تجهيز شنطة المستشفى للبيبي والام

انا ليلحين ما جهزت الجنطة لان مشغولة اجهز غرفة البيبي و ان شاءالله اول ما افضى اشتغل عالجنطة

موضوع حلو

انا للحين ريضه 12 اسبوع باقي واااااااجد

انا توني داخله الثامن والى الحين ماجهزت الشنطه
شريت بعض الاغراض لي وللبيبي بس باقي كثير

اول ماجهزها راح اقولكم

تبون الصرحه لسى ماخترت المستشفى الي بولد فيه ان شاء الله

بصراحة موضوعج حلوو

انا استفدت وايد منكم و انا الان بالشهر الثامن وراح اجهز شنطتي ان شاء الله:2_106:

انا ان شالله ببدأ ارتب شنطتي و تجهيزاتي للمستشفى بكرة :poster_dev:

بس الاحظ خواتي نسيتوا تذكرون بعض الشغلات المهمة في تجهيزات شناطكم

مثلا سراويل داخلية .. مهم جدا جدا الوحدة بعد الولادة تحافظ على عمرها لايدخلها هواء لان الرحم يكون لسه ماتسكر

ممكن يصيدها لاسمح الله حمى النفاس .. البسوا السراويل الداخلية افضل من الشلح لانها تلم عظامج

والله هذا كلام العيايز ووحدة فلبينية تسوي مساج

ادري بتفقعون من الحر اول الاسابيع وبتخرخرون عرق .. بس عشان مايدخلج برد وعظامج ماتعورج بعد

ويفضل بعد الاستحمام انج تلفين عمرج على طول بالروب الفوطة فضل من ماتلفين عمرج بفوطة لنفس السبب

يعني الوحدة تحاول قد ماتقدر تلم عمرها وتتغطى عدل

وبعد في شغلة مهمة .. الاعشاب اللي راح تتنقعين فيها مع الماي الدافي عشان جرح الخياطة تحت

انا بولاتدي الاولى .. كنت حط مرة وزعتر قشر رمان ولبان وملح .. بس حاسبوا تستخدمون مواد معقمة .. يكفي الدوا او المرهم اللي راح تاخذينه من المستشفى واللي راح يكون مخصص للمنطقة المخيطة

وبالنسبة لباقي التجهيزات .. فكلكم ماشالله مبدعين بتجهيزاتكم .. اهم شي الفوط الصحية وقمصان النوم للضيوف والشيلة للرضاعة وصدرية الرضاعة مع قطن الرضاعة للصدر

وماانصح ان الوالدة تبالغ بزينتها .. لن المفترض لها انها تكون تعبانة ومافيها شدة لووووول

يعني غلوس خفيف والشعر مرتب .. ورشة عطر خفيفة تكفي

وبالنسبة للشنطة ماانصح ان نترسها ونبالغ بوضع كل تجهيز البيبي فيها .. اعملي حسابج انج بتمين كم يوم .. وحتى لو طولتي الثياب بتتغسل فالبيت وممكن ثاني يوم تجيج :)

واهم شي مثل ماقلتوا البيبي مايتعرض للبرد .. يعني الفراش بو سحاب واوفرول للبيبي وقت خروجه من المستشفى عشان مايلفحه الهوا ... ومافي داعي لتحميم البيبي فالمستشفى .. انا قريت ممكن لمدة اول اسبوعين بعد الولادة .. الطفل مايتحمم لاننه سبحان الله الطبقة اللي على جسمه تكون مثل الحاميه عليه .. ولاحقين على تحمم البيبي في البيت .. ويفضل لو يكون تحميم البيبي في الغرفة عندج بعد ماتطلعين من المستشفى .. لانه يقال انه مكروه تحميمه في الحمام وهو توه صغير تفاديا لسقوطه من اليد او انه ياخذ برد فالحمام او اشياء اخرى تحدث لاسمح الله



ادري طولت عليكم .. بس انا متحمسة للبيبي القادم وقاعدة اراجع معلوماتي لوووووول :2_106:


الله يعطيكم العافية .. ويلا عقبال اللي ماحملوا :qaq:ا

مرحبا بنات ومتزوجات وحواااااااااااااااااااااااااااااااااامل

خخخخخخخخخ أهم شي الحواااااااااامل

ذكرتوني بنفسي العام وان اجهز حق ولدي الله يحفظه

اول ما عرفت انه في بطني ولد وما صدقت خبر على على السوق وكنت في الخامس [ وما خليت شي وما شريته ]

ولما وصلت نص الشهر الثامن جهزت الشنطة وكانت كاللآتيييييييييييييييي

[ اغراض ولدي // 6مهادات [ قماطات ] 3 قطن و3 خفاف ،، برنوص [ كمبل ] شوي ثقيل لأن مكيف المستشفى بارد ،، ملحف ينحط تحت الياهل [ أسرة المستشفى الله بالخير تكسر الظهر ] ،، قحفيتين [ طاقية ] عندنا يلبسون الياهل شبك فوق راسه أول ما ينولد ،، ملابس داخلية [ فنايل ] 5،، ثوب العافية 2 ،، عفريت مسكر من الرجل 3،، حفاظات ،، مراضيع ،، حليب [ ما عرف نوع الحليب في المستشفى عشان جذي خذت معاي ،، بس اعتقد هذا كل اللي خذته ]

اما اغراضي انا [ ملابس داخلية ( بس ما حتجتها لأنهم يعطون في المستشفى للاستخدام مرة وحدة وبعدين ينرمي ،، حمالات خاصة بالرضاعة ،، قطنة الصدر ( جونسون ) ،، 3 قمصان نوم 1 كشخة ودانتيل وحركات 2 قطن عادي ،، بيجامة وحدة ،، فوط صحية ،، فوطة استحمام ،، مشط ،، عطر [ بس ما تعطرت خفت على ولدي من الحساسية ،، صابون وشامبو وبروش اسنان ومعجون ،، ملحف لسرير المستشفى ،، شال خفيف عشان اتغطه فيه وقت الرضاعة ،، جلابية للخروج ،، بعد ما ذكر شنو خذت ]

يمكن تقولون بالغت بس ما كنت عارفة شلون راح تكون ظروفي قلت تزيد اغراض بس ما تنقصني

الحمد لله ما قعدت إلا يومين وما استخدمت كل الاغراض لأني ما قعدت في غرفة خاصة عشان جذي طلبت من الدكتور اذن خروج بعد ما تطمنت على ولدي وعلى نفسي ....

الحين انا حاااااااااااااااااااااااااااااامل وفي الثامن وموعد ولادتي قريب في رمضااااااااااااااااان الله يعيني على قضاء الدين

وللحين ما جهزت الشنطة ،، بس قريب ببدا اجهزها

دعواتكم الطيبة لكل وحدة تبي تتزوج وكل وحدة تبي تحمل الله يرزقهم بالزوج الصالح والذرية الصالحة آآآمييييييييييييييين
ودعواتكم الطيبة لكل حامل ،، الله يقومهم بالسلامة ويسهل عليهم وانا منهم خخخخخخخخخخخ

سوري طولت عليكم بس من زمان ما سالفت

ام لولو بالعكس ماطولتي احنا تهمنا التفاصيل
انا هذا اول حمل لي ونفسج بالشهر الثامن
ويعطيكم العافيه بس ارد الكويت بحط الشطنة يمي
واقراا ردودكم واصف اغراضي واغراض بنووووتي :)

موضوع حلوو والكل بيستفيد منه :)

يعطيج الف عافيه

أم لولوة ، أخــت القــمــر

واااايد أستفدت من ردودكم وذكرتوني في اللي نسيت أحطه في الشنطة

بس بكره برجع على الموضوع مرة ثانية لان الوقت ليل ومافي وقت أفتح الشنطة ..

وتسلم راعية الموضوع اللي فادتنا ..

انا عني بعدني ماخلصت .. وان شاء الله ما اكون ناسية شي ..

هلا بكم يا دبدوبات ..شخبار كروشكم واللي فيها ؟ خخخخخخخخ

اما آنا جهزت شنطتي من كم يوم وانا الحين لي اول يوم في الثامن ..
جهزتها بس ماحطيت كل شي يعني على راحتي كل ماتذكرت شي حطيته فيها ..
وانا احط شنطه وحده لي وحق البيبي تكون كبيره شوي ..
حطيت الله يسلمكم للبيبي.. ملابس داخليه 6 ، وبلوفرات 6 (بدل مسكره ) انا زيدت عشان الياهل يوصخ
ويرجع ويحتاج تبديل كم مره في اليوم ..وحطيت 4 مهادات مطاطه ، وفوطتين صغار عشان احطهم
تحت البيبي لتبديل الحفاظه ، وفوطه وحده للسبوح ، وحطيت طقم غطا للراس مع قفازات 2 ، والحافين(بطانيتين)
وفراشين حق السرير وفراش حق الطلعه من المستشفى بس للحين ماشريت المراضيع والحفاظات والزيوت والبودره والخ ..

ولي انا حطيت 4 قمصان نوم كشخه و3 ستيانات خاصه بالرضاعه وطقم فوط ( فوطه للوجه وفوطه للسبوح )
وحطيت لي هافات قطنيه وشكلي بشتري هافات استخدام واحد احسن ..وللحين بقالي احط المشط والشامبو
والمعجون والفرشاه والصابون والقطن ونعال..يعني على راحتي .

ما يبيله شويت لبس من ملابس البيبي بورن واغراضه الضرورية واغراضج المهمة
والله يسهل عالجميع
:9_33::9_33::9_33:

ان شاء الله الشهر الياي بجهزها

وايد استفدت من موضوعكم

انا الحين في الشهر التاسع

وللحين ما جهزت شنطة المستشفى

ان شاء الله اجهزها قريب

وهذي الاغراض اللي سويت عليها بحث في المنتدى وطلعت حق تجهيز الشنطة

1. شنطة المستشفى اختاري شنطة حجمها مناسب لاغراضك واغراض الطفل الجديد
2. ملابس داخليه ويفضل تلك التي تستخدم مرة واحده وهي مناسبة جدا لايام النفاس ..
3. حمالات الصدر وتكون من القطن ومصنوعه للرضاعه بحيث تستطيعين فتحها ومن ثم اغلاقها للرضاعه بسهوله ..العدد : 3
4. مزيل الرائحه
5. قمصان نوم للاستقبال وتكون مريحة في التفصيل ومفتوحه من الامام
او بأزرار لتسهل عملية الرضاعه العدد : 2
6. بجامات قطنية للنوم وأيضا تكون مفتوحه من الامام او بأزرار لتسهل عملية الرضاعه العدد : 2
7. سليبر (نعال) للتنقل في الغرفة العدد : 1
8. غطاء حلمة الثدي : يمنع تسرب الحليب الى ملابسك ويحافظ على نظافة حلمة الثدي العدد : علبة واحده
لاتنسي : قبل كل رضاعه ان تبللي حلمة الصدر بالماء او تغسليها ضمانا لنظافتها
9. فوطة كبيرة وفوط صغيره
10. فرشاه اسنان ومعجون
11. شامبو وصابونه للاستحمام
12. اسفنجة الاستحمام
13. مناديل ورقية
14. فوط صحيه وافضل نوع هو (فام ) للتدفق الغزير اثناء الليل وبعد الولاده ... متوفر في الجمعيات
15. مشط وclip لرفع الشعر
16. شالين
17. سمر كيك واسفنجة وروج خفيف
18. سراويل داخلية
19. ملحف لسرير المستشفى

ثانيا : تجهيزات الطفل الجديد
1. طقم للاستقبال العدد : 2
2. ملابس النوم العدد : 3
3. ملابس داخليه العدد : 5
4. قبعه وجورب العدد : 2
5. مهادات للطفل العدد : 3 – 4
6. غطاء للطفل : يفضل ان يكون الغطاء متين لان غرفة المستشفى قد تكون بارده على جسم الطفل العدد : 1
7. بامبرز ومناديل تبديل
8. فوط صغيره عدد : 5
9.مريلة الطفل عدد : 3
10. زجاجات رضاعه : افضل نوع هو pigeon ويوجد حجم صغير جدا للطفل الرضيع
11. فرشاه تنظيف الزجاجه
12. شاحن الموبايل
13. مرطب للشفاه و الجسم
14. قماطات
15. مهاد لحمل الطفل
16. ادوات نظافة الطفل



واذا نسيت شي خبروني لا اتوهق

هلا بعزيزاتي الحوامل..

الحمدلله انا احين في شهري الثامن و باقيلي اسبوع و نص و ادخل التاسع..

بصراحه شنطه المستشفى ما بديت فيها اصلا بس في اشياء قدرت اشتريها مثل..

حمالات للرضاعه 2 ..
و شنطه للبيبي و فيها ادوات العنايه بالنظافه و مرضعتين لاني بكريه و سمعت ان الصدر ما ينزل حليب لفتره بس امي ورايه شكلها ما بتخلي شي من تجاربها الشعبيه الا وتطبقه علي لانها وااايد تهتم بالرضاعه الطبيعيه..

خذت الفرش الصغير اللي يحطون فيه البيبي ويسكرونه بالزرار ما عرف شو اسمه؟.
و بس

قريب ان شاء الله بسير السوق اشتري اشياء للبيبي و لي لاني ما جهزت شي غير هذي الاشياء ... لا تلوموني ترا كل واحد و ظروفه وصحته ...

بس هذا الموضوع حلو و اريد الكل يخبرنا شو ناخذ عشان ما ننسا ترا مادري ليش لازم دايما ننسا شي... :9_28:

كيف الحااااااااااااااااااااااااااااااال يارشيقات ماني قايلة كروشات تعبت من كثر ما تنقال لنا هههههههههههه رشيقات صح
انا هذا حملي الاول واتوقع مافي شيء بالسوق ماشريته للبيبي الله يخليه لي ويجيبه بسلامة يارب مشافى ومعافى باذن الله انا بصراحة استفد كثير من تجهيزاتكم انا جهزت شنطة البيبي بس انا باقي ما جهزت شيء لي الحمد لله والشكر كنت باخذ شنطتين وحدة لي وحدة للبيبي وكنت باخذ الشنطة الي حاطة فيها كريمات وشامبهوات البيبي بس تجهيزاتكم وعتني لو اخذ شنطة وحدة لي وله ازين بالنسبة للبيبي اخذت ثلاث ملابس داخلية وثلاث بربتوزات وثلاث لفات وقفازات لليد ورجل وفوطة استحمام اذا حمموه لي ولحاف ينلف فيه وشال والمدس الي ندخله فيه وطبعا الشنطة الي قلت لكم عليها عشان الرضاعة والمدس الي احط الرضاعة فيه وعود خفيف مرة احطه له اذا احد شاله وسلم عليه فديته
وبالنسبة لي بحط روبين استقبال للرضاعة وبجامة وسراويل طويلة 2 واخذت من مذركير الملابس الداخلية الي استعمالها مرة وحدة فقط وحمالات رضاعة 2 ولحاف لسرير المستشفى وشال على راسي يناسب الارواب وعود بعد خفيف لي لاني مرة قريت انه افضل تبخيرن او تعطيرن شنطتك وشنطة البيبي عشان لا انضر بس ما فهمت ليش بس بسويها ونعال اعزكم الله يليق بالارواب وفرشة شعر ومرطب شفايف وشباصات لشعري معجون وفرشة اسنان مممممممممممم والله مدري وش بعد ايه اهم شيء فوط صحية اكرمكم الله شاحن جوال فكرت ان اغراضي واغراض البيبي احطهم بشنطة كبيرة وحدة يمكن الله العالم يويلي وربي شوقتوني اني اشوفه فديت قلبه يارب يسهل لي يااااااااااااااااااااااارب انا اللحين بثاني اسبوع بالثامن وخاااااااااايفة كثير الله يسهل لي ولكل حامل يارب ان شاء الله ما نسيت شيء اذا نسيت تكفى ذكروني

اما بنسبه لي هاذا اول حمل لي واني الحين في الثامن يعني في الاسبوع 33
طبعا ماخليت شي ما شتريتها الي بنتي واليوم جهزت اغراض البنوته باقي بس القليل
بس ماني عارفه شنو احط فيها حطيت في شنطه قبعه ولفها وملابس داخليه بس
واغراضي بعدني ما جهزتهم انشاء الله قريب

مرحبااااااااا حوامل ...
بصراحة موضوع روووووووووووووووعه الله يجزاكم الجنه ويسهل علينا جميعا يارب ويقومنا بالسلامة ويرزق كل محروم يااااااااااااااااااااااااارب..

أنا طبعا بكريه ..
باقي لي 5 أيام وأدخل التاسع بإذن الله .. بصراحة ماجهزت الشنطة لكن كتبت الأشياء اللي بحتاجها..

أول شي أشياء بنتي ماراح أخذ شي لأنه بالمستشفى هم يهتمون بالبيبي من إلى .. لكن يوم اللي بطلع من المستشفى بخلي أمي تجيب لي أغراضها لبس للطلعه والمدس يعني لبسه وحده بس..

أما أشيائي أنا بكتب لكم ملاحظاتي ولو نقصني شي ذكروني..
1- الأدوات الشخصية :
فوط صحية - مزيل العرق - فرشاة أسنان ومعجنون - شامبو - صابون - ملابس داخلية للإستخدام الواحد - فوطه للجسم وللوجه ..
شنطة صغيره للمكياج أحط فيها : قلوس فااااتح وطبيعي - بلاشر وردي طبيعي - ماسكرا جل شفافه - كحل - عطر - كريم الوجه وكريم الأيدي.

2- الملابس:
أرواب الإستقبال تكون للرضاعه 3 - بيجامتين للنوم تكون القمصان حقتها بأزرار عشان الرضاعه - سراويل قطنيه وشرابات عشان لايدخلنا الهواء - ستيانات الرضاعه 3 مع القطن الخاص بالصدر عشان الحليب مايوسخنا - سليبر يناسب الأرواب (نعال).

3- مفرش السرير.

طبعا غير باقي الأشياء اللي مجهزتها أمي تجيبها معاها من توزيعات وغيره ..

وسلااااااااااااااااااااامتكم لو نقص شي ذكروني..