مقهــــى " حدثــينا عن شــــهر العــــسل"

مشكوره اختي ع الموضوع الحلو والمفيد

انا رحت شهر العسل ماليزيا قبل ثلاث سنوات ونص
وكانت مرررره روووووعه والجو احسه عادي مو حار مع انه رحنا في الصيف..
واكثر مدينه عجبتني .. كوالا لامبور..
واسعارهم حلوه يعني احس اسعار السوق مثل السعوديه..
بس سمعت هالايام صارت غاليه لأنه ناس وااجد قامت تروح لها

وبالنسبه للأخت motamyzh
انصحك تروحين ايطاليا مررره حلوه انا مارحت بس زوجي راح رحلة عمل
ويمدح فيها مرره ويقول نفسي يروح مره ثانيه معاي.
ان شاء الله اكون افدتج

باي

حلوالموضوع اعجبني لان الكل راح يستفيد منه وجزاها كل خيراللي طرحت الفكره بس انا لسا ماتزوجت بس خطيبي يقول حنروح مصر وانا ودي اروح جزرالمالديف اوجزيرة بالي اللي في اندونيسيا اش تنصحوني انااحس ان مصر ماتنفع الامع الجماعه واحيانااقول نروح جزيره من الجزر كم يوم وبعدين نروح مصر اي الجزراحلى والله اناشفت بالصورعن طريق الانترنت والمجلات جزيرة بالي في اندونيسياجنااااااااااااااااااااااااااااااان مناظرخلابه وخياليه والاوتيلات راقيه جدا اماجزرالمالديف فشفتها في مجله فكانت جنااااااااااااااااااااااااااان ماادري محتاره اللي راحت احدى هذه الجزر تفيدني وانا خايفه من الزلازل والفيضانات افيدوني الله يجزاكم خير؟

الموضوع حلو اوى
بس انا لسة متجوزتش
اما اجرب هقولكم

العنزية1400:
ادعووو لي بالعرس

وابشرررووووووو بالمعلومااات والسوالف

بس الله يرزقني يارب

العنزية 1400

بأذن الله تتزوجين بالقريب العاجل ان شاء الله
ونبي منك أحلي سوالـف ومعلومات
وعسى الله يزقك بالزوج الصالح آمين يااارب
مشكورة حبيبتي على مشاركتك

deemaa:
الله ادعوا لي ان ربي يسهل امري وابشروا باللي يسركم
:)

deemaa

الله يسر أمورك ويزقك بالزوج الصالح بالقريب العاجل حبيبتي
وأكيـد لا تبخلين علينا بالسوالف وأحلى التقارير عن شهر العسل
مشكورة حبيبتي على مشاركتك

لولو بحر مكنون:

تسلمين عالموضوع الرائع
وعندي احساس انه بنستفيد منه وايد
لاحظت اغلبيه العرسان يسيرون دول شرق آسيا لشهر العسل
بس في نقطه حبيت اوضحها ..
هذي الدول بالفعل حلوه مثل ماليزيا وسانغفورا
وتتميز بالضيافة الفندقيه افضل من الدول الأوربيه
بس مشكلتها إنه الرطوبه فيها جداً عاليه
انا اول مازرتها .. على طول فكرت بهالشي
كيف المعاريس يتحملون هالجو الحار
خصوصاً أغلب المعالم السياحيه تكون في اماكن مفتوحه
الوحده في هالدول تنسى تتحكم بتسريحة شعرها من زود الرطوبه
وإلي تحلم بالشعر الكيرلي والفلافل تسيرهالدول :dd:


وبالنسبه لي افضل الدول الأوروبيه لشهر العسل هي :
فرنسا
النمسا - زلمسي
سويسرا
ايطاليا -فينيس واسبانيا: بس ماتكون في الصيف لأنها حاره

لولو بحـر مكنون

اولا مشكورة غاليتي على ردك وصحيح كلامك
أغلب العرسان يروحون شهر العسل بدول أسيا ويمكن السبب
المادية تلعب الدور الاساسي في هذا أو من ناحية التعود
خلا يقولون وين شهر العسل >>> السستم على صوب ماليزيا وسنغافورة وغيرها من الدول
الاسيويه خخخخخخخخخخ

وبالنسبه للحر ايه واااااااااااااااايد رطوبه واصلا دول الخليج أغلب العرسان يتزوجون بالصيف
يعني لزقه حر في حر هههههههههههه ومن ناحيى تسريحه الشعر خليها على الله
خخخخخخخخ تسريحة شهر من الخاطر بتكون ولى موجوده مثلها كيرلي مع شويه زيت
خخخخخخخخخخخخ بس من ناحيه الطبيعه خيال هذا الشي الواحد الي ما يقدر ما يبدأ اعجابه
خيال بصراحه ماليزيا من الدول الي تتسم بالروووعه بطبيعتها

الدول الاوروبيه مو كلهم حر بالصيف في دول جوهم حلو مثل ايطاليا بالصيف جوها
رههيب وحلو عسى ان شاء الله تزورينها غاليتي

اشكرك على ردك ولا تحرمينا من تواصلك

أحلام صغيرة:
انا بشارك معاكم
اول شي اشكر الاخت ضياء النور على طرح الموضوع الرائع

انا شهر العسل رحت فرنسا وأسبانيا
- ما هي أفضل الأماكن ؟في فرنسا قعدت بس في باريس طبعا احسن الاماكن ديزني لاند ومتحف اللوفر وشارع الشانز طبعا مايمل الواحد من التمشي فيه وفيه مجمع جاليري لافيت ولاديفانس

- ما الذي أعجبكي في هذة الدولة او المنطقة السياحية ؟ الجو حلو

- ما الذي لم يعجبكي ؟ مااذكر انه في شي ماعجبني غير الزحمه في الميترو اوقات الذروة

- نصيحتك ؟ اخذوا معاكم جوتي سبورت(الله يعزكم) اريح لكم في المشي واستغلوا اليوم كله يعني اطلعوا من الساعه 9 لين فليل الساعه 11


أسبانيا

- ما هي أفضل الأماكن ؟برشلونه وملجا وغرناطه ومدريد واشبيله

- ما الذي أعجبكي في هذة الدولة او المنطقة السياحية ؟ فن العماره والطبيعه الحلوه في برشلونه وملجا وقصر الحمرا في غرناطه

- ما الذي لم يعجبكي ؟ كان الجو وايد حار

- نصيحتك ؟ دووم اشربوا ماي واشيه بارده اذا كنتوا مسافرين في الصيف
واخذوا لكم كتيب تعلموا منه بعض الكلمات الاسبانيه راح تنفعكم وايد
وددوم خلو اسم الفندق معاكم

نصيحه اخيره لاتنسون تاخذون معاكم الكاميرا في كل طلعاتكم

أحلام صغيرة

رووووووووعه زرتي أجمل دولتين التي أتمنى أزورهم من قلبي والله
فرنسا دولة الرومنسيه وأسبانيا دوله الاساطير روووعه جداااااااااا

عقبالي يااارب ما ازورهم روووعه كثير ومشكوره على الملعومات
وصحيح الواحد لما يزور هذي الاماكن أول حاجه لازم يستغل الوقت
وبالنسبه (( جوتي سبوت )) صحيح هذا شي مهم جداااااااااااااا لان يقولون يا تتكشخين يا تتمشين
يعني يا رايحه ترفهين عن نفسك وتتكشخين لازم تلبسين اشياء ريحك مو بس الجوتي حتى بالملابس
ترتاحين بعد لان السفر معناه المشي والمشي والمشي كله ادوريين ما في وقت لصندل والكشخه
اهم شي تستمتعين بوقتك ..

وان شاء الله انا ناويه اعمل تقرير شامل عن فرنسا ..



اما بالنسبه لأسبانيا فهي روووووووووووعه وقمه بالرووووووووعه والجو بالفعل حرر
بالصيف وكثير حر بس تصدقين سمعت يقولون انها ما تنمل ابدااااااااا

مشكوووووووورة الغلا ع المعلومات وان شاء الله البنات يستفيدوا ولا تحرمينا من تواصلك

! نوسة !:
الله يرزقك بولد الحلال اللي يسعدك ويهنيك
والموضوع حلو بس اشوف وش راح تكتبو

نوسه

آمين ياااارب الموضوع حلو بوجودك انتي والناس الطيبه
حبيبتي واكيد استمري معانا والبنات ما بيقصروا

مشكورة الغاليه على ردك فديتج تابعي معانا

%Ju$T Me%:
هلا عزيزتي .. موضوع جداً حلو و مفييييد :)

وانا بنت ان شاءالله لتزوجت كتبتلكم عن سفرة شهر العسل :)


ويسلمووووووووووووووووووو اختي ضياء النور وربي يعطيج العافيه :)

just me

هلا غاليتي انتي الاحلى يا عسل وعسىي اااااااارب تتزوجين قريب
بس علشان تشاركين معانا ههههههههههههههههههه امزح اتمنى انك تتزوجين
وكل بنات عروووس وتعيشون حياة سعيده بأذن الله يااااارب

الله يسلمك حبيبتي تابعي معانا علشان تستفيدين من تجارب البنات

قرقاشة:
وااااااااووووووو والله موضوع قمه

راااااااااااااااااااائع


انا الصراحه مادري وين راح اسافر اشوف شنو تكتبون اروح الديره اللي تعجبني

ههههههه

قرقاشة

انتي الاروع يا عسل ان شاء الله تسافرين الدوله الي تعجبك
واذا حبيتي نساعدك خبرينا متى موعد السفر وراح نكون جمبك
مسافرين معاكيـ وعلى حسابك :dd: >>>>>>>> الحين بتشششششششششرد

بالعكس والله اذا مخططه لسفره خبرينا موعد السفر ونختارلك الدوله
الي جوها حلو لان يا بنات الجو هو السبب الرئيسي لحلاوه السفر
وعاد نحنى بروحنا ما نطيق الحر ونروح لدوله فيها حر :qaq:
مصيبه :dd:

مشكورة غاليتي على ردك تابعينا

نجمة حرة:
============هذه المستخدمة لم تتزوج بعد
ادعوا لها بالزوج الصالح

نجمة حره

ان شاء الله تتزوجين بالقريبا العاجل اللهم آمين
ولا تنسينا بأحلى سوالف عن شهر العسل عيوني
مشكورة على ردك

تابعينا

واللي عندها اي معلومات عن النمسا وايطاليا

لا تبخل علينا

نوفاااااااااااااااااااا:
موضوع روعــــــــــــــــــــــه
انشاء الله المتزوجااااااااااااااات يفيدونكم ولما اتزوج راح اقولكم
مع اني نفسي اذا الله كتب وتزوجت اروح ايطالياااااااااااااااا

نوفااااااااااااااا

انتي الاروع عيوني وان شاء الله تتزوجين ياااارب
والله يزقك بالزوج الصالح آمين يااارب وان شاء الله
تزورين ايطاليا وانا نفسي بعد مثلك يكون شهر عسلي بأيطاليا

وهي مناطق ايطاليا الي لازم تزورونها

اخترت ميلانو و سيرميوني ..
أول شي لأني باروح زيورخ .. و أريافها و جبالها للراحة و الاستمتاع بالطبيعة و الهواء النقي ..
و بعدين باروح لوجانو بالقطار

ليش لوجانو ؟؟
لأنها في طريقي لميلانو ..
و في ناس وايد تمدحها .. طبيعة و هدوء ..



بعدين بروح ميلانو .. shopping :
داخل المدينة :
Milano Galleria
Galleria Vittorio Emanuele II 20121
مجمع رهيب ... عند الدومو

Via monte napoleone وهو معروف بأنه شارع الماركات

وعسى تورونها واي استفسار بنااات الي شهر العسل قريب
لا يترددون بالسؤووال

لان هذا الموضوع للفايده لكل

مشكورة غناتي على ردك

صبـــاح:
هلا اختي ...لقيت الدعوة في صندوق الرسائل ...بس للاسف ما عندي شي اقوله .... لاني لسه ما تزوجت ... الله يوفق الجميع إن شاء الله

صباح

صحيح بالفعل ما قصرة غاليتنا الامورة بارسال الموضع للكل
ليستفيد لان كثير بنات حابين يعرفون عن الدول الاوربيه وغيرها
وهذا الموضوع الكل راح يستفيد منه

مشكورة عزيزتي تابعينا

soooma:
اهليييين بنات

كيفكم ان شاء الله كويسين

اممممممممممم انا حشارككم بس مو شهر عسل :shy:


سفره كانت رااااائعه وحلوه الحمد لله
كانت في ماليزيا والي يقولو الجو حاااااااار سبحان الله كنا في عزززز الظهر نخرج ونتمشى
وصح رطوبه بس مررررره مانحس في الحراره ماعندهم حر زيناا

وصراحه مره انبسطت فيها

وافضل المناطق امممممممم انا عجبتني بينينق رحلاتها ونزهاتها روعه وكوالا لمبور وسيلانجور

يعني طبعا احلى شي فيها الملاهي المائيه سن واي لاقون وجنتنق بس جو بس صغيره ومافيها

شي


طبعا دي الاماكن الحلوه

وبالنسبه الي يعني ماعجبتني لنكاوي لان هادئه جدا وسكنا في فندق ع البحر وقبل لانسكن بيوم كان في تسونامي وكنت خايفه مره ومتوتره :sad:



بس عموما بصراااااحهانبسطت فيها مررررررره وبجد فليتهاااا


ونصيحتي اول شي ان الي تسافر ان تحافظ على حجابها وانها تستمتع بسفرتها بكل شي

ولا تنسى كاميرت الفيديو طبعا :clap:

sooma

مشكورة حبيبتي على الصورةر ووووعه وعجبني
انك طرحتي سفرتك ولو انها مب شهر عسل
ماليزيا ما عليها كلام جنه بالارض

عسى البنت يستفيدون
تابعينا

الدانه900:
يالله ذكرتونا بما مضى ياليت ايام شهر العسل ترجع
بس الوحده الذكية تخلي ايامها كلها شهر عسل ان شاءالله :shy:
وين رحت ؟؟والله رحت ماليزيا
وش اعجبني فيها ؟؟ اعجبني فيها منتجع( صن وي لاقون) والعاصمة كوالالامبور وخاصة شارع العرب ومدينة بيننغ ومدينة لانكاوي وجوها حلو يمكن لأني رحت بعيد الفطر
وش اللي ما اعجبني فيها؟؟ لايوجد(وحده قنوعه)!!
نصيحتي ...تلبسي كل شي مريح من لبس وجوتي سبورت اكرمكم الله وطبعا التمشيه عندهم من الصباح للساعه 10او11
ان شاء الله اكون افدتكم لو بالشي القليل:shy: :shy:

الدانه900

ان شاء الله ايامك كلها عسل بعسل يااااااااااارب
ومشكورة افدتينا كثير والي يبي اي استفسار عن ماليزيا
الدانه والبنات الي راحوا لها ما راح يقصروون

مشكورة غاليتيـ

motamyzh:
انا زواجي في شهر ثمانية اغسطس ومحتاره انا وخطيبي وين نروح هو يبي يروح اسبانيا
وانا ودي نروح فرنسا حسب كلامه الميزانيه 18 الف ريال غير التذاكر والمده المقرره للسفره ما تزيد عن 21 يوم
وش تنصحوني وش رايكم واذا عندكم مكان ثاني دلوني عليها بنت عمي تقول روحو بلغاريا مره حلوه
انا من جد محتاره انا اموت في شئ اسمه ملاهي والعاب وزوجي الاماكن السياحيه الهاديه
ومحتاره وين نقرر شهر العسل ولا تقولون لي ماليزيا هي بجد حلوه وتبل بس عيبها انها بالصيف تصير كانها البحرين يوم الخميس كل الخليج فيها
اتمنى اشوف تعليقاكم بنات والاقي مكان حلو حتى لو غير هذي الاماكن

motamyzh

اممممممممممممم والله الي من الحيرة الاختلاف بالرأي
يعني انتي تبين فرنسا علشان الالعاب وهو اسبانيا

فرنسا جوها روووعه مثل ما زاروها بنات والالعاب لي هي طبعا المشهورة ديزني
وجوها الرومنسي واسبانيا الله يعينكم ما احد يكلم انجليزي ههههههه يعني نادرا
لاني لغتهم الأولى اسبانيه بس اسبنيا رهيييييييييبه كثير الالعاب ما سمعت ان الاهتمام
الاول بالالعاب ادري انك تحبين الالعاب بس بالنسبالي انا احب الطبيعه اكثر والمعالم
الاثريه من اجمل الدول الاوروبيه

فرنسا
اسبانيا
وايطاليا

انصحك هذولا الدول المناسبين تمام لشهر العسل وعزيزتي هذا تقريري عن ايطاليا


بـــ الخيال ** ايطـــاليــا **ــــــلاد

أتمنى يفيدك وهذي صورة ولى في الخيال روووعه شوفي وبتتتمنى بس تروحين النمسا
علشان تدخلين بس هذا الكهف شوفي ..






يقولك قصه هذا الكهف الموجود في النمسا
كان من المشاهدات التي رأيناها بناء الطائرات خلال الحرب العالمية وكيف كانوا يربون الخيول والماشية داخل الكهف

تابعينا حبيبتي ..

مرحبا حبيباتــــي انا والله كنت سفرتي داخليه (داخل مملكتنا السعوديه) وهذا كن رايي
قلت اروح في البدايه داخلي بعـــدين لاااااااحقه على الخارجي
لاني بداية زواجي بكون استحي وماراح اخذ راحتي ولا انبسط
رحت اخذت عمره
وبعدين رحت الطايف الجو غير طبيعي وجبال ومناظر روووعه
واهم شي الكامــــــــيرا لأنها اوقات حرام تنسي
والله يوفق الجمـــــــــيـــــــــع

سما ياسر:
الموضوع والفكرة عجبانى اوى انا لسة متجوزتش بس احلام خطيبى تكون الرحلة فى البحر فى باخرة بس انا بموت من البحر موووووووووووت [move=down] هوالعمر بعزئة ولا ايييية؟؟؟؟؟؟؟؟؟[/move]

سما ياسر

الحمدلله ان الموضوع عجبك حبيبتي وان شاء الله راح نشوفك
عرووسه بالقريب العاجل ولا تحرمينا من سوالفك عن السفر
واذا تبين رحله بالباخره ما عليكي الا سنغافورة

وهذي صور علشان عيونج الحلوه ....

سنغافورة بالباخرة





هي ثالث أكبر شركة في العالم متخصصة في مجال تشغيل البواخر السياحية ، ويملكها الملياردير الماليزي / لـيــم [ ذكرته في تقرير ماليزيا وكذلك في هذا التقرير ] وهو مؤسس مجموعة / جينتينج Genting Group التي تُـشرف وتُـديـر المدينة الترفيهية المعروفة في ماليزيا [ جينتينج هايلاندس ] منذ عام 1965 م .



الدول أو الوجهات السياحية التي يضمها جدول رحلات أُسطول / ستار كروزِس

1- سنغافورة
2- ماليزيا
3- تايلاند
4- هونج كونج
5- الصين
6- كمبوديا
7- فيتنام
8- الهنـد

- الباخرة / فيرجو Virgo [ الأضخم ]


الطـول 268 متر / 879 قدم
العرض 32 متر / 106 قدم
السرعة القصوى 25.5 عُـقـده
عدد الطوابق 13
عدد الكبائن 980
عدد الركاب 2000 راكب تقريباً
عدد المطاعم والمقاهي 13
نقطة الإنطلاق سنغافورة










طبعا هذي بس باخرة وحدها لان هناك مجموعه كبيرة من الباخرات
وكل حاجه بسعرها اتمنى تروحين يا احلى عروسه لوحده من هذا الباخرات

تابعينا

بنات اللي راحوا اسبانيا كيف شافوها

وكيف بالنسبه للغه هل كانت حاجز لالا

يعني يعرفون للانجليزي لا