ولاده المتغربات

هاي ندوده المزيونه
انا في ولاية منيسوتا ومو عارفه يعني في مستشفى خاص بعد ؟؟؟؟؟

هلا بيك اختي غاده الريم انا سالت بس في ولايتك ماسمعت احد ولد فيها او بمعنى اصح حتى مادري وينها سمعت بكنتاكي ولدت فيها وحده اعرفها وولدت بعد في جورجيا ووحده بتكسس واكلوهوما وفيه بفرجينيا بس اظن ان كلهم والدين بمستشفيات خاصه لانه ماعندهم الا مستشفى القاعده ويسبون فيه :down:لكن جارتي ولدت في مستشفى خاص تقول عندها ممرضه مهتمه فيها وبالبيبي وتبدل ملابسها وتغسلها يعني اهتمام غيييييييييييييير انا افكر بعد اروح مستشفى خاص والله ييسر لي ولك ولجميع الحوامل ومعليش طولت عليك:smile:

اشلونكم خواتي وشخباركم عساكم بخير
بالنسبه لي انا اولد ابروحي بعد زوجي ينزلني المستشفى ويروح على طول دوامه لما اولد يدقون عليه اني ولدت لحد ينتظرني عند باب الولاده ولااحد يسأل عني حتى امي لما اولد واخلص يدقون عليها يقولون ليها افلانه اولدت هذا حال المتغربات فقد الاحبة غربه ما بال الوطن

ماشاء الله عليك يااختيumhwraa والله انك قويه بس ليه زوجك مايوقف معاك في لحظه الولاده احس الدوام لاحق عليه بس اهم شئ مايخليك بروحك والا ايش رايك

هلا فيك ندوده المزيونه

الله يتمم علينا بخير ويسهل ولادتنا
انا طبعا بولاية الكل مايعرفها ماادري بتعرفيها او لا

انا بولاية مــونتانا في بوزمان

على العموم بشوف كيف قضية الابره هذي وبخبركم وادعولنا جميعا باي حبيباتي

اهلييييييييييين اختي منار والله هاذي الولايه اول مره اسمع فيها لكن الله يوفقك ويسهل لك امورك فيها وطمنينا عليك واذا عندك معلومات عن الابره افيدينا الله يعطيك العافيه

الله يكون بعونكم وتولدون بالسلامة... انا مب مغتربة بس احس اذا حملت لما بولد قبل لا اروح المستشفى بمر اخد الوالدة وياي الله يحفظها

بس أولد بعد أسبوعين... بخبركم :cool2:

الله يقومك بالسلامه ياختي sweet وتكفين طمنينا عليك

الى اختي غاده الريم بالامس سالت جارتي اذا كانت تعرف احد ولد بولايتك والا لا قالت تعرف وحده ولدت 3 مرات بمنسوتا لكن ماتذكر في اي مستشفى وقالت ان فيه كثير عرب هناك معناته انك تقدرين تسالين عن احسن مستشفى والله يوفقك واذا عندك اساله انا موجوده وطمنينا عليك

الله يتمم ع كل حامل..

ويسر امورها ف الغربه..

ندوده المزيونه:
الى اختي غاده الريم بالامس سالت جارتي اذا كانت تعرف احد ولد بولايتك والا لا قالت تعرف وحده ولدت 3 مرات بمنسوتا لكن ماتذكر في اي مستشفى وقالت ان فيه كثير عرب هناك معناته انك تقدرين تسالين عن احسن مستشفى والله يوفقك واذا عندك اساله انا موجوده وطمنينا عليك

مرحبا يالغاليه
حلو انها تعرف 3 ولدوا يعني مو وحده على الاقل نعرف شصار معاهم
انزين انا سألت ريلي قلت له في مستشفى خاص
قال ان هذه اللي نروح لها خاص عيل شلون كل زياره ياخذون فلوس
تطمنت بصراحه لان حتى بالكويت دايما الخاص في لهم عنايه غير عن الحكومه
ومن ناحية في عرب
بصراحه ماعندي غير جارتي وصارلها 5 سنوات بأمريكا
بس ماتعرف عرب موجودين اهني
يعني هذا اللي أشوفه هني اللي حوالي كلهم أمريكان وفي جنسيات ثانيه بس مو عرب
الله يستر لازم أشوف لي أحد ويقولي عن أحسن مستشفى اهني
قبل لا أتوهق

السلام عليكم .. هلا بخواتي المغتربات .. أنا بعد مثلكن ... وان شاءالله ناوية اربي هني صحيح ما عندي حد بس البنات ما شاءالله عليهن ما قصرن هني ... والكل يمدح في الولادة بالغربة .... ومرتاحين اخر راحة .... والله ييسر امرونا انشاءالله ويقومنا بالسلامة ... ويرزقنا طفل صاحي معافي يارب

هاااااااااااااااي اختي غاده الريم كيفك وكيف حملك على فكره انت بالشمال صح كيفك مع ايام الثلج عسى بس ماتعبتي وكل الموجودين انتو اذا بغيتو تجهزوا للبيبي من متى تبدون وفين تروحون بس من بيبي ار اس والا فيه اماكن ثانيه

ويننننننننننننننننننننننننننننكم

أهلين اختي ندوده المزيونه

شلونج من ناحيتي قبل لا ايي أمريكا كنت أتمنى أشوف الثلج
بس بعد ما ييت وشفت بعيني عن جد كرهته
انا عموما أموت بشي اسمه مطر وصوته لما ينزل
واااااااااااو شي فضيع
عاد من أمس والجو يهبــــــــــــــل:up:
شي مو طبيعي
ومن ناحية الحمل الحمدلله على كل حال طبعا ما آكل الا شغلات بسيطه وموعدي انشالله يوم الاثنين
وأتمنى يبين اذا بنت ولا ولد
تخيلي كل ما أروح المول أدخل gap وأشوف ملابس البيبي أقول حق ريلي أبي أشتري وأظل أتوسل
يقولي طلعي بره المحل توج بالثالث ويقولون مو زين من الحين تشترين لما توصلين السادس أو السابع اشتري اللي تبينه:sad:
وتلاقين البوز مترين وانا طالعه من المحل خخخخخخخخ
اللي انتي ذكرتيه بيبي ار اس شفته أقصد مريت يمه بس للحين ما دخلت:no: ولا شفت شنو فيه
انشالله عن قريب أروح آخذ لي فكره عن الاغراض الموجوده فيه
يالله أنتظر أخبارج
سلام يالغاليه

انا في الغربه بس بعدني ما حملت الله يعطيني ,,, صح فيني خوف ,, بس احس اهني اهتمامهم وايد زين ,,, وحتي إذا تبين يعلمونج كيف العنايه بالطفل اتيجج وحده البيت بعد الولاده واتعلمج كل شى ,,, ما في داعي للخوف ,,, ورب العالمين ايسر وما ينسى عبده المسلم ,,, يعني الله سبحانه وتعالى ايسر الأمور وايد ... اعرف وحده حملت وربت في الغربه وألحين ما شاءالله عندها 2 وتمدحهم وايد بالعنايه ,,,

اهلييييييييييييين اختي غاده الريم انتي عكسي تماما انا مابي اشتري مع اني تقريبا بنص السابع وبديت اثقل وكل مره اقول خليها الاسبوع
الجاي وشوله العجله وزوجي متحمس ويبي يشتري العاب بعد :dd: وياحظك انك بديره ثلج حنا مايجي عندنا الثلج لكن يوم حصل زوجي اجازه في فبروري سافرنا يوم جت واشنطن العاصفه وشفته والله يهبل والمطر ماشاء الله على طول الله يعوضنا بالرياض مانشوف المطر الا سبحان الله والحمد لله الله يعوضنا خير و حملي ماشي ولله الحمد الله يتمم لنا ويقومنا بالسلامه ويرزق كل مسلمه

اختي شيخه البيت حياك الله معانا والله يرزقك بالذريه في القريب العاجل اميييييييييييييييييين وخلينا نسمع اخبارك وباقي البنات وينكم خلونا نواسي بعض انا طفشت من الغربه وانا ماصار لي الا سنه مادري كيف الي صار لهم سنين الله يكون بعونهم


تحياتي

واختي sallami هلا فيك معانا وانشاء الله نقوم كلنا بالسلامه الا انتي كم صار لك وكيفك مع الحمل عسى مو تعبانه والله يرزقنا واياك وجميع المسلمين

هاي ندوده المزيونه
اي والله الله يعينهم اللي صارلهم سنين بالغربه
انتي صارلج سنه بأمريكا ؟؟
تخيلي انا تزوجت وييت على طول أمريكا تخيلي من نص شهر 9 لي الحين يعني تقريبا 7 شهور
وانا الحين لايعه جبدي ودي أرد الكويت اليوم قبل باجر
الله يعينا ويصبرنا انشالله