الزواج قسمة ونصيب .. قصص واقعية وغريبة ,,, شاركونا

ودي اشارك بالقصص اللي اعرفها خصوصا اني اعرف اصحاب هالقصص.. بقولكم عن سالف هاستغربت لها بس صدقوني مافي شى بعيد عن رب العالمين..
السالفه كانت رمضان الماضي كالعاده انا وامي انصلي التراويح في مسجد قريب من البيت وكان في بنات من جيرانا ايصلون معانا وهم ما شاء الله ملتزمات يعني حجاب كامل ونقاب المهم كنت قاعده يوم من الايام قبل الصلاه اقول في خاطري الحين احنا نطلع ونشتغل ونختلط بالناس( طبعا اقصد زيارات عائليه ) وللحين ما جا نصيبنا فاشلون هالبنات اللي ما يطلعون ولا يختلطون بالناس.. واله يا بنات ما كمل رمضان وجا العيد الا واسمع ان وحده من هالبنات انخطبت لريال ملتزم مثلها ومن عايله قلت سبحان الله نصيب ومافي شى فوق قدرة رب العالمين.. طبعا البنت الحين تزوجت وفي بيت ريلها الحين الله ايهنيهم
ويرزقنا كلنا بالنصيب الزين قولو ا امين

وحده من معارفنا

ابوها متشدد مررره لدرجه انهم ما يطلعون الا بطلعه الروح محبوسين بين اربع جدران

والله يسامح ابوهم وصل لدرجه انه قطعهم عن الناس ما يروحون لاحد

الا قليل مرررره

وكنت اظن انهم ماراح ينخطبون

والحمد لله سمعت قررررريب عن ملكتها وزواجها قريب

وحين سألتها

قالت لي ان ولد جارتهم اللي كانوا ساكنين بجنب بيتهم القديم

كلمت امها عشان تسلم عليها وسألت عنها وسبحان الله صار نصيبها

مع ان جارتهم لها سنين ما كلمتهم والموضوع صااار بمكالمه واحده

بعدها تاكدت وصرت واثقه ان كل وحده ربي كاتب لها الرزق راح تاخذه

حتى لو كانت محبوسه بين اربعه جدران !

الله يوفقها و يسخر لها زوجها و يفرح قلبها والبنت عسل وتستاهل كل خير الله يحفظها

حلوة القصص وسبحان الله صج الزواج قسمه ونصيب

إن شاء الله لاتزوجت ولا وحده من خواتي ولا ربعي بقولكم قصصنا

^_^

وموفقين يارب

والله يهني الي تزوجو ويزوج كل من يبي الستر آمين

ويسلمووو لصاحبة الموضوع لأن وايد حلووو

^_^

:وأنا بالثانوي كنت مخطوبه لولدعمي بس ماكنت أحبه بس امي وابوي منهبلين عليه لأنه هادئ,وياسبحان الله اذاكان عند أهله عزيمه وجيت عندهم أحس بضيقه شديده واعلم أمي وتقول لي :وش حليله ,البنات مايلقين رجال وأنت تتكبريين, أحمدي ربك انه خاطبك من بد كل البنات,,,,,,,,,,
وبنفس الوقت كان اخوي يمدح شاب خلوق من عايلتنا وانا بكل جراه أسأل عنه لاني مخطوبه!!!!!عادي سؤال برئ!!!!!!وسمعت أشاعات أنه خاطب!!!المهم أخذت سنه وانا أستخير وسبحان الله قبل الملكه بأيام أنعفست الامور ورفض عمي بعض الشروط وفركشت خطوبتي من ولدعمي,
وكنت أدعي ربي أني اكون من نصيب ذاك الشاب الخلوق
وسبحان الله كلها أسبوعين وجاء الشاب الخلوق وخطبني
وبعد الزواج أعترف لي انه من زمان يفكر فيني بس بسبب خطوبتي لولد عمي كانت حاجز بيننا
وانا الان عايشه معه أحلى سنين عمري,,(قولوا ماشالله)
(الله الله الله بالدعاء يابنات أن الله يرزقكم الزوج الصالح )

بقولكم قصه صاحبة القصه تعرفها خالتى

المهم تقول صاحبتها هاذى عاااديه اقل من عااديه بس خلوقه مررره ومتزوجه وزوجها واهله مررره معاملتهم زفت معاها وخواته تقووول منكدين عليها عيشتها خصوصا الكبيره واقفتلها بكل صغيره وكبيره ويقنعون اخوهم انه يتزوج عليها عااااد هى ياعمرى مو ذاك الغلا عنده وماصدق خبر واتزوج عليها تقول يجونى يتفررررحون على وانا والله بس اتحيسب عليهم واقول الله ينصرنى عليهم يااارب


وبعد فتره زوجها مل منها وقالو له طلقها وش تبغى فيها ماصدق خبر طلـــــــــــقها

المهم تقول انا مااردد الا اللهم اجرنى فى مصيبتى واخلف لى خيرا منها ولا عاد ادرى وين اروووح فينى ناااار ماادرى وشلون بتطفى

المهم اخته الكبيره اكثر وحده تتفرح عليها وتضايقها

وسبحان الله وجاها الفرج وتقدم لها واحد ميـــــــــن تتوقعون



زوج اخت طليقها الكبيره الى كانت تتفرح عليها شوفو سبحان الله ربى مايخلى احد لا ومنصب وملتزم وهى تقول ماادرى وشلون خطبنى مافينى ذاك الزووود بس الرزاق مايخلى احد وبعد فتره مل من زوجته وقال شكلى بطقها قالت ايه طلقها بسس وش نبغى فيهاا تقوول الحمدلله ربى نصرنى عليهم وطلقها وافتكينا منها واهم ميتين بحرتهم هههههههههههه ياحليها الله يوفقها

شوفو سبحان الله ربى مايخلى احد والله يبعدنا عن الشماته يااارب

lulu-b777r;4861867:
حلوة القصص وسبحان الله صج الزواج قسمه ونصيب

إن شاء الله لاتزوجت ولا وحده من خواتي ولا ربعي بقولكم قصصنا

^_^

وموفقين يارب

والله يهني الي تزوجو ويزوج كل من يبي الستر آمين

ويسلمووو لصاحبة الموضوع لأن وايد حلووو

^_^

الله يرزقك بابن الحلال الذى يسعدك ويهنيكِ

وشكرا لمرورك الحلو

:)

وعنجد كل شي بالدنيا قسمة ونصيب ..

أنا بدي أحكيلكم قصة وحدة منعرفها , القصة صارت قبل سنتين تقريبا , كانت هاي الوحدة بتدرس طب أسنان وكانت بآخر سنة إلها , وكان في دكتور عيون أكبر منهم بكم سنة - بشتغل بمستشفى الجامعة اللي هي بتدرس فيها - بدو يخطب , فحكى للي حواليه المواصفات اللي بدو إياها , وكلهم دلوه على هاي البنت اللي منعرفها , وفعلا راح شافها وطلبها من أهلها والبنت وافقت عليه , وطبعا لسا ما قرؤوا فاتحة ولا كتبوا كتاب يس الاتنين موافقين , وكل الناس خلص عرفت إنه هاد الدكتور بدو يخطب هاي البنت ,, وصاحباتها والكل عرف , وهي تهيأت إنه خلص أخيرا خطبت , بتتوقعوا شو صار ؟

اللي صار إنه صاحبة هاي البنت اللي منعرفها كانت خاطبة , وبنفس الفترة وبنفس هاد الأسبوع خطيبها فسخ الخطبة , حتى كانت كاتبة كتابها , وطلعلها شي حولين عيونها , فأخدت هاي البنت البنت اللي منعفرها وطلعوا عالمستشفى عند الدكتور مشان يشوف عينها , وما كانت طبعا لابسة دبلة , فعرف الدكتور إنها فسخت ..

فراح خطب هاي البنت اللي فسخت وفي أقل من أسبوع كانوا كاتبين الكتاب , واعتذر من أهل البنت اللي منعرفها , وتزوجوا , والبنت اللي منعرفها قبل شهرين خطبت الحمد لله ..

يعني سبحان الله ما حدا بياخد نصيب حد , والبنت اللي فسخت الله عوضها عن خطيبها اللي فسخ عليها من غير سبب بخطيب أحسن منه ..

دعواتي لجميع البنات أن يرزقهم الله بالزوج الذي يتمنونه ..

أنا بعرف وحدة بنت إصحاب إلنا , البنت تزوجت واحد وجابت ولد منه , وما قعدت معه سنتين وانفصلت عنه , سبحان الله البنت مشالله عليها بس ما توفقت معه , كانت أمه بتتدخل بكل شي في حياتهم وهي ما حبت الوضع وما قدرت تتأقلم , وكانت بغربة كمان , المهم اتطلقت وما خلصت عدتها من هون إلا خطبها ابن جيران بيت أهلها وهو عزابي , طلع كان من زمان بحبها بس تزوجت قبل ما يخطبها , والحمد لله تزوجوا ومبسوطة معه وجابت ولدين منه

أقوللكم القصة اللي عندي ...
كان يا ما كان في وحدة حلوة بتجنن جمالها أخاذ ومن عائلة معروفة وأخلاقها عالية اللي هي ماما ... ما ضل حد من البلد كلها ما خطبها وهي ترفض ... وهي صغيرة انخطبت لابن خالتها بعدين أهلها اللي خطّبوها فسخوا الخطبة لأنهم عرفوا انو ابن خالتها أخلاقه مش ولا بد وبيشرب الخمر والعياذ بالله ....
يوم من الأيام كان عندهم بنت جيران بشعة وقوية ومعروفة بهالشي بالبلد قالوا انها خطبت واحد بيجنن .. تجمعوا كل بنات البيت اللي كانت ساكنة فيه الحلوة عشان يشوفوا مين هاللي أخد هالبنت ... نادوها وقالولها تعالي شوفي ما أحلاه قالت انسوني منكم خلوهم بحالهم وبيكفي تستغيبوا بالناس ....

مرت الأيام وتوفت والدتها وكانت موصيتها على اخوتها فعاشت ربتهم لحد ما كبروا وزوجت بعضهم وأخوها دخل الجامعة ... خطبت على واحد وتم عقد القران لكن ليس بموافقة تامة منها بل بإصرار من أخوها الكبير والذي كان يعتبر كبير العائلة ...

وهي خاطبته حلمت انها متزوجة من رجل ... الرجل ما كان خطيبها أبدا ... كان واحد تاني أحلى منه ... نسيت الحلم وطنشته ...

مرت الأيام وطلقت من خطيبها ورجعتله مهره وكل شي ....

كان عمرها تقريبا 29 سنة ....

من ناحية تانية بنت جيرانهم تطلقت وزوجها كان معروف بأدبه وأخلاقه العاليين غير وسامته وجماله ... أخت هالحليوة كانت حاضرة خطبة ماما وسمعت عن أخلاقها وكيف ربت اخوتها ورفضت الزواج .. تمنت بينها وبين حالها لو كانت زوجة اخوها متلها بهالأخلاق والجمال ...

المهم بعد فترة تقدم لماما عريسين ... واحد غني ، جميل ، متعلم .... والثاني اللي هو بابا الله يرحمه كان فقير ، جميل ، دبلوم كهرباء ... لكن اخلاقه وطيبته خلتها توافق عليه ....
وتم الزواج ..

بابا كان بالزمنات يعرف جدي أبو امي ... وكان من أشد المعجبين بشخصيته ، وأول ما زوجة صاحب اله قالتله عن ماما واخلاقها وافق حالا ... طبعا عمتي الي حضرت الخطبة وتمنت تكون ماما لأخوها ... طبعا ماما لما شافت بابا حست انها شافته من قبل ، وتزكرت انه هو اللي شافته بحلمها ... سبحان الله ...

الله يخليلي ماما وعمتي ويطول عمرهم ويرحم بابا الغالي روح قلبي ويرفع منزلته في عليين ...

وصاحبة هذه القصة تقول :

انا حكايتي حكايه كنت احب ولد عمي وكان فيه احد من عيال عمي متكلم على وكنت رافضته مستحيل اتخيل اني اتزوجه و ولد عمي اللى احبه متكلم في بنت عمي ومرت السنوات سحب خطبته ولد عمي اللى احبه من بنت عمي وخطب وحده غيرها وهم رجع سحب خطبته وتقدم لي ويافرحتي رغم ان ولد عمي اللى يريدني زعل بس بالاخير اقتنع ان الزواج قسمه ونصيب ومااحد يااخذ الا نصيبه وتقدم اخوي لبنت عمي واتزوجوا

سبحان الله
من جد قصص رائعه

يارب يارب يارب
اللهم ياجامع الناس ليوم لا ريب فيه اجمعني انا وجميع بنات المسلمين والمسلمات باحسن رجالك الصالحين واجعل بيننا الموده والود والرحمه والسكينه والاستقرار والطمئنينه والراحه معه وارزقنا منهم بالذريات الصالحه الطيبه الباره التقيه النقيه يارب ياوهاب ياارحم الراحمين
اللهم آمين
اكثرررررروا من الدعـــــــــــــــــــــــــا ء والاستغفــــــــــــــــــــــ ــــار
رددو
لا إله إلا انت سبحانك اني كنت من الظالمين

ربي اني لما انزلت الي من خير فقير
الله يوفقكم ويسعدكم دنيا وآآآخره

جزاك الله خيراقصص رائعه

الله يوفقهم ... ويستر عليهم ..

ويرزقنا الازواج الصالحين .. والذرية الصالحة ..


تقبلي مروري

القصص مرررهـ حلللوهـ والحمد لله نهايتهم سعيده للطرفين


عندي قصه بشارك فيها وهي تقهر عن الشباب اللي يتشرطون ويتمرطون ويطيحون بأخس اعمالهم...

في واحد من الاهل دكتور...عمره تقريبا 28 و عادي واخلاقه حليوه...بس يتشرررررط

ابغى وحده جمالها يفوق جمال كليوباترا..ايغى وحده بيييييييضا..ابغى وحده رشييييييييييقه

ابغى وحده عيونها خلقه ملونه..وسمعو هالشرط السخيف..ابغى وحده شعرها ناااااااعم واهم شي

لاقامت من النوم مايكون واقف وكشه....الحمد لله..

المهم...صرنا لارحنا اعراس نشوف خواته وامه بس يناظون بالبنات...بكل عرس نشوفهم...وهم بعد

يقولون اخونا دكتور ( امحق ) ماياخذ حيا الله...

المهم..مرت الايام وسمعنا انه خطب...الكل كان يبغى يشووووف مين هذي اللي اختارها ووش شكلها..

تخيلو يابنات... عمرها 15 سنه ودلوووووووعه وجرييييئه وجمالها اقل من عادي....وكلنا استغربنا....

وهذا هم 3 سنوات خاطبين وللحين ماتزوجو تقول البنت انها لسه مو مستعده نفسيا....خخخخخ يستاهل


قصه ثانيه سمعتها مدري وين...

واحد يتشششششششرط...ابغى وابغى وكل مايروح نظره شرعيه يحرج البنت ويطلع منهم وهو يقول

ابغى احلى منها..استاهل احلى منها...مو قد المستوى..جمالها عادي...من هالكلام اللي يغث

(( الرجال يبطون الكبد... يحسبون البنت ماتنجرح بسرعه؟؟ ))

المهم..مرت الايام وراح يشوف بنت نظره شرعيه..وكانت قممممممممممممممممممممه بالجمال

وهو انججججججججججججن عليها وملكو....بعد الملكه بفتره قالت له ماابغاك طلقني...

طبعا هو حبها حييييييييييييل وتعلق فيها....قال لها ليييييييييه حرام عليك....قالت له...

آسفه...بس اكتشفت انك مو قد المقام..واستاهل احسن منك....

يستااااااااااااااااااااهل مع ان تصرفها يغث بس بعد يستااااااااااااااااااااااااااااااااهل

والظاهر انه خذ وحده مطلقه بعدها خخخخخخخخخخخخخ

امممممممم وايش بعد...

ايي هذي القصه بعد....يقول صاحب القصه..كنت بالمحل مع الشباب...وكانت في بنت...

مسكينه هي ارتبكت لان المحل صار فيه شباب وراحت بتطلع..وكان الباب شفاف ونظيف

لدرجة انك تحسب مافي باب....ومسكينه..طراااااااااخ....هو جلس يضحك مع ربعه وهي التفتت

عليه ومن غضبها قالت..وجع يوجعك ياغبي...هو انقهر وقال لها فتحي عدل ولبسي نظارات...

ومدري شلون يقول تبعتها ليما دخلت بيتهم وكان قريب من المحل...وبأول خميسيه رحت خطبتها..خخخخ


اذا ذكرت قصص بجي اقولهم


ومشكوووووووووره يالغلا عالقصص

يارب تحقق امنية كل بنت ياااااااارب ويرزقنا بازوج الصالح
يا مجيب الدعاء يا الله

مشكوورين للمرور أخواتى الحبيبات

وشكرا يادمووع للقصص الحلوة

وان شاء الله نرى مزيد من القصص


تقبل الله دعائكم

وعقبال كل آنسة تكتب قصتها

جزاك الله خير