زفة ودخلة العروس على القاعة !!!

يقولون هالاغنيه لراشد الماجد وايد حلوه ياريت اللي تعرفها تدزها
:)
تكفون بسرعه العرس قرب:(

اغنية بدر اراشد الماجد هتلاقيها في

[CELL=filter: glow(color=orange,strength=3);][ALIGN=center]ممنوع اضافه روابط لمواقع موسيقيه او اي مواقع اخري
الرجاء التقيد بتعليمات المنتدي[/CELL]



في اغاني easter الخليج يعني وتختارين الفنان راشد الماجد راح تلاقينها

الى الأخت aldrqa
الصراحة اتفاجأت وايد يوم قلتي انه في الزفة اغنية وبعدين قرآن وبعدين اغنية

يعني الي يبغي يبارك عرسة بالقرآن ما في داعي يحط قبله وبعده اغاني

اسمحيلي بس هالطريقة مو مناسبة ابدا

و بالتوفيق

بنات افكاركم كلها زينة وحلوة
تسلمون على هده:cool:

هلا بنات.. شلونكم

أنا في عرسي كانت زفتي رومانيه، الكل عيبته طريقة الزفه، أما شلون كانت:D

في البدايه تحتاجون لخمس فتيات كبار مش أطفال

يتوزعون عالأدوار كالتالي:
1@ الملك (ملك الروم يعني)
2@ الحرس من الرجال
3@ التوابع من النساء
4@ العروس طبعاً ;)
5@ موسيقى رومانيه ( أنا استخدمت موسيقى مسلسل الفوارس)
6@ رمحين أو قوسين طوال
7@ قيثاره

شلون كانت الحركه:eek: :eek: :eek:

في البدايه تبدأ الموسيقى ويطلعون الحرس من الرجال ( طبعاً كانوا بنات بلبس روماني مستر) ، ماسكين الرمح أو القوس يمشون بخطى متساويه مع النغم لحد ما يوصلون الكوشه و ياخذون موقعهم على جانبي الكوشه بعدين يصكرون الرمحين بعلامة x

بعدين ينزل الملك وهو ماسك صولجانه ووراه البنتين بلبس روماني ناعم أنثوي يعني ماسكات كل وحده قيثاره وينزلون لحد ما يوصلون الكوشه يبدا الحرس يفتحون الطريق للملك ولتوابعه حتى يجلس الملك على الكوشه والبقيه يتوزعون على جانبي الملك بالتساوي..

بعد هذا العرض كله تطلع العروس على الزفه المحدده ( أنا نزلت على زفة بدر لراشد الماجد لكني خليت الفرقه تغنيها عشان تغيير الاسم)، المهم العروس لما توصل قريب من الكوشه الملك يقوم ويمد يده لها ويجلسها عالكرسي الخاص فيها

وبعد ما تجلس العروس يبدأ العرض الروماني بالإنصراف على نغمات رومانيه أيضاً.. ويتكمل العرس

حبيت أكتب عن هالزفه لأنه في وحده سألت بالبدايه شلون تكون الزفه الرومانيه

تحياتي

:D

وين أقدر احصل اغنية راشد الماجد البدر بدون موسيقى

[B]SIZE=3][COLOR=black]coral]سلامي عليكم جمييع

يعطيكم العافية عالموضوع الحلو بس بغيت ولا عليكم امر زفة بدر بدون موسيقى :shy:

واللي تعرف مواقع (أغاني ) زفات ترسل لنا لو سمحتو ا

لان عرس اختي جرييييب :smile:

ومشكورييييييييين .....

مع تحياتي
أختكم
الغاوية
MOON LIGHT

تسلمين اختى ام عبد المالك على الشرح الوافى وماقصرتى
بس ابغى اسألك من وين نجيب صولجان والرماح هذا

هلا يا اختي
اول اشكرك على هدا
وانا عرسي بعد 4 اشهر واتمني لو يكون مثل افراح الاجانب وبقول لك فكرتي
انا اتمني لو اول ما ادخل من الباب حق الصالة يكون في الصالة دلفاز كبير يبين من اول ما انزل من السيارة الين ما اكون في الكوشة يعني من قبل ما اكون في الصالة يكون المعازيم قد شافوني وانا انزل من السيارة وبعدين يبينو لي صوري وانا عند ما كنت بيبي يعني يبينو لي كل صوري وانا كنت زغيرة وبعدين على شويا شويا اضهر انا وادخل الي الباب حق الصالة وتكون الزفة على موسيقة ويستنوني اطفال كلهم يكونا لابسين مثل الفستان حقي ويرقصو لي رقصت البالية يعني روعة
وانشاءالله تكون عجبتك فكرتي وفهكتي ايش اقصد
من اختك نونا

مشكوره اختي علي الرابط ;)

تسلمين اخدمج بالافراح انشاءالله

واتمني اللي عندها اغاني لدخله العروس تشاركنا:D

والحين اخوي بيتزوج وبيبله شعر يدخل عليه

لكن:(

مااعرف اغنيه يكمل عليها شرايكم;) تساعدوني

ومشكورين

لاتنطشون:confused: باي


اخت المعرس

صباح الخير جميعاً ...
و عساكم دوم بخير يا بنات :smile:

أحب أبارك لكل البنات الي تزوجوا قريب و الي رح يتزوجون قريب بعد :D2
و أقول للمتزوجين من زمان .. الله يديم عليكم الهنا و السرور ...

بالنسبة لموضوع الزفة و دخول العروس على المعازيم .. أفكاركم حلوة جدااااً ..

أنا زواجي بعد شهر بالتمام و الكمال .. و تجهيزات زفتي و القاعة و فستاني و كل شي اكتملت الحمد لله ..

أنا أتخذت الستايل الهندي في كل شي (( فكرة ما مرت علي و عجبتني :smile: ))
أول ما تدخلين للقاعة في طبعاً دفتر الذكرى الي لونه بيج و خمري و عليه خرز هندي .. و رح أحط بجنبه صورة لي لابسة ساري هندي ..
خليت الكوشة حقتي نفس قصر تاج محل ..و فيها فُل موب ورد (( كنوع من التجديد عن فكرة الورد المتكررة )) ..
المسكة حقت الورد تحتوي ورد أحمر و وردي و فُل أبيض تعرفونه أكيد كلكم و هو معروف بكثرته عند الشعب الهندي .. و خليت فيها خرز و حجار متدلي منها .. إن شاء الله بعد الزواج أصور لكم كل شي و أنزله على المنتدى ..
بالنسبة للطاولات حطيت عليها مجسم صغير لقصر تاج محل و فيه طبعاً فتحات علشان الحلاوة و الفطاير ..
أما بالنسبة لترتيبات الزفة فهي كالأتي :
1- في تمام الساعة 12 رح تضرب صوت الساعة في القاعة و تبدأ الأنوار تصبح خافتة بالتدريج .. و في القاعة بلكون تنزل منه العروس .. في هذاك الوقت و الساعة تدق رح تطلع من البلكون و بالتحديد خلف الستار الموجود فيه ضياب و بخار (( أكيد تعرفون الجهاز طبعاً المسؤول عنها ))..
2- أول ما تنتهي الساعة من الدق و اثناء وجود الضباب رح يطلعون من خلف الستار ثلاث بنات (( في سن 14-18-20)) لابسين ساري و يطلون على الناس من فوق و معهم سلات ورد يرمونها على الناس من فوق ..
3- تبدأ موسيقى هندية و ينزبون البنات عليها و يرمون الورد في الدرج و على ممر العروس الى الكوشة طبعاً ..
4- بعدين تبدأ أصوات الموسيقى حقت البنات تنخفض شوي شوي و تدخل عليها مسيقى ثانية هندية لفرقة ((Bond Shine )) و في قماش شبكة مليان بالريش و الفُل في سقف الشرفة بمجرد ما تبدأ الموسيقى رح ينفك هالشباك و ينزل الريش و الفُل و أطلع أنا من بين الريش و الفُل :shy: ..
و أنزل على الزفة وصولاً إلى الكوشة طبعاً ...

و سلامتكم سامحوني طولت عليكم :smile: بس إن شاء الله تعجبكم الفكرة ..

الاخيره روعه صراحه

:clap: عندي لكم فكرة رائعه انك نحطين بالكوشه تفا ح او عنب مع الورد الله بتطلع رائعه وشي غريب

:up:

:up:Warm Breezes
يسلمووو على هالفكره الروووعه وااايد عيبتني الصراحه ...:up:

جد جد جد الفكرو اكثر من روعة ياعمري والله يوفقك في حياتك

السلام عليكم.........
فكرة العرس الروماني والهندي وايد حلوه............(r)
الصراحه كل وحده منا تريد تكون حفلة عرسها أحلى حفلة وتكون فيها حركات غريبة وجديدة...

بس التعقيد والاكثار من الحركات ممكن يضيع العرس ويملل بالحضور لا سمح الله .........

بالنسبة لي من الافكار الحلوه اللي كانت في عرسي.. مشوا قدامي ست بنات صغار لا بسين نفس الالوان وشايلين في ايديهم مباخر فيها عود.. يعني قبلي بحوالي متر كان الممر كله ريحة عود ,,,,,,,,,,,,,, ريحه حلوه وشكل حلو حتى بالتصوير كان شكله حلو والناس كلهم عيبهم..(r)

بس انا سمعت عن عرس كان روعه...:clap: العرس في الامارات ,,,,,كانت كل تفاصيل العرس من تراث الامارات........

يعني الكوشة كانت عباره عن بيت شعر في كل أثاث بيت الشعر بالوان الاحمر والخمري والاسود وجدامه بئر ورمل ومجسمات للحيوانات ويمكن تكون حقيقية مثل الطير والغزال والعنز.......والنخل,,,,,الاواني الفخارية والتنور.....الخ,,,طبعا مع التأثيرات من اضاءة وصوت.....(أحس انه روعه)
;)
كل ديكورات القاعه (أعتقد خيمة) متناسقة مع بعضها,, نخل وعريش وقطع من بيت الشعر..
على كل طاوله نماذج من الاواني الفخارية صغيرة الحجم معاها نوع من التمور المحشاية بالمكسرات والكاكاو..ولافينها بنماذج لخامات مثل بيت الشعر..وشي منها نوع المداخن الصغار..
بالنسبة للزفه كانت مداخله مع أصوات للربابة ودخلة رومانسية على صوت العود مع تأثيرات الدخان والليزر.. بعد ما وصلت العروس ,,دشوا مجموعه من الأولاد الصغار بين الخمس والسبع سنوات ويالوا على اغنية لميحد ومعاهم البنات الصغار ينعشون..
طبعا فستان العروس كان مزيج من الفستان العصري مع الثوب الاماراتي الحلو وكان شكله جنان الكل يمدحه وسعره بعد غالي...

أعتقد ان العرس وايد حلو وكنت أتمنى لو حضرته اكيد بكون عرفت التفاصيل اكثر,,,,,,
والعرس كله من تصميم وترتيب العروس ,,الصراحه احييها لانه ما فكرت بأفكار الغرب ولا الشرق ,,,,,راحت لتراث بلادها:up:

أتمنى تعيبكم الفكره :smile: وتسلمون

:) ياليت تجيبون اغنية راشد الماجد بدون موسيقى يا بنات اللىتعرفون تسلمون:)

هذي اغنية البدر لراشد الماجد


وهذي مبروك عروستنا حلوووووه مرررره


وهذي هب السعد اكيد تعرفونها


هذي لعبد المجيد انتي حلوه هادئه

وهذي قمر روووعه

وهذي لفرقة ميامي


ممنوع اضافه روابط لاغاني او مواقع موسيقيه في المشاركات

سمعنا عن الزفات والطق الدوسري

يقولون واااايد حلوووووووو

كيف هوووووو؟

وكيف احصل عليه؟

:(