مغتربات في الكويت

ما شاء الله تجمع ممتاز ربنا يوفقكم ويبارك لكن


الموضوع كله تفاعل مفيدج ورائع :)

وجدان احمد جاد;8521743:
معلومات حلوه اوى ضى القناديل اهو كدا التفاعل يا مصريين
بس عاوزه اسالك فين سوق لندن ده ؟
وافاصل ازاى فى الشبره؟
يعنى لما يقولى نص دينار اقوله ايه اقل من كدا؟؟؟؟
وبالنسبه لاستفسارك عن الحاجات القطن انا معنديش فكره اوى بس اوعدك اول ما انزل السوق بكره او بعده هاركز على الحاجات دى واجيبلك اسعارها والماركات والاماكن الحلوه

هو مفيش جزار عنده كبده جاموسى اصل الجزار بتاع الجمعيه قال لجوزى انه مش بيجبها اساسا من مصر تقريبا علشان مش بتستحمل وبتبوظ بسرعه اللى عندها فكره تقولى

سوق لندن فى الشويخ امتداد شارع كندا دراى مع جسر الغزالى اسالى جوزك وهو اكيد هيقولك عليها انتى لو تعرفى الشبره بتاعه الخضار اللى فى الشويخ هتلاقيها عندها ادام بالظبط سوق رامز

بالنسبه بقى للفصال لما يقولك مثلا حاجه قوليله خليها النص لحد متحسى انه جاب اخرها بس طبعا سوق زى دى يفضل تاخدى جوزك معاكى لان زحمه ومليان وعاوز واحده جريئه لو بتتكسفى يبقى متروحيش لوحدك يفضل يعنى

وجدان احمد جاد;8521804:
صحيح كنت عاوزه اقولكو على ماركة فول مدمس حلو اوى طعمه علشان لما تشتاقو لمصر وفولها يعنى العلبه اسمها دانيه هى فى منها حمص وحاجات تانيه بس الفول بتاعها حلو اوى احسن من الفول بتاع حدائق كاليفورنيا
بس برده الفول الجاهز بتاع جاد لا يعلى عليه لكن بيبقى حراق وبيتعبلى القولون بس برده بحبه

بصوا بقى انا جربت كل انواع الفول واحسن فوق حبيته بصراحه مع انه ارخصهم هو مالينج انا بحس انه زى الفول بتاع مصر والله جربت كل الانواع من الغالى للرخيص لحد ما استقريت على ده والحاجات دى بتبقى اذواق

نسيت بقى اقولكم ع الرز كان فيه عرض عندنا فى جمعيه سلوى جبت منه رز اسمه الراى جبت الاول باكت 5 كيلو ب 990 فلس وبصراحه مصدقتش قلت هيطلع وحش وبتاع لما جربته لقيته حلو جدا وبيستوى بسرعه هو رز بسمتى من الصغير بس مش الصغير اوى ونضيف جدا مفيش فيه اى حاجه خالص لان اصلا انا بقرف من الرز الكبير ,,لما لقيته حلو رحت جايبه منه شيكارة 10 كيلو قلت علشان لو خلص

لا انتو ماشاء الله معلوماتكو اكتر منى بكتير ربنا يبارك يارب ,, و خاصه ضى القناديل انتى بقالك قد فى الكويت يا ضى و اد ايه مجوزه :))) انا بقى مكتوب كتابى لسه و عايشه مع اهلى فمش محتكه اوى بطلبات البيت زيكو بس باخد فكره منكم و هسأل سؤال تانى انا عايزه اشترى مخدات جاهزه لبيتى باذن الله حد عنده فكره ايه الانواع الكويسه و منين؟؟

و بالنسبه للملايات فى حد سأل مش فاكره مين انا اعرف ان الدفاع فى قسم كمان اللمفروشات و باذن الله هنزل قريب ولما اوصل لحاجه كويسه هقولك على خلاصه التجربه :) لانى المفروض اجهز حاجتى ,, بس من السمع اسمع ان ملايات كانون نضيفه و فيه فى المباركيه برده على فكره .. و تحيه تانيه للموضوع المفيد دا :)

BntMoslema;8526770:
لا انتو ماشاء الله معلوماتكو اكتر منى بكتير ربنا يبارك يارب ,, و خاصه ضى القناديل انتى بقالك قد فى الكويت يا ضى و اد ايه مجوزه :))) انا بقى مكتوب كتابى لسه و عايشه مع اهلى فمش محتكه اوى بطلبات البيت زيكو بس باخد فكره منكم و هسأل سؤال تانى انا عايزه اشترى مخدات جاهزه لبيتى باذن الله حد عنده فكره ايه الانواع الكويسه و منين؟؟

و بالنسبه للملايات فى حد سأل مش فاكره مين انا اعرف ان الدفاع فى قسم كمان اللمفروشات و باذن الله هنزل قريب ولما اوصل لحاجه كويسه هقولك على خلاصه التجربه :) لانى المفروض اجهز حاجتى ,, بس من السمع اسمع ان ملايات كانون نضيفه و فيه فى المباركيه برده على فكره .. و تحيه تانيه للموضوع المفيد دا :)

ياهلا بيكى يا بنت مسلمه الف مبروك ليكى وعقبال منفرح بيكى عروسه قريب انا متجوزه بقالى 7 شهور بالظبط وجيت الكويت من شهرين وداخله على التالت اهو يعنى مده قليله مش كبيره بس انا بقى جوزى لفاف شويتين تلاته وكان قبلى فى الكويت فهو اللى عرفنى الحاجات دى وكان عايش طبعا عزابى فدول بيبقى ناصحين شويه اكتر مننا

بالنسبه بقى للمخدات والحاجات دى انا كنت سامعه جوزى بيقول انه احسن حاجه من البغلى بس لما ييجى هتاكدلك منه ان شاء الله

بالنسبه بقى للملايات والفوط انا انصحك بيها من مصر مش من هنا انا عن نفسى لما جيت هنا جبت فوط وملايات من بتاعتى اللى كانت فى مصر لان جوزى قالى مش هتعجبك هنا وفعلا لما بروح اتفرج فى اقسام المفروشات بلاقيها وحشه مش حلوة ,,, وربنا يوفقك واى حاجه فى الجهاز انا تحت امرك بس قوليلى انتى هتتجوزى هنا ولا فى مصر؟؟؟

انتوا رحتوا فين احنا اتحسدنا ولا ايه ؟؟؟

ليه محدش بقى بيدخل؟؟؟

احنا هنا اهو بس انا والله تعبانه شويه بس بادخل اشوفكو واخرج تانى بس معلش عالتاخير

بصى يا ضى القناديل والد جارتى قالها ان الشبره اللى بالجمله البياعين فيها غشاشين وكدا والافضل تشترى من اللى جنبها اللى الحاجات فيها متسعره
انتى ايه رايك؟
وهى الاسعار هتفرق جامد من دى لدى؟

على فكره انا سالت عن الحاجات القطن وقالولى فى مصر احسن بس لو محتاجاها ضرورى ممكن تجيبيها من محلات الانجيرى

ضى القناديل;8530451:
ياهلا بيكى يا بنت مسلمه الف مبروك ليكى وعقبال منفرح بيكى عروسه قريب انا متجوزه بقالى 7 شهور بالظبط وجيت الكويت من شهرين وداخله على التالت اهو يعنى مده قليله مش كبيره بس انا بقى جوزى لفاف شويتين تلاته وكان قبلى فى الكويت فهو اللى عرفنى الحاجات دى وكان عايش طبعا عزابى فدول بيبقى ناصحين شويه اكتر مننا

بالنسبه بقى للمخدات والحاجات دى انا كنت سامعه جوزى بيقول انه احسن حاجه من البغلى بس لما ييجى هتاكدلك منه ان شاء الله

بالنسبه بقى للملايات والفوط انا انصحك بيها من مصر مش من هنا انا عن نفسى لما جيت هنا جبت فوط وملايات من بتاعتى اللى كانت فى مصر لان جوزى قالى مش هتعجبك هنا وفعلا لما بروح اتفرج فى اقسام المفروشات بلاقيها وحشه مش حلوة ,,, وربنا يوفقك واى حاجه فى الجهاز انا تحت امرك بس قوليلى انتى هتتجوزى هنا ولا فى مصر؟؟؟

سلام عليكم و صباح الخير يا مغتربات الكويت يا قمرات :)

ضى انتى ماشاء الله عليكى انتى و جوزك بجد ربنا يحفظك يا بنتى انا هنا من 2005 و دا غير انى مواليد هنا و كنت هنا لحرب الخليج بعدين سافرنا مصر :))) بس برده لسه تلموذه صغيره فغى الحاجات دى :)))))))))))))))))

و على فكره انا قلت لماما نفس رأيك على المفروشات و الحاجت دى قالت فى حاجات اسبانى كويسه و لغايه النهرده مجبتليش ولا شوفت حاجه يا بنتى :)))

و بالنسبه للجهاز انا باذن الله هبدأ هنا الاول لانى مفيش شقه فى مصر حاليا و ربنا يكرمنا يارب و يوفق خطواتنا .. و بالنسبه للجهاز بقى انتى قولى كده من نفسك متستنينيش أسأل اللى يجى على بالك مفيد احدفيه :))))

ليا رأى بخصوص فرش شقتى يا ضى هقولهولك و قوليلى رأيك انتى و البنات ,,انا بفكر اجيب الاجهزه الكهربا بتاعتى جديده و العفش يكون مستعمل مش مشكله بس مش عفش وحش يعنى ,,انا نفسى الاقى حاجات ماركات كدا و استعمال نضيف ابدأ بيها هنا و حتى لما اجى اغيرها مزعلش عليها لكن فى الاجهزه بقول جديد لان مضمنش المستعمل و مبحبش بقى العطله فى الحاجات دى لاقدر الله تلاجه ولا غساله تبوظ دى حكايه تانيه فأحسن من الاول الواحد يجيب حاجه كويسه .. ايه رأيك ؟؟

سلامتك ياوجدان الف سلامه ايوه كده عوزين التفاعل بينا ويا بنت مسلمه رايك حلو اوى بالنسبه للفرش والاجهزه فعلا انا لاحظت ان هنا الفرش غالى اوى فانت اتوكلى ع الله واعملى زى ماقولتى وان شاء الله ربنا يكرمك وتجيبى فى مصر كل اللى نفسك فيه واكتر وربنا يكملك ع خير

شوفى يا عروستنا الجميله بنت مسلمه كلامك صح بس انا ليا راى كمان ان الاجهزه الكهربائيه ممكن تشتريها من حد تعرفوه لو حد عاوز يغير او كدا يعنى حد مصدر ثقه وبالنسبه للاجهزه الصغيره زى المكواه والمكنسه والتسجيل هاتيهم جداد وتقدرى بعد كدا تاخديهم معاكى مصر
اصل انا كنت جيت زياره قبل ما اجى واعمل الاقامه وجوزى اشترى تلاجه مستعمله كانت حلوه وكانت ب30 دينار
ولما جينا نستقر معاه اشترى واحده جديده من الغانم اصغر من التانيه ب85 دينار يعنى فرق كبير اوى والتلاجه طبعا مش هينفع تاخديها معاكى مصر
بس لو انتو فى قرارة نفسكو ناويين تقعدو فتره طويله هاتى جديد احسن

وجدان احمد جاد;8544460:
احنا هنا اهو بس انا والله تعبانه شويه بس بادخل اشوفكو واخرج تانى بس معلش عالتاخير

بصى يا ضى القناديل والد جارتى قالها ان الشبره اللى بالجمله البياعين فيها غشاشين وكدا والافضل تشترى من اللى جنبها اللى الحاجات فيها متسعره
انتى ايه رايك؟
وهى الاسعار هتفرق جامد من دى لدى؟

الف سلامه عليكى يا قمر وان شاء الله تكونى كويسه دلوقتى
بصى يا حبيبتى بالنسبه للشبره كلام والد جارتك مظبوط وعلشان كده انا قلتلك لفى الاول الشبرة من اولها لاخرها وفتشى فى الحاجه وامسكى دى وسيبى دى محدش بيتكلم وكله بيعمل كده وفاصلى وحطى فى دماغك الكويس لحد مترجعى وفى الاخر بتطكونى كونتى فكرة عن السوق كله بس صدقينى لو عاوزه كميات مفيش احسن من الشبرة دى اما الشبرة اللى بتبيع المغلف هيه ادام الشبرة دى بالظبط بس حاجتها واسعارها زى الجمعيات بالظبط مفيش فرق بينها وبين الجمعيات

لكن فى الشبرة دى انا مثلا جايبه الكرتونه بتاعه الكرنب فيها حوالى 7 كرنبات حلوين بدينار وجايبه كرتونه قرنبيط مليانه برده بدينار وجايبه البصل والبطاطس والتوم والخضار والسبانخ كل دا من هناك وحاجات كويسه واسعارها كويسه جدا روحى واتفرجى وانتى مش هتندمى ان شاء الله

BntMoslema;8548036:
سلام عليكم و صباح الخير يا مغتربات الكويت يا قمرات :)

ضى انتى ماشاء الله عليكى انتى و جوزك بجد ربنا يحفظك يا بنتى انا هنا من 2005 و دا غير انى مواليد هنا و كنت هنا لحرب الخليج بعدين سافرنا مصر :))) بس برده لسه تلموذه صغيره فغى الحاجات دى :)))))))))))))))))

و على فكره انا قلت لماما نفس رأيك على المفروشات و الحاجت دى قالت فى حاجات اسبانى كويسه و لغايه النهرده مجبتليش ولا شوفت حاجه يا بنتى :)))

و بالنسبه للجهاز انا باذن الله هبدأ هنا الاول لانى مفيش شقه فى مصر حاليا و ربنا يكرمنا يارب و يوفق خطواتنا .. و بالنسبه للجهاز بقى انتى قولى كده من نفسك متستنينيش أسأل اللى يجى على بالك مفيد احدفيه :))))

ليا رأى بخصوص فرش شقتى يا ضى هقولهولك و قوليلى رأيك انتى و البنات ,,انا بفكر اجيب الاجهزه الكهربا بتاعتى جديده و العفش يكون مستعمل مش مشكله بس مش عفش وحش يعنى ,,انا نفسى الاقى حاجات ماركات كدا و استعمال نضيف ابدأ بيها هنا و حتى لما اجى اغيرها مزعلش عليها لكن فى الاجهزه بقول جديد لان مضمنش المستعمل و مبحبش بقى العطله فى الحاجات دى لاقدر الله تلاجه ولا غساله تبوظ دى حكايه تانيه فأحسن من الاول الواحد يجيب حاجه كويسه .. ايه رأيك ؟؟

على فكرة يا قمر انا كنت زيك كده قبل الجواز مكنتش حاطه فى دماغى ولا عمرى اشتريت حبايه طماطم واحده ولا عمرى جبت اى حاجه للبيت بس بعد الجواز كل حاجه بتختلف وبكرة ان شاء الله تجربى وتعرفى كل حاجه ,,, ادى اخرة الجواز هههههههههههه

بالنسبه بقى للفرش طالما انك هتجوزى هنا يبقى فعلا هاتى الفرش مستعمل بس استعمال خفيف ميكونش متبهدل ودى لازم تقعدى تلفى عليها فترة علشان تقعى فى حاجات لقطه كده ,, لكن بالنسبه للانتريه مثلا يفضل تجيبيه جديد انا مبحبش الحاجات دى تكون مستعمله او ممكن تدورى على حاجه متكونش متبهدله وتعملى ليها فرش تانى يعنى تغيرى القماش بتاعها ,,

لكن بالنسبه طبعا للاجهزة الكهربائيه فدى لازم تكون جديده انا جايبه الاجهزة الكهربائيه من الغانم وبصراحه جايباها بالقسط اول قسط 40 دينار وبعد كده كل شهر 23 دينار بس يبقى افضل انك تبقى ضمناها ومححدش استعملها قبلك ,, الحاجه الوحيده اللى جبناها مستعمله البوتاجاز جبناه مستعمل ب 40 دينار وكان شكله جديد ونضيف بس لما جبته اكتشفت فيه عيب الشوايه والفرن بتاعه فطبعا ندمت انى جبته كده فانا ان شاء الله ناويه اغيره لما ننقل شقه تانيه وهجيب واحد جديد محدش استعمله غييييييييرى مهى بقت عقده بقى

وان شاء الله ربنا يتتملك بخير ويوفقك


فيه بقى حاجه لكل البنات ,,, من نتائج لفتى يوم الخميس والجمعه كنا بنشترى ملابس لزوجى فاحنا بنجيب من اتنين يا اما ماكس اللى فى البحر سنتر يا اما سنتر بوينت بس طبعا سنتر بوينت غالى شويه كنا جايبين منه البنطلون الجينز ب 11 دينار لما رحناها لقيينا فيه تخفيض 60 % فكانت مفاجاه وطبعا التخفيض موجود فى كل المحلات اللى موجوده فيه فالحقوا استغلوه حاجاته ماركه وكويسه جدا جدا جدا واستغلوا التخفيض اللى فيه بس اهم ماركه فيه واحلى ماركه لقيتها فى الرجالى غسيل ولبس يعنى هو محل فيه اسمه BOSSNI

ودلوقتى فيه مهرجان فى جمعيه سلوى كل الاسعار نازله فيه الحقوا برده ,,

ezayakom ya banat...3la fekra ya daye ana kman a3'lab lebsy gaybah mn center point..w lama rou7t mn fatra kano 3mlen l takhfedat bs de hatkhlas akher l shahr 3shan ely 3awez yel7a2
w kman 7aget l beet f l home center henak kollaha gamela w rewsha khales
ana lissa bafresh sha2ety ely f masr w bageb 7agat mn hena..bs ely 3ndo khebra ye2oly a el a7san mn hena w a l a7san ely agebo mn masr

maro_koko;8563007:
ezayakom ya banat...3la fekra ya daye ana kman a3'lab lebsy gaybah mn center point..w lama rou7t mn fatra kano 3mlen l takhfedat bs de hatkhlas akher l shahr 3shan ely 3awez yel7a2
w kman 7aget l beet f l home center henak kollaha gamela w rewsha khales
ana lissa bafresh sha2ety ely f masr w bageb 7agat mn hena..bs ely 3ndo khebra ye2oly a el a7san mn hena w a l a7san ely agebo mn masr

اخباركوا يا احلى بنات ,,, طبعا يا مارو سنتر بوينت دا مفيش فيه اى شك ولا خلاف كل حاجته راقيه وحلوة

بالنسبه بقى يا مار للحاجات اللى عاوزه تجيبيها انا من رايى تجيبى من مصر كل الملايات والفوط والحاجات القطنيه لانها فى مصر احسن واحلى من هنا وقطن مصر احلى ,,, اما بقى بالنسبه للحاجات التانيه الصينى والكاسات والاطقم دى انا هنا لاحظت ان الصناعه الصينى مكتسحه هنا جامد كل اما اشوف طقم ويعجبنى الاقيه صنع فى الصين ودا طبعا مش بيبقى كويس فشوفى لو لقيتى حاجات تانيه صناعه مثلا بولندى او يابانى او ايطالى فدرى تبقى كويسه ,, لو ملقيتيش تبقى من مصر واسعارها هناك كويسه مش وحشه ,,, بالنسبه بقى لاطقم الطبخ زى التيفال والاستانلس والحاجات دى فدى من هنا هنا بتبقى اصلى وعجبتنى اوى بس اختارى الحاجات الاصلى احسن ,,, ولو فيه حاجه تانيه عاوزه تسالى عليها انا تحت امرك يا عسل

ازيكو يا بنات مارو وبنت مسلمه ومصريه بالكويت وضى القناديل عاملين ايه ؟

انا كنت عاوزه اسالكو عن ماركة التيفال الحلوه والاستانلس لانى باشوف تيفال واستانلس كتير ومش باعرف اى ماركه احسن

ادعولى بقى اخرج لانى زهقت اوى من قاعدة البيت بس العيال مش مخلينى اعرف اخرج والف براحتى بس اكيد هاخرج فى يوم من الايام :sad:

وجدان احمد جاد;8569825:
ازيكو يا بنات مارو وبنت مسلمه ومصريه بالكويت وضى القناديل عاملين ايه ؟

انا كنت عاوزه اسالكو عن ماركة التيفال الحلوه والاستانلس لانى باشوف تيفال واستانلس كتير ومش باعرف اى ماركه احسن

ادعولى بقى اخرج لانى زهقت اوى من قاعدة البيت بس العيال مش مخلينى اعرف اخرج والف براحتى بس اكيد هاخرج فى يوم من الايام :sad:

اهلا بيكى يا وجدان اخبارك ايه ؟؟؟
والله انا زيك خلاص زهقت من قعده البيت واحمدى ربنا انك عندك حد بيونسك ربنا يخليهملك انا بقى مبشوفش حتى ناس لان الشقه بعيد عن الشارع مبشوفش غير نفسى فى المرايا ههههههه
بالنسبه بقى للتيفال روحى سوق لندن فيه قسم اوانى منزليه فى السرداب انزلى فيه وهتلاقى فيه كل انواع التيفال هاتى منه بس اللى هو الغالى لان فيه نوع كده رخيص وخفيف دا مش حلو فيه هاتى اللى صناعته فرنسيه وانتى نفسك بتحسى انه اصلى والغالى تمنه فيه انا فاكرة كان فيه كرتونه بس مش فاكره اسمها ايه هيه كانت فيها حوالى 5 حلات تيفال ب 45 دينار حاجه زى كده وفيه من نفس الماركه دى فردانى فانتى روحى وانتى هتلاقى الحاجات هناك حلوة ان شاء الله

هما باقى البنات فين الموضوع صفى عليا انا ومارو ومصريه بالكويت وضى القناديل وبنت مسلمه
يعنى المصريين بس والله يا بنات احنا كلنا اخوات ويشرفنا التعرف عليكو من شتى بقاع الارض

سلام عليكم

وجدان احمد جاد;8569825:
ازيكو يا بنات مارو وبنت مسلمه ومصريه بالكويت وضى القناديل عاملين ايه ؟

انا كنت عاوزه اسالكو عن ماركة التيفال الحلوه والاستانلس لانى باشوف تيفال واستانلس كتير ومش باعرف اى ماركه احسن

ادعولى بقى اخرج لانى زهقت اوى من قاعدة البيت بس العيال مش مخلينى اعرف اخرج والف براحتى بس اكيد هاخرج فى يوم من الايام :sad:

سلام عليكم ,

ازيك يا وجدان .. و متزهقيش يا ماما من قعده البيت خدى الاولاد و اتمشوا شويه فى اى حديقه او على البحر او حتى لو مش هينفع جمب البيت لو فيه ممشى اتمشوا فيه و الله هتغيروا جو او لو بتروحى المسجد خديهم معاكى ,, هما أولادك أد ايه بالحق :) ,,ربنا يبارك فيهم يارب

بصى يا جى جى انا هرد عليكى فى الجزئيه بتاع الاستيل لانها سهله و دى اللى اعرفها ,, انا مش عارفه هو موجود فى سوق لندن ولا لا بس اتفرجى ولا لاقيتى هناك قوليلى ..بصى انا فى ماكره معروفه و حلوه اوى اسمها كومكاز تقريبا كدا دى تركى و تقيله و تمام و فيها ماركه تانيه يمكن بس مش فاكراها بس برده تركى انتى اقلبى الحله ببساطه و اقرى عليها لو ميد ان تركى اتوكلى على الله وهاتيها و على فكره فى موديلات مختلفه انتى هتلاقى قاعدتها تقيله معاكى و فى اشكال بومباى كدا دى عجبانى ,,انا بشوفها فى سيتى سنتر و فى الجميعات الخاصه زى السالميه مثلا لكن الدفاع مش فيه استيل كويس و تشكيله حلوه زى برا و بالتوفيق باذن الله :)

ازيك يا ضى القنادي ومارو وبنت مسلمه ووجدان اخباركو ايه ؟؟؟؟؟؟؟؟؟؟؟؟؟؟؟؟؟

اخبارك ايه يا وجدان مش انتى ليكى جارتك مصريه وانتم اصحاب يعنى ممكن انتى واطفالك وهى واطفالها وتخرجوا مع بعض وتسلى وقتك ووقتها اما بالنسبه للتيفال انا اعرف ان احسن نوع تيفال هو الفرنساوى وبيبقى اسمه تيفال ارميتال ده حلو جدااااااااااا انا جايبه منه فى مصر وكنت بستخدمه كان حلو اوى اما بالنسبه للاستانلس انا لما جيت روحت سيتى سنتر وجبت من هناك 3 حلل استانلس وطبعا صاحبتك ماعندهاش خبره فى المواضيع دى بس هما قالولى لما تجيبى هاتى اللى قاعدته تكون تخينه وفعلا لقيت نوع كده وجبته بس للاسف طلع مش حلو يعنى بيحرق الاكل لازم احط شياطه تحت الحله وع فكره هو اسمه marmite high qualite