مقهــــى " حدثــينا عن شــــهر العــــسل"

صبـــاح:
هلا اختي ...لقيت الدعوة في صندوق الرسائل ...بس للاسف ما عندي شي اقوله .... لاني لسه ما تزوجت ... الله يوفق الجميع إن شاء الله

و أنا كمان مازلت آنسة

إدعولي الله يسهل موضوع زواجي يارب آميييييييييين

[frame="9 80"]الصراحة الموضوع وايد حلو حتى اللي ما فكرت تسافر في شهر العسل راح تغير رايها وتحاول انها تسافر في العطلة[/frame]

والله مرت أربع سنوات بس والله مو ناسية هالسفرة لأن يمكن أول مرة أترك أهلي بمكان بعيد وأسافر مع واحد غريب (عاد الحين مو غريب بوعيالي وشريك حياتي).

سافرنا المغرب بناء على دعوة من جماعة من الأقارب،، الشهادة لله ماقصروا معانا بالدار البيضاء، سياحة من الزين ومافي مطعم مادخلناه.
أغادير.. روعة .. جوها حلو بحرها نظيف مطاعمها لذيذة وسوقها حلو.. بس للأسف أصابني تسمم من اللزانيا اللي أكلتها بكل لذة ومن الخرعة ماخليت زوجي ياكلها معاي.
طنجة.. بالمرة ماستمتعت فيها صابتني أنفلونزا قوية والمكان الصراحة كان يخوف والمتسولين كثير يعني الواحد ماياخذ راحته بالمشي الا طابور وراه...

صار لنا شهرين عسل بعدها (طبعا بدون ولدي)
لبنان .. في عز الشتاء وسط الثلج .. روعة
ماليزيا.. هذي السفرة أحلى من شهر العسل بألف مرة.. السياحة. المطاعم. التسوق وطبعا الجو كان أروع.

سافرنا كم مرة بعدها بس ولدي محشور بالموضوع معانه.. يعني السفرة وايد كان في إلتزامات.

أنا والله بعد بنيه
بس شكراً ع الموضوع الرائع
دواتكم لي ولجميع البنات اللي ماتزوجوا
بالزوج الصالح آميـــــــــن
وللنتزوجات بصالح زوجها وذريتها
آميـــــــــــــــــن

السلام عليكم ورحمة الله وبركاته

شخباركم خواتي .......واشكر الاخت نور الضياء على هذا الموضوع الأكثر من راااااااااااااااااااائع

بالنسبة لي ...احنا كنا حاجزين انسافر تركيا ......لكن للأسف ما سافرنا لظروف كانت البلاد اتمر بحالة من التفجيرات

والاضطراب ....ففضلنا انه ما انسافر ...وقلنا ان شاء الله هذا الصيف اذا اراد الرحمن بنسافر

لكن طبعا ما ضيعنا شعر العسل .......بخبركم شوه سوينا


أول اسبوع رحنا الله يسلمكم إمارة الفجيرة ...عدهم فندق يجننننننننننننننننننن اسمه " الميريديان "

والجو في هذا المكان أكثر من روعه مع انه كان صيف على شهر ثمانيه ....لكن سبحان الله هي البقعه غيييييييييييييييييييييييير

لانه يطل على البحر وفيه كل شي ما تحتاجين تطلعين مكان حتى السينما فيه

المهم : نصيحتي تاخذون الكاميرا اهم شي ...+ لازم تحجزون من قبل عشان عليه اقبال كبير من السياح
الاشياء السلبيه : بصراحه ما شفت شي سلبي فيه

المكان الثاني : رحنا فندق ميناء السلام في دبي + جميرا بيتش

المكان بعد روووووووووووعه ...وتقدرون تتمشون في دبي وتروحون المولات الموجودة والسينما والأسوووواق

بصراحه ميناء السلام + الميريديان ...احلى شي فيهم الطبيعه وتقدرون تتمشون على البحر بين الطبيعه

وبعد انصحكم الحجز أولا واخيرا + الكاميرات لانه حرام اتضيعون هاللحظات بدون تصوير

ورحنا بعد العين في فندق روتانا ....بس ما عجبني وايد بصراحه

شفت الفنادق الثانيه افخم وأرقى


وأنا عندي صور بس بصراحه ماعرف اي موقع للتحميل ....ف ياليت ادلوني على اي موقع للتحميل

والله بالنسبه لي رحت (((إيران )))

بالصراحه ايران ماعليها كلام جو حلو وطبيعه رووووعه خصوصا شمال ايران عند بحر قزوين جبال كلها خضره وانهار جاريه والجو في عز الصيف بارد وأذكر مطرت علينا بعد

وفي منطقه ثانيه اسمها همدان في مكان اسمه ((غار علي صدر )) بصراحه روعه سبحان الله طبعا داخل الغار تركبي على قارب مثل مغارت شعيته في لبنان مع اني مارحت لبنان بس زوجي اقول هالغار احلى بواجد من الموجود في لبنان بس اللي بيروحه يلبس ثياب شتويه لان الجو ثلج داخل الغار ...

وفي منطقه ثانيه اسمها اصفهان ماشاء الله متاحف واسواق جميله

طبعا مدينه مشهد وقم ماعليهم كلام اماكن مقدسه بس قم في الصيف حاره اما مشهد الجو معتدل فيها بس الصيف زحمه من الناس اللي ازوروها

طبعا ماننسى العاصمه طهران جميله وفخمه وكبيره ...

واللي بيروح ايران في الشتاء الله اساعده الجو بارد وثلوج يعني عادي اتوصل بعض المناطق 15 تحت الصفر

بس حلوه واجد انصحكم اتزوروها وتشوفووووها

وااااااااووووووو والله موضوع قمه

راااااااااااااااااااائع


انا الصراحه مادري وين راح اسافر اشوف شنو تكتبون اروح

حركات ياخطيره انتي
اذا اعرست ابشري بسعدك

أنا أسفة ........اختي ضياء النور ......غلط في اسمج سامحييييييييييييني بلللللليز

مثل ماقالت أم يزووية، بخصوص فندق الميرديان اللي بالفجيرة عند خورفكان، رحته الصيف الماضي وايد كان روعة والغرف فخمة خصوصا الرويال وأكلهم حلو ومنوع،، بركة الأطفال حلوة مع النادي التابع لهم.. بس للأسف ماتمتعت بالنادي الصحي لأن ولدي وايد كان لازق فيني وماقدرت آروح بالمرة ....

هلا عزيزتي .. موضوع جداً حلو و مفييييد
وانه من تزوجت عمري ماسافرت لاني اخاااااااااف من الطياره موت ...

موضوع جميل جداً ..

بس مع الأسف اني ما سافرت شهر عسل الظروف ما سمحت بس إن شاء الله ناوين نسافر على شهر 8 ياريت تخبروني بمنطقة حلوة وجوها حلو لا بارد ولا حار يعني معتدل وموغالية واجد.

وياريت اللي راحت قبرص تقولي عنها ..

هلا يا عرايس المنتدي الوضوع وايد حلو انا سافرت سنغافورة صراحة حلوة واحلي فيها كروز ( الباخرة ) روعة تبين في البحر ثلاثة ايام نحنا اخترنا سير ماليزا في الباخرة وكل رحلتنا شهر العسل 15 يوم بس نصيحة اللي عرسها في شهر 6 سير استراليا روعة لانة الجة في شرق اسيا في صيف حار نوعا ما

هلا اختي الموضوع روووووعه ونستفيد منه حتى مو بس بشهر العسل للايام الحلوة اللي تجمعنا مع ازواجنا عسى الله لا يفرقنا

صراحة ذكرتيني باحلا ايام انا عرسي كان شهر 10 الل طاف وسافرت يالغالية لسنغافورة و استراليا (غولد كوست) واسترحنا بدبي

اولا سنغافوره روووعه رووعه حيل حبيتها لان الجو كان روعه الديرة نظيفه والناس اللي فيها من الطبقه العالية التسوق روعه هناك بس للتمشي لان حيل غالية كله ماركات والمطاعم مو طبيعية لا حيل نظيفه وعنده اكلات لذيذه طبعا الحلال قعدنا فيها 5 ايام والديرة حلوة كانها رسوم متحركه من ناحيه المباني والشوارع صج روعه

رحنا بعدها للشاطئ الذهبي غولد كوست في استراليا كنا ندور الطبيعه مادري ليش ما حبيتها مع ان الطبيعة ماشاءالله حيل خلابه بس الجو في فترة سفرتنا كان حار حيل لا كان بشهر 11 والصيف يبدا عندهم هالحزة انصحكم تروحون لها بالصيف لان الجو واايد حلو بالصيف وكان متعب في الرحلات قعدنا فيها 11 يوم قضيناها بالرحلات الجماعية اهما طريقتهم ان في بروشورات في كل مكان ومنهم تحجزين الرحله طبعا كل الرحلات زوجي الله يهديه اختارهم بس خلا لي رحله وحدة اختارها واهيا الى المزرعه وتوهقت فيها لان ركبت الحصان وطحت منه والله ستر علي وقعدت ابكي قدامهم من الخرعة بس باقي الرحلات كانت حلوة،،بس حسيت اني احب التمشي اكثر من الطبيعه والرحلات يعني احب التسوق

ختمناها بدبي دار الحي قعدنا 4 ايام كانت روعه بس وتطورت بسرعه لان من قبل 4 سنوات ما رحت لها

انا حامل الحين وادعولي ان ربي يسهل علي ودي بعد الولادة اروح لزلامسي شرايكم بنات قريت ان وحدة بس تمدحها محد راح منكم؟؟ وشلون اسعارها غالية؟؟ ودي اروح اوربا
واي سؤال انا حاضرة

:ok: عجبتني الفكرة
ان كان على شهر العسل احلم اروح الهند وفرنسا
هناك وايد حلو
بعدين انا ماقد تزوجت ادعولي ان اللاقي فارس احلامي :shy:
ومشكورة اختي على الفكرة
نبي منكم ان نستفيد.

عجبتني الفكرة
ان كان على شهر العسل احلم اروح الهند وفرنسا
هناك وايد حلو
بعدين انا ماقد تزوجت ادعولي ان اللاقي فارس احلامي :shy:
ومشكورة اختي على الفكرة
نبي منكم ان نستفيد.

انا عن نفسي

للحين في فترة الخطوبة

وان شاء الله لما نتزوج

وانا وخطيبي نفكر نسافر تركيا :shy:

ان شاء الله

هلا حبيباتي ..

بصراااحه عجبني الموووضوووع عشان البنات يستفيدون منه ...

أنا سافرت ماليزيا ورحنا أول شي بينانغ وكان جوها اشوي حار في ديسمبر بس وناسه صراااااحه ، ورحنا بعدها جينتنج رووووووووووووووووووووووووووووووووووووعه فوق الجبال عند الغيووووم وجوها رهيييييييب وباااااااااارد وفيها مدينة ألعاب وكل شي متوفر...... وعقب كوالالمبور العاصمه حلوه بالذات يوم توقفين عند البرجين التوأم ..
بس أكثر منطقه عجبتني جينتنج وبصراااااااااحه مافي شي ما عجبني فيها ..
وأنصح العرايس يروحون ماليزيا لأنه فعلا بلاد العرسان .. وأنا حتى خاطري أسترجع أيام شهر العسل والله يوفقكن ياأخواتي ..]

[blink]ما شاء الله بنات والله أنكم تستاهلون كل خير
لان متعاونات ما شاء الله عليكم

يالله بنوتات أسألوا ولا تتردوا وان شاء الله
انا والبنات بنساعدكم وانا من الحين ببدأ

أرد على اسالك البنات الي يسألون والي
ما تزوجون عسى يااارب يتزوجوا بالقريب العاجل

شدوووا الهمـه [/blink]

بصراحة ماأقدرت أسافر لأن الظروف ما اسمحتلي ..
بس رحت عن خاطري البحرين جم يوم ورديت ....
ويعطيج العافية على الموضوع الحلوووووووو ...