مغتربات مصر ... تعالوا ..........

ميرسى يا حبايبى بجد انا عاجبنى موضعكم جدا

انا هتغرب فى مصر بردو هههههههههههههه بس على فكره صعب اوى لما تكونى مع اهلك فى بلد واحده ومش قادره تشوفيهم

والله يا اسيره اهو كله غربه بره جوه محصله بعضها الله يعينك ويعينا ونتحمل الفراق

غريبه انا كتبت مشاركه امبارح ومش باينه وبرده في كزا موضوع والغريبه كمان ان لما فتحت صفحه مكتبي ولا حاجه باينه وبيقول لي لا يوجد ولا مشاركه غريبه جدا جدا

لا كلامي بان اهه لما بعت المشاركه اللي فاتت مشاركتي بانت مع اني لما كنت بقرا الموضوع مالقيتوش غريبه
المهم انت عاملين ايه وعارفه يا اسيره حنانه غريبه انك تبقي جنبهم ومابتشفيهمش يعني نصيحه لازم تتعبي وتروحيلهم انا طبعا مش عارفه الموضوع بس اهلك دول اهم حاجه والل مالوش خير في اهله مالوش خير في حد

ازيك يا توتي وشيكو عامله ايه ...واخبارك ايه وبنتك عملت ايه في التطعيم بتاعها انا كتبت موضوع في الشؤون الاسريه ابقي شوفيه وقوليلي رايك
وفين اسماء البنت دي بتغطس فين انا مش عارفه:sm2441::sm2441::sm2441:

صباح الفل يا ميدو وايه اخبارك واخبار البيبى ؟؟
لولو طعمتها امبارح والحمد لله مسخنتش بس طول اليوم بتزن اكيد موجوعه من الابرتين اللى خدتهم واحنا بنطعمها قلنا نودى توتى للدكتور بيقول سنانه بتوجعه طلع عنده خراجين فى سنتين اللى قدام والدكتور بيقول لازم يتشالوا الواحد بجد زهق من كتر تعب العيال كل يوم قصه اما المفعوص شريف مش عايز ينطق هيفرسنى كل حاجه عنده لازم لها قصه انتى عارفه انه مشى على سن سنه و9 شهور لفيت بيه عند الدكتاره فى الدمام والخبر وجده ومصر وعملت اشعه وكله قال زى الفل وبيعند ودلوقتى برضه نفس القصه فى الكلام بس اللى يفقع المرارة انه بيغنى مع الاغانى تقوليله بتقول ايه يبصلك بقرف طيب قول بابا يقولك توتى قول ماما يقول شيكو قول توتى مينطقش قوليلى بس اعمل ايه فى ابو مخ صعيدى دا

عارفين يا جماعة انا تعبانة جدا صحيت من يومين دراعي الشمال بيألمني جدا ومش بأقدر استعمله وضلعتي الشمال برضة
وشاغل مخي وتاعبني المدارس انا دايخة مع أولادي علشان المدارس .. الله يجازي اللي كان السبب

النهاردة أخذت بنتي الصغيرة - وأكيد ح أحكي لكم على ماساتها في الحضانة اللي قبلها .. أخذتها ورحت الحضانة اللي سجلتها فيها علشان تتأكد إنها غير اللي كانت بتروحها خااااااااااااااالص وأهم حاجة أتأكدت منها إن المدرسة بتاعتها غير وأن "التيتسر" المعلمة يعني الأولانية مش فيها ... واشتريت لها وردتين قماش من الصغيرين اللي بنلزقهم على الهدايا علشان تديهم واحدة للمدرسة الجديدة وواحدة للمديرة أقامت أدت الاثنين للمدرسة بتاعتها هههههههههه
وقالت لي أنا بأحبها وإحنا ماشيين - طبعا بالإنجليزي - فالمدرسة قالت لها لكن أنا بأعشقك مش بأحبك بسس وباستها

لما قابلت المديرة قالت لي إن في فصلين لسن بنتي والمدرستين أعرفهم والاثنين حلوين لكني طلبت منها تخلي جمانة مع المدرسة اللي اسمها "حنة" علشان نفسية البنت قلت لها خلاص بنتي اتبرمجت على إن دي مدرستها
باقي الاثنين الكبار ابني المفروض يروح الصف السادس المدرسة دي نفسها عايزين يودوه الصف الخامس قلت لأ وبنتي عايزين يودوها الصف الأول لكن لما كلمت المديرة اقتنعت إن بنتي تروح الصف الثاني وأنا مع المدرسة نساعد ها إنها تنمي مستواها وترفعه
على فكرة الولاد مش كسلانين دا ابني جايب 80% في امتحان التقديم إن شاء الله عايزينه يجيب 100% علشان ياخدوه! قلت لهم والله لو المدرسة اللي كان بيدرس فيها مستواها كويس ما كنتش ح أجيبه لكم هنا .. ادعوا لي يا بنات بجد قرفت وتعبت وما فيش ولا حاجة اتعملت ...

يا عينى يا اسماء دا انتى طالع عينك والله انا كمان ليا قصه مع المدرسه بتاعه توتى السنه اللى فاتت وان شاء الله هنوديه مدرسه كويسه بس على الله يفلح فيها لان المدرسه الاولى كانت وحشه خالص

السلام عليكم ورحمة الله وبركاته
ممكن اشارك معاكم انا كمان مغتربه بقالى 8سنين دلوقت وعايشه فلوكسمبورج

اهلا وسهلا بيكى دا انا ما صدقنا حد يشارك

ياه يا اسماء انت مالك اليومين دول ...الامور ملخبطه عندك وبعدين انا مش فاهمه ازاي يدخلوا ابنك في صف غير صفه
اللي بينقل من مدرسه بيدخل الصف اللي هو فيه علطول,,,هو ايه النظام عندكم
وماتدايقيش نفسك انشاء الله الامور حتتحسن
بس اضحكي كدى وروقي
الا اخبار المش ايه:D_smil1::D_smil1::D_smil1::D_smil1::D_smil1:
انا عارفه انه كله بسببه

ازيك يا توتي عامله ايه ماتقلقيش من ابنك سيبيه وهو بكرى حيصدعك ومش حيبطل كلام لما حتتمني انه يرجع يسكت تاني
كل طفل له شخصيه ووضع يعني ماتقارنيش,,وانشاء الله حيبقى بغبغان قريب:21_87::21_87:

zahrt elnouba;4254140:
السلام عليكم ورحمة الله وبركاته
ممكن اشارك معاكم انا كمان مغتربه بقالى 8سنين دلوقت وعايشه فلوكسمبورج

:sa31::sa31::sa31::wavetowel2::wavetowel2::21_104:

مساء الخير يا حلوين عملتوا ايه فى الويك اند ؟

انا بقى خرجت يوم الخميس اتغديت بره ...ههههههههههههههههههههه
واتمشينا شويه
ويوم الجمعه قضيناه بيتوتي

انا يا ستى شغالتى كانت اجازة والخميس قضيته هو والجمعه فى البيت بس هى جت 8 ونص بالليل خرجت انا وجوزى عملنا شوبنج

امال فين البنات هي حتصفصف انا وانت بردوا
والمشكله اننا مشغولين وورانا بيت وولاد وانت كمان بتشتغلي يعني برده عندنا وقت نتكلم برده مع بعض
هم خايفين ولا ايه

خلاص يا ميدو نرغى احنا لغايه ما البنات تتشجع

اخبار الجو عندك ايه اكيد فى رطوبه بس فى سبتمبر اكيد الجو هيكون حلو هنا حر علطول مفيش شتا خالص بينى وبينك احسن انا بكره الشتا موت وبكره لبس الجواكت دا ربنا رحمنى من برد الدمام الله يعينك ويعين البيبى

السلام عليكم
شكرا ليكى يا توتى وشكرا ليكى ياMEDOWAWAع الترحيب بيه
انا غبت عليكم ورجعت مفيش غير صفحه واحده ايه النشاط ده دا احنا مصريين يعنى رغايييييييين فينكم

السلام عليكم ورحمة الله وبركاتة
عايز اسال المصريات بجدة حد بيعرف عن المجموعات المصرية بجدة وياريت يقولى على ارقام تليفونتهم حتى لو على الخاص وانا اكون مشكورة ليها جدا جدا جدا:9_33: