مغتربات مصر ... تعالوا ..........

ان شاء الله يفيدونج البنات

ازيكم يا بنات يا حلوين عاملين ايه انا بقالي فتره مابدخلش لاني مشغوله شويتين
وبعدين مابقعدش غير في المساء والسهره ,,,وفبقيت احيانا بنام بدري مؤدبه
بس توتي وشيكو فين
وانت عامله ايه يا زهره النوبه مش ده اسمك بالتعريب ولا غلط
احكيلنا بقى عنك شويه عشان نتعرف عليكي اكتر

ان شاء الله البنات بيفيدونج

الحمد لله سجلت معاذ وجهاد في مدرسة كويسة برضة لكن مش زي اللي كنت عايزة أدخلهم فيها لكن قرفوني وضغطوا على أعصابي لدرجة إني سجلتهم في مدرسة تانية. وكلهم ح يكونوا في منطقة واحدة لكن البهدلة بأى في إن بنتي الصغيرة في مدرسة وهم في مدرسة تانية ...

خايفة من اختلاف وقت الإجازات والدراسة !!

وصلت للمدرسة يوم الثلاثاء .. ومن يوم الأربعاء وأنا مش بأرجع البيت إلا مرتين في اليوم لأني بأجيب لهم الكتب واللبس والأحذية وكله كوم والأحذية كوم تاني بصراحة ...


وامبارح طلعت أربع مرات ورجعت نمت بهدوم الخروج وكنت طوووول الليل متضايقة وكل شوية أقول ح أقوم أغير وآخد حمام علشان أعرف أنام لغاية النهار ما طلع ههههههههههه



دلوقتي ح أقوم أطلع علشان باقي الشرابات للمدرسة أروح أشتريها واشتري حاجة للغدا علشان تتطبخ وادعوا لي لسة قدامي حفلة تجليد ...

حقيقى انا من سكان جده بس للاسف معرفش عن المجموعات حاجه عموما هسأل وان شاء الله اقولك

ازيك يا ميدو ويا اسماء والى كل المغتربات يا رب تكونوا جميعا بصحه كويسه

انا الحمد لله كويسه وانت يا اسماء عامله ايه ولما تفوقي تحكيلنا بالضبط ايه حكايه المدارس عندك وليه كل مدرسه ليها نظام...لان هنا كل المدراس تبتدي وتخلص في نفس الوقت وربنا يعينك على التجليد

وانت يا توتي وشيكو عامله ايه هنا رمضان مش زي مصر مابتحسيش بيه زي مصر والفانوس والاضاءه اللي بتبقى ماليه الشارع والراديو ,,,,,والف مبروك عليكم كلكم رمضان
وياريت نكمل كلام في رمضان ونحكي برورجرامنا ونحاول نعمل نشاطات في رمضان عشان تفضل مصر معانا
انا حشتري لولادي فوانيس ...ويولعوه بليل يناموا وهم مولعينه,,ليله اول يوم في رمضان
وطبعا انا بموت في العرقسوزس وبدور عليه بس الحمد لله هو موجود
وكمان الخشاف جوزي بيحبه جدا
والسمبوسه عاوزه احضرها ...وطبعا ححاول اشغل الراديو في رمضان عشان بالنهار بيكون في برامج حلوه على اذاعه مصر وبجيبها من الدش طبعا
وكلكم تقولولي حتعملوا ايه كمان عشان نربط ولادنا برمضان في مصر ونعمل الطقوس دي هنا في غربتنا برده
وحشتني بتاع الكنافه وبتاع القطايف والمسحراتي يا احلى بلد يا مصر
ونفسي اتسحر في الحسين ونصلي الفجر في الجامع ........الله

hi
ana 7aba awy asharek ma3akom bema eny ba3any men 7ayaty hena f iceland
ana kont ta3baaaaaaaaaaana awy w mo7bata awel ma geat a3eesh hena ma3 goozy , ana met3aweda 3ala el 7ayah bara masr le2eny 3esht 3omry kolo f qatar bas goozy w ahlo mehagreen hena w 3aysheen hena men zaman w bema eny qarart atgawez ensaan 3aayesh hena yeb2a lazem kont abadeeh 3an kol zekrayaaty w 3omry elly sebto wara dahry w an2el 7ayaaty ma3aah hena ,, bas ya rab yekoon howa me2adar dah

انا مغتربه فى السعوديه هى بلد مميزه بمكه والمدينه

وكل اللى اعرفهم هناك مصريين بس للاسف كل لما اتعرف على حد تحصل مشكله ليه راجعه

الاخت فانفون اهلا بيكى معانا ومعلش كلنا سيبنا حياتنا وروحنا مع اجوازتنا لان دى سنه الحياه امر واتفرض علينا ولازم نتعامل معاه

شرباته معلش هما اغلب الناس فى الغربه متعرفيش ليه قلبهم مش بيبقى على بعض بصى انا معممتش مقولتش كل خدى بالك وان شاء الله تتوفقى فى حد كويس
بس انتى فين فى السعوديه انا فى جده وميدو فى الخبر

thank's ya toty ... w howa yeb2a ezay f '3orba tool ma f banat zay el 3asal zayoko

شكرا يا فانفون وان شاء الله بكره تتخلمى بالعيال وهتتعودى ولما تنزلى مصر زيي فى اجازة هتحسى ان فى حاجه غلط وانك عايزة ترجعى بيتك بسرعه ورمضان كريم

ازيكم يا بنات انا كتبت مشاركه لي ومش عارفه مش موجوده ليه
المهم انتم عاملين ايه انا كتبت عن مشاركات لينا في رمضان عن ازاي حنحضر له وان مصر وحشاني برمضان وفوانيسها وكدى
وكتبت في مشاركه عن الغربه وناس الغربه وفي بيتغير وفي لا وبرده مش موجوده

كنت عاوزه اسلم عليكم وازيك يا توتي عامله ايه واخبارك ايه
انت عارفه انا لما بنزل اجازه مابحسش بحاجه غريبه بالعكس ماببقاش عاوزه ارجع وبتبقى مصر وحشاني وببقى عاوزه اعيط
كلها قريب ونرجع انشاء الله

السلا عليكم ورحمه الله وبركاتة وكل سنة وانتم طيبين

اتمنى الاقى معاكو فى الركن مصريات مغتربات فى السعودية

ايوى يا شهد اهلا بيكي انا مغتربه في السعوديه
انت فين في السعوديه

انا مغتربه فى السعوديه يا شهد وتحديدا فى الطائف

كنت بعت مشاركه يا اسماء

وادينى بكملك هنا المصريين مش كويسين مع بعض اللهم الا القله القليله

وعلى فكره صحيح انا فى غربه لكن كل اللى اعرفهم مصريين

لكن مع كده مش كويسين واكتشفت انه ما ينفعش ان يكون فى علاقات اقوى من الازم ولقيت ان الافضل ان احنا تكون علاقتنا محدوده فقط لاغير

وشكرااااااااااااااااااااااااا

اختكم باربى

اهلا بيكى يا جميل وسط الرابطه ومعلش هى نايمه حبتين بس نتمنى بعد رمضان الناس تشارك وتصحصح وسلامى لكل الحلوات ميدو واسماء وفانفون وشهد وباربى صمول

اتمنى اننا نتجمع كلنا ونتعرف على بعض اكتر