مغتربات في الكويت

تسلمى لى يا مصريه كتيييييييييييييييييير

شوفى يا جميل( مصريه بالكويت) انا عملت سونار بس عند دكتوره هنا فى الفروانيه اسمها جميله عبد السلام هى كويتيه بس كلامها تقدرى تفهميه وطيبه جدا وحبوبه السونار كان ب10 دينار وانا مكشفتش انا وانا بادفع بره قالولى عاوزه ايه قولتلهم سونار وهى فى السونار بتطمنك ولو انتى محتاجه حاجه بتوجهك هى طيبه ومش لازم طبعا الكشف خالص عادى انتى بتعملى اللى انتى عاوزاه
لو تحبى رقم تليفونها هابعتهولك عالخاص واوصفلك العنوان بالظبط
وبالنسبه للايجار كتير اوى 200 على غرفه وصاله شوفى ده احنا مستكترين 150
اسالى جوزك لو موضوع النقل للفروانيه ده عادى مفيش مشاكل بالنسبه له هاخلى جوزى يسال الحارس لو فى شقه فاضيه هنا او فى العمارات اللى جنبنا بس انتى قوليلى لو عاوزين
وانا تحت امرك وطمنينا عليكى دايما وعلى النونو

على طريق العرس;8480958:
الله يخليكم يارب
طيب بما انكم بتتكلموا فى الايجارات والكلام ده
ياترى اخبار الصليبخات ايه ؟؟؟؟ وايه المدن القريبه من الشويخ وتبقى مريحه فى السكن برضه؟؟؟

والله معنديش فكره عن الصليبخات بس الشويخ قريبه من الفروانيه يعنى انا روحت مركز سلطان وسيتى سنتر اللى فى الشويخ التاكسى خد 10 دقايق تقريبا بصى لو عندكو سياره اسكنو فى اى مكان الكويت هنا المسافات بين الاماكن فيها مش بعيده اوى ماعدا الجهراء هى اللى بعيده شويه على حدود العراق تقريبا بصى حددى المكان بالظبط اللى انتى عاوزاه وانا احاول اسالك

متشكره اووووووووووووى ياوجدان ع اهتمامك وردك عليا وياريت تسعفينى برقم الدكتوره وعنونها وانا ان شاء الله بروحلها ةبالنسبه للشقه بحاول اقنع جوزى لانه بيقولى دى جنب شغله بس انا بقول حررراااااااااااااااااااااام كل المبلغ ده وع المساحه دى وبعدين احنا اولى بالفرق ولا ايه رايك ياقمر

وجدان احمد جاد;8485338:
والله معنديش فكره عن الصليبخات بس الشويخ قريبه من الفروانيه يعنى انا روحت مركز سلطان وسيتى سنتر اللى فى الشويخ التاكسى خد 10 دقايق تقريبا بصى لو عندكو سياره اسكنو فى اى مكان الكويت هنا المسافات بين الاماكن فيها مش بعيده اوى ماعدا الجهراء هى اللى بعيده شويه على حدود العراق تقريبا بصى حددى المكان بالظبط اللى انتى عاوزاه وانا احاول اسالك

شكرا حبيبتى كتير
بصى دلوقتى هو لسه مجبش عربيه واحتمال يجيبها قبل انا ما اروحله لس مش عارفين ربنا رايد لنا ايه
بس انا كده مطمنه كتييييييييييييييييييييير لوقفتكم جنبى ومتأكده انى وقت ما احب اسال عن حاجه هالاقى اللى يساعدنى
متشكره اوى

على طريق العرس;8487036:
شكرا حبيبتى كتير
بصى دلوقتى هو لسه مجبش عربيه واحتمال يجيبها قبل انا ما اروحله لس مش عارفين ربنا رايد لنا ايه
بس انا كده مطمنه كتييييييييييييييييييييير لوقفتكم جنبى ومتأكده انى وقت ما احب اسال عن حاجه هالاقى اللى يساعدنى
متشكره اوى

احنا تحت امرك قولى بس انتى طلباتك واحنا فى الخدمه فى اى وقت ده المصريين ولاد بلد ولو مكنوش هيقفو مع بعض فى الغبه امال مين اللى يقف(f)

ربنا يتمملك على خير

wegdan ..ana kman mabsota eni te3raft 3aliki ya amar..b0ssy ana kman 7assa b 3'orba 3shan ahly mosh m3aya
w fe3lan l farwanya a7san mn l reg3y w l fontas,bs l salmya a7la ketter w 7aywya bs 3'lya
lMasrya, b l nesba lel egarat f l farwanya f heya ahwan mn l salmya w salwa maslaa odn,ya3ni ana sakna f sha2a odten w sala b 200 dinar, bs l meza l 3omara gededa w nedefa dayman..w fi 7agat hena ketter f l 7odod di
w a7san ya gama3a ely ye7eb ye3azel yerou7 3omara gededa ma7dsh yekon seken ablo 3shan l 3omarat l adema de mashakelha ketter m3 enha arkhas( di nase7a begad walahi)

مشاكلها كتير ازاى العمارات القديمه يا مارو؟؟؟؟؟؟؟؟؟

مارو ازيك مبسوطه انك دخلتى تتكلمنى معانا وبخصوص الشقق انا فعلا ساكنه فى عماره جديد ده بيبقى احسن كتير لانى فعلا سمعت ان العمارات القديمه مشاكلها كتير وفى الاخير بقول هى مش شقه العمر المهم الشقه اللى فى بلدى

ya3ni ya amar btkon fiha 7sharat w msh nedefa w mbyhtamosh b l asnserat..7agat mn di
bs 3awza alfet nazrkom li 7aga bardo en l 3omarat l adema btkon l mesa7a feha akbar mn l 3omarat l gededa w btkon arkhas

على طريق العرس اخبارك ايه وشدى حيلك بقى مستنينك تنورى الكويت

maro_koko;8493349:
ya3ni ya amar btkon fiha 7sharat w msh nedefa w mbyhtamosh b l asnserat..7agat mn di
bs 3awza alfet nazrkom li 7aga bardo en l 3omarat l adema btkon l mesa7a feha akbar mn l 3omarat l gededa w btkon arkhas

ايه الحيره دى بقى :D
انا مالى بقى هو انا هشيل هم السكن كمان هناك
هو يدور براحته بقى :D

مصريه بالكويت;8493356:
على طريق العرس اخبارك ايه وشدى حيلك بقى مستنينك تنورى الكويت

الحمدلله حبيبتى
ادعيلنا بقى ربنا يسهلا لامور وانت تلاقينى انط عندكم على طوووووووووووووول

بصى يا مارو انا عارفه موضوع الحشرات ده كويس بس ده بيكون موجود بنسبه اكبر لما يكون اللى ساكن قبلك هنود بس احنا كان ساكن قبلنا واحد مصرى
احنا ساكنين فى عمارات العربيد الصغيره اللى هى 4 ادوار هى تعتبر جديده بس الشقه كان فيها سكان قبلنا هى نضيفه بس مشكلتنا اننا فى الدور الاخير والاسانسير بيعطل ساعات وجوزى بيصعب عليا لما بيطلع السلم بما انى مش باخرج الا كل اسبوعين تلاته مره
احنا لما ربنا يسهل لنا ونعمل الرخصه اللى مش راضيه تتعمل دى باذن الله هنجيب سياره ونسكن فى الاماكن البعيده بتكون ارخص كتير يعنى فى واحد صاحب جوزى كان ساكن فى مدينه جديده غرفتين وصاله ب90 دينار
بس مش فاكره اسمها مدينة الشيخ جابر ولا الشيخ سالم مش فاكره بالظبط
يلا ربنا ييسر الامور

هى رخصة السواقه صعبه عندكم للى معملش فى مصر الاول؟؟؟؟؟؟؟؟

هى رخصة السواقه صعبه عندكم للى معملش فى مصر الاول؟؟؟؟؟
بوصى يا ع طريق العرس رخصه مصر مش ساريه هنا لازم تعملى واحده هنا والرخصه هنا صعب جدا انها تطلع

ازيك يا وجدان ياترى رسالتى اللى بعتهالك ع الخاص وصلت ولا لا؟؟؟؟؟؟؟؟؟؟؟؟

يعنى لما يبقى عندى رخصه مصريه مش هتسهلى انى اخد الكويتيه؟؟؟؟؟؟؟؟؟؟

مصريه بالكويت;8436755:
انا كمان مصريه ولسه جايه الكويت من خمس شهور بس اتبسط اووووووووووى ياضى القمر لما لقيت كلامك حسيت انكى بتحكى عنى انا هبقى مبسوطه اووووووى لو اتعرفنا ع بعض مستنيه منك الرد اهو نسلى وقتنا

اهلا بيكى مصريه بصراحه مش مصدقه انه بقى فيه تفاعل فى الموضوع ده انا كنت بكتب وسبته حسيتنى بكلم نفسى بس الحمد لله لقيت اللى يرد وانا مبسوطه بيكى اوى على فكرة لان حالتك زيى بس انا للاسف لسه ربنا مرزقنيش بيببى ادعولى بقى ربنا يرزقنى انا وكل اللى عاوز

وجدان احمد جاد;8437796:
ازيكو يا بنات انا مصريه بقالى 10 شهور هنا فى الكويت

الكويت حلوه والحياه فيها جميله بس عدم وجود الاهل هو اللى تاعبنى اوى انا رغم ان انا الحمد لله ربنا رزقنى بنت وولد بس برده حاسه بملل فظييييييييع اوى ونفسى اشتغل اوى

انا من ساعة ماجيت معرفتش اى حد هنا الا من شهرونص جت جارتى من مصر فى الشقه اللى جنبى واتعرفنا على بعض بس معرفش اى حد غيرها وطبعا مش بنخرج كتير علشان العيال والبرد وكمان لان شغل جوزى واخد معظم وقته
انا سعيده انى اتعرفت عليكو
على فكره اناساكنه فى الفروانيه

انا بقى معرفش حد غير جوزى احمدى ربنا ان ليكى حتى جيران انا جيرانى لما بقولهم سلام عليكم مش بيردوا عليه مش عارفه ليه هههههههههه وكمان ساكنه فى سلوى وانتوا عارفين منظقه هاديه اوىىىىىىىىى لدرجه تخنق

حبي العراق;8450736:
مرحبا شلونكم
اني عراقية بس صارلي بالكويت 5 اشهر تزوجت هنا وأهل زوجي موجودين بالكويت
بس ما اعرف احد ولا ادخل ولا اطلع
انتظر احصل شغل بس قالولي صعب تلاقية
واللة محتارة ادعولي يابنات مامتعودة ع قعدة البيت بدون الدوام

اهلا بيكى يا حبيبتى وان ان شاء الله انا وانتى نلاقى شغل لانى كمان بدور خصوصا انى معنديش اطفال فعاوزه اسلى وقتى

maro_koko;8449255:
ya gama3aa ana zayokom masrrya f l kuwait w sakna f l farwanya zayek ya wagdan..w mabsota eni at3raf 3likom
ana mn mawaled l kuwait w 3andy baby,w ya reet ely 3awez 7aga e7na ta7t amro

ربنا يخليكى ليه ويخليه ليكى يارب وان شاء الله كده تتبسطى معانا

وجدان احمد جاد;8476585:
ليه ميعاد بعد شهر؟؟؟؟؟؟؟

انا بصراحه كنت باعمل السونار فى عياده خاصه لان كدا كدا هادفع 10 دينار سواء فى المستشفى الحكومى او فى العياده فتبقى العياده احسن بس متهيالى انهم بيطلبو سونار فى الخامس لان واحده كانت قالتى كدا اصل انا جيت فى الخامس وعلى ما عملت الورق وتابعت كنت وصلت السابع
انا لسه مش باشتغل علشان باخاف على العيال من ناحيه ومن ناحيه تانيه لسه مفيش شغل مناسب
على فكره الايجارات فى الغروانيه غاليه يعنى انا ساكنه فى غرفه وصاله ب150 دينار ونفسى الاقى سكن ارخص شويه بس المشكله ان الارخص بعيد واحنا لسه معندناش سياره

كده غاليه يابنتى اقراى الوسيط والهدف والمجلات الاعلانيه هتلاقى الشقق فيها اغلى انا قاعده فى استديو غرفه كبيرة وطرقه ومطبخ وحمام ب 130 ومستغلياه جدا جدا جدا وبنحاول ندور انا وجوزى على شقه غرفه وصاله فى الحدود دى مفيش مش موجود غير فى منطقه اسمها جليب الشيوخ الايجارات دى فيها رخيصه جدا جدا لدرجه انى قرات عن شقه غرفتين وصاله ب 50 دينار بس واتصلت واتاكدت من صاحب المنزل بس لما قلت لزوجى قالى لااااااااااااااااا الا المنطقه دى دى وحشه وبتاعة عزابى وسمعتها مش اد كده ,,, ودورى اوقات بيبقى فيها حاجات لقطه كده بس اقراى المجلات الاعلانيه على طول

بصى ضى القناديل حبيبتى جليب الشيوخ مشكلتها كمان ان السكن فيها قديم ومش نضيف خااااااااااااااالص والكهربا بتقطع فى عز الصيف وطبعا الصيف هنا مينفعش من غير تكييف لدرجة ان فى واحده قابلتها فى المستشفى قالتلى ان ابنها اللى عنده شهور يعينى جسمه بقى عامل زى اللى عليه مية نار من الحر والسبب انقطاع الكهربه ده غير الصرف الصحى وحاجات كتيييييييييييييير
ربنا يرزقك بالطفل اللى يسعدك ان شاء الله يلا هو بس سايبك انتى وباباه تعيشولكو يومين قبل ما ييجى وياخد كل وقتكو ومجهودكو وميخليكيش تنامى زى الاستاذ ابنى كدا بيصحى كل نص ساعه يقلقنى ويتاكد انى قلقت وبعدين يناااام يا ستى الحقى اتهنى ونامى براحتك شويه وباذن الله ربنا هيرزقك باورطة عيال
انتى بس ادعى واكثرى من الاستغفار من غير ما تياسى ابدا ومتبقيش متوتره بسبب الموضوع ده لان واحده صاحبتى كانت كدا وكل ما تروح للكتور يكتبلها فى الروشته عليكى بعدم التوتر اهم حااااااااااااااااااااااااااجه لان ده بياثر على الحمل ولما ربنا يرزقك ببنوته حلوه كدا زيك سميها وجدان:o ولا مش عاجبك اسمى؟؟؟؟؟؟

على طريق العرس;8499270:
هى رخصة السواقه صعبه عندكم للى معملش فى مصر الاول؟؟؟؟؟؟؟؟

لالالالالالالالالالالالالا دى ملهاش دعوه بدى ابدا