakes you will
learn more

ان شاء الله تتعلمين اهم شي في الامجليزي القواعد لازم تفهمينهم عدل واذا مافهمتي شي
معين خبريني راح افهمج اياه اكثر وثاني شي لازم تحفظين بين فتره وفتره كلمات يديده
وانه راح اعطيكم كل مره عاد حفظي شلون تكتبينهم بعدواتمنى انج تكتبين لي بالانجليزي
لا تستحين كل من يغلط و باغلاطج راح تتعلمين اكثر لا اغرج انه مو
ممتازه كلش في الانجليزي بس احاول اتعلم اكثر و اكثر

دانا كار;6932699:
جزاكى الله الف خير يارب يكون فى ميزان حسناتك

انت مدرسة شاطرة اوى وفعلا حببتينى فى الانجليزى وخلتية سهل جدا

انا حفظت دروسك الاولنية

بس لسة بستوعب الضمير والحاجات دى اكمنها معقدة شوية

مستنيانك فى مزيد من دروسك

شوقتينى بجد انى اكمل وعلى فكرة انا عاملة كشكول كبير

فية من اول درس لاخر درس

جزاكى الله خيرا يا احلا بحرينية

بس انا شاكة انك مدرسة انجليزى ^_^ ^_*

تسلمين حبيبتي حاظره لج في اي وقت اذا احتجتي اي شي
اوضحه لج خبريني