مفاجاه منى لكل المصريات

ايه الجمال دا والنشاط دا كله ايوة كدا انا كنت يئست ان حد يرد على الموضوع بالنسبه للكوافيرات انا شفت مكياج مسيو عابده بصراحه تحفه ونانيس شفتلها صور مكياجها هو بصراحه حلو اوى بس تقيل شويه وكمان مجدى وسيد حلو برده بس بيبقى زحمه دول الى فى راى مضمونين

بصوا يا قمرات موضوع الهاى تى دا انا برده مش اعرفوة بس هسالكم عليه وقولكم وياريت الى تعرف عنه حاجه تقولنا وربنا يوفقنا كلنا وانا بصراحه رحت قاعتين واحده الى فى دار المشاه الى هى مدوره الكبيره دى وبصراحه تحفه مش ليها حل وشيك موت والبوفيه كان حلو اوى بس هو الفرح كان عادى مش فيه حاجه جديده مجرد زفه والدى جى والبوفيه بس ودا اتكلف كله 15000 وعلى العلم القاعه دى تكلفتها مش اقل من 25000 بس العروسه عملت حاجه كويسه هى الى جابت الاكل والدار عملوة بس ودا خفف التكلفه كتير والقاعه التانيه الى روحتها كانت فى دار المدرعات وبرده كانت حلوة وشو التورته عجبنى كانت عباره عن ان التورته محطوطه على حاجه زى العربيه كدا فى اوضه الى منور فيها لمض صخيره والعروسه والعريس بيقفوا على العربيه مع التورته والاوضه دى ليها باب كبير طالل على القاعه وساعه الشو بيتفتح الباب اوتوماتك وتتحرك العربيه لبره مع شغل دخان بقى والاضاءه الى فى الاوضه كان تحفه بجد ياريت تكون وصلتلكم عشان انا خيبه فى الشرح

ممكن بقى ياعرايس يا امامير اطلب منكم طلب انا عايزه انزل اغانى افراح مصريه ونزلت منهم فعلا فى موضوع وطلعت ولما دخلت مش لاقيت الموضوع تقريبا انا حطيتوة غلط ممكن حد منكم يقولى انزل الاغانى ازاى عشان انا بجد نفسى انزلها ليكم

السلام عليكم
تسلمى يا فكتوريا على الحاجات الجميله دى
انا كنت عملت موضوع قاعات مصريه بس فشل هههههههه معرفش السبب بس بجد فرحت قوى لما لقيت موضوعك جميل ربنا يحميكى

بس كان ليا استفسار بعد ازنك بالنسبه للقاعات انا اتفرجت على قاعة الحرس الجمهورى فى قاعة القصر الكبير ياترى هى احلى ولا قاعة قصر الشوق فى الاسلحه والذخيره

يابنات انا ان شاء الله هكون محجبه وحجزت الميكب عند التونسى فى المهندسين بس انا بحب ميكب بتاعه مووت لانه بيكون نتشيورال حجزته ب 1500 وانا الى هروح ليه انما لو هو جالى هدفع 3000

وبالنسبه للى هتلف ليا الطرحه فانا حجزت ايمى الكاشف فى مصر الجديده وهى هتجيلى عند التونسى وبتاخد 300 وفى واحده تانيه برده كويسه قوى بس غاليه شويه هى جيلان عاطف ب 850

والفستان بعمله اول لبسه عند اتيليه الحلو فى مكرم عبيد بس شغله تحفففففففففففففه بجد

الى عايزه اى معلومات انا تحت امرها ياريت على الخاص لانى عندى زهيمر مبكر هههههه

اه وبالنسيه للتصوير فا التونسى قالى على استوديو فى الشارع الى جمبه اسمه الالفى بس تحفففففففففففه ولقيت هناك بنت اسمها دينا هى بتشتغل موديل فى مجلة حجاب فاشون وهى لذيذه قوى وهى الى قالتلى على جيلان عاطف:shy: :shy: :shy:

فكتوريا فى اغنيه لماجده الرومى اسمها نشيد الزفاف دى بتاعة الزفه بس حلوه مووووت واغنية الفرح طبعا بتاعة محمد نور وياحبيبتى بتدخولى على الموقع لغاية ما توصلى للاغنيه وهتلاقى جمبها ايكونة تحميل اضغضى كليك يمين واختار save target as
وهيفتح لك ويندو تختارى المكان الى عايزه تنزلى الاغنيه فيها وsave وبس خلاص ياقمر وعموما لو عايزه معلومات اكتر او اى اغنيه انا تحت امرك نتقابل مسنجر وابعتهالك

أنا مخطوبة من سنة ونصف وبحب خطيبى وهو كمان بيحبنى جدا نفسى يرجع معايا زى الأول مابقاش يهتم بية ولا يسأل علية إلآ للضرورة بعد أما كان بيهتم بية جدا ، أنا عمرى ما قصرت معاه بس خايفة يكون إتغير مش عارفة أعمل إيه عشان أنا فرحى قرب ومش عارفة حتى أتمنى اليوم دة خااااااالص وباتضايق أما تيجى السيرة دى قدامى أنا نفسيتى تعبت جدا ومش عارفة حتى أنام ومش باشتكى لأى حدانا عارفة إن دة مش المكان المناسب بس أنا كتبته هنا عشان انتوا مصريات زيى وأكيد هاتفهموا بجد محتاجة رد بسرعة

sasooo:
أنا مخطوبة من سنة ونصف وبحب خطيبى وهو كمان بيحبنى جدا نفسى يرجع معايا زى الأول مابقاش يهتم بية ولا يسأل علية إلآ للضرورة بعد أما كان بيهتم بية جدا ، أنا عمرى ما قصرت معاه بس خايفة يكون إتغير مش عارفة أعمل إيه عشان أنا فرحى قرب ومش عارفة حتى أتمنى اليوم دة خااااااالص وباتضايق أما تيجى السيرة دى قدامى أنا نفسيتى تعبت جدا ومش عارفة حتى أنام ومش باشتكى لأى حدانا عارفة إن دة مش المكان المناسب بس أنا كتبته هنا عشان انتوا مصريات زيى وأكيد هاتفهموا بجد محتاجة رد بسرعة

بصي يا حبيبتي هو خطيبك متغيرش ولا حاجة
اللى هو فيه دة طبيعي
وهو مهتم بيكي وكل حاجة
بس يمكن قل حاجة بسيطة عشان هو دلوقت شايل هم التجهيز والاستعداد للجواز وعايز يعملك كل حاجة وتكون على اجمل وجه

انا زيك بالظبط وكل ما اكلمه اقوله انت متغير
لحد ما فهمت ان حجم المسؤليه اللى عليه هي اللى خدت جزء من اهتمامه بيا للاهتمام بالحاجت دي
انتي خليكي جنبه طول الوقت
وكلميه اسالي عنه عادي زي الاول واكتر

o0o mshmsha o0o:
فكتوريا فى اغنيه لماجده الرومى اسمها نشيد الزفاف دى بتاعة الزفه بس حلوه مووووت واغنية الفرح طبعا بتاعة محمد نور وياحبيبتى بتدخولى على الموقع لغاية ما توصلى للاغنيه وهتلاقى جمبها ايكونة تحميل اضغضى كليك يمين واختار save target as
وهيفتح لك ويندو تختارى المكان الى عايزه تنزلى الاغنيه فيها وsave وبس خلاص ياقمر وعموما لو عايزه معلومات اكتر او اى اغنيه انا تحت امرك نتقابل مسنجر وابعتهالك

ميرسى يا مشمشه على ردك عليا بس يا جميل انا مش قصدى انى عايزه انزل اغانى من مواقع لان انا فعلا مجمعه شويه اغانى من الى قلبك يحبها يعنى اغانى قديمه وجديده للافراح وكنت بس عايزه احطهم على المنتدى علشان الى تحب تاخدهم وتستفيد بيهم بس مش عارفه احط ملفات الاغانى هنا وكل ما احطها تتشال فاعيزه ح يقولى احط الاغانى الى عاندى على المنتدى ازاى من غير ما يتحزف الموضوع

ايه الجمال ده يا بنااااااااااات ... انا مبسوطة جدا جدا ... يا ريت نفضل كلنا مع بعض كده على طول

يارب فعلا نفضل كدا دايما ونخلى الموضوع فيه تفاعل اكتر واكتر وانا مبسوطه من كل العرايس الى بيشاركوا بجد

بالنسبه لمشمشه كانت بتسال عن قاعه دار الاسلحه والزخيره والحرس الجمهورى انا من راى دار الاسلحه والزخيره هى الى فيها حركات حلوة يعنى انا سمعت عنها كتير بس الحرس الجمهورى الى اعرفوة انها شيك اوى بس مش سمعت ان فيها حركات جامده زى الاسلحه والزخيره

ها ياعرايس حد عرف الهاى تى دا ايه تقريبا كدا هو عباره عن ان كل فرد ليه طبق بينزلوة لحد عنده يعنى فيه جاتوة وكرواسون والحاحاجات دى ودى غير نظام البوفيهات بس انا لسه مش عرفت بالضبط برده ان دا صح ولالا والى تعرف تقولنا وياله يا عرايس عايزه نشاط منكم كدا وفرحونى

ميرسى فكتوريا على ردك الجميل عموما تقدرى تنزلى اسامى الاغنيات واحنا نحملها من على المواقع وتبقى برده وصلتى للانتى عايزاه


بالنسبه لsasooo
حبيبتى انا زيييييييييك بالظبط ومش اقولك انا اصلا مخطوبه لخطيبى دا بعد قصة حب من طرف واحد هو

وكان كل ما بيتقدم برفض الموضوع لغاية ما حصل نصيب وبعد 6 شهور من الخطوبه متغير خااااااااااااااالص لا بقى بيتصل زى الاول وولا اى حاجه مع انى بدات اميل ليه وهو عارف كدا بس فعلا زى ما نانى فيس قالتلك هم فعلا بيكونوا عليهم حجم مسئوليه فظييييييييييييع جهاز وفرح وما بعد الفرح من بيت واسره وبيفضلوا يفكروا كتييييير وكل دا بياثر
وعشان تتاكدى من حبه ليكى لو حتى عملتى ان صوتك تعبان شويه هتلاقيه اتخض عليكى وقلق وكدا بقى
وبعدين هو كل الانشغال الى فيه دا مه من حبه ليكى عمال يفكر ازاى يعملك كل الى تتمنيه وكل حاجه جميله وحلوه فى فرحك وفى جهازك ويوفرهم ليكى ازاى كدا يعنى

فمتقلقيش انتى بس قربى منه وحسسيه انك شايله المسئوليه دى معاه وقوليله انك معاه على الحلوه والوحشه وانتى مبسوطه وراضيه وفرحانه هتلاقى كلو بقى تمام

وربنا يوفقك يا قلبى

جزاك الله خيرا على مساعدتج انا مش مصريه.................بس حبيت مووضوعج

يا بنات انا مخطوبة و ان شاء الله هاتجوز فى شهر 3 انا حبيت اقولكم ان الهاى تى دة عبارة عن قطعتين جاتوه و باتون ساليه و كرواسان و 2 ساندوتش غالبا بيبقى لحمة باردة او فراخ على حسب طلبكو معاهم حاجة ساقعة و كمان طبعا فى شربات فى الاول للمعازيم كلهم طبعا عشان ما يبصوش للعرسان فى الشربات هههههههههههههههههههههه بس

يا بنات صحيح نسيت اقولكم ان ناجية سنتر دة بصراحة معفن اوى سورى يعنى بس الفساتين تحسى ان فى 23456 واحدة لبسته قبلك و الفساتين البيضا ما لهاش اى علاقة بالابيض كمان بصراحة السنتر اللى فى فيصل من اوله كده دة بصراحة الكوافيرات عنده فلح اوى ان اجرت فستان خطوبتى من هناك و لاقيته كويس لانى كنت اول واحدة تأجره انما المرتين اللى روحت فيهم عشان الفستان كل دقيقتين تخرج عروسة و متيألى حتى الحلوة بيطلعوها وحشة معلش يا بنات بس انا حبيبت افيدتكم و الكلام دة و الله عن تجربة شخصية مش كلام سمعته من حدو ربنا يتمملنا بخير كلنا لوووووووووووووووووووى

lolloo:
يا بنات صحيح نسيت اقولكم ان ناجية سنتر دة بصراحة معفن اوى سورى يعنى بس الفساتين تحسى ان فى 23456 واحدة لبسته قبلك و الفساتين البيضا ما لهاش اى علاقة بالابيض كمان بصراحة السنتر اللى فى فيصل من اوله كده دة بصراحة الكوافيرات عنده فلح اوى ان اجرت فستان خطوبتى من هناك و لاقيته كويس لانى كنت اول واحدة تأجره انما المرتين اللى روحت فيهم عشان الفستان كل دقيقتين تخرج عروسة و متيألى حتى الحلوة بيطلعوها وحشة معلش يا بنات بس انا حبيبت افيدتكم و الكلام دة و الله عن تجربة شخصية مش كلام سمعته من حدو ربنا يتمملنا بخير كلنا لوووووووووووووووووووى

مرسي يا قمر على تعريفك للهاي تي
والله طلع مش بطال خالص ممكن نفكر في موضوع الهاي تي دة

وانا معاكي في ان السنتر والكوافيرات في الهرم وفيصل مش حلوين
هما عاديين
لكن اللى عايز التميز لازم يدور على حد احسن ومشهور شوية
وانا هعمل كدة فعلا

عاندى ليكم مفاجاه حلوة انا جبت صور لعروسه بتمكيجهانانيس سليم وصور لقاعات فى الفنادق يارب تعجبكم

vectoria20_1:
عاندى ليكم مفاجاه حلوة انا جبت صور لعروسه بتمكيجهانانيس سليم وصور لقاعات فى الفنادق يارب تعجبكم

في انتظار المفاجاة