تجمع للمتأخرات عن الحمل بعد الإنجاب .. الجزء الثاني !!

اهلا بك أختي.. الا شنو أسم ولدك يكون اناديك بأم ------.... الله يكتب لك الحمل بالقريب العاجل وإن شاء الله بعد القسطرة تكون فرصة الحمل كبيرة.... الله يرزق الجميع....

اهلا و سهلا بالجميع
انا امس كنت جالسة مع بنتي و هي تلون و ترسم بعدين طلبت منها تكتب اسمها و ما شاءالله كتبته بسلاسة بعدين طلبت منها تكتب اسمي رفضت و كتبت اسم الشغاله سألتها ليش قالت لانها هي صاحبتي , سالتها و انا؟ قالت انتي صاحبك بابا.
بنتي ما شاءالله ذكية كثير و تحفظ يعني اذا شافت الكلمة مرة تحفظها مع انها لسه ما كملت اربع سنوات و لغتها الانجليزية ممتازة يعني ما شاءالله هالجيل, انا اذكر اول مرة عرفت اتهجأ الحروف كنت في الصف الاول يعني 6 سنوات.
مرات يجيني هاجس انه ربنا بعثلي بنت و مميزة و ذكية حتى يعوضني او انه ما راح يجيني غيرها لكن اتمنى انه هالهاجس ما يكون حقيقة والله نفسي يكون في عندي اطفال يلعبوا مع بعض و صوتهم يعبي البيت, يا رب ما تحرمني من هالامنية يا رب
لاحظوا اني انا اللي قلت خلينا نحكي باي موضوع غير الحمل........... مش بايدي والله

السلام عليكم ورحمة الله وبركاته
انا بعد ودي انضم لكم ........ عندي شهودة عمرها اربع سنوات وصار لي سنتين وزيادة وانا احاول احمل لكن الله ماكتب عندي ضعف تبويض ماخليت وصفة الاواستخدمتها طبعا زوجي مش متعاون في هذا المسألة بالمرة لكن يبغى ولد هو ويا اهله مايحبون البنات نهائيا . ماطول عليكم باقي على موعد الدورة 4ايام واحس اني متفائلة انشا الله اكون حامل واجيب ولد ادعووووووووولي تكفون .

كيفكم اخواتي ..
رانيا الحمدلله على كل الاحوال وباذن الله بتفرج بس بدها صبر .. انا اللي بقولك هيك مع اني مرات كتير بنسى هالحكي بس مش بايدي .. بتعرفي انه كتر الحكي عن الموضوع قدام ابنك بيخلي يحس انه في اشي غلط وها اللي بلاحظه على بنتي كتير بتتاثر بكلامي وبتصير تقولي ايمتى انت بتكوني حامل ..والله بتقطع قلبي بس ما باليد حيله ..
new member الله يحمي بنتك ويحفظها من كل شر يا رب .. ويعطيك الها اخوه واخوات ..
nooony هلا فيك حبيبتي وان شاء الله ربنا بيفرجها علينا كلنا يا رب ..
ووينها التوت البري ما شفناها مره تانيه ان شاء الله خير ..

وانا بعد انظم الكم ..

والحمدلله شرفت الدورة اليوم ومافي حمل ...

أنا موجوده حبيبتي ريحانة القدس ، وأتابع الموضوع يوميا وأفرح بكثرة الصفحات ويارب يرزقنا قريبا ان شاء الله
تعالى ، الشهر هذا ريحت نفسي من الكلوميد واستخدم عسل السدر ........ أنا عملت كي في عنق
الرحم قبل شهر لان كان عندي قرحة شديدة وعندي امل الشهر هذا بإذن الله تعالى ..
ويارب نكون مجتمعات دائما على المحبة والخير ....

هلا فيك ام نيلا .. والحمدلله على كل الاحوال وربنا يعوض عليكي وعلينا بالخير قريبا يا رب .. اديش عمر ابنك؟ وشو بتاخدي علاجات ..؟؟
التوت البري نورتي بس فقدتك ..منيح كتير عسل السدر بس استعملي معه طلع النخيل منيح كتير ..منشط طبيعي يعني وان شاء الله بيكون خير وبتحملي هالشهر ..
انا الشهر هادا واللي قبله ما عملت اشي ولسا موعد الدوره بعيد يعني بدري افكر من هلأ بس ما متوقعه اشي هالشهر .. بس اذا حصل وصار حمل اكيد ما رح ازعل هههههههههه بس يصير ..والله كريم ..

صباح الخير يا حلوات
مع اني اليوم صحيت و مزاجي معكر الا اني قلت لازم اسلم عليكم و اتطمن على اخباركم.

انا اليوم عندي موعد مع الدكتور و راح يكون عندي التراساوند و ان شاءالله راح نبدأ التحضير لعملية التلقيح المجهري, انا بصراحة خايفة منها لكن ما باليد حيلة, مرات اقول يا رب اغمض عين و افتح عين و الاقي على ايدي بيبي و ارتاح من حالة التوتر و شد الاعصاب اللي انا فيها, و ما اقول غير الله كريم

ريحانة القدس;5986540:
هلا فيك ام نيلا .. والحمدلله على كل الاحوال وربنا يعوض عليكي وعلينا بالخير قريبا يا رب .. اديش عمر ابنك؟ وشو بتاخدي علاجات ..؟؟

مرحبا اختي ريحانة

انا ولدي عمرة سنة 8 شهور ؟؟


مااستخدم اي علاج حاليا لاني انزل وزني ...:eek: وربي يعيني ...


وعندي الانابيب مسدودة واللهم لك الحمد والشكر يارب..

رانيا البحرينية;5983991:
اهلا بك أختي.. الا شنو أسم ولدك يكون اناديك بأم ------.... الله يكتب لك الحمل بالقريب العاجل وإن شاء الله بعد القسطرة تكون فرصة الحمل كبيرة.... الله يرزق الجميع....

مممي.. أهلا بك أختي معنا ويارب الله يكتب لك الخير عن قريب... بنتك يعني من عمر عيالنا...


ريحانة القدس.. ياقلبي على بنتك ماشاء الله كبيرة وأكيد بتفهم أكثر عن الأخوان والخوات.. الله يفرح قلبها قريب..


أم نيلا.. يله شدي الهمة وخففي وزنك وإن شاء الله قريب بتبشرينا بخبر حملك وربي يخلي لك عبودي ويحفظه من كل شر...

new member.. الله يكتب لك الخير.. وإن شاء الله بعد كل هالزيارات يكون فرحك قريب وتحملين يارب وتودعين هذا الموضوع...


أم حمودي.. خلاص دام الدورة شرفت يفضل تروحي للدكتورة من ثاني او ثالث يوم من الدورة يكون تعمل لك التحاليل الأولية ويارب مايكمل الشهر الا أنت حامل..


تعرفون الصبح أتصلت فيني صديقتي وسألت طبعا كالعادة ها ماحملتي بعدك؟؟؟ عاد قالت شكلك تحتاجين راحة بعد هالإجهاضات وسوي مثل ما أنا سويت لأنها أجهضت بحملها الأول والثاني ومباشرة بعد الثاني خبرت مديرها أنها تحتاج راحة وماراح تداوم لو كتب لها الله الحمل. وفعلا بالحمل الثالث سوت هالشي وقعدت بالبيت 3 شهور والحمدلله الحين عندها بنتين وولد..
قمت شوفت مزاج مديري زين وقلت له الموضوع أني أجهضت قبل فترة وأمس كنت عند الدكتور وقال لو صار حمل تلزمني راحة وأنا بس حبيت أبين لك من الحين.. المهم تقبل الموضوع وقال الزم ماعليج صحتج وفي الأخير ضحك وقال الله يعيني بدونك راح أحتاس...الحمدلله طايرين عنه اليوم.. وخلاص قررت إذا الله كتب لي الحمل راح أرتاح شهر او شهرين وكيفهم عاد خل ايبون موظفة زيادة معاي...

والله معك حق يا رانيا, الحمل يلزمه راحة, مش بس راحة جسدية و نفسية بعد, يعني مرات اشوف نفسي وسط ضغط الشغل و العصبية اقول كيف راح احمل و انا فيني كل هالتوتر و طبعا هذا غير المشي رايحة جاية.
انا قرأت مرة انه التوتر و العصبية يؤدي لتقلص العضلات و ممكن يؤدي لانسداد في قنوات فالوب يعني يمنع الحمل, لكن الموظفة كيف فيها تروق اعصابها و تحافظ على هدوئها

الله يجزيكم الخير ويارب نحمل كلنا

الله لايجعل فينا محروم ان شاء الله ...

والله يارانية الوزن اب زايد لكن ابا اوصل ل60 يمكن شوي يحفزني ...

new member الله يسهل امرج ويفرج عنج وتنجح العملية ...
والله حاسة فيج ...
وتفائلي بالخير والفرج قريب ان شاء الله


no0ony83

الحال من بعضة ..

وان شاء الله الشهر الياي كلنا حوامل

كيفكم بنات حبيت اسلم عليكم واشوف اخباركم
اسأل الواحد الأحد الفرد الصمد الذي لم يلد ولم يولد ولم يكن له كفؤا احد ان يفرح قلوبنا جميعا ويرزقنا بالذرية الصالحة المعافاة عاجلا غير آجلا انه على كل شيء قدير ... آآآمين

كيفكم اخواتي ..
ام نيلا ان شاء الله خير والوزن بيخف وبتوصلي للوزن المناسب وبأذن الله ما بيكمل ابنك السنتين الا وانت حامل يا رب ..


رانيا ان شاء الله بتحملي بس هالمره اكيد لازم راحه ما في كلام .. وما تنسي انه بيكون تعب كتير شغل البيت وبرا البيت فالراحه مطلوبه وان شاء الله بتبشرينا قريب ..


new member الله يسهل لك امورك وان شاء الله بتنجح عمليتك وبعرف اديش الموضوع غلبه وتعب نفسي وجسدي الله بيعين وبأذن الله خير...


ممممى الله يسعدك مساك وكل اوقاتك ..


noony او ام حمودي احسن .. الحمدلله على كل الاحوال وفعلا متل ما قالت رانيا لازم تزوري الطبيب تالت يوم للدوره عشان الفحوصات اللزمه وان شاء الله ربنا بيفرجها ..


اما انا فما زلت مصره انه راحه من كل العلاج هالشهرين خصوصا اني مفكره اروح للعمره الشهر الجاي ان شاء الله وان شاء الله ربنا بيرزقنا كلنا بدون علاج وتعب قلب يا رب يا كريم ..

الله يسعدكم جميعا يا رب وأبارك لكل وحدة بالحمل قريبا ان شاء الله بس أبغى من كل حبوبة تكون على تواصل معنا علشان نواسي بعض ونعرف اخبار بعض..
والله فرحانة بأخوات لي وصديقات ما شافتهم عيوني بس قلبي يحس فيهم ويشاركهم
مشاعرهم ......... الله يخلينا لبعض .............

ريحانة القدس.. الله يكتب لك عمرة في بيته يارب ويفرح قلبك.. لما تروحين هناك أكثري من الدعاء وشرب ماء زمزم وإذا لينا معك خليها تدعي معك(يارب ترزقني أخ أو أخت) سبحان الله يمكن تكون دعوتها مستجابة.. السنة اللي فاتت لما خذينا عبودي معانه كان بحضني عند السعي وكنت كل مرة ابدا شوط آقول له ماما قول يارب تعطيني اخوان وخوات والمسكين كان يكرر وراي وفعلا الشهر اللي بعده حملت قلت سبحان الله يمكن هذي دعوة عبودي ، يله الله ماكتب للحمل يستمر لكن الحمدلله على كل حال....


التوت البري.. الله يديم المحبة يارب.. فعلا أنا بعد أحس خواتي بالمنتدى حبايب على قلبي ولهم معزة أكثر من صديقاتي بالحياة اليومية... الله يرزقنا جميعا...

صباح الورد يا صديقاتي
كيفكم اليوم؟ لازم يكون في تفاعل اكثر ليش خجلانين يا صبايا؟ احكوا عبروا فضفضوا ,
انا راح ابدأ
انا امس كان عندي موعد مع الدكتور و عملت التراساوند و بعد ما قرر اذا راح يعملي التلقيح الشهر الجاي, لانه بسبب المنشطات اللي اخذتها قبل في عندي بويضة قديمة معلقة لذلك انا اخذ حبوب منع الحمل هالشهر حتى تنزل البويضات القديمة و يطلع جيل جديد من البويضات حتى نبدأ التنشيط . ادعولي اني على اخر الشهر اكون جاهزة, لاني اذا ما نزلت البويضة راح اخذ حبوب منع الحمل كمان شهر يعني لا تلقيح مجهري و لا حمل طبيعي.
انا راح اتواصل معكم عبر هذا الموضوع و انقلكم اللي يصير معي خطوة و يمكن وحدة فيكم تتشجع و تعملها معي :-)

يارب أختي new member كل شي على آخر الشهر يكون تمام وتجرين العملية ويكتب لك الحمل ياقادر ياكريم..