تجمع للمتأخرات عن الحمل بعد الإنجاب .. الجزء الثاني !!

مسا الخيرات .. كيفكم يا احلى امهات .. شو الاخبار؟؟ توبه نصوحه وضياء الروح شرفتوا شو اخباركم ؟؟

أهلين أخواتي كيف حالكم؟؟؟

عبودي كمل الثلاث سنوات وعشر شهور.. قلبي متقطع على هالولد انه بروحه،، أمس طلعت مع عيال صديقتي وأجرنا السيارات اللي بالمجمع وخذيت دبل وحطيت عبودي مع بنت صديقتي اللي بعمره،، كان فرحان معاها وهم يحركون السيارة وقلت لو كان أخوه أو أخته معاه بالسيارة أكيد راح يفرح أكثر وفكرت لو صار عندي بيبي ثاني وقتها عبودي كبير وماراح يدخل بهالسيارات... يارب فرجها علي....

يا حبيبتي يا رانيا لا تشكيلي ببكيلك, بنتي بعد شهر بالضبط بتكمل الاربع سنين و هذا ثاني عيد ميلاد لها بمر علي و انا بنتظر الحمل, بتذكر بعيد ميلادها الماضي لما طفينا الشمع تمنيت انه في عيد ميلادها الجاي يكون على ايدي طفل و هاي مرت السنة مثل لمح البصر و انا مكانك سر. و البنت عم تكبر و بزيد تعلقي فيها و الله لسه بعاملها مثل البيبي و بحبها حب جنوني و من اروح الدوام ما اصدق متى ارجع حتى اضمها و ابوسها و ادلعها, مرات بقول معقول هذي العاطفة كلها بفرغها فيها لاني ما عندي غيرها, و الله بالليل اصحى ابوسها و اضمها و ادعي ربي يخليلي اياها,
و مثل ما قلتي يا رانيا يعني احنا لو ربنا كرمنا بالحمل الحين يكون الفرق حوالي 5 سنوات فما بالك لو تاخرنا اكثر. مرات اقنع نفسي ان خلاص الفرق صار كبير لكن ان شاءالله اذا حملت ارجع احاول احمل على طول حتى ما يتكرر اللي صار... شوفوا الطمع صرت افكر بالحمل الثالث .

والله كلامكم على الوجع .. انا حاسه العمر بيركض وما طالع بأيدي شي اعمله اكتر من اللي عملته .. بنتي الشهر الجاي بتكمل ست سنين ..وفعلا كتير بعاملها على انها لسا طفله صغيره كتير وبعرف انه غلط بس مو بأيدي...
اليوم عندها رحله مع الروضه على مكان للسباحه من كتر ما بخاف عليها كنت ناويه ما اوديها لانه بيضل قلبي عليها بس قلت حرام متلها متل صاحباتها خليها تغير جو وتفرح ..
بنات بتجربوا تاخدوا علاجات بالوقت الحالي ولا موقفين ؟؟ انا بس ارجع من العمره ناويه ان شاء الله اشوف ايش ممكن اعمل .. والله بيعين ..

هلا ريحانة, انتي كم عمرك؟ انا بشهر 7 بكمل الثلاثين, بس حاسة ان الزمن متوقف مرات ربنا ينزل على قلبي السكينة و اهون على نفسي, لكن مرات بحس باليأس و العجز, احس اني مربطة و مرات اتمنى اني نفسي اصرخ و اخفف الكبت اللي في داخلي بس برجع بقول الله كريم و انا المشكلة انه زوجي حساس يعني اذا شافني زعلانة و معصبة يحس بالذنب انه هو السبب, و المشكلة انه ما عندي حد افضفضله, امي بعيدة و ما احب احملها همي مع انها حاسة في و مش بحاجة اني احكيلها شىء.

اللي زايد اكتئابي هالشهر هو حبوب منع الحمل يعني في الشهور السابقة على الاقل كان عندي امل بس هالشهر الامل معدوم و المشكلة ان الدكتور قالي انه ما راح يعملي تلقيح مجهري الا اذا كنت جاهزة 100% يعني ممكن اضطر اخذ الحبوب كمان شهر, و علمكم بالحبوب شو تساوي.

new member صدقتي والله... أصلا بعد عيالنا تعودوا على الوحدة.. يعني عبودي صار يحب يلعب بروحه ومايبي حد يخرب له ألعابه.... وعن العاطفة.. يمكن لأن ماعندنا غيرهم فنفرغ كل العاطفة لهم لو في حد ثاني ماراح نعمل هالشي ونعاملهم كأطفال... الصراحة أنا للحين لين آطلع لازم أشيل معي شنطة بها ملابس داخلية له وصحنه والكوب بس عشان أحس أن بعدي عندي طفل ممكن أسوي له مثل مايتسوى للرضيع حفاظات وحليب..
وبخصوص الحبوب هدي نفسيتك وإن شاء الله كل شي تمام مع نهاية الشهر وتعملي العملية


ريحانة القدس.. عليها بالعافية لينا على الرحلة.. أعرف شعورك والخوف اللي يجيك .. أنا دائما أوسوس وأخاف عبودي بعيد الشر يضيع مني...
لاتنسينا بدعائك أختي في الحرم وعند الطواف...
بخصوص العلاج والعمليات، مالي أي خطة الا على الصيف افكر أعمل تلقيح صناعي يكون أنا بإجازة وأرتاح من التعب ويرتاح ظهري...

ولد جيرانا بسن أخوي يعني لهم الحين 14 سنة وكان لما صغير دوم يجي عند أخوي ويلعب معاه لأنه وحيد أمه ومن خوفها ماتخليه يروح مكان بس بيتنا والمدرسة وبيت أمها ومستحيل حتى يجلس بحديقة البيت او يلف بدراجته عند الباب. وكان دوم يكسر خاطري وقلبي يتقطع عليه شلون عايش بروحه، حتى لما أخوي أحيانا يحقره ومايبي يلعب معاه أعصب عليه وآقول له حرام عليك...وكنت آقول أمه تبالغ بحبسته وخوفها... شكله عبودي بيصير جذي ياقلبي وأنا بصير بزودي عن جارتنا...

أنا عن نفسي الشهر هذا ارتحت شوي من الكلوميد وزيارة الطبيبة وشد الأعصاب
والتوتر ، لكن بإذن الله راح أبدأ الدورة القادمة برحلة جديدة وإن شاء الله خير ....

NEW MEMBER انا بشهر 8 بكمل 30 .. بس متزوجه من تسع سنين يعني بحس انه عمر مر .. عشان هيك كل ما بفكر بعمري وعمر لينا بحس رح انجن ..
الحمدلله على كل الاحوال والله اعلم شو ربنا كاتب لنا ..


رانيا سبحان الله بحس كأنك بتحكي عني وعن تصرفاتي مع لينا.. لأني نفس الشي بحمل لها ملابس كل ما بروح محل وبتحب كتير تلعب لحالها .. وان شاء الله ما رح انساكم من دعائي والله يقدرني ..


التوت البري ...فعلا بنحتاج من وقت للتاني لراحه من الأدويه بس لازم نرجع نتابع والله يكتب لنا الخير..

يالله شنو هالصدفة كلنا عمرنا ثلاثين.... والله زين توافق في العمر وعدد الأطفال....

يارب الله يكتب لك الخير يا أم لينا.. وتروحين لبيت الله...

مع أذان المغرب كنا رايحيين بيت أهلي الا يقيمون الصلاة بالجامع اللي قريب من البيت.. قلت حق عبودي قوم ننزل نصلي وأدعي ربك يعطيك اخ و أخت.. عاد عبودي طماع قعد يقول يارب عطنا عيال وايد.. مت عليه من الضحك،، يارب يستجيب دعائه ويصير عندنا عيال وايد...

سبحان الله انا بعد دخلت الثلاثين من كم شهر بس الفرق بيني وبينكم اني ماسبق واخذت اي ادوية كل الي اخذته هو منشطات طبيعية مثل العسل وغذاء ملكات النحل وبعض الوصفات طبعا بتستغربون وتقولون يابرودك بس وش اسوي زوجي موراضي استخدم اي شي مع ان الدكتورة قالت لي تحتاجين كلوميد .

ادعولي احمل يا رب بتووووووووم قولو امين

يارب تحملين بتوم ياام ابراهيم

سبحان الله ا ن شاء الله ما بنصير 31 الا وكلنا عندنا اخوه واخوات لأطفالنا او على الاقل حوامل يا رب ...

وان شاء الله يا رانيا بتملي بيتك ولاد وبنات ..انا كنت من زمان اول ما تزوجت اقول ما بدي اولاد كتير يعني 3 بالكتير وسبحان الله وكأنه باب السما كان مفتوح وربنا سمع مني ..والله اعلم اقدر اجيب التلاته او لأ ...
بس هلأ ندمانه كتير على هالحكي لأنه الاولاد نعمه من الله ما بيقدر قيمتها الا اللي بينحرم منها ..
يا رب ما تحرمنا وترزقنا اجمعين يا رب ...

ممممى ما تتاخري اكتر وشوفي الدكتوره اخسن لأنه كل ما زاد العمر بتقل فرص الانجاب يعني لازم الواحد يلحق حاله على البدري ..

ام ابراهيم هلا فيك وبأذن الله ربنا بيرزقك بتوأم يا رب ..

وينكم يا بنات وش آخر الأخبار ؟؟؟؟!!!!!!!!!!!

هلا أخواتي..

أحنا هنا أختي التوت البري.. خبرك ويك أند لازم نختفي شوي..


ممممي.. شنو هالصدف أنت بعد عمرك ثلاثين،، أنا دخلت الثلاثين الشهر اللي فات..


أم لينا.. الله يسمع منك ونملي البيت عيال.. الحين اتييني أفكار وآقول إذا حملت بالثاني وصار بين يدي، ماراح أمنع وربي يعطيني الثالث.. صرت طماعة.... يارب يفرج همنا...


أم إبراهيم.. ربي يرزقك أحلى توأمين بالدنيا....

وين البقية.. أم شهد وmew member ؟؟؟وكل الله شاركوا معنا...

هلا فيكم صبايا؟ اشتقنالكم؟
الويك اند احنا قضيناه و احنا ندور على مكان نعمل فيه عيد ميلاد بنتي, ما شاءالله كل الاماكن محجوزة, و فيه مطاعم ما تعمل اعياد ميلاد على الويك اند , و احترنا و بعدنا ما قررنا, علمكم هذي اول سنة بنتي تروح المدرسة و يكون لها اصدقاء فحبينا نعمل شىء مميز لكن للاسف لسة ما توفقنا , اليوم النا جولة ثانية.

هلا بك.. الله يبلغك فيها يارب ويكتب لكم أخوة وأخوات ومايصير عمرها خمس سنوات الا أخوها أو أختها معاها بالحفلة...


أنا هالشهر ماخذيت شي خلاص مليت غير الفوليك أسيد وبديت آخ البيبي اسبرين، لأن مرة الدكتورة قالت ينفع للي عندها إجهاض حتى لو ماعندها مشكلة بسيولة بالدم...وكانت كاتبته لي بعد ماأجهضت السنة اللي فاتت..
زوجي مواصل على ترنتال وفيتامين E.. ويارب يكتب لنا هالشهر...

ادعولي يا بنات بظهر الغيب ان الله يرزقني بالحمل
هاليومين ان شاء الله هي أيام تبويض عندي !!! بس يا رب ما يكون ضعيف
والله يرزقنا جميعا بإذن الله تعالى ..........

ان شاءالله يا رب و تحملين هالشهر و تكوني فاتحة خير علينا,
لكن عندي سؤال, انا هالشهر اخذت حبوب منع الحمل ديان 35 لمدة 21 يوم و ذلك للتحضير للحقن المجهري, لكن مش عارفة متى تنزل الدورة بعد ترك الحبوب؟ اللي عندها فكرة يا ريت تفيدني, لاني امس كانت اخر حبة و الدكتور قال ارجعيلي اول يوم الدورة؟

أختي new member أكيد راح تنزل الدورة بعد كم يوم من توقفك لتناول الحبوب
احتمال 3 أو 4 أيام والله أعلم ويارب يرزقك بإذن الله