زفة ودخلة العروس على القاعة !!!

انا خاطري اسوي زفه رومانيه بس ما اعرف اقول الشرح ومب عارفه الطريقه كيف :(

قولي اللي في بالك ويمكن تكون ناقصة شيئ نساعدك فيه

يلا يابنااات عطونا افكاااااااااار

انا شفت زفه ترقص بنت باليه قبل العروس
و زفره يدخلون العروس بنات صغار مع ورد مثل الاجانب
و طبعا الزفه المعتاده الي على اغنيه ولا اغنه خاصه بالعروس و المعرس
و سمعت عن وحده دشت بصوت الغابه
و وحده دشيت بصوت زغاريط مثل المصريات
و وحده دخلها ولد صغير لبس بدله

انا فكرتي ان في دخلة العروس توضع الاغنية مالت الزفة وبعدين يدخل

طفلة(6 سنين) لابسة نفس فستان العروس ومعاها طفل لابس نفس


العريس طبعا المعازيم يفتكرو ان العروس هي اللي راح تدخل لكن

المفاجئة ان الاطفال هم اللي راح يدخلون وبعدين توقف الموسيقى

وتطفئ كل الانوار ويسلط الضوء على العروس فقط وهي داخلة وتوضع

قصيدة شعر تمدحها وبعدين تبدأ اغنية دخلة العروس وانا افضل اغنية

راشد الماجد (((بدر))) وايد حلوة وقبل العروس يكون فيه بنتين صغار في

السن ماسكين سلات كبيرة فيها ورد ينثر على الارض وتمشي عليه

العروس عليه الى ان تصل الى الكوشة وبعدين يكون عند الكوشة فيه

قفص حمام تفتح القفص ويطير الحمام ......


يارب فكرتي تكون اعجبتكم وفي انتظار افكار ثانية

ممكن اختي كنزو ترسلين لي اغنية بدر لراشد الماجد لان نفسي اسمعها او على الاقل وين القاها ..........في اي موقع؟؟؟

:) ليش جيه محد يتحمس موضوعج حلوو عزيزتي kenzo girl
اما الصراحه شو عندي من افكار فهو شو راايكم :)
تكون القاعه ظلام بس ضوء شموع تبدى موسيق ناعمه فتره طويله والكل يترقب وبعدين تطلع مجموعه من البنات وكل وحده لبس معين ويكون معاهم سلال ورد وبعدين يقوفون كأنهم في ممر الاستقبال وبعدين تطلع العروس وينثر الورد :) ولو مع طلعوها يسوون حركات بالليزر بيطلع العرس روعه ..هذا الا عندي .. :o

انا بقولكم عن الفكره اللي دخلت فيها لعرسي
اول شي كان الجو في القاعه روماني يعني الكوشه رومانيه او حوالين القاعه سنطوانات رومانيه عليها ورود ..
طلعت على انغام موسيقى رومانيه.. او معاي من البنات خمسه..وحده حامله القران عى مخده .. تمشي اول وحده جدامي.. او بعدين يمشون بنتين وحده على يميني والثانيه على يساري واثنين يمشون وراي بعد وحده على اليمين واليسار.. او هالبنات لابسين فساتين على الطريقه الرومانيه او شايلين فوانيس مزينه بالورود كانهم ينورون علي او كانو لا بسين طوق مو الورق والورود نفس الرومان

هاي مانت الفكره .. واذا عيبتكم بكمل لكم شو سويت بعد
او على فكره الكل اللي حضرو عرسي قالو عن الفكره انها وايد حلوه.. او جديده:D

حلوة الفكرة الرومانية هذي وجيديدة بع

والله يوفق الجميع

أفكاااااااركم حلوه...ما شاء الله عليكم :cool:

شو رايكم في العروس يوم تدخل تكون شايله وياها كراسة مذكرة حلوة جدا مزينة بالورود الطبيعي تكون الورود نازلة بطريقة حلوة المهم وهي تمشي ببطئ تعطي الكراسة لأربعة أشخاص على اليمين اثنين واليسار اثنين وتكون عروسة صغيرة تنتظرها فوق الكوشة أول ماتوصل لنصف الطريق وتسلمها المسكة وتاخذ العروس الصغيرة المذكرة وتكمل توقيعات المعازيم

اقول لكم انا عرسي لبست ملابس بيضاءمغربية وجلست وسط هودج شكل محارة كبيرة انا جالسة وسطها ومسكرة علي واربعة من الحريم شايلينها ودخلو بي القاعة كانت كلها ظلمة والحريم تصلي على النبي عليه الصلات والسلام بعدين حطوني. دخل زوجي بحصان ولباسه مغربي, ووراء اطفال شايلين شموع نزل زوجي من الحصان وفتح المحارة وانا جالسة فيها كاني لؤلؤة وطلع النور من المحارة ونورت القاعة كانه نور اللؤلؤة الي هي انا....هههههههههههههههههههه. وبعدين مسكني زوجي من ايدي وطلعني .......................الى اخره.........

السلام عليكم

عندي سؤال يابنات بس من غير زعل
طيب ليه ما تخلون الزفه ناعمه جدا والله بتعطيكم نعومه وانوثه
يعني تدخلين والاضاءه عليك ويكون الزفه مثلا شعر وتوقفون شوي لين
يخلص الشعر وبعدين تبدا الزفه وتمشين لين الكوشه وتخلون الافكار للكوشه والديكور مو كذا احسن

المهم انا زواجي بعد شهرين وبقولكم ايش جهزت .....
قبل الزفه في القاعه شاشه عرض تصورت صور كثيره مثل اللي في المجلات ومعاي زوجي في نفس الصور وبعرضها قبل الزفه بربع ساعه
ولاني ماابي احط اغاني حطيت لشعار متنوعه

بعدين في القاعه بلكونه بنطفي انوار القاعه وبيتسلط علينا اضاءه وبيكون فيه شعر لمدة خمس دقائق ولما ننزل الدرج بيكون فيه تورته بنقطع الكيكه
وبعدين تبداء الزفه لين الكوشه

اوه نسيت اقول ان الزفه من السياره الين الكوشه كلها بتكون معروضه على الشاشة

بااااااااااااااي

الأفكار جميلة و حلوة
راح أخبركم عن فكرة اختي بالملكة و لأنها قريب تعرس
سوت لون الفستان و الالكوشة و الباقة كلها بنفسجي على اخضر
و دخلت علي أغنية أجنبية هادية و مع الغنية منورات في السماء و كانت الدخلة روعة و خاصة المنورات و لكنها إلحين ما تعرف شو سوي للعرس لأنه طبعا بقاعة:D

أفكاركم حلوة بنات .. بس الله يخليكم تكفوووووووون :( أفكاركم هذي حق صالة او قاعة بفندق .. زين واللي بتسوي حفلتها ببيت أهل ريلها شلون ؟؟؟؟ :( ساعدوني تكفون ..

انا عندي فكرة بعد

ونفذناها في أحدى اعراسنا في مسقط

قبل عن تدخل العروس الى قاعة الحفلة تكون يالسة تسوي مكياج وناس في في القاعة يشوفنها على الشاشة بس يعني لقطات يوم يسولونها المكياج بعدي يوم تنزل عاد الى قاعة وناس تشوفها على الشاشة ويحطون حالها وهية نازلة ليلة ولو باقي ليلة لفنان عبد الرب ادريس

والين توصل تكون الاغنية خلصت بعدين يبدا تكون واقفة جدام الناس ويكون شعر على طريقة شلة وهية واقفة بعدين عاااااد تدخل بلاغنية مولفينها حقها

الين توصل وحدها على الكوشة

وبس

بقول ايش عملت في زواجي طفوا انوار القاعة كلها وسلطوا الضوء على المدخل وحطوا اغنية من قدنا لراشد الفارس ودخلوا قبلي ست بنات لابسين نفس اللون والموديل وصفوا على الكوشة وبعدين دخلت انا وكلنت الاغنية الثانية العالم الله لعمر دياب وكانت اهداء من صديقتي وكانت مفاجأة وبس :D

والله بنات افكاركم روعة وبالذات الزفة المغربية فعلا غريبة

نبي افكاركم المفتكسة :D

مشكورين على كل هذي المشاركات

انا عندي زفه بصراحه اعجبتني وهذا الزفه لازم تكون على جسر اوممر تمر عليه العروسه الزفه هي عباره عن:

1- تطفى جميع الانوار ويكون هناك اضائه مجهزه من قبل ....

2- يكون هناك طفله عمره من 8 الى 6 على الاقل وتكون جريئه ويكون فستانها لونه فضي ومعاها عصايه فضيه نهايتها نجمه =مثل عصي الساحرات....(الله يبعدن عنهم):D:D

3- تكون الاضائه على الطفله وهي على الممر وكانها نائمه وفجائه تسمع صوت موسيقى هاديه وتصحا وتقوم من النوم وتناظر يمين وشمال وتشوف العصاء وتاخذها وتوجها ناحية الباب اللي بتدخل منه العروس وتهزها ومباشرة تتحول الاضاءه الى العروس وتكون العروسه تمشي وتتلفت على المعازيم وتتبسم لهم وتكون مشيتها بهدوء وبطئ الى ان توصل الى الكوشه ويكون هناك البخار(الذي يفتحونها ويصبح كانه طالع الواحد من سحاب اوبخار كثيف) ثم تفتح بعد ذلك جميع الانواروتوضع اغنيه حلوه مثل اغنية عبد المجيد (قمــــــــر) مره حلوه هل الاغنيه وبكذا تنتهي الزفه...

وش رايكم انا اعجبتني لم شفتها في احدى المنتديات

واتمنى تعجبكم:):):)

مع خالص حبي:

(u)عمري الباقي(u)