الزواج قسمة ونصيب .. قصص واقعية وغريبة ,,, شاركونا

فعلا الزواج قسمة ونصيب
اذكر هنا قصة اختي , فقبل ما نطلع عالخارج( يعني ما كان ببالنا نطلع) خطبها صديق اخوي
لان اخوي يعيش بالخارج والولد نعرف اهله بس هو ما شايفيه
المهم والد الشاب كان انسان مسكين وعنده قلة معرفة ( رحمه الله)
فخطب من والدي بالشارع , فغضب والدي ورفض بشدة رغم محاولات اخوي باقناعه
المهم بعدين اخوي سألنا عن رأينا نطلع يمه بالخارج فوافقنا وطلعنا فاختي خلت هذا الشخص
ببالها رغم رفض الوالد ورغم عدم معرفتها بيه ورؤيتها اله......
الوالد حاول مرة ومرتين واكثر بس والدي كل مرة يرفض .....قنعنه اختي بان تنساه وتقبل بشخص
ثاني بس كل مرة تجي وحده تخطب تهمل نفسها يعني ما تلبس وتكشخ ....
على العموم فهذا الولد اتزوج من بنت عمه مع العلم هو كان متزوج سابقا وطلق لاسباب ما نعرفها,
بس الولد خلوق وملتزم دينيا ....
بعد زواجه تقدم لاختي انسان شخصية ومن ناس معروفين ويوازون سمعتنا واصلنا وهو خلوق والكل يحبه فكلمنا اختي وحاولنه اقناعها بس رفضت ...
بعد فترة صارت مشاكل بين الخطيب الاول لاختي وزوجته واهلها فطلقها , وبعد مدة رجع خطب اختي , والدي رفض بالبداية بس بعد محاولات من اخوي وافق وتزوجوا وهسة عدهم بنوتة مثل العسل الله يخليها الهم