تعلمي الانجليزيه مع بحرينيه.com

ملكة الأحاسيس;6894136:
مشكوره حبيبتي ماتقصرين الله يسعدك من جد اتمنى اتعلم انجليزي وشكل الحلم بيتحقق معاك

حاظره حبيبتي وان شاء الله راح تتعلمين
عندج اي شي انه حاظره لج بس ان شاء الله
شرحي واضح

hi
im still with you till i find smothing that so diffecult to me and this is a very easy way to explain i think many will learn by this way
the diffeculty is how to pronounce these words
thanks for your effort
and i hope if you found any wrong in my writting tell me please and show me where is it becouse i want to learn:D

السلام عليكم ابغى التعلم معاكوا

good evening

how are you? l

where is the girls?

يتصفح الموضوع حالياً: 2 (2 عضو و 0 ضيف)
‏نورهان حامد, ‏زمردو

هاي نورهان هو اريو

موجوده معاكم حياكم الله
تبون نتحجه ونتعلم الحين عن قراءه الساعه ؟؟

يالله نتعلم انا مره متحمسه

ملكه الاحاسيس ان شاء الله من عيوني باكتب لكم الحين
عاد حطو لكم دفتر و ورقه مثلي كلمره اراجعهم خخخخخخخخ

lamattt
انجليزيج حلو بس في اغلاط املائيه و اهيه بس يعني حروف بسيطه هاي التصحيح something difficult
difficulty writing because نفس حالتي اغلط في الاملاء ساعات

I am just passing to greet u & to say to
بحرينية.com
I am sure that more & more ladies r gonna join u
as I told to u before
=============================
So,good luck sweety & may Allah bless u
& make u succeed in ur teaching

الساعه

قبل لا نعرف قراءه الساعه لازم نعرف اجزاء الساعه والاشياء المتعلقه بالساعه

اول شي الازمنه
morning الصباح
noon الظهر
afternoon بعد الظهر
evening المساء
night الليل
midnight منتصف الليل


اجزاء الساعه

طبعا الساعه يسمونها clock (كلوك)
العقرب العود يسمونه minute hand ( منت هاند )
العقرب الصغير يسمونه hour hand ( هور هاند )
second الثانية ( سكند )
minute الدقيقة ( منت )
hour ساعة ( هور )

انزين الحين لين سأج احد و قال لج what time is it ( وت تايم از ات ) يعني الساعه جم باعلمج شلون تقرينها

طبعا مثل ما نعرف العقرب العود حق الدقايق و الصغير حق الساعه و نقسم الساعه الى قسمين :
تخيلي قاسمين الساعه نصين نص اليمين و نص اليسار تخيلي انتي مجابلتها الحين
فسم اليمين نسميه past ( باست ) و قسم اليسار نقول عنه to ( تو ) مثلا إذا كانت الساعه حاليا خمس وعشر دقايق نقراها جذي it's ten past five ( اتس تن باست فايف ) جوفو احنه نقول خمس و عشر قلنه الخمس قبل العشر اهمه عكس اول يقولون الدقيه عقب الساعه

اما إذا كانت الساعة ست إلا ثلث نقراها جذي It's twenty to six في المثال اللي قبل قلنه past لان الدقايق كانت صوب اليمين الحين قلنه to لان الدقايق على يدنه اليسار مثل ما نقول احنه( او اهمه past ) و احنه نقول (الا و اهمه يقولون to ) ان شاء الله فهمتوني مثال بعد اذا كانت الساعة ست و خمس دقايق نقراها It's five past sixى( اتس فايف باست سكس ) مثل ما قلت الدقايق اول اما اذا كانت الساعه ست الا خمس يعني ست و 55 دقيقه نقول It's five to six ( اتس فايف تو سكس )

الحين بنتحجه عن الربع و النص

نبدأ بالربع معناتهاquarter ( كوارتر )

فإذا كانت الساعة خمس و ربع نقول It's quarter past five ( اتس كوارتر باست فايف )
أما اذا كانت خمس إلا ربع نقول It's quarter to five ( اتس كوارتر تو فايف )

اما النص ما لها to بس تكون دايما في past وتكون قراتها It's half past .... ( اتس هالف باست )
مثلا الساعه سبع و نص نقول its half past seven ( اتس هالف باست سفن )

ولما تكون الساعة بالضبط مثلا الساعه خمس بالضبط نقول It's five o'clock ( اتس فايف اوكلوك )
او ست بالضبط نقول It's six o'clock ( اتس سكس اوكلوك ) يعني بالضبط نقول o'clock
وانقدر نقره الساعه بالدقايق مثلا الساعهثنتين و 3 دقايق نقول its two and three minutes ( اتس تو اند ثري منتس )

ان شاء الله عاد فهمتوني ؟؟

Green salad;6894766:
I am just passing to greet u & to say to
بحرينية.com
I am sure that more & more ladies r gonna join u
as I told to u before
=============================
So,good luck sweety & may Allah bless u
& make u succeed in ur teaching

yes , you said that to me before and you was right thank you sweety

ان شاء الله تفهمون الدرس لا تنسون هالثلاث دروس باجر ماباكون موجوده
يعني عندكم يوم حاولو تحفظونهم و عقب باجر راح ادش
نتناقش شوي لو في شي مني مناك و باعطيكم
درس يديد موفقين

أنا أريد أن أتعلم و اكون معاكم أخواتي
و بارك الله فيكي أختي بحرينية و نفع الله بيكي

مشكوره قلبي خصصتلي دفتر وقاعده ادرب على الأملاء بصراحه لا اله الا الله طريقتك بالشرح وايد حلوه الله يوفقك

هلا حبيبتي انا راح اكون معكم ممكن

الله يعطيك العافية ويجزاك خير طريقتك واضحة ومفهومة وانا متابعة معاك . عساك على القوة.

ريما تونس;6895701:
أنا أريد أن أتعلم و اكون معاكم أخواتي
و بارك الله فيكي أختي بحرينية و نفع الله بيكي

مافي داعي تستأذنين حبيبتي حياج الله
عاد برزي الدفتر خخخخ