tamarah;7438267:
هيك حافظة الموشح تبعهم بس ضيفي عليه انه المتصله مابترضى تحكي مين اعطاها رقمكم لانه الي اعطتها امنتها ماتقول .. وعلى قولتك بتبلش تسرد الشروط عالتلفون وقبل ما تشوف العروس بتصير تقول احنا شرطنا النقاب او احنا شرطنا تترك الشغل والاحلى احنا شرطنا تسكن مع امه ( ولي حدا بجيب الدب لكرمه ) ... لا وفي منهم بكل وقاحه بسالوكي عالتلفون كم بتاخدي راتب ( تقولي جايين يورثو ) .. شو بدنا نحكي بس الله يعين وين عقول الناس ما بعرف يعني شو بتفيد كل الشروط قدام شرط وجود الاخلاق والدين هدول الي بيخلو الزواج يستمر لا الراتب ولا الطول ولا خضار العيون
شي بضحك و ببكي ... تصدئي مرة اجالي واحد وضل يسأل ابوي شو عندو و شو ما عندو و شو بإسمو و السيارة لمن و البيت لمين ... " حسيتو كأنو من الضرايب مش جاي يخطب ههههه
