قصة ولادتي بطفله من متلازمة داون (الطفل المنغولي)

نوضا;5669432:
أهلين اختي أم هدى

ايوه اقصد ثالث متوسط يعني درست 6 سنوات ابتدائي بعدين ثلاث سنوات متوسط والحين هي مؤهله انها تروح للثانوي بس ماعندنا ثانويه تربيه خاصه
وتمووت على شي اسمه مدرسه وحاسه انه عالمها وصديقاتها تسميهم خواتي.

واكثر شي يشغل وقتها الرسم تحب ترسم وتلون وماشاء الله لوحاتها حلوه لدرجة انها فازت بجائزه وتكريمها كان في الامارات

انا اشكر الاخت نوضا عرضت عليه المساعده وانشالله فميزان حسناتها

و مشكوره اختي وما اتقصرين والصراحه فرحتيني الله يفرحج دوم وما شالله عليها وعقبال هدويه انشالله

معقوولة في ناس بهالعقلية !!!!!!!

الله يشيفهم ......


يعترضون ع خلقة ربهم ،، و ما يعرفون ان هالشي يكون خير لهم


الله يهديهم .....


كمليلنا القصة يا أم هدوووية متشوقين نعرف الاحداث ..... و الله يجزيج الجنة ع صبرج

احنا معاج يالغاليهhaduih والله يجزيج الجنه امين يارب

الله يجازيج على الرعاية لبنتج وغيرها .. لكل حسنة ألف حسنة يارب العالمين ..

بقوللكم شي للاستفاده
بعد ما سويت العمليه حق حبيبتي هدويه ومرضت اسود جسمها بشكل ملحوظ الا ويها تم ابيض
وسويتلها خلطة الاخت موضي الدسمه للمنطقه الحساسه واشكرها على هالخلطه
زيت زيتون وليمونه وملعقتين ماء ورد وانا زدت من عندي زيت الوز تميت اسبوع ادهن جسمها فالليل واسبحها الصبح والصراحه روعه ورد لونها الطبيعي الحمد لله

غريبة ليش اسود جسمها ؟

متى بتكملين القصة ؟؟؟؟؟

اول شي الف الحمدلله على سلامتج

الله يخليلج اياها ويبلغج فيها ويعطيج الصبر حبيبتي مافي شي بعيد عن رب العالمين

حبيبتي طير السلام ما ادري ليش اسود جسمها بس يمكن لانها تمت شهر مريضه بعد العمليه
وانشالله بكمل

الغاليه lolu اشكرج على المرور

:con1:
[GLOW="FFFFCC"]مبروك الف الف مبروك
والحمد الله على سلامتج
قولي الحمد لله يالغاليه كل انسان في هاي الدنيا مبتلي بشي وسبحان الله ما تدرين يمكن هاي البنت بتطلع احسن وحده في عيالج واكثر وحده بتنفعج والله يكون في عونج عزيزتي[/GLOW]

انشالله واشكرج على المرور

احييك اختى ام هدى والله يخليها لك .. وتتتربى في عزكم ان شاء الله واتشوفينها متفوقة وناجحة في حياتها ..

والام شنو تبغي من اولادها غير انها تكسب فيهم الاجر وتشوفوهم سعيدين في حياتهم ..

بس انا خاييييييييييفة وااايد لاني قبل لا احمل كان فيني انفلونزا .. واخذت ادوية ومضادات .. وكانت هالفترة توني في الاسبوع الاول ؟

وحتى اللحين وانا حامل كان يجيني زكام واحتقان في بلاعيمي وكان عادي الدكتورة تكتب لي ادوية .. بس انا اخذ حبة وحده فقط وما اكمل العلاج ..

واللحين الله يستر على الجنين اللي في بطني يا ربي ان شاء الله يكون بصحه وعافية .. قل لن يصيبنا الا م كتب الله لنا ..

وانا من شفت كلامك وقصتك .. خف عندي الخوف وصار رضا بالمكتوب .. ولو صار فيه جنيني شئ لا سمح الله برضى بنصيبي وباللي الله كتبه لي .. ويا ربي ما يكون فيه الا الصحه والعافية ..

وشكرا لك على كتابة القصة استفدت منها واااااااايد ..

و بنتج نفس الطفل الطبيعي و يمكن أكثر ما شاء الله...الله يحفظها ويحرسها من العين

الغاليه ايوت انشالله الي فبطنج طبيعي ولا توسوسين

هدف من الاهداف الي علمته هدويه الدور والنظام
بمعنى انه اذا كانو اطفال يلعبون كل واحد له دور محد ياخذ دور الثاني الا لما يجي دوره ولايتعدى على اللاخر
ولو تلاحظون ان الاطفال يوم يلعبون وايد يضاربون وهذا السبب
وانا بديت ويا هدويه من عمرها سنه وشهرين وفالبدايه ماكانت تفهم ومع الاستمرار فهمت يبتلها كوره وكنت العب وياها ولما تكون الكوره عندي ارميها عليها وقولها دورج وخليها ترميها عليه وقوللها دوري والحمد لله لحد الحين مستوعبه الكلمه حتى يوم اقوللها دور منو الحين تقولي انا

هلا اختي haduih
بصراحه قريت قصتك كامله
ومن كلامك احس بنتك طبيعيه و اذكى من الطبيعيه
ماشالله عليها انتبهي ليها عن العين
ودايما اقرأي عليها
والله يخليها لك وتشوفيها عروس
دمعت عيوني وانا اقرأ
ودخلت قلبي بنتك
وان شاء الله مانسمع عنها الا كل خير ياارب

يلااااااااااا اختي ننتظر تكملة موضوعج

انا اسفه اني اتاخرت عليكم بس لاني شوي تعبانه وما كنت قادره اكتب وسمحولي
نكمل
اما بنسبه لاهل ريلي
ريلي وايد تردد انه يخبرهم والصراحه انا خفت يوصلهم الخبر من غيري وانحرج ليش ما خبرتهم انا ومن دون ما يعرف كلمت وحده من خواته والصراحه خوات ريلي وايد طيبات ويحبوني الحمدلله واول ما قلتلها ما فهمت شو متلازمة داون وكان عمر هدويه 6شهور وبعدين فبديت افهمها ويالله صياح وهي مش معرسه والصراحه وايد اتاثرت وقالتلي لا تخبرين حد هدويه ما فيها شي وما تشبهم ومرت الايام وانا اقنع ريلي انه يقول حق اهله وهو رافض وبعد ما كملت هدويه سنه واكثر يا اخوه الي فالجامعه وسال اخته الي انا قلتلها عن هدويه وقاللها انا حضرت محاضره دينيه وتتكلم عن متلازمة داون وقالتله شو يعني قالها خلاص بس بغيت اخبرج وراح عنها واتصلت فيني قلتلها اكيد هو عرف بس اتوقع انج ما تعرفين وسكت قالت الحين شو نسوي قلتلها بشاور اخوج وبقولج المهم انا اتكلمت ويا ريلي وقتله عن الموضوع قالي بنتي ما فيها شي وما اباج تتكلمين فالموضوع والصراحه اشتدد بينا الكلام لاني ادري بعد فتره الكل بيعرف فاحسن يطلع الموضوع منه هو هذي الفتره محد عرف ولا شك انه هدويه داون مع انه طوايف طوايفه شافوها وبعدين انا اقنعته اخبر اخته الي انا اصلا قلتلها قبل ها ها ها ووافق وقلتله بخليها تخبر اخوها الي فالجامعه عسب ما يتكلم فالموضوع عند حد ثاني ووافق وخبرنا الاخو والصراحه صار يعامل هدويه احسن من قبل وبديت الاحظ عليه انه يعلمها النطق وكل وقته يشلها الله يعطيه الاجر والصراحه حتى اخته وايد متابعه ويايه فتعليم هدويه وتموت فيها ولحد يومنا هذا باقي اهله ما يدرون وهدويه سنتين وشهرين وما شالله عائلة ريلي كبيره وايد بس محد لاحظ وانا ما اتكلم ويا ريلي فهالموضوع والسبب الوحيد انه ريلي ما يبا يخبر اهله يقولي ما بيفهمون وما ابا حد يعاملها معامله ثانيه انها ما تفهم
بس السؤال اذا درت ام ريلي من غيرنا شو بيصير؟؟؟؟؟؟؟؟؟؟؟؟؟؟؟؟؟ اخاف يقولون انا الي منعته مع انه عمتي وايد طيبه بس انا خايفه لو يتها اي وحده من اهلهم وقالتلها عن هدويه يمكن تقوللها الموضوع بشكل ثاني وتكبر الموضوع وانه العيب مني وتعرفون كلام الحريم والصراحه فموقف عمتي يمكن اتصدق لانه ليش هالفتره انا ما اتكلمت سنتين وشهرين وايد
والشي الي مريحني اني خبرت اهلي فما اشك ان حد بيتكلم من ورايه لاني انا الي قلتلهم

حبيبتي إتوكلي على الله فطاعة الزوج من طاعة الله .. لاتحاتين بما أن رب العالمين وياج.. وإذا كلام الحريم بهونها ربي وبتهون الأمور إن شاء الله ..

بصراحة غاليتي قصتك علمتني اشياء كثيره

انت مثال الصبر والتصرف الحكيم ...........بصراحه اعجبت فيكي مره ......واتمنى اني اصير صديقتك لأنك فعلا إنسانه مؤمنه وعاقله ....الله يبارك بعمرك ويخليلك بنتك الأموره ويفرحك فيها ....تصدقيني تشوقت اشوفها بوسيها لي ...الله يخليها لك

بس السؤال اذا درت ام ريلي من غيرنا شو بيصير؟؟؟؟؟؟؟؟؟؟؟؟؟؟؟؟؟

انتي طعتي زوجك وارضيتي ربك وإن شاء الله مارح تشوفين إلا اللي يسعدك وإذا درت من غيرك اكيد زوجك بيقولها انا اللي مارضيت اقولكم

....................

الله يخليلك بنوتتك يارب
الله يثيبك إن شالله على صبرك حبيبتي
وبنتك من كلامك ماشاء الله ماااافيها شي ولا توسوسين
أنا أعرف واحده عندها بنت منغوليه وفيها نسبه وسط البنت ماشاء الله الحين حدود ال10سنوات وماشاء الله لاقوه ألا بالله تعرف عربي وأنجليزي وفرنسي بعد
وإذا دخلت على ناس من نفسها تسلم ومدلعه نفسها مرره نعومه وجسمها جسم واحده طبيعيه ونسبه الداون ألي فيها واضحه فابحاله بنتك مادام أنها مو واضحه خلي كللش طبيعي مرره

السلام عليكم و رحمة الله و بركاته...
أم هدويه ولد خالتي عنده بنت أول ما طاحت قالوله بنتك منغوليه تعرفين ليش؟
بسبب إيدها فيه خط واح في النص فتمت تصيح الأم و اليده فيوم دخل عليها دكتور قالها شو فيج ف خبرته فضحك عليهم قالها شوفي إيدي و طلعت إيده نفس الشي قالها البنت ما فيها شي و هذا مش سبب رئيسي...والحمدلله البنت ما فيها أي شي....