مفاجاه منى لكل المصريات

2- موفينبيك المطار
ايضا فندق 5 نجوم وسعر الفرح لعدد 100 فرد شامل البوفيه والتورته والزفه والدي جي والقاعه بمستلزامتها يحدد حسب الايام
1- بوفيه الف ليله وليله ايام الخميس والجمعة والسبت 12200 جنيه
الفرد الاضافي ب 98 جنيه
اقامه ثلاث ليالي في جناح الملكات شامله الافطار او خمسة ليالي في غرفة مميزه
2- بوفيه شهرزاد ايام الاحد والاثنين والثلاثاء والاربعاء 10500 جنيه
الفرد الاضافي ب 83 جنيه
اقامه ليلتين في جناح الملكات شامله الافطار او اربعة ليالي في غرفه مميزه

3- فندق نوفيتال المطار

يعتمد نظام الفندق على تقسيم البوفيه لثلاث فئات تشمل كل فئه سعر البوفيه وتورتة العروسه وشربات الفرح واقامة ليلتين في الفندق شامله الافطار
1- زفاف فينا لعدد 100 فرد 7200 جنيه والفرد الزياده ب 70 جنيه
2- زفاف فينيسيا لعدد 100 فرد 8900 جنيه والفرد الزياده ب 85 جنيه
3- زفاف فيرجينيا لعدد 100 فرد 12000 جنيه والفرد الزياده ب 120 جنيه
باقي مستلزمات الفرح من زفه وكوشه وصور وخلافه يتم اختيارها من القايمه عند ادارة الحفلات اما بالنسبه للقاعه فهي واسعه ومستواها جيد جدا وامكانيتها جيده


الفنادق التاليه ساكتب اسمائها فقط وهي تسير على نفس النظام مع فارق المستوى وبالطبع الاسماء المشهوره معروف مستوايتها

1- فندق الكونراد
2- سميراميس انتركونتينتال
3- فندق النيل هيلتون
4- فندق رمسيس هيلتون
5- فندق جراند حياة
6- فندق ماريوت
7- فندق هلنان شبرد
8- فندق سفير (الزمالك)
9- فندق شيراتون القاهره
10- فندق شيراتون الجزيره
11- فندق شيراتون هليوبليس
12- فندق ميريديان المطار
13- فندق سونيستا
14- فندق سوفيتيل المعادي
15- فندق موفينبيك الهرم
16- فندق البارون(مصر الجديده)
17- فندق قاعود(فيصل-الهرم)
18- فندق صحارى ان
19- فندق مينا هاوس
20- فندق ميدل ايست (الهرم)
21- فندق اطلس الزمالك
22- فندق سياج بيراميدز
23- فندق النبيله الزمالك
24- فندق الحريه (مصر الجديده)
25- فندق امان (الدقي)
26- فندق برج ام كلثوم (الزمالك)

ثالثا النوادي وغيرها

1- نادي ضباط الاشغال العامه بالقوات المسلحه على كورنيش المعادي
1- قاعة كليوباترا من 100 - 200 فرد
2- روف البانوراما من 100 - 300 فرد
ونظامه يشبه نظام دور القوات المسلحة السابق دكره والبوفيه فيه ينقسم لنوعين
1- بوفيه مفتوح ويتنوع من الهاي تي لبوفيه العشاء
2- بوفيه السرفيس ويحدد فيه محتويات كل طبق للفرد وينزل على المائده مباشرة

2- دار ضيافة البنك الاهلي المصري

والدار دي خاصه بموظفي البنك الاهلي وطبعا سعرهم يختلف عن سعر العامه ويشترط للحجز بها احضار صوره من اثبات شخصية او كارنيه احد الافراد العاملين بالبنك والاسعار المدكوره هنا هي اسعار الافراد العامه وبالطبع تقل للعاملين

1- قاعة كريستال من 100 - 300 فرد
2- قاعة اللؤلؤة من 100 - 200 فرد
يتم منح العروسين غرفه واحده مجاني لمدة ليله واحده
اسعار البوفيه 20 - 30 - 35 - 40 بالنسبه للبوفيه المفتوح
ويوجد عندهم نظام السيت منيو واسعارها 35 - 40 - 55 للفرد
باقي المستلزمات يتم اختيارها من القائمه اما مستوى القاعات جيد وهي جديده ونظيفه وامكانيتها جيده ومتجدده والخدمه جيده جدا

3- قاعة خان الخليلي على كورنيش المعادي
القاعه جيده وامكانيتها جيده والنظام هناك يعتمد على سعر البوفيه الي بيتراوح
27 - 34 - 40 - 45 بالاضافه للخدمه 12 % اما باقي الاضافات اما ان يتم اختيارها منفرده او توجد 5 عروض خاصه تجمع بين الدي جي والتصوير وخلافه حسب امكانيتهم المختلفه ويوجد عليها تخفيض جيد وسعر الدار دي مناسب لاغلب المستويات

4- مرسى النهر الخالد (كورنيش المعادي)
لا تتعجبوا من المكان مثلي فقد اكتشفت انه معروف لفئه كبيره من الناس
1- قاعة حورس تفتح ب 1500 جنيه
اسعار البوفيه 35 - 45 - 60
القاعه جديده وتطل مباشرة على النيل والزفه في الحديقه امام مدخل القاعه
متوسط سعر الفرح 6500 جنيه
2- المركب سعر الفرد بها 45 جنيه (وجبات)
في حالة البوفيه المفتوح سعر الفرد 55 جنيه


5- جميع نوادي النقابات بها قاعات افراح
ايضا نوادي ضباط الشرطه والهيئات المختلفه مثل نادي ضباط حرس الحدود بالزمالك وهو نادي جيد ومتوسط سعر الفرح فيه 6 الاف جنيه لعدد 100 فرد

دا الى قدرت اجمعوه اتمنى انى افدتكم وساعدتكم فى جزء من الموال بتاعنا الى انا لسه هبتدى فيه وربنا معايا ومعاكم وياريت الى تعرف حاجه جديده تدخل تقولنا ونتشارك مع بعض

ايه يا جماعه فنكم انا كنت فاكره ان الموضوع يهمكم اكتر من كدا

شكراعلى المعلومات الحلوة

شكرررررررررررراااااااااااااااااااااااا ليكي جدا
مجهود كبير إلي أنت عامله
ربنا يباركلك

[glow=33CCFF]:clap: :clap: :clap: :clap: :clap: :clap: :clap: :clap: :clap: شكرا حبيبتي علي المجهود الرائع بس يا تري عندك فكرة عن القاعات للافراح الاسلامية وعناوين محلات الفساتين دي كلها للبيع ولا في ايجار معلش هتعبك معايا[/glow]

العفو يا عرايس الى عاندها بقى معلومات زياده تقولها عشان نستفيد بيها كلنا

:clap: :clap: :clap:

رفيدة2006:
[glow=33CCFF]:clap: :clap: :clap: :clap: :clap: :clap: :clap: :clap: :clap: شكرا حبيبتي علي المجهود الرائع بس يا تري عندك فكرة عن القاعات للافراح الاسلامية وعناوين محلات الفساتين دي كلها للبيع ولا في ايجار معلش هتعبك معايا[/glow]

العفو يا جميل فى اجار طبعا بس انا لسه مش عارفه انهى فيهم بس انا باذن الله هنزل والف وهجيبلكم الاخبار بس الى اعرفوه يفصل وياجر محل الجمل ونورهان الى قولت عليه

ها يا عرايس مافيش حد معلومات جديده وزياده عايزين نتنفع كلنا من بعض يا قمرات

اهلا ببنات بلدى الجدعات
بصوا بقى انا روحت كوافير ايمن صلاح على شارع الهرم فى الخطوبة كان اكتر من ممتازو فى فرع تانى له فى شارع عبد المنعم رياض فى المهندسين و باكدج العروسة كان 550 جنيه انا كنت بشعرى و عملت كمان صبغة و لايت ب 350 جنيهو شوية اكسسوارات كدة دلع المهم الموضوع مش هايتعدى 1000 جنيه كمان فى كوافير تويست فى شارع البطل احمد عبد العزيز فى الدقى حلو برضه و الاسعار كويسة
فكتوريا موضوعك حلو اوى اوى و ياريت تقولى فعلا على المحلات لو تعرفى طبعا اللى بتعمل الفساتين الفرست يوز معلش لو كنت هاتعبك
بالنسبة للفندق اللى عملت فيه الخطوبة كان فندق مينا بالاس و كان لسعر ل 100 فرد 3500 دة كان هاى تى طبعا العشا هايبقى مختلفو فى كمان فندق موفينبيك الهرم اول الطريق الصحراوى جامد جدا و كمان هناك برضه فى ميريديان الهرم
هافتكر و ارجعلكوا تانى

متشكره اوووووووووووووي علي المجهود الرائع دا والله انتي هاتفديني كتير جدا بس فيه سؤال معلش هي الاسعار دي بالظبط علشان لما بروح وسال بلاقيها بتختلف عن كدا وبتبقا اكتر

بجد والله معلومات جميله جدا جدا ربنا يكرمك يارب وتعملى احلى فرح فى احلى دار وتبقى عروسه زى القمر . انا بقى بعد ما عرفت الاسعار الافراح منك مش هعمل فرحي فى القاهره انا خطيبى اصلا من الزقازيق هعمل فرحى فى نادى الشرطه اللى هناك ودي احلى قاعه هناك . تعرفى انا اختى متجوزه من 10 سنين وكانت عامله فراحها فى دار الاسلحه والذخيره وكان جميل اوى بالنسبه للوقت ده وكان ب 8000 جنيه كله بكل حاجه . شوفى بقى الفرق . بجد انا بشكرك على مجهودك وتعبك ده
سلام يا جميل

متشكره اوى للقمرات الى ردوا على الموضوع اما بالنسبه لرولا ممكن السعر يتغير بس مش كتير يعنى دى اسعار تقريبيه يا جميل

[frame="10 80"][/frame]

بجد بجد ياvectoria20_1ياعسل انتى خطيييييييييييرة بس حبيت اسئلك متعرفيش محلات لملابس المحجبات والطرح وارجوا مكنش تقلت عليكى ياقمر وربنايجزيكى خير