زفة ودخلة العروس على القاعة !!!

:up::up::up:

هلا والله كيفكم انشاء الله بخير
شنو شنو هزين:clap:
ماشاء الله ابداع:smile:


طبعا هذي المقدمه وراها طلب:pain:
:o:o:o:o:o:o

ابي منكم المسيقه الرومانيه:o
والمسيقه الي تابع الف ليله وليله:o
وابي الزي حق شهرزات كيف
والبس الروماني كيف

جد ساعدوني ابيهم ضروري:o:o:o

:o:o:o:o:o:o:o
فشلتوني ولا وحده ردت علي

جد جد طالبتنكم

افكار رهيييييييييييييييييبه

ماشالله عليكم:clap:

:up::up:

انا عندي فكرتين

ان يكون في بنت صغيره لابسته فستان ابيض وتعزف على البيانو لزفة العروس تكون كلاسيكية وممكن يدخلون ثلاث بنات صغار يرقصون باليه..


الفكره الثانيه ان تكون الكوشه مثل القبب وكبيره ووتدخل العروس على زفة من القانون الة القانون يعني تكون اندلسية ..

شكلي بسوي وحده من الثنتين

لقيتك صيغة البطاقة الا ادورها بس للأسف ناقصة

بلغني ايها الملك السعيد ذوي الراي الرشيد أنه في ليلة من ليالي ألف ليلة وليلة تم الزفاف بالأمير----------على الأميرة ------------ ----------
ياريت احد يعرف التكملة يقولي
واذا احد عندة فكرة لأن زواجي بيكون كل شي الف ليلة وليلة

ياريت تساعدوني زواجي بعد شهر
ومشكورة مقدما للي بترد علي

*مشاعر*


فكرتج حلوه ... إذا حصلت لج إضافه .. بحطها لج ...:up:

بالنسبة لزفة ألف ليلة وليلة وجدتها لكم في موقع ثاني
لكن لم أستطع أن أحط المؤثرات الصوتية احتراما لقوانين المنتدى .

[CELL=filter:;][ALIGN=center]بلغني أيها الملك السعيد
ذو العقل الرشيد
أنه كان في قديم الزمان
وسالف العصر والأوان
بنت بارعة بالجمال
يعجز عن وصفها القيل والقال
ولم يوجد لها في هذا الزمان مثال
ذات طرف كحيل
وخصر نحيل
أن أقبلت فتنت
وأن أدبرت قتلت
تأخذ القلب والناظر
كما قال فيها الشاعر [/CELL]

طبعا هنا لابد من وجود شاعر يصف هذي البنت اللي روت أوصافها الجارية للملك


[CELL=filter:;][ALIGN=center]كـان ياماكـان
عفـوا ماهـي أسـطـورة
ولكن قصة من واقـع
لكـم اليـوم بحكيهـا
كـان فيـه بنـت آيـه بالحـلا وسـوره
وجمال الكون ياعالـم كلـه بيـن أديديهـا
أذا أقبلت تنحنـي لهـا الـروس معـذوره
مثـل الأميـره بعرسهـا الكـل يحييـهـا
هــذي ( ) الـلـي للقـمـر صـــوره
وربي بهذي الدنيا مافيـه زيـن يضاهيهـا
شعرهـا الأسـود مثـل الليـل بـغـروره
ورموشها سهام مسلوله تصيب اللي طمع فيها [/CELL]

حتى تكتمل عندنا الزفه مثلا من ناحيه دخلة العروس يكونون واقفين بنتين على جوانب المدخل ومعهم نفس المراوح او المهفات الكبيره التي تحملها الجاريات ويبدون يهفون على خفيف على العروس ويمشون معها حتى يوصلون الكوشه ...طبعا هذا الشي ينطبق على اللبس وعلى كل حاجه حتى الكوشه نفسها يكون الديكور مطابق للزفه...راح يطلع شكلها حلو

و في زفة ثانية انا شخصيا عجبتني فكرتها

الفكره عباره عن تنفيذ لدخول السندريلا الضائعه:

قبل دخول العروسه .. وبعد ما تطفىء الانوار... يطلع ولد صغير شايل بيده مخده عليها حذاء السندريلا الضائع... ويمشى على الاستيج... وينادى : يعلن الامير ... (اسم العريس) ان الفتاة صاحبة هذا الحذاء سوف تزف للامير هذه الليله.. وبعد ما يمشى شويه... يظهرن بنات بعمر 8 _9 سنوات واقفات بالدور يحاولن تجربة الحذاء ولكن بدون فائده (عدد البنات 5) .....
وبعدها يصعد الولد الصغير حامل الحذاء السلم (مكان نزول العروسه) ويروح فوق ويختفى... وبعدها بفتره.... يعلنون بانهم وجدوا صاحبة الحذاء الضائع.... وتنزل العروسه على نغمات اغنيه( السندريلا لفائز السعيد)

:clap::clap:
أفكار رائعة
:up:

البساااااااااااااااااااطة


المبالغة في حركات الزفة.... اتأدي لنتيجة عكسية:down:

يعني..... قصيدة حلوة... او موسيقى هااادية.... و القاعة اتكون مرتبة و مش فوضى (مافيها ياهال و لا حريم واقفين و يالسين او مافي اي حد يتحرك من مكانه) و العروس اتكون ناعمة و رقيقة

..... و بسسسسسس


و الله العرس يطلع رااااااااااااقي

و كل ما زادت الحركات كل ما طلع العرس عنقاش او cheap

الفكرة الرومانية حلوة :clap:

شيدوا الهمة بأفكار يديدة .... :smile:

مثل ما قالت أختي
Mayana
المبالغة في حركات الزفة.... اتأدي لنتيجة عكسية

وهاي شفته في الصدق والواقع


خلوني أقول لكم دشتي آنا مالت 2003 يمكن قديمة بس كانت رووووووووعة وجو القاعة كان فضيع أنطفت الأضواء وبدت الشموع ألي بوسط الورد ألي على كل طاوله مضاء صار جو ولا أحلى
ومشو قدامي ست يهال من هلي لأن كانت الحفلة ممنوع أصطحاب الأطفال ثنتين صغار من قدام وحده شايلة قرآن على موسدة بيضة والثانية ألي بصفها شايلة مبخر فيه شبه وحرمل (عن العين والحسد) وألي وراهم شايلين سلتين مشموم وألي وراهم شايلين شموع كبار وطوال طبعا كانوا متدرجين في الطول وآنا بمسافة متر ونصف أمشي وراهم وشوي لين ركبو البنات على لستيج الطويل ركبت آنا وراهم وهم كل وحدة وقفت على جنب يعني كل وحدة قبال وحده وآنا أمشي وسطهم لين وصلنا المسرح ألي كان مربوط بتور طويل من البنفسجي ألي موصل بين الديزاين يعني كأنه شريط معرض بيفتحونه زوجي هد يدي وقام فتح التور بيده ودعاني بالدخول إلى الكوشة

طبعاً الغرض من هاي الحركة أن محد يقرب ويقعد على الكوشة ولأن فيه حركات في الكوشه وشموع وطبعاً فيه هدايا التورزع لملبس

وعلى أغنية مبروك عروستنا

واااااااااااااو روعه

حركه الياهل

بس يبيلهم تدريب:up:

عرس اختى كان رووووووووووووووووعة
و الكل اتخببببببل عليه
القاعة كانت ظلام وقبل لا تدخل عرظنا على الشاشة صورها من يوم كانت
صغيرة ويوم التخرج وبعدين يوم الملجة و الحنة
و يوم خلص العرض بدت موسيقى الزفه
تبدأ بصلاة والسلام على رسول الله وزغاريط بصوت فطومه
وبعدين هدوء ثانيه : وتنسمع صوت خطوات وحده تمشى تك تك تك
وصوت باب ينفتح و فى هذا الوقت تفتح اختى الباب من ورى الكوشة
وتطلع كأنها ملكة
للعلم الكوشة على شكل قصر واختى تطلع وتفتح الباب وتوقف على البلكونه شوى وتنزل من الدرج (كان فى سلمين على جوانب البلكونه)
واخر الدرج مسكر بشريطه من الورد تفتحا العروس وتمشى لين
اول الاستيج وتى طفله صغيرة لابسه فستان ابيض تعطيها الباقة.
العرس كان من تصميمى .

يالله ياااااا بناااااااااااات نبا المزيد من الافكاااااار المعقوله .. :up:

السلام عليكم ..

انا مع الأخوات اللي يقولون ان البساطه هي سر الجمال.. لأن الحركات هاي ما تخلي العرس عرس .. يكون تمثيل مب عرس .. لاحظوا الاجانب .. العرس عندهم عرس بسيط و راقي و نفس المراسم يتبعونها في كل الأعراس .. و اعراسهم تطلع وايد حلوة و ناعمة..

أنا في عرسي غيرت عن الناس بس بطريقة بسيطة و حلوة.. في دخلتي .. كانت تمشي جدامي وحده تعزف على الكمان موسيقى ناعمه و ظلت تمشي جدامي لين وصلنا الكوشه و هي تعزف .. بس .. ما كان فيه تهريج و لا تمثيل ..

و هذا رايي ..

كاتب الرسالة الأصلية : الامل1
عرس اختى كان رووووووووووووووووعة
و الكل اتخببببببل عليه
القاعة كانت ظلام وقبل لا تدخل عرظنا على الشاشة صورها من يوم كانت
صغيرة ويوم التخرج وبعدين يوم الملجة و الحنة
و يوم خلص العرض بدت موسيقى الزفه
تبدأ بصلاة والسلام على رسول الله وزغاريط بصوت فطومه
وبعدين هدوء ثانيه : وتنسمع صوت خطوات وحده تمشى تك تك تك
وصوت باب ينفتح و فى هذا الوقت تفتح اختى الباب من ورى الكوشة
وتطلع كأنها ملكة
للعلم الكوشة على شكل قصر واختى تطلع وتفتح الباب وتوقف على البلكونه شوى وتنزل من الدرج (كان فى سلمين على جوانب البلكونه)
واخر الدرج مسكر بشريطه من الورد تفتحا العروس وتمشى لين
اول الاستيج وتى طفله صغيرة لابسه فستان ابيض تعطيها الباقة.
العرس كان من تصميمى .

روووووووووعه الفكره ماشالله عليج


حبيبتي اذا كان عندك فكره زفه تختص في القمر

ممكن تقوليلي ياها وياحبذا على الخاص

السلام عليكم ورحمة الله وبركاته

انا افكر اسوي زفتي قديمة بس أبي مساعدتكم

يعني بخلي بنات صغار يلبسون بخانق او ثوب نشل ويحملون مشموم ومباخر و قرآن و مرشّات ماء ورد ويمشون لين يوصلون الكوشه و بعدين أنا اطلع بروحي وأمشي للكوشه

عطوني افكار يبنات