ولاده المتغربات

هلا والله بالبنات ....
هلا اختي ندودة المزيونة .... واشكرك على الترحيب....
والحمدلله الحمل ماشي اوكي ... اكيد لازم شوية تعب بين فترة والثانية بس احساسي بحركة الياهل واني بصير ام ... ينسيني كل التعب....
ربي ان شاءالله يتمم علينا ويقومنا بالسلامة ... ويرزقنا الذرية الصالحة

انا صار لي هنا من شهر مايو 2005 الى الحين يعني مقارب السنه وانشاء الله بارجع للسعوديه في سبتمبر الجاي
والله انها مده طويله الي باقيه لكن الله يهونها ياااااااااااااارب وحملي ولله الحمد ماشي بس النونو الله يخليه مايخليني انام من الرفس الله يقومنا بالسلامه ويقر عيونا بشوفه عيالنا على فكره حبيبتي غاده الريم انتي بالثاث بدء النونو يتحرك والا باقي واختي sallami انتي باي شهر وباي ولايه معليش اسئله كثيره الله يسهل علينا وعليك يارب

واختي منار b مادري وينها معاد سمعنا عنها شئ وباقي الاخوات المتغربات وينكم

تحياتي للجميع

هلا والله باختي ندودة المزيونة .... الله يسهل علي الغالية وتقومين بالسلامة ... وتردين لديرتج مع النونو .... باذن الله
انا في ولاية كاليفورنيا ... في الشهر الخامس ولله الحمد ....
وانتي في اي ولاية ؟

اهلا وسلا اختي sallami انا بولايه العبييييييييييييييييييد جورجيا الله لايوريك ولايه تطفش عن جد عندي وحده سعوديه بكاليفورنيا تمدح في هالولايه تقول مررررررررررررره حلوه اهم شئ انك تعرفين احد هناك عشان يساعدك لما تولدين باذن الله والله يسهل علينا وعليكم

حليلج والله .... الله يعينكم .... الصراحة ربيعتج ما كذبت .. كاليفورنيا واااااااايد حلوة ... والحمدلله وايد عرب وخليجيين .... وصدق انا مرتاحة هنيه.....

اختي غاده الريم ويننننننننننننننننننك طمنينا عليك

تدرون يابنات احس اني بديت اصير كسووووووووووله مادري هاذا طبيعي والا لا المهم اني صرت اطفش من اي شغله حتى السوق تصدقون انتم مثلي والا لا

أهلين ياقلبي ندوده
شخبارج
من ناحيتي كل شي اوكي
رحت الموعد وبالمستشفى سمعتني نبض البيبي
واااااااااااااي حبيبي نبضه سرييييييييييييييع
قعدت لا شعوريا أضحك
بس مستغربه يعني ماتكتب أدويه ولا شي
حتى الفولك أسيد أول مراجعه ماكتبته لي
بس كتبت فيتامينات بعد ما انا قلت لها
وللحين تقول اكلي فواكه وخضروات تاخذين الفوليك أسيد منهم انزين انا فترة نساتي ماكنت آكل شي بس فالحه تضحك بويهي وبس مادري شلون طريقتهم الله يستر لي الولاده
شسوي الحين مادري والله كل يوم أقعد أقرا قرآن وبعدها أدعي أقول ياربي طالبتك تييبه لي سالم وبصحته وبس مابي غير جذي

السلام عليكم .. شحالكن يا المغتربات .....؟
اختي غادة الريم .. الله يتمم عليج ان شاء الله .... شوفي يمكن من ضمن الفيتامينات اللي عطتج فيه فولك اسيد في مكوناتها ... لان مش معقولة ما تاخذين فولك اسيد وانتي توج في البداية ... انا عطتني الدكتورة فيتامينات فيها فولك اسيد من قبل لا احمل بثلاث شهور ....
بس الحمدلله انج سمعت نبض البيبي وهاي احلى شي الصراحة ... وان شاء الله البيبي ما عليه الا العافية ... ولا تحاتين وايد واتغذي عدل الغالية
ندودة شحالج الغالية .... عساج طيبة ... شو الحمل معاج ... ؟

مشكورة sallami على الكلام الحلو اللي قلتيه يارب انشالله ماعليه الا العافيه

كيفكم يابنات 000000الله يقومكم بلسلامه 0000000ولا تنسون تطمنونا عليكم 00>>>>>>>>>وحده داخله عرض عليكم 000 00 الله يعينك اختي ندوده 000 كسلتي هاه ولا شريتي شي ولا جهزتي 000!!! الله يعينا على الغربه 0000000000000000000ادعولي بلذريه 00لاتنسوني 000 والله يومكم بلسلامه 00

غاده الريم مستحيل ماتعطيك حمض الفوليك اسيد :eek2: لانه ضروري للحامل وخاصه في الشهور الاولى انتي قولي لزوجك او انتي اقري المكتوب على الفيتمينات هاذي اذا مافيها لازم تسوين موعد وتطالبين فيها لانها ضروريه عشان الدماغ والظاهر انها ضروريه برضو عشان التشوهات لاسمح الله وعاد التعذيه مهمه برضو مو لازم تكثرين من الدسم اهم شئ في الفتره هاذي فواكه وخضار والله يعينك بدت اللوعه عندك والا باقي وايه على فكره انتي توك عروس صح ماكملت سنه يالله مبررررررررروك وعقبال مانقول مبرررررروك للبيبي يارب

sallami انا الحمد لله طيبه شكرا على سؤالك والحمل بعد طيب ولله الحمد عندي موعد بعد شوي ويارب يكون كل شئ سليم

ام خالد يالغاليه وينك والله الكسل عندي شئ ماتتخيلين مره كسلانه ولا ابي اسوي شئ ولا قد جهزت للبيبي ولاشئ اشتريت بس ملابس داخليه كل مره اقول هالويك اند بس لا انشاء الله هالويك اند باروح السوق والله يرزقك بالذريه يارب ونسمع فيك قريب انك حامل اميييييييييييين

والله فرحت كتير لمن شفت الموضوع انا كمان مغتربه في ولايه إلينوي في مدينه شيكاغو ،وان يادوب في شهري الثاني بس الدكتوره ما طمنتني لانو حصلي نزيف خفيف وقالت ممكن يحصلي مره ثانيه إدعو لي الله يخليكم..

الغربه كررررررررررربه
الله يعين بس