تجهيز شنطة المستشفى للبيبي والام

هلا اخواااتي


تصدقون قبل ما اسجل في المنتدى كنت بقدر اجهز بس اكيييييييييييييد شي ناقص

بس ويااااااكم والله استفدت وااايد وكل ما اقرى شي يديد اسجله عندي في الدفتر عشان يوم اتشرى اكون عارفه شو ابا لي او للبيبي ..

وانا توني في بداية الشهر الرابع ومستعيله ابا اتشرى >>>> لازم حملي الاول والله يثبت حملي وحملكم ويسعدني بالبيبي..

بس اكيد ولي عوده للموضوع لما اشتري

احترامي....

تجهيزاتكم نفعتني انا للحين ماجهزت الشنطة وانا بالسابع ان شاء الله على الشهر الجاي اجهزها

مشكورين وماقصرتوا

شكرا لكل من زين موضوعي بمروره الكريم ومشاركته الحلوة
الصراحة انا احس كلنا استفدنا من هالمشاركات الحلوة يالله شدو حيلكم ياللي في الثامن وابدوا جهزوا اشناطرين يعني ناطرين البيبي يجهز عنكم:sm179:

اكره شي اذا احجزونا بالملاحظة كثير

و خلص شاحن الجوال

وارفضوا دخول اي حد من الاهل

ساعتها لا حد يقدر يتصل لي ولا اتصل له

بس انا هالمره جهزت بطاريه ثانيه مشحووونه احتياط بشنطة يدي

تحدياً للظروف

أبقولكم على حاجة مهمة تأخذوها معاكم للمستشفى قبل الولادة


اللي هي كتيب الأدعية (الإفادة فيما جاء من أدعية تسهيل الولادة )


على ماأعتقد كذا الاسم إذا أنا و غلطانة

الله يسهل عليكم الولادة في وقتها

بس بغيت أسأل اذا رحت الصيدلية اقوله ابي قطن صدر ولا في مسمى ثاني ؟؟

اسمها فوط قطن الصدر للرضاعة الله يتمم لجميع اي والله نحتاج كتاب الادعية الله يسهل لنا يارب

الله يعطيكم العافيه اخواتى تصدقون انكم ريحتونى الله يريحكم من كل هم ماكنت اعرف ايش اجهز لان هذا اول حمل بعد 4 اجهاضات الله يتممه لى ويخليه الحين فى نص السابع ولاشريت شي لانى ممنوعه من الحركه وقايلين لى احتمال كبير ولاده مبكره ادعو لى يابنات تكفون

موضوع حلو ومفيد
انا دخلت التاسع وجهزت الشنطه وحطيته على جنب
في الولاده اللي قبل رحت المستشفى انه كالعاده من عندهم الملابس رحت وجلست بنتي بالحفاضه الين زوجي راح جاب ملابس من البيت وانا من يوم ماخرجت من كشك الولادة قاعده الممرضه الملابس الملابس وما راحت الا لما اخذتها معاها
مع انه مستشفى خاص كمان
ذحين توبه من بدري

لا انا في حملي الاول الحمدالله شنطتي كامله وما نقصني شي

انا قعدت يومين ونص فا احتجت ثلاث قمصان كشخه وبجامتين وشامبو وفرشاه وصابون وفوطه وفوط صحيه وملابس داخليه وفوط للصدر وشبشب ومفرش سرير كشخه ومكياج ===>>>والله متفرغه

والبيبي كثرت من الملابس وكانت على شكل ثوب لانها مريحه له اسمها((كاسبر))4مهودات وحفاضات وبطانيتين 4زجاجت رضاعه وفرشاة تنظيف الرضعات وترمس الماي ...

بس في حملي هذا بدش التاسع والى الان ما جهزت شي .. :(

بحملي الأول ماوصلت للشهر السابع الا والشنط جاهزة
وماخليت شي ماحطيته يعني بالنسبة لشنطتي خليت فيها
فوطة للاستحمام وبيجامات وملابس داخلية ومشط وعطر وصابون وشامبو
و أنواع من العلج هههههههههههههههههه(رايحة رحلة الأخت) ماعلي شره
أول حمل مادري بالدنيا
وشنطة البيبي خليت فيها كذا بدلة ولفافات وقبعات وقفازات قطنية للبيبي
لأني ولدت في الشتاء وهالمرة بعد نفس الشي راح اولد بالشتاء بس هالمرة
عاد متكاسله حدي يعني الحين بالشهر الثامن وماجهزت شي

انا بعد اسبوعين راح اتزوج يعني راح حضر هالشنته من هلا بعد تسعة اشهر ونصف ان شاء الله

يسلموو على الموضوع الرائع ياقلبي والمفيد ,,<<<<<<<


وأنا بشهر الخامس ,, وأنشالله راح نستفيد منكم خاصه ان هذا أول حملي ,,,<<<<<<<

بس للمستشفى ما أخذت لبس كثير بدلتين للبيبي (( طقمين ))

وبيجاما وجلابيه مع الملابس الداخليه والفوط لي وللبيبي

وشغلات النظافه لي وللبيبي

ولحاف للبيبي مع القماطات

حشوات صدر وشال ونعال

وفوط صحيه وحفاظ للبيبي

وااااااو
حلوو

يعطيكم العافيه انا الحين بالسابع انشالله لمن ادخل الثامن ببداء اجهز منها تكون كل اغراضي واغراض البيبي كامله

عن جد بستفيد منكم لاني مادري هذا اول حمل لي وانشالله نولد بالسلامه ونشوف البيبيات :)

انا الحين بالثالث
واستفدت كثيييييير من تجاربكم خواتي ماقصرتوا وربي يسهل عليكم الولادة

مشكورين استفدنا من خبراتكم

أنا ألحين في اسبوع 37 ومن يومين بس جهزت الشنطه وبقولكم شوحطيت فيها
أول شي حطيت 3 بدل للبيبي هذيله اللي يكونو مصكرات كاملات للرجول
وبعدين حطيت 4 ملابس داخلية للبيبي الفنايل يعني 2 بدون أكمام و2 مع أكمام طويلة برد لازم
وحطيت 3 قماطات (لفات) 2 قطنيات و1 صوف
اي وحطيت بعد القحافي (الطاقية) مع الكفوف (القفازات)
وحطيت فوطتين وحده كبيرة للسبوح ووحده صغيره
وحطيت البيبي نيست الكيس اللي يحطون فيه البيبي يوم بظهر من المستشفى انشالله
وبطانية صغيرة له
شامبو + صابون + قطن + حفاضات بامبرز + بودره + لوشن
وانشالله ما أكون نسيت له شي

وعن شنطتي انا امس جهزتها لان ياني عوار الطلق امس بس وقف بس بعدي ماصكرت الشنطه بقولكم ليش
حطيت لي الله يسلمكم 3 ملابس داخلية + فوط صحية (أولويز ألترا) + شلحتين طويلة + وشلحتين البنطلون + 3جلابيات للنفاس بس بعدي ماحطيتهم في الشنطه قبل لاركب السيارة بحطهم عشان ماتروح كوايتهم يعني شيل مع الجلابيات أطقم يعني + روب للسباحة + فوطة للوجه + فرشاة ومعجون + (ماوث ووش) غرغرة + شامبو + صابون + ليفة + مشط + شباصات + ديودرن + عطور خفيفة + شبشب
مخدات وبطانية لي
وانشالله ما اكون نسيت شي واللي اتذكرت شي اتذكرني
والله يسهل علي وعليكم انشالله يارب

[FRAME="11 70"]هلا خواتي موضوع بجد روعه لاني باقي لي اسبوعين على ولادتي كل ما فكرت اجهز شنطتي اكسل
مدري وشو اللي فيني خايفه من القيصريه هههههههه طبعا خبره هاذي رابع ولاده والاخيره يااااارب
المهم خواتي باللنسبه للبيبي جهزت بدله حلوه ومفرش وملابس داخليه لانه المستشفى فترة اقامتك يكنون مهتمين بملابسه وكل شي وانا طبعا ما احب لبس المستشفى جبيت كم غيار ملابس لي وملابس داخليه وعطر وبودره وشامبو وصابون وفرشة اسنان ومعجون وعلكه بعد البنج للتعطير الفم وشرابات لانه برد الحين وشال اتدفى فيه من البرد وفواحه وعطر للغرفه علشان افتح نفس الزوار بريحة الغرفه علشان زوجي حبيبي فديته ومجلات وسلامتكم حدث ولا حرج لا طلعتي شنو اغراض بتشيلينها يبيلك شاحنه ههههههههه ادعولي اقوم بالسلامه.[/FRAME]